སྔ་གཞུག་ཏུ་ཁྱོན་མི་ངོ་བཅུ་དྲུག་ཙམ་རིང་བཙོན་ཁང་དུ་སྡུག་སྦྱོང་མནར་གཅོད་མྱངས་བའི་བོད་ཀྱི་ཆབ་སྲིད་བཙོན་པ་བསོད་ནམས་རྒྱལ་པོ་ལགས་བཙོན་གྲོལ་ཐོབ་ཡོད་འདུག
བོད་ཀྱི་དགུ་བཅུ་གསུམ་ལས་འགུལ་ཚོགས་པར་ཁུངས་ལྡན་གནས་ཚུལ་འབྱོར་བ་ལྟར་ན། ཕྱི་ཟླ་ ༨ ཚེས་ ༢༧ ཉིན། བོད་ཀྱི་ཆབ་སྲིད་བཙོན་པ་བསོད་ནམས་རྒྱལ་པོ་ལགས་བཙོན་གྲོལ་ཐོབ་ཡོད་པ་དང་། ད་ལྟའི་ཆར་ཁོང་གི་སྐུ་གཟུགས་གནས་སྟངས་གང་འདྲ་ཡོད་སོགས་ཞིབ་ཕྲའི་གནས་ཚུལ་ཤེས་རྟོགས་ཐུབ་ཀྱི་མེད་པ་རེད།
བསོད་ནམས་རྒྱལ་པོ་ལགས་ནི་ད་ལྟའི་བོད་རང་སྐྱོང་ལྗོངས་ཟེར་བའི་ཁོངས་གཏོགས་ལྷོ་ཁ་ས་ཁུལ་སྣ་དཀར་བརྩེ་རྫོང་། ཡར་འབྲོག་ཁུལ་ནས་ཡིན་པ་དང། ཕྱི་ལོ་ ༡༩༨༧ ཟླ་ ༩ ཚེས་ ༢༧ ཉིན་གྱི་ཞི་རྒོལ་ལས་འགུལ་ནང་མཉམ་ཞུགས་གནང་བའི་རྐྱེན་གྱིས། རྒྱ་ནག་གཞུང་གིས་ཁོང་འཛིན་བཟུང་བྱས་ཏེ་མི་ལོ་གསུམ་གྱི་བཙོན་འཇུག་ཁྲིམས་ཐག་བཅད་དེ་ཕྱིས་སུ་བཙོན་གྲོལ་ཐོབ། ཕྱི་་ལོ་ ༡༩༩༢ ཟླ་ ༧ ནང་ཡང་བསྐྱར་འཛིན་བཟུང་བྱས་ཏེ་ལོ་གཅིག་ལྷག་རིང་བཙོན་འཇུག་བྱས། ཕྱི་ལོ་ ༢༠༠༦ ལོར་ཡང་བསྐྱར་ཁོང་འཛིན་བཟུང་བྱས་ཏེ་མི་ལོ་ ༡༢ ཀྱི་བཙོན་འཇུག་ཁྲིམས་ཐག་བཅད་ཡོད་འདུག
རྒྱ་ནག་གཞུང་གིས་སྔ་གཞུག་ཐེངས་གསུམ་ལ་ཁོང་འཛིན་བཟུང་བྱས་ཏེ་གཅར་རྡུང་མནར་གཅོད་བཏང་ཡོད་པ་མ་ཟད། ཆབ་སྲིད་ཀྱི་ཉེས་མིང་འོག་ཁྱོན་མི་ལོ་ ༡༦ ཙམ་རིང་ཁོང་གིས་བཙོན་ཁང་དུ་སྡུག་སྦྱོང་མནར་གཅོད་མྱངས་ཡོད་འདུག
གསར་འགོད་པ། པདྨ་མཚོ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
We here exiled Tibetan people should look on face of Mr.Sonam gyalpo la and must to consider that why these peoples sacrificed their precious life in critical condition but in here we are quarrelling each other in our community why ???