མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

སློབ་དཔོན་རོ་ཆེ་ཡིས་མཐོ་སྒང་བོད་ཀྱི་སྐད་ཡིག་ཉམས་རྒུད་འགྲོ་བ་མཁྱེན།

བོད་ཀྱི་དུས་བབ།
༢༠༡༧/༠༨/༠༡
Share on FacebookShare on TwitterShare on EmailShare on Whatsapp

ཀིམ་ཇི་རིཀ་(Kim Jirik)ཡིས་སྤེལ།
སྐལ་ལྡན་གྱིས་བསྒྱུར།

ཨོ་སི་ཊོ་ལི་ཡའི་མི་རྒྱུད་རིག་པ་ཞིག་བོད་ཀྱི་ས་ཁུལ་ཁག་ཏུ་ཕེབས་ཏེ། ལྷག་བསམ་དང་འདུན་པ་དྲག་པོས་ཁུལ་དེའི་སྐད་ཡིག་སྲུང་སྐྱོབ་དང་ཉར་ཚགས་བྱེད་པའི་ལས་གཞི་ཞིག་དབུ་འཛུགས་གནང་ཡོད། ཨོ་སི་ཊོ་ལ་ཡའི་གདོད་མའི་སྐད་རིགས་མང་པོ་རྩ་བརླག་ཏུ་ཕྱིན་པའི་ཤུགས་རྐྱེན་གྱིས་ལས་གཞི་དེ་དབུ་འཛུགས་གནང་བ་ཞིག་ཡིན།

མལ་བྷོན་གཙུག་ལག་སློབ་གྲྭའི་(University of Melbourne)ནང་གི་སློབ་དཔོན་ཇི་རོལ་རོ་ཆེ་(Gerald Roche)ཡི་ཡིག་ཚང་གི་དཔེ་སྒྲོམ་སྟེང་། ཐུམ་སྒྲིལ་དམ་པོར་བྱས་ཤིང་ཐམ་ཀ་བརྒྱབ་པའི་འོད་སྡེར་(minidiscs)ཆུང་བ་ཆག་པ་གཅིག་བཞག་འདུག

སློབ་དཔོན་རོ་ཆེ་ཡིས་ “སྐབས་དེར་(iPods)ཁྲོམ་རྭར་ཐོན་ཟིན་པས་མི་ཚང་མས་འོད་སྡེར་ཆུང་བ་བེད་སྤྱོད་མི་གཏོང་བར་ཕྱིར་གཡུག་གི་འདུག དེར་བརྟེན། ངས་ཆག་པ་ཞིག་ཉར་འཇོག་བྱས་པ་ཡིན།” ཅེས་གསུངས། འོད་སྡེར་དེ་དག་ནང་བརྙན་ལེན་སྒྲ་ཕབ་བྱས་པའི་མཐོ་སྒང་བོད་ཀྱི་སྐད་ཡིག་དང་། རྒྱུན་སྲོལ་ཁ་སྐད་འདྲ་མིན། རོལ་དབྱངས་སོགས་ཉར་ཚགས་གནང་ཡོད།

བོད་ཀྱི་ས་ཁུལ་དུ་འགྲིམ་འགྲུལ་གནང་བ་དེས་སློབ་དཔོན་རོ་ཆེ་མུ་འཐུད་ཁུལ་དེར་བཞུགས་པའི་སྤྲོ་བ་འཕེལ།

