དོན་དངོས་ཤེས་རྟོགས་བྱེད་པའི་ཐོབ་ཐང་ཆ་ཚང་མི་མང་ལ་ཡོད། 

ཅི་ཞིག་ལ་སྨྲ་བརྗོད་རང་དབང་ཟེར། གང་བཤད་ཆོག་པ་དང་གང་བཤད་མི་ཆོག་པའི་ཁྲིམས་ཡིག་ཡོད་དམ། སྨྲ་བརྗོད་རང་དབང་ཡིན་མིན་གྱི་ས་མཚམས་གང་ནས་འཇོག་དགོས་སམ། ང་ཚོ་ལ་སྨྲ་བརྗོད་རང་དབང་ཡོད་དམ། སོ་སོའི་སྐད་ཆ་སོ་སོས་འགན་ཁུར་བ་དང་། ཁྲིམས་ཐོག་ནས་འགན་ལེན་བྱེད་ཐུབ་པ་ཡིན་ན་དེས་འཐུས་སམ། འདི་ལྟར་བསམ་བློ་བཏང་ནས་ཁ་རྩོད་བྱེད་མཁན་ཚོའི་སྨྲ་བ་ཉུང་དུ་གཏོང་ཐུབ་པའི་ཕན་ཐོག་ཡོད་སྲིད། 

ད་ཡིན་ན་དོན་གཅོད་སྤེན་པ་ཚེ་རིང་གི་བྱས་ཉེས་དངོས་དེ་གསལ་བཤད་བྱ་དགོས་ཀྱི་ཡོད་པ་འདྲ། མ་ཚད་དུས་ལ་ཡང་བབ་འདུག ག་སྲིད་གསལ་བཤད་ཅིག་བྱེད་པ་ཡིན་ན། སླར་ཡང་གསང་བ་མི་གནང་བའི་རྒྱུ་མཚན་ཅི་ཡིན་ཞེས་སྐྱོན་བརྗོད་གནང་ཡོང་གི་རེད། ད་ཡིན་ན་ཡོད་རེད་ཧ་ཧ་ཧ་ཧ་ཧ།

སྲིད་སྐྱོང་བློ་སེང་དང་ཁོང་གི་ཕྱོགས་གཏོགས་རྣམས་ཀྱིས་ད་ལྟ་ནས་རྨི་བཞིན་པའི་རྨི་ལམ།

༡༽ ད་རེས་སྐུ་ངོ་སྤེན་ཚེ་གནས་དབྱུང་བཏང་བ་དང་དེའི་གསལ་བཤད་རྣམས་ནི་གཙོ་བོ་སྐུ་ངོ་སྤེན་ཚེ་ནག་པོ་བཟོ་ནས་སྤྱི་ཚོགས་ནང་དུ་མགོ་བོ་འདེགས་རྒྱུ་མེད་པར་བཟོ་ཆེད་རེད། དེ་ཡིན་དགོས་དོན་ནི། མ་འོངས་པར་ཕྱི་ལོ་ ༢༠༢༡ ལོར་སྲིད་སྐྱོང་གི་འོས་བསྡུ་སླེབས་སྐབས་རྒྱབ་སྐྱོར་མི་འབྱུང་བའི་ཆེད་རེད། ད་ལྟའི་དུས་སུ་མི་མང་པོ་ཞིག་གི་སེམས་ནང་དུ་སྐུ་ངོ་སྤེན་ཚེ་ཡིས་ནག་ཉེས་གཅིག་བསགས་མེད་དམ་སྙམ་པའི་དོགས་པ་ཞིག་ཡོང་གི་ཡོད། དོགས་པ་དེ་ཡིས་ཁོང་མ་འོངས་པའི་སྲིད་སྐྱོང་གི་འོས་བསྡུ་ལ་དོ་ཕོག་འགྲོ་ཡི་མ་རེད་དམ། དེ་ཡིས་ཁོང་གི་འོས་མང་པོ་ཞིག་ཇེ་ཉུང་དུ་གཏོང་གི་མ་རེད་དམ། དེ་ཡིས་ཁོང་གི་ཁ་གཏད་དུ་ལང་མཁན་གྱི་སྲིད་སྐྱོང་འོས་མི་དེར་འོས་མང་བ་རག་གི་མ་རེད་དམ། ད་རེས་སྐུ་ངོ་སྤེན་ཚེ་ནག་པོ་བཟོ་དགོས་པའི་རྒྱུ་མཚན་དང་དགོས་དོན་གཙོ་བོ་ནི།

