མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ལྷོ་ཀོ་རི་ཡའི་ཨོ་རྩལ་འགྲན་ཚོཊ་ཐོག་བོད་ཀྱི་རྒྱལ་དར་འཕྱར།

བོད་ཀྱི་དུས་བབ།
༢༠༡༨/༠༢/༡༢
Share on FacebookShare on TwitterShare on EmailShare on Whatsapp

ལྷོ་ཀོ་རི་ཡའི་དགུན་དུས་ཨོ་རྩལ་འགྲན་ཚོགས་དང་བསྟུན་ལྷོ་བྱང་ཀོ་རི་ཡའི་དཔོན་རིགས་ཚོས་ཆབ་སྲིད་ཀྱི་གདོང་འབག་རྫུན་མ་གྱོན་ཏེ་འཁྲབ་སྟོན་བྱེད་ཀྱི་ཡོད་ལུགས་བརྗོད་ནས་ལྷོ་ཀོ་རི་ཡའི་མི་མང་གིས་ངོ་རྒོལ་སྐྱོན་བརྗོད་བྱས་འདུག

ལྷོ་ཀོ་རི་ཡའི་དགུན་དུས་ཨོ་རྩལ་འགྲན་ཚོགས་བསྡུས་ཏེ་ཉིན་གྲངས་བཞི་འགྲོ་བཞིན་ཡོད་པ་དང་། ཐེངས་འདིའི་ཨོ་རྩལ་འགྲན་ཚོགས་ཐོག་རྩེད་མོ་ཙམ་མ་ཡིན་པར་ཆབ་སྲིད་ཀྱི་ལྟད་མོ་མང་པོ་ཡོད་པས་རྒྱལ་སྤྱིའི་སྟེང་དོ་སྣང་ཆེན་པོ་བྱེད་ཀྱི་འདུག དེ་ཡང་ཟླ་འདིའི་ཕྱི་ཚེས་ ༡༠ ཉིན་ལྷོ་ཀོ་རི་ཡའི་སྲིད་འཛིན་མོན་(Moon)དང་བྱང་ཀོ་རི་ཡའི་སྲིད་འཛིན་ཀེམ་ཇོང་ཨན་གྱི་སྲིང་མོ་ཀེམ་ཡོ་ཅང་(KimYo Jong)་གཉིས་ཐུག་འཕྲད་བྱས་ཏེ། ཁེམ་ཡོ་ཅང་གིས་ལྷོ་ཀོ་རི་ཡའི་སྲིད་འཛིན་བྱང་ཀོ་རི་ཡའི་རྒྱལ་ས་ཕོང་ཡང་(Pyongyang)ལ་ཕེབས་རྒྱུར་མགྲོན་འབོད་བྱས་ཡོད་པ་དང་། ད་ལྟའི་ཆར་ག་དུས་ཕེབས་མིན་གྱི་ཟླ་ཚེས་སོགས་ཡོངས་ཁྱབ་གཏན་འཁེལ་མེད་ཀྱང་། ཕྱི་འབྲེལ་མི་སྣས་བརྗོད་པ་ལྟར་ན། ད་ལོའི་ཕྱི་ཟླ་༨ པའི་ཚེས་ ༡༥ ཉིན་ཕེབས་རྒྱུ་ཡིན་ལ། ཉིན་དེ་ནི་ཕྱི་ལོ་ ༡༩༤༥ ལོར་ཉི་ཧོང་གི་དབང་བསྒྱུར་འོག་ནས་ལྷོ་བྱང་ཀོ་རི་ཡ་གཉིས་ལ་རང་བཙན་ཐོབ་པའི་ཉིན་མོ་ཡིན་ཞིང་། ད་ལྟ་བར་དུ་ཉིན་མོ་དེ་ལྷོ་བྱང་གཉིས་ནས་སྲུང་གཙི་བྱེད་ཀྱི་ཡོད་འདུག