བོད་ཁུལ་གྱི་སྐད་རིགས་སྣ་མང་གི་རང་བཞིན་དེ་སློབ་དཔོན་རོ་ཆེ་ཐོག་མར་ཕེབས་སྐབས་མཁྱེན་རྟོགས་ཡོད་པ་ཞིག་མིན་ལ། སྐད་རིགས་དེ་དག་གཅེས་སྤྲས་རྒྱུད་འཛིན་གྱི་ལས་དོན་ལ་ཞུགས་པ་དེ་ཡང་ཁོང་གི་ཐོག་མའི་ཐུགས་འདུན་ཞིག་དེ་བས་མིན། ཁོང་རྒྱ་ནག་ཏུ་ཐོག་མར་གཟིགས་སྐོར་ལ་ཕེབས་ཏེ་རང་ཡུལ་དུ་ཕྱིར་ལོག་གནང་སྐབས། བོད་མཐོ་སྒང་དུ་འགྲིམ་འགྲུལ་བྱས་ཏེ་ཕྱིར་ལོག་བྱེད་པའི་ཨོ་སི་ཊོ་ལི་ཡའི་འཁྲུངས་ཡུལ་གཅིག་པ་ཞིག་ལམ་བར་དུ་མཇལ་འཕྲད་བྱུང་། མི་དེས་ཁོང་ལ་བོད་ཀྱི་ཡུལ་ལྗོངས་ཀྱི་མཛེས་སྡུག་དང་སྐད་ཡིག་རིག་གཞུང་སྐོར་གྱི་ལོ་རྒྱུས་མང་དག་ཅིག་འགྲེལ་བརྗོད་བྱས།

ཁོང་ཐེངས་རྗེས་མར་རྒྱ་ནག་ཏུ་བསྐྱོད་སྐབས། འཆར་སྣང་མི་འདྲ་བ་ཞིག་དང་ལྷན་དུ་དེ་སྔོན་ལོ་རྒྱུས་མང་པོ་གོ་ཐོས་བྱུང་བའི་ས་ཁུལ་དེར་ཕེབས། འོན་ཀྱང་ཁོང་ལ་ཡོད་པ་ནི་སྔར་གྱི་ལོ་རྒྱུས་ཀྱི་རྒྱབ་རྟེན་ཙམ་ལས། རྒྱ་སྐད་དང་བོད་སྐད་གཉིས་ཀ་མཁྱེན་གྱི་མེད་པ་རེད། ཁོང་གིས་ “ང་རྒྱ་ནག་ཏུ་ཡོད་སྐབས་ཁྲིན་ཏུའུ་རུ་འགྲོ་འདོད་བྱུང་། ཁྲིན་ཏུའུ་ནི་བོད་ཀྱི་ས་ཁུལ་མང་པོར་འགྲོ་བའི་ས་ཚིགས་དེ་རེད།” ཅེས་དང་། “ངས་འགྲིམ་འགྲུལ་ལག་དེབ་ཀྱི་ནང་ནས་ཁྲིན་ཏུའུ་ཞེས་པའི་རྒྱ་ཡིག་གི་ཡིག་འབྲུ་དེ་ཤོག་བུ་ཞིག་གི་སྟེང་བྲིས་ཏེ། མེ་འཁོར་གྱི་སྒེའུ་ཁུང་ལས་འགྲུལ་པ་རྣམས་ལ་བསྟན་པ་ཡིན།” གསུངས།

ཁོང་གིས་བོད་ཁུལ་གྱི་ས་ཁུལ་ཇི་ཙམ་མང་བ་འགྲིམ་པ་དེ་ཙམ་གྱིས་དགའ་ཞེན་ཆེ་རུ་ཕྱིན་པ་དང་། མི་རིང་བར་བོད་ཁུལ་གྱི་མཐོ་རིམ་སློབ་གྲྭ་ཞིག་ཏུ་དབྱིན་ཡིག་སློབ་ཁྲིད་གནང་ནས་བཞུགས། འོན་ཀྱང་ཁོང་གི་མི་རྒྱུད་དཔྱད་ཞིབ་རིག་པའི་རྒྱབ་ལྗོངས་དེས་ཁུལ་དེའི་སྐད་རིགས་ལ་ཞིབ་འཇུག་དང་། བརྙན་ལེན་སྒྲ་ཕབ་གནང་བའི་འདུན་པ་འགོག་མེད་དུ་སྐྱེས། སློབ་དཔོན་རོ་ཆེ་ཡིས་ “ཡུལ་སྲོལ་གོམས་གཤིས་ལ་རྒྱུས་མངའ་དང་མི་སྣ་ཐུག་འཕྲད། ཕན་ཚུན་འབྲེལ་ལམ་བཟོ་བ། ཁུལ་དེར་གནད་དོན་གང་ཞིག་འབྱུང་མིན་ཞིབ་པར་ཤེས་རྟོགས། བར་དུ་ལམ་འགྲོ་ཅི་ཞིག་འབྱུང་མིན་སོགས་ཀྱི་རྒྱུད་རིམ་ནི་ཧ་ཅང་རིང་པོ་ཞིག་རེད།” ཅེས་བརྗོད།