༢༽ ཕྱི་ལོ་ ༢༠༢༡ སྲིད་སྐྱོང་འོས་མིའི་ཁོངས་སུ་སྲིད་སྐྱོང་བློ་སེང་གི་ཕྱོགས་གཏོགས་བཀའ་ཟུར་རྒྱ་རི་སྒྲོལ་མ་ལང་རྒྱུ་ཡིན་པ་ཐག་གིས་ཆོད་ཡོད། རྒྱུ་མཚན་ནི་སྲིད་སྐྱོང་བློ་སེང་གི་སྲིད་སྐྱོང་ལས་ཡུན་གཉིས་པའི་བཀའ་ཤག་ནང་དུ་བཀའ་བློན་གནང་མི་དགོས་དོན་ཅི། དེའང་ཁོ་མོས་དེ་སྔོན་བཀའ་བློན་གནང་བའི་སྐབས་སུ་ནང་སྲིད་ལྷན་ཁང་དང་འབྲེལ་བའི་ལས་དོན་ཐོག་ལ་བྱས་རྗེས་མི་ཆུང་བ་ཞིག་བཞག་ཡོད་པ་ཡོངས་གྲགས་རེད། འོན་ཀྱང་བཅའ་ཁྲིམས་དོན་ཚན་ཉེར་གཅིག་པ། “སྲིད་སྐྱོང་དང་། བཀའ་བློན་གྱི་འོས་ཆོས་ཞེས་པའི་ནང་དུ། སྲིད་སྐྱོང་དང་བཀའ་བློན་གྱི་འོས་གཞིར་རུང་བའི་སྐྱེ་བོ་ནི། (༧) ཡུན་ཚད་གཉིས་བསྟུད་མར་སྲིད་སྐྱོང་ངམ་བཀའ་བློན་གྱི་ལས་འཁུར་བྱེད་བཞིན་པ་མ་ཡིན་པ། “ ཞེས་འཁོད་པ་ལྟར་བཀའ་ཟུར་རྒྱ་རི་སྒྲོལ་མ་བཀའ་བློན་གྱི་ལས་གནས་མུ་མཐུད་ནས་བཀའ་བློན་གནང་མེད། དེ་ནི་གཙོ་བོ་ཕྱི་ལོ་ ༢༠༢༡ ལོར་སྲིད་སྐྱོང་བློ་སེང་གི་སྲིད་སྐྱོང་ལས་ཡུན་གཉིས་པའི་རྗེས་ཀྱི་སྲིད་སྐྱོང་དུ་ལང་རྒྱུའི་དམིགས་ནས་རེད། དེ་ནི་སྲིད་སྐྱོང་བློ་སེང་དང་ཁོང་གི་ཕྱོགས་གཏོགས་རྣམས་ཀྱི་ད་ལྟ་ནས་རྨི་བཞིན་པའི་རྨི་ལམ་ཞིག་རེད་ལ། དེར་ཁོང་ཚོས་ད་ལྟ་ནས་འབད་རྩོལ་ཡང་ལྷོད་མེད་བྱེད་བཞིན་ཡོད། འབད་རྩོལ་བྱས་པའི་ལས་དོན་ཐོག་མ་ནི་ཕྱི་ལོ་ ༢༠༢༡ ལོའི་སྲིད་སྐྱོང་འོས་བསྡུའི་ནང་དུ་ཕལ་ཆེར་རེ་བ་ཅན་གྱི་འོས་མི་སྐུ་ངོ་སྤེན་ཚེ་ནག་པོ་བཟོས་ནས་སྤྱི་ཚོགས་ནང་དུ་ཁོང་གི་རྒྱབ་སྐྱོར་བའི་གྲངས་ཇེ་ཉུང་དུ་གཏོང་རྒྱུ་དེ་རེད། (ཀློག་པ་པོ་ཁྱེད་ཚོས་རིམ་གྱིས་ཤེས་ཀྱི་རེད།)

