དེ་རིང་གྲོས་ཚོགས་ཚོགས་དུས་ལྔ་པའི་ལས་ཉིན་ ༧ པའི་སྔ་དྲོར་བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་དུ་འབུམ་རམས་པ་པདྨ་དབྱངས་ཅན་ལགས་མང་མོས་བདམས་ཐོན་བྱུང་སོང་།
སྐབས་བཅུ་དྲུག་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ལྔ་པའི་ལས་ཉིན་ ༧ པའི་སྔ་དྲོར། སྲིད་སྐྱོང་བློ་བཟང་སེང་གེ་མཆོག་ནས་བོད་མིའི་སྒྲིག་འཛུགས་ཀྱི་བཀའ་བློན་འོས་མིར་འབུམ་རམས་པ་པདྨ་དབྱངས་ཅན་ལགས་མཚན་འདོན་གནང་སོང་བ་དང་། སྤྱི་འཐུས་ཟླ་བ་ཕུན་སྐྱིད་ལགས་ནས་འོས་བླུག་དགོས་པའི་དགོངས་འཆར་བཏོན་པ་ལྟར། ངོ་བཅར་སྤྱི་འཐུས་ ༤༤ ནས་འོས་བླུགས་ཏེ། འོས་ཤོག་སྟོང་པ་ ༣ དང་། རྒྱབ་སྐྱོར་མེད་མཁན་སྤྱི་འཐུས་ ༡༥ ། རྒྱབ་སྐྱོར་གནང་མཁན་སྤྱི་འཐུས་ ༢༦ བྱུང་སྟེ། འབུམ་རམས་པ་པདྨ་དབྱངས་ཅན་ལགས་ཤེས་རིག་བཀའ་བློན་དུ་མང་མོས་འོས་འདེམས་གནང་སོང་བ་དང་། ཁོང་གིས་མི་ལོ་ ༢༠ ལྷག་རིང་ཤེས་ཡོན་ཐོག་ཕྱག་ལས་གནང་མྱོང་ཡོད་འདུག
ཕྱི་ལོ་༡༩༩༦ ལོར་མཱ་དྷ་ར་སིའི་གཙུག་ལག་སློབ་གཉེར་ཁང་ནས་དགེ་རྒན་འོས་སྦྱོང་ཐོན་རྗེས། སུ་ཇྰ་བོད་ཁྱིམ་སློབ་གྲྭའི་ནང་དབྱིན་དགེའི་ཕྱག་ལས་གནང་ཡོད་འདུག ཕྱི་ལོ་༢༠༠༣ ལོར་ཨ་རིའི་ལོ་ཝ་(Iowa)གཙུག་ལག་སློབ་གཉེར་ཁང་ནས་ཤེས་ཡོན་ཐོག་གཙུག་ལག་རབ་འབྱམས་པ་དང་། ཕྱི་ལོ་༢༠༠༩ ལོར་གཙུག་ལག་སློབ་ཁང་དེ་ནས་ཤེས་ཡོན་ཐོག་འབུམ་རམས་པ་ཐོན་ཡོད་འདུག ཕྱི་ལོ་༢༠༡༡ ལོར་བཙན་བྱོལ་བོད་མིའི་སློབ་གྲྭ་ཁག་གི་དགེ་རྒན་སློབ་གསོ་གོང་འཕེལ་ཐོག་ཉམས་ཞིབ་ཀྱི་དཔྱད་རྩོམ་བྲིས་པར་གཟེངས་སུ་ཐོན་པའི་བྱ་དགའ་ཐོབ་ཡོད་འདུག་པ་དང་། ཕྱི་ལོ་༢༠༠༣ ནས་༢༠༠༩ བར་ཨ་རིའི་གཙུག་ལག་སློབ་གཉེར་ཁང་དེར་སློབ་སྦྱོང་བྱེད་ཞོར་དུ། ཤེས་ཡོན་སློབ་ཚན་དང་འབྲེལ་བའི་ཉམས་ཞིབ་གནང་ཡོད་འདུག ཕྱི་ལོ་༢༠༠༩ ནས་༢༠༡༦ བར་བྷིང་ལོར་ཏཱ་ལའི་བླ་མའི་མཐོ་རིམ་སློབ་གཉེར་ཁང་དུ་སློབ་སྤྱི་གཞོན་པའི་འགན་འཁུར་བའི་ཐོག དབྱིན་ཡིག་སློབ་འཁྲིད་དང་ཤེས་ཡོན་ཚན་པའི་འགན་འཛིན་བཅས་གཅིག་ལྕོགས་སུ་གནང་ཡོད་འདུག
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