སྐད་རིགས་སྣ་ཚོགས་ཀྱིས་ཕྱུག་པའི་ཡུལ་ལྗོངས།

སློབ་དཔོན་རོ་ཆེ་ཡིས་བོད་ཁུལ་གྱི་སྐད་རིགས་བརྙན་ལེན་སྒྲ་ཕབ་ཀྱི་ལས་གཞི་དང་ཞིབ་འཇུག་དེར། ཁོང་གིས་སློབ་ཁྲིད་གནང་ཡུལ་མཐོ་རིམ་སློབ་གྲྭ་དེས་རོགས་རམ་ཞུས་ཡོད་པ་མ་ཟད། ཕྱིས་སུ་མཉམ་འབྲེལ་རྒྱལ་ཚོགས་ཤེས་ཡོན་དང་ཚན་རིག་རིག་གཞུང་(UNESCO)ཚན་པས་འགྲོ་གྲོན་རོགས་དངུལ་བཏང་ཡོད། འོན་ཀྱང་ལས་གཞི་དེ་བཞིན་ཐོག་མའི་ཆར་ཁོང་སྐུ་ཉིད་ཀྱིས་ཧུར་སྐྱེད་གནང་བ་ཞིག་ཡིན། ཁོང་གིས་ “ངས་ལས་གཞི་དེ་ཧ་ཅང་གལ་ཆེན་པོར་ངོས་འཛིན་བྱས་པ་ཡིན་ལ། རང་ཉིད་ཀྱིས་བྱེད་ཐུབ་པ་ཞིག་ཡིན་སྟབས་ལག་ལེན་ཡང་བྱས་པ་ཡིན།” ཞེས་གསུངས།

སློབ་དཔོན་རོ་ཆེས་སྐད་ཡིག་ཞིབ་འཇུག་གནང་སའི་ས་ཁུལ་ཁག་ཕྱོགས་སྟོན་གནང་བཞིན་པ།

ཁོང་གིས་དབྱིན་ཡིག་སློབ་ཁྲིད་དང་ལྷན་དུ་འབྲེལ་ཡོད་གནས་ཚུལ་མང་པོ་མཁོ་སྒྲུབ་གནང་ཐུབ་པ་བྱུང་ཡོད། གང་ལགས་ཤེ་ན། སློབ་ཕྲུག་ཚོས་དབྱིན་སྐད་ཐོག་ཕན་ཚུན་གཏམ་གླེང་བྱེད་སྐབས། རང་ཉིད་ཀྱི་ཡུལ་སྲོལ་གོམས་གཤིས་སྐོར་གླེང་འཇུག་གི་ཡོད། ཐབས་ལམ་དེས་སློབ་ཕྲུག་ཚོར་དབྱིན་སྐད་བཀོལ་སྤྱོད་བྱེད་པར་སྐུལ་མ་གཏོང་ཐུབ་པ་བྱུང་བ་མ་ཟད། གཏམ་གླེང་དོན་སྙིང་ལྡན་པ་ཡོང་གི་ཡོད་པ་རེད།

སློབ་དཔོན་རོ་ཆེ་ཡིས་བོད་ས་ཁྱོན་ཡོངས་ཀྱི་ཡིག་གཟུགས་གཅིག་མཚུངས་ཡིན་རུང་། ས་གནས་དང་གྲོང་ཚོ་སྡེ་བ་སོ་སོའི་ཡུལ་སྐད་སྣ་འཛོམས་ཡིན་པ་མ་ཟད། ཕན་ཚུན་ཁྱད་པར་ཆེན་པོ་འདུག་ཅེས་གསུངས། རྒྱ་སྐད་རྒྱ་ཁྱབ་ཏུ་བཀོལ་སྤྱོད་དང་། བོད་ཡིག་གྲངས་ཉུང་མི་རིགས་ཀྱི་སྐད་ཡིག་གི་འདུ་ཤེས་ཀྱིས། བོད་རང་སྐྱོང་ལྗོངས་ས་ཁུལ་དུ་གཞུང་འབྲེལ་ཡི་གེ་བོད་ཡིག་བོད་མིའི་ཁྲོད་བཀོལ་སྤྱོད་བྱེད་པ་ཉུང་ཉུང་ཡིན།

ཁོང་གིས་ “བོད་ཀྱི་སྐད་ཡིག་ནི་འཇིག་ཉེན་ཆེ་བའི་སྐད་ཡིག་ཅིག་ཡིན། འོན་ཀྱང་སྐད་ཡིག་དེ་གོང་འཕེལ་དང་རྒྱ་སྐྱེད་འགྲོ་བཞིན་པའི་སྐད་ཡིག་ཅིག་དང་། སྐད་ཡིག་གཞན་གྱི་ཚབ་བྱེད་པའི་སྐད་ཡིག་ཅིག་ཀྱང་ཡིན། དེར་བརྟེན། དེ་གཉིས་ཀྱི་བར་ན་དམིགས་བསལ་དོ་སྣང་བྱེད་འོས་པའི་འགལ་ཟླ་ཞིག་ཀྱང་ཡོད” ཅེས་གསུངས།

བོད་ཀྱི་ས་ཁུལ་ཁག་གི་སྐད་རིགས་མི་འདྲ་བ་སྟོན་པའི་ས་ཁྲ།

སློབ་དཔོན་རོ་ཆེ་ཡིས་གྲངས་ཉུང་མི་རིགས་བྱེ་བྲག་ཅིག་གི་སྐད་ཡིག་ཞིབ་འཇུག་གི་རྒྱུད་རིམ་ཁྲོད། བོད་པའི་ས་གནས་སོ་སོའི་ཡུལ་སྐད་ལས་ལྡོག་སྟེ། མི་རབས་རྒན་པ་རྣམས་ཀྱིས་བོད་ཀྱི་སྐད་ཡིག་མི་རབས་གཞོན་པར་བརྒྱུད་སྤྲོད་བྱེད་ཀྱི་ཡོད་པ་ཡང་མཁྱེན་རྟོགས་བྱུང་ཡོད། ཁྱིམ་རྒྱུད་ཀྱི་མི་རབས་གསུམ་པ་ཙམ་ནས་རང་ཉིད་ཀྱི་ཡུལ་སྐད་ཕྲུ་གུར་བརྒྱུད་སྤྲོད་བྱེད་ཀྱི་མེད། ཁོང་གིས་ “དེར་བརྟེན་ལས་གཞིའི་འཕྲོས་ལུས་རྣམས་མི་རྣམས་ཀྱིས་རང་ཉིད་ཀྱི་ཡུལ་སྐད་དམ་ཁ་སྐད་ཕྲུ་གུ་རྣམས་ལ་བརྒྱུད་སྤྲོད་མི་བྱེད་པའི་རྒྱུ་རྐྱེན་འཚོལ་ཞིབ་བྱེད་རྒྱུ་དེ་རེད།” ཅེས་གསུངས།