སང་དཱ་ལེ་མོ་སོ།
སྐུ་ངོ་བློ་བཟང་སེང་གེ།
རྐུན་མའི་རྒྱབ་རྩ་མ་བྱེད།
ཨ་སྒོར་ས་ཡ་ཕྱེད་ཀ།།
“ཕྱིར་སྤྲད་རྩིས་ཁྲ་”མེད་ན།།
གསང་དང་མ་གསང་མི་འདུག།
དོན་གཅོད་སྤེན་པ་ཚེ་རིང་།།
བདེན་པ་མིན་ན་གང་རེད།།

སང་དཱ་ལེ་མོ་སོ།།

གཡུ་ཐོག་ཀརྨ་དགེ་ལེགས།།
གསར་འགོད་གསལ་བསྒྲགས་ཐོག་ནས།།
གསལ་བོ་གསུང་རྒྱུ་མེད་ན།།
མི་མང་ཐུགས་སེམས་དཀྲུགས་པའི།།
“མགོ་རྙོག་”གསུང་རྒྱུ་ཨ་ཡོད།།

རྩིས་ཁྲ་གསལ་བོ་བཟོས་དང་།།
ཁྲིམས་དང་སྒྲིག་གཞི་ཡོད་པའི།།
བྱ་སྤུ་ནོན་དང་མ་ནོན།།
གསལ་བོ་དེ་ནས་ཤེས་ཡོང་།།

1 དགེ་འདུན་རྒྱ་མཚོ། ་ལགས་ཀྱིས་སྤེལ་དོན།:
November 14th, 2017 at 9:12 pm
ཨ་སྒོར་ས་ཡ་གཅིག་དང་ཕྱེད་ཀ་ལབ་ན། ཧིན་སྒོར་འབུམ་དགུ་བརྒྱ་དང་བརྒྱད་ཅུ་རེད། ཟེར

#2 བྱང་ཆུབ་ལོ་མ། ་ལགས་ཀྱིས་སྤེལ་དོན།:
November 14th, 2017 at 9:39 pm
སྲིད་སྐྱོང་དང་བཀའ་ཤག་གིས་འདི་འདྲའི་དངུལ་འབོར་ཞིག་རྩིས་ཞིབ་ལ་གསང་དགོས་དོན་དང་། རྩིས་ཞིབ་ལ་ཤེས་བཅུག་པ་དོན་གཅོད་ཀྱི་ནག་ཉེས་སུ་བགྲངས་སྟངས་དེ་ད་དུང་མགོ་ཚོས་ཀྱི་མི་འདུག གངས་སྐྱིད་ཀྱི་རྩིས་ཞིབ་ལས་ཁུངས་ཀྱིས་རྩིས་ཞིབ་ཀྱི་འགྲོ་ལུགས་ཏག་ཏག་ཅིག་གནང་གིན་ཡོད་པ་ཡིན་ན། ཨ་རིའི་དོན་ཁང་གི་ཧིན་སྒོར་འགུམ་དགུ་བརྒྱ་དང་བརྒྱད་ཅུ་འདི་གང་དུ་ཕྱིན་ཡོད། གང་ན་ལྷག་ཡོད་ཐེར་འདོན་བྱེད་སྲིད་པ་རེད། གང་ལྟར། རུལ་སུངས་ཀྱི་ན་ཚ་འདི་བོད་གཞུང་གི་རྩིས་ཞིབ་ལས་ཁུངས་ལ་མི་ན་བའི་རེ་བ་བྱེད་ཀྱི་ཡོད།

#3 གཞུང་པ་ཚེ་དབང་བསོད་ནམས་ ་ལགས་ཀྱིས་སྤེལ་དོན།:
November 14th, 2017 at 9:40 pm
དབུས་བོད་མིའི་སྒྲིགས་འགཛུགས་ལ་ཨ་རིར་དོན་ཁང་རྒྱག་རྒྱུའི་དངུལ་མེད་ན་གཞན་ནས་དངུལ་གཡར་ནས་དོན་ཁང་རྒྱག་རྒྱུའི་སྔོན་རྩིས་བཀའ་ཁྲོལ་སྤྱི་འཐུས་གྲོས་ཚོགས་ལ་ཞུས་ཡོད་པ་ཡིན་ནམ་གལ་སྲིད་གྲོས་ཚོགས་ལ་བཀའ་ཁྲོལ་ཞུས་མེད་ན་དཔལ་འབྱོར་དང་འབྲེལ་བའི་གནད་དོན་ལ་སོང་ཁྲིམས་འགལ་ལ་ངོས་འཛིན་དགོས་པ་རེད་དམ་ཁྲིམས་མཐུན་ལ་ངོས་འཛིན་པ་རེད་།