སྲིད་འཛིན་དང་སྲིད་འཛིན་སྲིང་མོ་ཐུག་འཕྲད་སྐབས། ལྕམ་ཀེམ་ཡོ་ཅང་གིས་མ་འོངས་པར་ལྷོ་བྱང་ཀོ་རི་ཡ་གཉིས་ཕན་ཚུན་སེམས་གཏིང་ནས་འཆམ་མཐུན་དང་སེམས་ཐག་ཉེ་བོ་བྱས་ཏེ་མདུན་སྐྱོད་དང་ཡར་རྒྱས་ཡོང་བའི་རེ་བ་ཡོད། ཅེས་བརྗོད་ཡོད་འདུག་ལ། མོ་ནི་ཕྱི་ལོ་ ༡༩༥༠ ནས་ ༡༩༥༣ བར་ལྷོ་བྱང་ཀོ་རི་ཡའི་དམག་འཁྲུག་བྱུང་རྗེས་ཀྱི་བྱང་ཀོ་རི་ཡའི་ཆབ་སྲིད་གོ་གནས་མཐོན་པོ་འཛིན་མཁན་ཞིག་དང་། ཀེམ་ཚང་གི་མཐོ་རིམ་མི་སྣ་ཞིག་ལྷོ་ཀོ་རི་ཡའི་ནང་ཡོང་བ་ཐེངས་དང་པོ་ཆགས་ཡོད་འདུག

འོན་ཀྱང་། ཁ་སང་རེས་གཟའ་ཉི་མ་ཉིན་ལྷོ་ཀོ་རི་ཡའི་ནང་མི་མང་འདུ་འཛོམས་ཀྱིས། ཨོ་རྩལ་འགྲན་ཚོགས་དང་སྟབས་བསྟུན་ལྷོ་བྱང་ཀོ་རི་ཡའི་དཔོན་རིགས་ཚོས་ཆབ་སྲིད་ཀྱི་རྫུན་འབག་གྱོན་ནས་འབྲེལ་བ་བཟོ་ཐབས་དང་། མི་མང་ལ་བསླུ་བྲིད་གཏོང་ཐབས་བྱས་ཏེ་ཨོ་ལིམ་ཕིག་ཆབ་སྲིད་ཀྱི་རོལ་རྩེད་ལ་བསྒྱུར་གྱི་འདུག་ཅེས་ལྷོ་ཀོ་རི་ཡའི་རྒྱལ་དར་དང་ས་ཁྲ། ཀེམ་ཇོང་ཨན་གྱི་པར་བཅས་མེར་བསྲེགས་བཏང་སྟེ་ངོ་རྒོལ་བྱས་ཡོད་པ་རེད།

གཞན་ཡང་། ལྷོ་ཀོ་རི་ཡའི་དགུན་དུས་ཨོ་རྩལ་འགྲན་ཚོགས་ཀྱི་དབུ་འབྱེད་མཛད་སྒོའི་ཐོག་ཨུ་རུ་སིའི་རྒྱལ་ས་མོ་སི་ཁོར་ཡོད་པའི་བཙན་བྱོལ་བོད་མིའི་སྒྲིག་འཛུགས་ཀྱི་སྐུ་ཚབ་དོན་གཅོད་ཏེ་ལོ་རིན་པོ་ཆེ་མཆོག་མགྲོན་འབོད་ཞུས་ཡོད་པ་དང་། ཁ་སང་ཕྱི་ཚེས་ ༡༡ ཉིན་ཏེ་ལོ་རིན་པོ་ཆེ་མཆོག་ནས་ཨོ་རྩལ་ར་བའི་ནང་བོད་ཀྱི་རྒྱལ་དར་འཕྱར་གནང་ཡོད་པ་མ་ཟད། ཁོང་གིས་ང་རང་ཕྱི་ལོ་ ༢༠༡༤ ལོར་ཨུ་རུ་སིའི་གྲོང་ཁྱེར་སོ་ཆི་རུ་ཚོགས་པའི་དགུན་དུས་ཨོ་རྩལ་འགྲན་ཚོགས་ཐོག་མགྲོན་འབོད་གནང་ཡོད་ཀྱང་། སྐབས་དེར་རྒྱ་ནག་གི་སྲིད་འཛིན་ཨོ་རྩལ་འགྲན་ཚོགས་ཐོག་ཞུགས་ཀྱི་ཡོད་སྟབས། ངའི་མིང་གདན་ཞུའི་སྐུ་མགྲོན་གྱི་མཚན་གཞུང་ནས་ཕྱིར་འཐེན་བྱས་པ་མ་ཟད། རྩེད་མོ་རྩེ་སར་ཡང་བཀག་འགོག་བྱས་སོང་། ཞེས་གསུངས་འདུག