མདོ་སྨད་རེབ་གོང་གི་གྲོང་ཚོ་ལྟ་བུར་མཚོན་ན། མྱུར་ཚད་མཐོན་པོར་གྲོང་ཁྱེར་གྱི་རྣམ་པར་སྒྱུར་བཞིན་ཡོད་སྟབས། ཡུལ་སྐད་སྣ་ཚོགས་ཀྱིས་ཕྱུག་པའི་གྲོང་ཚོ་ཆུང་ཆུང་རྣམས་རིམ་བཞིན་གྲོང་ཁྱེར་གྱིས་ཁྱུར་མིད་བཏང་བ་དང་། གང་སར་ཚོམ་བུར་གནས་པའི་གྲོང་གསེབ་རྣམས་ད་ཆ་ཐོག་རྩེག་ཅན་གྱི་ཁང་བཟང་དང་། རྒྱ་ཆེའི་གཞུང་ལམ། དཔངས་མཐོ་བའི་ཟམ་ཆེན་གྱིས་ཁེངས་ཡོད།

ཁོང་གིས་ “གྲོང་གསེབ་རྣམས་སུ་གསོན་པོར་གནས་པའི་སྐད་ཡིག་དག་ཉིན་ལྟར་ཕན་ཚུན་བཀོལ་སྤྱོད་བྱེད་ཀྱི་ཡོད་སྟབས། མུ་འཐུད་འཚོ་གནས་བྱེད་ཐུབ་པ་མ་ཟད་འཕེལ་རྒྱས་འགྲོ་བ་ཡིན།” ཞེས་དང་། “གལ་ཏེ་གྲོང་གསེབ་དེ་དག་གྲོང་ཁྱེར་གྱིས་བཟས་པའི་དབང་དུ་བཏང་ན། ཁོ་ཚོའི་འཚོ་བའི་རྟེན་གཞི་དང་སྐད་ཡིག་གཉིས་ཀ་བརླག་པ་དང་། ལས་ཀ་བྱ་ཡུལ་དང་ལས་ཀའི་ངོ་བོ་སོགས་འཕོ་འགྱུར་གྱིས་བཀོལ་སྤྱོད་བྱེད་པའི་ཡུལ་སྐད་ཀྱང་འགྱུར་བ་འགྲོ་བ་མ་ཟད། མཐར་བོད་སྐད་དང་རྒྱ་སྐད་གང་རུང་བཀོལ་སྤྱོད་བྱེད་རྒྱུ་དེ་ཡིན།” ཞེས་གསུངས།

སློབ་དཔོན་རོ་ཆེ་ཡི་ལས་འཆར་གྱི་དམིགས་ཡུལ་གཙོ་བོ་ནི་འཇིག་ལ་ཉེ་བའི་སྐད་རིགས་ལ་དོ་སྣང་དང་། བོད་ཁུལ་དང་འབྲེལ་ཡོད་ཨོ་སི་ཊོ་ལི་ཡའི་ཚོགས་སྡེ་ཁག་གིས། སྣ་མང་སྐད་རིགས་སྲུང་སྐྱོབ་ཀྱི་ལས་ལ་རོགས་རམ་དང་གཞོགས་འདེགས་བྱེད་པའི་སྐུལ་མ་གཏོང་རྒྱུ་དེ་རེད།

ཁོང་གིས་ “མི་རིགས་གཅིག་དང་སྐད་ཡིག་གཅིག་གི་ལྟ་བ་ཁྱབ་སྤེལ་བྱེད་པའི་ཚོགས་སྡེར་མཉམ་ཞུགས་བྱེད་པའི་ཨོ་སི་ཊོ་ལི་ཡའི་མི་རྣམས་ཀྱིས། ལྟ་ཚུལ་དེར་འགྱུར་བ་བཏང་སྟེ། བོད་མིའི་ཁྲོད་རིག་གཞུང་སྣ་མང་དང་སྐད་རིགས་སྣ་མང་ལ་ངོས་འཛིན་དང་ཆེ་མཐོང་སྤྲོད་པའི་ལས་དོན་ལ་མཉམ་ཞུགས་བྱེད་དགོས་སྙམ་གྱི་འདུག” ཅེས་གསུངས།

ཨོ་སི་ཊོ་ལི་ཡའི་གདོད་མའི་སྐད་ཡིག་ལས་སློབ་གསོ།

སློབ་དཔོན་རོ་ཆེ་ཡི་མི་རྒྱུད་དཔྱད་ཞིབ་རིག་པ་དང་། སྐད་རིགས་འདྲ་མིན་ཐོག་ཞིབ་འཇུག་གནང་བའི་དགའ་ཞེན་དེ་ཆུང་དུས་ཨོ་སི་ཊོ་ལིའི་གྲོང་གསེབ་ཏུ་འཚར་ལོངས་བྱུང་བས་ཡིན། དགུང་ན་སོན་སྐབས་ཨོ་སི་ཊོ་ལི་ཡའི་གྲོང་ཁྱེར་དང་གྲོང་གསེབ་ཁག་བར་འགྲོ་སྐྱོད་གནང་ནས་བཞུགས་ཡོད། ཁོང་གིས་ “ཨོ་སི་ཊོ་ལི་ཡའི་མི་རྒྱུད་དངོས་ལ་རྒྱུས་མངའ་དང་། མི་སེར་སྤེལ་བའི་ལམ་ལུགས་ཀྱིས་དེ་དག་ལ་ཤུགས་རྐྱེན་ཇི་ཙམ་སྤྲད་པ་ཤེས་རྟོགས་ཡོད་སྟབས། ངས་དྲང་བདེན་གྱི་སྤྱི་ཚོགས་དང་། མི་སེར་སྤེལ་བའི་སྲིད་ཇུས། སྤྱི་ཚོགས་མཉམ་མཐུན་སོགས་ཀྱི་གནད་དོན་ཐོག་དགའ་ཞེན་ཆེན་པོས་ཞིབ་འཇུག་བྱེད་མགོ་བཙུགས་པ་ཡིན།” ཞེས་གསུངས།

ཨོ་སི་ཊོ་ལི་ཡའི་ས་སྐྱེས་རྡོ་སྐྱེས་ཀྱི་སྐད་རིགས་བརྒྱ་ཕྲག་གར་སོང་ཆ་མེད་དུ་གྱུར་བ་དེས། ཁོང་གིས་བོད་ཀྱི་སྐད་ཡིག་སྲུང་སྐྱོབ་བྱེད་རྒྱུ་གལ་འགངས་ཆེ་བའི་དགོངས་པ་བཞེས་ཡོད་པ་རེད། ཁོང་གིས་ “ཨོ་སི་ཊོ་ལི་ཡའི་ཐབས་སྡུག་གི་གནས་བབ་བཞིན་ད་ལྟ་བོད་དུ་འབྱུང་རྒྱུ་རེད། སྐད་རིགས་དེ་དག་ད་ལྟའང་བརྒྱུད་སྤྲོད་བྱེད་མུས་ཡིན་ལ། བཀོལ་སྤྱོད་བྱེད་པའི་གྲོང་སྡེ་དང་མི་འབོར་ཡང་གཞི་རྒྱ་ཆེན་པོ་ཡོད།” ཅེས་གསུངས།

མི་རྒྱུད་དཔྱད་རིག་པ་སློབ་དཔོན་ཇི་རོལ་རོ་ཆེ་མལ་བྷོན་གཙུག་ཁང་དུ།

སློབ་དཔོན་རོ་ཆེ་ཡིས་རྒྱ་འོག་གི་བོད་ཀྱི་ས་ཁུལ་ཁག་གི་བོད་མི་རྣམས་དང་། ཨོ་སི་ཊོ་ལི་ཡའི་གདོད་མིའི་མི་རིགས་ཀྱི་རྒྱུད་པ་རྣམས་ཀྱིས་ཕན་ཚུན་གྱི་ཉམས་མྱོང་ལས་སློབ་སྦྱོང་བྱེད་རྒྱུ་ཡོད་པར་ངོས་འཛིན་གནང་གི་ཡོད། ཁོང་གིས་ “ངས་རྒྱ་ནག་དང་ཨོ་སི་ཊོ་ལི་ཡའི་སྐད་ཡིག་གི་སྡེ་ཚོ་གཉིས་ཀྱི་བར། གཉིས་ཕན་གྱི་མཉམ་ལས་གོང་ནས་གོང་དུ་འཕེལ་བའི་རེ་བ་བྱེད་ཀྱི་ཡོད།” ཅེས་དང་། “མཉམ་ལས་དེས་བོད་ཀྱི་ད་ལྟའི་གནས་བབ་ལ་ཕན་ཐོགས་ཡོང་ངེས་ཡིན་ལ། ཕྱོགས་གཞན་དང་གཞན་དུ་ཡང་ཁ་ཕྱོགས་ཤིག་སྟོན་ཐུབ་པ་ཡོང་ངེས་ཡིན།” ཞེས་གསུངས།

མཆན། སློབ་དཔོན་ཇི་རོལ་རོ་ཆེ་ནི་ཨོ་སི་ཊོ་ལི་ཡའི་མལ་བྷོན་གཙུག་ལག་སློབ་གྲྭའི་ཨེ་ཤ་ཡ་ཚན་པའི་ཞིབ་འཇུག་པ་ཞིག་ཡིན་པ་དང་། ཁོང་གི་ཞིབ་འཇུག་གི་དམིགས་འབེན་གཙོ་བོ་རྒྱ་འོག་གི་བོད་ཀྱི་ཡུལ་གྲུའི་ཕུན་སུམ་ཚོགས་པའི་རིག་གཞུང་དང་སྐད་ཡིག་དུས་རབས་ཉེར་ཅིག་པར་འཕོ་འགྱུར་ཇི་ལྟར་འགྲོ་མིན་དཔྱད་ཞིབ་གནང་རྒྱུ་དེ་ཡིན།

མ་ཡིག་འབྲེལ་ཐག http://www.australiaplus.com/international/study-and-innovation/languages-languishing-on-the-tibetan-plateau-find-an-australian/8746446

འབྲེལ་ཡོད་གསར་འགྱུར།

རྔ་བ་རྫོང་ཨ་འདུས་དགོན་པ། པར་འབྲེལ་ཡོད་ནས་འདི་གར་མཁོ་སྤྲོད་གནང་།
Mobile App

༧སྐུའི་གོ་སྟོན་གྱི་ཚབ་མཚོན་དབུ་ཞྭ་ཁྱབ་བསྒྲགས་བྱས་རྐྱེན་དགེ་འདུན་པ་ཞིག་འཛིན་བཟུང་བྱས།

ཆུ་ཚོད་ ༣ སྔོན་ལ།
On 27 July 2025, His Holiness the 14th Dalai Lama met Czech President Petr Pavel at Shewatsel Phodrang in Leh, Ladakh. Photo Credit: Office of the Dalai Lama
༸གོང་ས་མཆོག གསར་འགྱུར།

ཅེཀ་སྲིད་འཛིན་གྱིས་༧གོང་ས་མཆོག་ལ་མཇལ་ཁ་ཞུས་པར་སྐྱོན་བརྗོད་བྱས་འདུག

ཆུ་ཚོད་ ༤ སྔོན་ལ།
དྲ་ལམ་གྱི་པར།
Mobile App

ཧྲའོ་ལིན་དགོན་པའི་མཁན་པོ་ཁྲིམས་ལ་སྦྱར།

ཆུ་ཚོད་ ༤ སྔོན་ལ།
Front Slider

༧རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཐུགས་དགོངས་དང་དེའི་གལ་གནད་སྐོར་ལ་གླེང་མོལ།

༢༠༢༥/༠༧/༢༦
Mobile App

དྷ་ས་ཁུལ་གྱི་ཁང་རྙིང་དག་ལ་ཀ་བ་ཡོད་མེད་སོགས་ཞིབ་འཇུག་གནང་གལ་ཆེ་སྐོར་བརྗོད་སོང་།

༢༠༢༥/༠༧/༢༥
༧གོང་ས་མཆོག་ནས་ཟངས་དཀར་དུ་ལམ་གཙོ་རྣམ་གསུམ་གྱི་བཀའ་ཆོས་སྩལ།༢༠༢༥།༠༧།༢༥ དུས་བབ་ཀྱི་པར།
༸གོང་ས་མཆོག གསར་འགྱུར།

བོད་ནང་དུས་ལོག་བྱུང་སྐབས་ཐོས་བསམ་སྒོམ་གསུམ་ཡ་མ་བྲལ་བ་བྱས་པར་ཧ་ཅང་ཕན་ཐོགས་བྱུང་ཞེས་གསུངས།

༢༠༢༥/༠༧/༢༥

མཆན། 3

  1. ལྷ་བུ། says:
    ལོ་ 8 སྔོན།

    ངོ་མ་འུ་ཅག་གིས་སློབ་དཔོན་རོ་ཆེ་ལགས་སུ་བཀྲིན་ཞུ་རྒྱུ་ལས་མི་འདུག་ཁོང་གིས་འབད་བརྩོན་གནང་བ་འདི་མི་རིགས་ཉམ་ཆུང་ཞིག་ལ་འདི་འདྲ་རོགས་གནང་བ་འདྲ་བོ་ཡང་དཔེ་བཟང་ཅན་ཞིག་ཏུ་ངོས་འཛིན་འོས་པ་རེད། འུ་ཅག་གི་ཡང་མ་ཤེས་པ་དང་མ་རྟོགས་པ་མ་ཡིན་འོན་ཀྱང་རང་དབང་དང་འདྲ་མཉམ་མེད་ཙང་མ་ནུས་པ་རེད་འདོད།

    Reply
  2. ན་ག་སངས་རྒྱས་བསྟན་དར། says:
    ལོ་ 8 སྔོན།

    སློབ་དཔོན་རོ་ཆེ་ལགས། བཀའ་དྲིན་ཤིན་ཏུ་ཆེ། ན་གས་ཕུལ།།

    Reply
  3. གཞུང་པ་ཚེ་དབང་བསོད་ནམས་ says:
    ལོ་ 8 སྔོན།

    འཇིག་རྟེན་འདིར་འགྱུར་ལྡོག་མེད་པ་རྟའག་ཏུ་གནས་པའི་དངོས་པོ་གཅིག་ཀྱང་མེད་ལ་ནམ་ཞིག་སའི་གོ་ལ་འཇིག་རྟེན་འདི་ཡང་འཇིག་རྒྱུ་ཡིན་པ་གཏན་འཁེལ་བ་དང་མི་རིགས་ཞིག་ལ་རྡོ་ཕོག་འགྲོ་དུས་མི་རིགས་དེའི་སྐད་ཡིག་དང་རིག་གཞུང་བཅས་པར་རྡོ་ ཕོག་དང་ཉམས་རྒུད་འགྲོ་བ་ཆོས་ཉིད་རེད་ལ་མི་རིགས་ལ་རྡོ་ཕོག་མེད་པ་རྒྱུན་གནས་ཐུབ་ཚེ་མི་རིགས་དེའི་སྐད་ཡིག་དང་རིགས་གཞུང་རྒྱུན་གནས་ཐུབ་པ་དང་ང་ཚོ་བོད་ལ་རྒྱ་མིའི་བཙན་གནོན་བཏང་ནས་བོད་ཀྱིས་ཕྱི་ནང་གི་སྣོད་བཅུད་ཡོངས་རྫོགས་རྒྱ་ཡིས་རྩ་མེད་བཏང་ནས་བོད་མི་ཚོ་གཞིས་བྱེས་གཉིས་ལ་ཁ་འཐོར་ནས་བོད་མིའི་སྐད་ཡིག་དང་རིག་གཞུང་བོད་མི་རིགས་དང་བཅས་པར་ཉམས་ཆགས་ཆེན་པོ་ཐེབས་ཡོད་པ་ནས་བོད་མིའི་སྐད་ཡིག་དང་རིག་གཞུང་བཅས་པ་ཉེན་ཁའི་ནང་ལྷག་ཡོད་པ་ནི་ལོང་བས་བལྟས་ཀྱང་ཁམས་གསུམ་གྱི་དཔེ་ལྟར་མ་རེད་དམ་?

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese