དེང་རབས་བོད་ཀྱི་གཞོན་ནུ་ཚོར་ཕུལ་བའི་ཀ་རྩོམ།
ཀ་ཡེ་བོད་ཀྱི་གཞོན་ནུ་ཚོ།། ཁ་བ་ཅན་ལ་ཤ་ཚ་ན།།
ག་སར་འཁྱམས་ཉུལ་མི་བྱེད་པར།། ང་ཅག་བོད་པའི་དོན་ལ་སོམས།།
ཅ་ཅོ་མང་ན་མི་མཛེས་ཤིང་།། ཆ་ལུགས་ངན་ན་མི་ཡག་པས།།
ཇ་ཁ་ཆང་ཁ་གང་ཡིན་སར།། ཉ་དང་ཉུང་མ་མ་བསྲེས་ཤིག།
ཏཱ་ལའི་བླ་མའི་རྗེས་འབྲང་དེ།། ཐ་མལ་ལས་དང་གྱེས་ན་ཡང་།།
ད་ལྟའི་བོད་ཀྱི་བྱེད་སྟངས་འགས།། ན་སོ་རྒས་དུས་འགྱོད་ས་རེད།།
པ་སངས་ལྟ་བུའི་ལྷག་བསམ་གྱིས།། ཕ་རོལ་དགྲ་ཡང་ཚུར་བསུས་ཏེ།།
བ་གླང་དུད་འགྲོའི་ལུས་སྤང་ནས།། མ་གྱུར་དོན་ལ་མ་ནོར་རོགས།།
ཙ་རི་གངས་རི་འགྲིམ་གྱུར་ནས།། ཚ་གྲང་དཀའ་བ་མ་སྤྱད་ཀྱང་།།
ཛ་དྲག་ཆེ་བའི་བོད་ཡུལ་འདི།། ཝ་མ་ཝོལ་དུ་མ་འཇོག་རོགས།།
ཞྭ་གོས་བཟང་ངན་མ་རྩོད་པར།། ཟ་མའི་ཕོ་བ་བགྲང་ཙམ་གྱིས།།
འ་ཅག་བདེན་དོན་བརྩོན་གྱུར་ཚེ།། ཡ་རབས་དམ་པའི་རྗེས་འབྲང་ཡིན།།
ར་སོགས་གཙོས་པའི་དུད་འགྲོ་རྣམས།། ལ་ལུང་གང་སར་བསད་པ་ཡིས།།
ཤ་ཡིས་ཚིམས་པ་མ་བྱས་པར།། ས་ཐོབ་སེམས་དགྲ་ལས་དེ་སྤོངས།།
ཧ་ཧ་དགོད་སྒྲ་སྐྱིད་སྣང་ཡང་།། ཨ་མའི་བསྐྱེད་པའི་བཀའ་དྲིན་ལ།།
ཧ་ཅང་སྣང་མེད་བྱས་གྱུར་ཚེ།། ཨ་མ་གྲོངས་རྗེས་འགྱོད་ཀྱང་འཕྱི།།
ས་ཡ་དྲུག་གི་བུ་གླིང་ཚ་ཚེ་བརྟན་རྡོ་རྗེས་བལ་ཡུལ་བཙོན་ནས།། དྲུང་ཡིག་དོན་ལྡན་ནས།
ལེགས་སོ་ཡོད། བཙོན་ནས་མྱུར་ཏུ་གློད་གྲོལ་ཡོང་བའི་རེ་བ་དང་བཅས།
བོད་ཞི་བའི་འཐབ་རྩོད་པ་གླིང་ཚ་ཚེ་བརྟན་རྡོ་རྗེའི་ཞི་བའི་ངག་བཅད་བྱས་ཏེ་ཟླ་གཉིས་འགྲོ་བཞིན་ཡོད། ཁོང་གི་སྐུ་གཟུགས་སོགས་བདེ་ཐང་ཡིན་ལ་གང་མགྱོགས་གློད་གྲོལ་ཡོང་བའི་འབད་བརྩོན་བྱེད་བཞིན་ཡོད།