ཡང་ཁོང་གིས། ལོ་ངོ་ ༤ ཡི་རྗེས་ཀྱི་དེ་རིང་ལྷོ་ཀོ་རི་ཡའི་ནང་དམིགས་བསལ་སྐུ་མགྲོན་དུ་གདན་ཞུ་གནང་པ་ལྟར་ང་རང་ཧ་ཅང་དགའ་སྤྲོའི་ངང་ཡོང་བ་མ་ཟད། རྩེད་མོ་ཁག་ཅིག་ལའང་བལྟས་པ་ཡིན། ཨོ་རྩལ་ཚོགས་ཁང་དུ་འཛུལ་བ་ན་རྒྱལ་ཁབ་ཚང་མའི་རྒྱལ་དར་ཡར་འཕྱར་ཡོད་ཀྱང་བོད་ཀྱི་རྒྱལ་དར་མཐོང་ཡུལ་དུ་མི་འདུག་པས། ང་རང་སེམས་གཏིང་ནས་སྐྱོ་བ་སྐྱེས་བར་བརྟེན་བོད་ཀྱི་རྒྱལ་དར་འཕྱར་ཏེ་སྐད་བརྒྱབས་པ་ཡིན། སྐབས་དེར་ལྟད་མོ་བ་སོགས་ཀྱིས་ང་ལ་རྒྱབ་སྐྱོར་གནང་སྟེ་སྐད་བརྒྱབས་སོང་། ཡིན་ན་ཡང་། ང་འཛིན་བཟུང་བཙོན་བཅུག་དང་གཅར་རྡུང་བྱེད་མཁན་སུ་ཡང་མ་བྱུང་། ཞེས་གསུངས་འདུག

ཡང་ཐེངས་འདིའི་ཨོ་རྩལ་འགྲན་ཚོགས་ཐོག་ཨ་རིའི་སྲིད་འཛིན་གཞོན་པ་སྐུ་ཞབས་མཱ་ཁི་ཧྥན་སི་ཡིས་སྣེ་འཁྲིད་པའི་ཨ་རིའི་མཐོ་རིམ་དཔོན་རིགས་ཁག་ཅིག་མཉམ་ཞུགས་གནང་ཡོད་པ་དང་། སྲིད་འཛིན་གཞོན་པ་མཱ་ཁི་ཧྥན་སི་ཡིས། ང་ཚོ་ལྷོ་ཀོ་རི་ཡའི་ཨོ་རྩལ་འགྲན་ཚོགས་ལ་ཡོང་བ་ཡིན་མ་གཏོགས་བྱང་ཀོ་རི་ཡས་ལྷོ་ཀོ་རི་ཡར་གྲོས་མོལ་བྱེད་པར་བསམ་ནས་ཡོང་མེད་ལ། འདས་ཟིན་པའི་ནོར་འཁྲུལ་དེ་བསྐྱར་ཟློས་གཏན་ནས་བྱེད་འདོད་མེད། ང་དང་སྲིད་འཛིན་མོན་གཉིས་ཀྱིས་མདང་ནུབ་ནས་དེའི་སྐོར་ལ་གྲོས་བསྡུར་བྱས་ཡོད། བྱང་ཀོ་རི་ཡའི་རྡུལ་ཕྲན་མཚོན་ཆ་རྩ་མེད་བཟོ་དགོས་པ་དེ་ཕྱོགས་གཉིས་བར་འགྱུར་བ་ཡོང་སའི་གཞི་རྩ་ཡིན་ལ། དེ་མིན་ཕྱོགས་གང་ཐད་ནས་འགྱུར་བ་འགྲོ་ས་མེད་པ་རེད། ཅེས་བརྗོད་འདུག་པ་མ་ཟད། ཨོ་རྩལ་འགྲན་ཚོགས་ཀྱི་དགོང་མོའི་གསོལ་ཚིགས་སྐབས་བྱང་ཀོ་རི་ཡའི་སྐུ་ཚབ་དང་ཨ་རིའི་སྐུ་ཚབ་གཉིས་གསོལ་ཅོག་གཅིག་གི་སྟེང་དུ་ཁེལ་བར་བརྟེན། སྐུ་ཞབས་མཱ་ཁི་ཧྥན་སི་གསོལ་ཚིགས་ལ་བཅར་མེད་པ་རེད།

ཐེངས་འདིའི་དགུན་དུས་ཨོ་རྩལ་འགྲན་ཚོགས་ཟླ་འདིའི་ཕྱི་ཚེས་ ༢༥ བར་ཚོགས་ཀྱི་ཡོད་པ་དང་། རྩེད་འགྲན་མགོ་འཛུགས་བྱས་ཏེ་ཉིན་ ༣ ཕྱིན་པའི་རིང་གསེར་གྱི་རྟགས་མ་ཐོབ་མཁན་མང་ཤོས་ཨང་དང་པོ་འཇར་མན་ལ་ ༣ དང་། གཉིས་པ་ནེའུ་ཌིར་ལན་ལ་ ༢། གསུམ་པ་ཨ་རིར་ ༢། དེ་མིན་ནོར་ཝེ་དང་ཁ་ན་ཊར། ཨོ་སི་ཊི་རུ་ཡ། ཧྥ་རན་སི། ལྷོ་ཀོ་རི་ཡ། སུའུ་ཏན་བཅས་ལ་གཅིག་རེ་ཐོབ་ཡོད་འདུག གསེར་དངུལ་ཟངས་ཀྱི་རྟགས་མ་ཚང་མ་བསྡོམས་པ་ཡིན་ན། ཨང་དང་པོ་ནོར་ཝེ་ལ་ ༨ དང་གཉིས་པ་ཁ་ན་ཊ་ལ་ ༦། ནེའུ་ཌིར་ལན་ལ་ ༥། ཨ་རིར་ ༤། འཇར་མན་ལ་ ༤ ། དེ་མིན་ཧྥེན་ལན་དང་ཨུ་རུ་སུའི་ལས་རྩལ་ཚོགས་པ། ཨོ་སི་ཁྲོ་ལེ་ཡ་བཅས་ལ་གཉིས་རེ་དང་། ཁ་རྫ་སི་ཐན་ལ་གཅིག་ཐོབ་ཡོད་འདུག

གསར་འགོད་པ། སངས་རྒྱས་དཀོན་མཆོག

འབྲེལ་ཡོད་གསར་འགྱུར།

Front Slider

༧རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཐུགས་དགོངས་དང་དེའི་གལ་གནད་སྐོར་ལ་གླེང་མོལ།

༢༠༢༥/༠༧/༢༦
Mobile App

དྷ་ས་ཁུལ་གྱི་ཁང་རྙིང་དག་ལ་ཀ་བ་ཡོད་མེད་སོགས་ཞིབ་འཇུག་གནང་གལ་ཆེ་སྐོར་བརྗོད་སོང་།

༢༠༢༥/༠༧/༢༥
༧གོང་ས་མཆོག་ནས་ཟངས་དཀར་དུ་ལམ་གཙོ་རྣམ་གསུམ་གྱི་བཀའ་ཆོས་སྩལ།༢༠༢༥།༠༧།༢༥ དུས་བབ་ཀྱི་པར།
༸གོང་ས་མཆོག གསར་འགྱུར།

བོད་ནང་དུས་ལོག་བྱུང་སྐབས་ཐོས་བསམ་སྒོམ་གསུམ་ཡ་མ་བྲལ་བ་བྱས་པར་ཧ་ཅང་ཕན་ཐོགས་བྱུང་ཞེས་གསུངས།

༢༠༢༥/༠༧/༢༥
དྲ་འབུས་སིམ་འཛུལ་བྱས་པའི་བོད་ཀྱི་ཐེབས་རྩའི་དྲ་རྒྱ།
Mobile App

གོ་སྟོན་སྐབས་མཉེན་ཆས་རྫུན་མ་བཟོས་ཏེ་བཙན་བྱོལ་བོད་མིར་འཇབ་རྒོལ་བྱས་ཡོད།

༢༠༢༥/༠༧/༢༥
Newcastle Lord Mayor Ross Kerridge and Chinese Consul General Wang Yu.
Mobile App

རྒྱ་ནག་གཞུང་ཚབ་པས་གནས་མཁར་གསར་གྱི་བོད་མི་དང་ཐའེ་ཝན་གྱི་མི་མང་ལ་རོགས་རམ་གནང་རྒྱུ་མེད་པའི་ངན་སྐུལ་བྱས།

༢༠༢༥/༠༧/༢༥
Mobile App

བོད་མི་མང་སྤྱི་འཐུས་ཁག་ཅིག་ཞུ་གཏུག་བྱས་པའི་གནད་དོན་ཐོག་གསར་འགོད་གསལ་བསྒྲགས་བྱས་སོང་།

༢༠༢༥/༠༧/༢༥

མཆན། 4

  1. ཐོས་པ་དགའ། says:
    ལོ་ 7 སྔོན།

    རུ་སོག་སྐུ་ཚབ་དོན་གཅོད་སྐུ་ཞབས་ཏེ་ལོ་སྤྲུལ་བའི་སྐུ་རིན་པོ་ཆེ་མཆོག བཀའ་དྲིན་བླ་མེད་དུ་ཆེ་ཞུ། སྐུ་ཚེ་རིང་། མཛད་འཕྲིན་རྒྱས། ཐུགས་བཞེད་མཐའ་དག་གེག་མེད་ལྷུན་འགྲུབ་ཡོང་བར་སྨོན།

    Reply
  2. གཞུང་པ་ཚེ་དབང་བསོད་ནམས་ says:
    ལོ་ 7 སྔོན།

    སྤྲུལ་སྐུ་ཟེར་ན་ཁྱེད་རེད་།
    དོན་གཅོད་ཟེར་ན་ཁྱེད་རེད་།
    རྒྱལ་ཞེན་ཟེར་ན་ཁྱེད་རེད་།
    གཞུང་ཞབས་ཟེར་ན་ཁྱེད་རེད་།
    ཕོ་རྒོད་ཏེ་ལོ་སྤྲུལ་སྐུ་།
    བོད་དོན་རྒྱལ་སྤྱིར་བསྒྲགས་བྱུང་།
    ཕོ་རབས་ལས་ལ་རྫོགས་མཐའ་མེད་།
    ཕོ་ངན་ལས་ལ་ངོམས་རྒྱུ་མེད་།
    ཟེར་ཡང་ཟེར་ལ་བདེན་ཡང་བདེན་།
    བདེན་གཏམ་ངོ་མ་བཤད་ཡོད་དོ་།
    ཉན་དང་མི་ཉན་རང་རང་སོ་སོ་རེད་།

    ྱེེ

    Reply
  3. ཁམས་ལྷ་མོ། says:
    ལོ་ 7 སྔོན།

    ང་ནི་གསར་འགྱུར་འདི་རིགས་ཀློག་པར་ཧ་ཅང་དགའ། དེང་སང་དུས་ཚོད་སོགས་ཀྱིས་གསར་འགྱུར་རིང་པོ་ཞིག་ཀློག་ནས་འདུག་ཁོམ་མེད་པས། དེ་བས་གསར་འགྱུར་མང་པོ་ཞིག་ཕྱོགས་གཅིག་ཏུ་བསྡུས་ཏེ་འབྲི་ཚུལ་འདི་དཔེ་ཡག་པོ་འདུག བོད་ཀྱི་གསར་ཁང་དག་ལ་ད་དུང་དེའི་ཕྱོགས་ནས་ཞན་པོ་འདུག དུས་བབ་ཚང་གིས་འདི་ལྟར་འབྲི་བར་རེ་བ་ཞུ། རྒྱུ་མཚན། དུས་བབ་ནི་བོད་ཀྱི་གསར་ཁང་དག་ལས་ཡག་ཤོས་དང་དུས་དང་བསྟུན་ནས་འགྱུར་བ་འགྲོ་ཤེས་མཁན་དེ་ཡིན་པས་ཡིན། ཐུགས་རྗེ་ཆེ།

    Reply
  4. དོན་གྲུབ། says:
    ལོ་ 7 སྔོན།

    ལྷོ་བྱང་གཉིས་འཆམ་མཐུན་བྱེད་བཅུག་མི་འདོད་པ་ནི་ཨ་རིའི་དམིགས་ཡུལ་གཙོ་ཤོས་རེད། མི་མང་གི་ངོ་རྒོལ་རྒྱབ་ན་ཨ་རི་ཡོད་པ་རེད། ཁ་སང་སྲིད་འཛིན་གཞོན་པའི་སྐད་ཆནས་ང་ཚོར་ར་གསལ་བོ་ཞིག་སྤྲད་སོང་། དངོས་ནས་ཨ་རི་དེ་བཙོག་པ་རེད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese