བོད་ཀྱི་རྒྱལ་ས་ལྷ་སའི་གྲོང་ཁྱེར་ནང་མི་རེར་རྒྱ་སྒོར་ ༩༩༠ དང་གནམ་མཚོ་ཕྱུག་མོར་རྒྱ་སྒོར་ ༣༥༠༠༠ བྱས་ཏེ་མཁའ་འགྲུལ་ལྗོངས་རྒྱུ་མགོ་བཙུགས་འདུག
རྒྱ་ནག་གཞུང་འབྲེལ་གོ་ལའི་དུས་བབ་གསར་ཁང་གིས་གནས་ཚུལ་སྤེལ་བ་ལྟར་ན། རྒྱ་ནག་གཞུང་གིས་བོད་ཀྱི་རྒྱལ་ས་ལྷ་སར་དེང་རབས་ཅན་གྱི་ཕྱིའི་འཛུགས་སྐྲུན་སྣ་མང་བྱས་ཏེ། འཛམ་གླིང་གང་སར་བོད་ལྗོངས་ཀྱི་འཕེལ་རྒྱས་རྣམ་པ་དྲིལ་བསྒྲགས་ཤུགས་ཆེན་བྱེད་བཞིན་ཡོད་པ་ལྟར། ཁ་སང་ལྷ་ས་ཞོ་ཡེན་མཁའ་འགྲུལ་བཟོ་ཚོང་ཁང་གིས་གནམ་གྲུའི་ནང་ནས་ལྷ་སའི་གྲོང་ཁྱེར་དང་། མཐོ་སྒང་གི་ཚ་མཚོ་ཆེན་མོ་གནམ་མཚོ་ཕྱུག་མོར་མཁའ་འགྲུལ་ལྗོངས་རྒྱུའི་ལས་གཞི་ཞིག་ལ་ལྷ་ས་གྲོང་ཁྱེར་སྲིད་གཞུང་ནས་ཆོག་མཆན་སྤྲད་ཡོད་འདུག
ལྷ་ས་གྲོང་ཁྱེར་སྲིད་གཞུང་གི་མགོ་གཙོ་གཞོན་པ་ཚེ་བརྟན་དཔལ་སྒྲོན་ལགས་ཀྱིས། ཡུལ་སྐོར་བས་སྐད་འཕྲིན་ནམ་ཡང་ན་ཚེ་མཆོག་གླིང་གནམ་ཐང་ནས་མཁའ་འགྲུལ་ལྗོངས་རྒྱུ་མངག་གཏོང་བྱེད་ཆོག་གི་ཡོད། ཅེས་བརྗོད་ཡོད་འདུག
ཐད་འཕུར་གནམ་གྲུའི་ནང་ནས་ལྷ་ས་གྲོར་ཁྱེར་ཡོངས་སུ་ལྗོངས་རྒྱུ་བྱེད་པར་མི་རེར་རྒྱ་སྒོར་ ༩༩༠ དང་། འཕུར་ཐེངས་རེར་ཉུང་མཐར་མི་ ༢ མཉམ་དུ་ཡིན་འདུག དེ་བཞིན་ལྷ་ས་གྲོང་ཁྱེར་ནས་རྒྱང་ཐག་ཆུ་ཚོད་གཅིག་ཙམ་གྱི་སར་ཡོད་པའི་གནམ་མཚོ་ཕྱུག་མོར་རྒྱ་སྒོར་ ༣༥༠༠༠ དང་། གནམ་གྲུ་འཕུར་ཐེངས་རེར་ཉུང་མཐར་མི་ ༣ ནས་ ༤ བར་མཉམ་དུ་འགྲོ་དགོས་ཀྱི་ཡོད་ལ། འཕུར་སྐྱོད་སྐབས་ཡུལ་སྐོར་བས་ཁ་པར་གཏོང་བ་དང་པར་ལེན་པ་སོགས་བྱེད་ཆོག་གི་མེད་པ་རེད།
གསར་འགོད་པ། སྐལ་བཟང་སྦྱིན་པ།
ཡར་རྒྱས་འཛུགས་བསྐྲུན་མིང་འོག་བོད་ལྗོངས་འདི་།
དོན་དངོས་ཡུལ་འཁོར་སྤྲོ་་འཆམས་འགུག་ཐབས་ལ་།
རྒྱ་སྒོར་མང་པོ་འགྲོ་སོང་བཏང་བ་འདིའི་།
མཁེ་ཕན་ཡོངས་རྫོགས་རྒྱ་ནག་གཞུང་ལ་འགྲོ་།