#4 བདེན་པའི་རྒྱབ་ལངས། ་ལགས་ཀྱིས་སྤེལ་དོན།:
November 14th, 2017 at 9:56 pm
བློ་སེང་རྒྱལ་སྤྱིའི་ཁྲིམས་ལུགས་མཁས་པའི་མིང་བྱང་དེས་འོག་ནས་རེ་བ་ཆེན་པོ་ཞིག་རྒྱབ་སྟེ་སྲིད་སྐྱོང་དུ་བསྐོས་ཡིན་བསམ་པ་དྲན། དེ་ལྟར་ཡིན་ན་གྲོས་ཚོགས་ལ་བཀའ་འཁྲོལ་མ་ཞུས་པའི་ལས་ཀ་ཚབ་ཆེན་དེ་འདྲ་རང་བྱེད་ཕོད་དམ། གལ་སྟེ་གསལ་ཁ་དང་ཁྲིམས་མཐུན་མིན་པའི་ལས་ཀ་རྫབ་ཆེན་དེ་འདྲ་བྱས་ཡོད་ན་དམངས་གཙོའི་འགྲོ་ལུགས་བཞིན་སྲིད་སྐྱོང་གོ་གནས་ནས་རྩ་དགོངས་ཞུ་འཇུག་དགོས་པ་ཡིན།

#5 གཞུང་པ་ཚེ་དབང་བསོད་ནམས་ ་ལགས་ཀྱིས་སྤེལ་དོན།:
November 14th, 2017 at 11:29 pm
མང་གཙོའི་ལམ་ལུགས་ནང་མི་མང་གི་ལས་འགན་དེ་ (watch dog) བྱས་ནས་གཞུང་སྲུང་དགོས་པ་དང་མི་མང་ནས་
(watch dog) བྱས་ནས་གཞུང་སྲུང་མ་ཐུབ་ན་(sleeping Democracy) ཆགས་ནས་སྒང་
ནས་ག་རེ་བྱས་བྱས་དང་གང་ཁྲབ་ཁྲབ་བྱེད་སྲིད་པ་དང་ལྷག་དོན་དུ་མང་གཙོའི་སྒྲིག་འཛུགས་ནང་དཔལ་འབྱོར་གྱི་གནས་སྟངས་དེ་ཕྱི་གསལ་ནང་གསལ་དགོས་པ་དང་གཞུང་གི་ལས་འཆར་སྔོན་རྩིས་ཡོངས་རྫོགས་ཁྲིམས་བཟོ་གྲོས་ཚོགས་ཀྱི་བཀའ་ཁྲོལ་རྒྱུད་ནས་གཞུང་དངུལ་གཏོང་ལེན་གྱི་གྲོས་ཆོད་གཏན་འབེབས་དགོས་པ་ལས་གྲོས་ཚོགས་ཀྱི་བཀའ་ཁྲོལ་མེད་པར་འཛིན་སྐྱོང་ནས་དངུལ་སྒོར་མོ་གཅིག་ཕར་སྤྲོད་ཚུར་ལེན་བྱས་ཡོད་ན་དཔལ་འབྱོར་གྱི་འགྲོ་ལུགས་དང་མ་མཐུན་ནས་ཁྲིམས་འགལ་དང་སྒྲིག་འགལ་ཆེ་བཤོས་ལ་ངོས་འཛིན་བྱས་ནས་ཁྲིམས་བཟོ་གྲོས་ཚོགས་ནས་ཞིབ་འཇུགས་ཚོགས་ཆུང་བཙུགས་ནས་ཕྱི་གསལ་ནང་གསལ་བཟོ་དགོས་པ་དེ་མང་གཙོ་དང་ཁྲིམས་ཀྱི་དབང་བསྒྱུར་ཟེར་བའི་གོ་དོན་ངོ་མ་དེ་ཡིན་པའི་ངོས་འཛིན་ཞུ་གི་ཡོད་།