འབུམ་རམས་པ་པདྨ་དབྱངས་ཅན་ལཊ་ཤེས་རིག་བཀའ་བློན་དུ་བདམས་ཞེས་པའི་གསར་འགྱུར་དེ་བོད་ཀྱི་བང་ཆེན་དང་བོད་ཀྱི་དུས་བབ་གསར་ཁང་གཉིས་ནང་ཀློག་གྲངས། བོད་ཀྱི་བང་ཆེན། Views: 1437 བོད་ཀྱི་དུས་བབ། ཀློག་གྲངས། (༢,༥༠༣) འདི་འདི་སྟར་བསྡུར་དགོས་དོན་དཀྲུག་ཤིང་ལྟ་བུ་བྱས་པ་མིན་མོད། འོག་ནས་མི་ཞིག་གིས་གསར་ཁང་གཉིས་ཀྱི་བརྗོད་ཚིག་བེད་སྤྱོད་གཏོང་སྟངས་བསྡུར་བ་ཞིག་ཡོད་པ་མཐོང་བས་ཀློག་གྲངས་ལ་ལྟ་དགོས་བྱུང་སོང་བས་ཡིན། མ་གཞི་གསར་ཁང་འདི་གཉིས་ལ་མཚོན་ན་བོད་པ་ཚོར་ཧ་ཅང་དཀའ་དྲིན་ཆེན་པོ་ཡིན་པ་རེད། འོན་ཀྱང་། ནམ་རྒྱུན་ང་ནི་གསར་ཁང་འདི་གཉིས་ཀྱི་ཀློག་པོ་ཞིག་ཡིན་པའི་ཆ་ནས་བསམ་ན། གསར་ཁང་གཉིས་ཀྱི་གསར་འགྱུར་ཀློག་མང་ཤོས་དེ་ག་དུས་ཡིན་ན་དུས་བབ་རེད་འདུག མཚམས་རེར་གསར་འགྱུར་གཅིག་པ་ཡིན་ན་། ཀློག་པ་ཚོ་དུས་བབ་མང་ཤོས་རེད་འདུག
༄༅། སྲིད་སྐྱོང་མཆོག་གི་ཐུགས་རེ་ལྟར་སྤྱི་འཐུས་རྣམས་ནས་འོས་བླུགས་་ཏེ་པད་མ་དབྱངས་ཅན་མཆོག་བཀའ་
བློན་དུ་བདམས་ཐོན་བྱུང་བར་དངོས་གནས་བེུད་བཀའ་བློན་གཅིག་བྱུང་བར་སྙིང་ནས་བཀྲིས་བདེ་ལེགས་ཡོད།
ཁྱེད་སློབ་བྱུང་ཡག་པོ་གནང་འདུག་པ་བསྔགས་བརྗོད་ཞུ་གི་ཡོད།
དུས་བབ་དང་བང་ཆེན་གཉིས་ཀྱིས་གསར་འགྱུར་ལ་ཚིག་གི་ཁྱད་པ་ཅུང་ཟད་ཡོད་པ་ལྟར་སྣང་ཡང་། དོན་ལ་ཁྱད་པ་མི་འདུག་པས་བློ་ཁ་ནང་དུ་ཕྱོགས་ནས་ལེགས་པ་སོམས་དང་ཤེས་པ་འགྱུར་རོ།
འབུམ་རམས་པ་དགེ་པདྨ་དབྱངས་ཅན་ལགས་སུ་ཉེ་འཆར་རང་ཤེས་རིག་བཀའ་བློན་གསར་དུ་འོས་འདེམས་བྱུང་བར། གུས་པས་དགའ་བསུ་ཞུ་བ་དང་ཆབས་ཅིག་ཏུ་ལས་དོན་མཐའ་དག་ལམ་ལྷོངས་ཡག་པོ་ཡོང་བའི་སྨོན་འདུན་ཞུ།
བུད་མེད་གཅིག་བཀའ་བློན་དུ་ཕེབས་པར་དགའ་བསུ་ཡོད། བུད་མེད་ཀྱི་ནུས་སྟོབས་སྤེལ་རོགས་གནང།
བོད་རྒྱལ་ལོ།
བོད་ཀྱི་དུས་བབ་དང་བང་ཆེན་གཉིས་ཀྱི་གསར་འགྱུར་བར་ཁྱད།
དུས་བབ་ནང་།
“སྲིད་སྐྱོང་བློ་བཟང་སེང་གེ་མཆོག་ནས་བོད་མིའི་སྒྲིག་འཛུགས་ཀྱི་བཀའ་བློན་འོས་མིར་འབུམ་རམས་པ་པདྨ་དབྱངས་ཅན་ལགས་མཚན་འདོན་གནང་སོང་བ་དང་། སྤྱི་འཐུས་ཟླ་བ་ཕུན་སྐྱིད་ལགས་ནས་འོས་བླུག་དགོས་པའི་དགོངས་འཆར་བཏོན་པ་ལྟར།”
བང་ཆེན་ནང་།
“སྲིད་སྐྱོང་བློ་བཟང་སེང་གེ་མཆོག་གིས་འབུམ་རམས་པ་པདྨ་དབྱངས་ཅན་ལགས་བཀའ་བློན་གྱི་འོས་མིར་མིང་འདོན་གནང་ཡོད་པ་དང་། སྤྱི་འཐུས་ཟླ་བ་ཕུན་སྐྱིད་ཀྱིས་དགག་བྱ་གནང་རྗེས། གྲོས་ཚོགས་འཐུས་མི་རྣམ་པས་གསང་བའི་འོས་བསྡུ་བྱས་ཡོད་པ་རེད།”