མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

བོད་ཀྱི་གསུམ་བཅུའི་དུས་དྲན་དང་རྒྱ་ནག་གི་དྲུག་བཞིའི་དུས་དྲན།

བོད་ཀྱི་དུས་བབ།
༢༠༡༨/༠༦/༡༣
Share on FacebookShare on TwitterShare on EmailShare on Whatsapp

ནམ་མཁའ།

༡༩༨༩ལོའི་ཕྱི་ཟླ་༦ཚེས༤མཚན་མོ་འཛམ་གླིང་མི་དམངས་ཀྱི་མིག་ཆུ་ཤོར་དགོས་པའི་དོན་རྐྱེན། རྒྱ་ནག་གི་རྒྱལ་ས་པེ་ཅིན་གྱི་གནམ་བདེ་སྒོ་མོ་ཆེ་ཡི་ཐང་ཆེན་ནས། རོ་ཡི་རི་བརྩིགས་ཤིང་ཁྲག་གི་མཚོ་བསྐྱིལ་པས། རྒྱ་ནག་དམར་ཤོག་ཚོགས་པའི་སྲིད་གཞུང་གདུག་རྩུབ་ཅི་འདྲ་ཅན་ཞིག་ཡིན་པ་འཛམ་གླིང་ཤར་ནུབ་ཀུན་ལ་བསྟན་པ་རེད།  སྐབས་དེར་རྒྱ་ནག་སྲིད་གཞུང་གིས་འཛམ་གླིང་ལ་ངོས་ལེན་བྱས་པའི་སློབ་ཕྲུག་དམར་གསོད་བཏང་བའི་གྲངས་ཀ༢༥༠༠ཡས་མས་ཡིན་མོད།འོན་ཀྱང་རྗེས་ནས་གསང་བ་ཕྱི་ལ་ཤོར་བའི་གནས་ཚུལ། ཉེ་བའི་ཆར་བོད་ཀྱི་དུས་བབ་ཀྱིས་བཀོད་པ་ལྟར་ན། སློབ་ཕྲུག་ཁྲི་གསུམ་ཡས་མས་ལྷག་བཤད་ཀྱི་ཡོད། གང་ལྟར་ཡང་སློབ་ཕྲུག་མང་པོ་ཞིག་གི་ཚེ་སྲོག་མཚན་གཅིག་ལ་རྒྱ་ནག་མི་དམངས་དུང་ཕྱུར༡༣གྱི་རང་དབང་ཆེད་ཤོར་པ་རེད།

ཚེ་སྲོག་ཤོར་བའི་སློབ་ཕྲུག་དེ་དག་ནི་དེང་སང་གི་སློབ་ཕྲུག་དང་ལས་བྱེད་བཞིན།རང་གི་མདུན་གྱི་ཕོར་བ་དང་གོ་གནས་ལ་སྙེགས་ཏེ། མི་དམངས་ཉམ་ཆུང་ཚོར་དབང་ཤུགས་བཀོལ་ནས་བཤུ་གཤོག་དང་བཙན་འཕྲོག་བྱེད་པའི་ནག་ཚོགས་ལྟ་བུ་མ་ཡིན་པར། རྒྱ་ནག་མི་དམངས་དུང་ཕྱུར༡༣ལ་རང་དབང་གི་བདེ་སྐྱིད་ཞིག་འབྱུང་འདོད་ཀྱི་ཀུན་སློང་བཟང་པོའི་སྙིང་སྟོབས་བསྐྱེད་དེ་རང་སྲོག་བློས་བཏང་བྱས་པ་རེད། གནས་ཚུལ་འདི་རྒྱ་ནག་མི་དམངས་དང་ལྷག་པར་དུ་ཚེ་སྲོག་ཤོར་བའི་སློབ་ཕྲུག་ཚོའི་ཕ་མ་ཚོས་བརྗེད་ཐུབ་པ་ཞིག་མིན་མོད། འོན་ཀྱང་ལོ་ངོ་མང་པོ་འགོར་རྗེས་སུ་རིམ་གྱིས་སྣུམ་ཟད་མར་མེ་བཞིན། སྙིང་སྟོབས་དང་སེམས་ཤུགས་ཀྱི་མེ་ལྕེ་ལོ་རེ་ནས་ལོ་རེ་ཇེ་ཆུང་དུ་ཕྱིན་ཡོད། དཔེར་ན། ང་རང་ཡོ་རུབ་ལ་སླེབས་པའི་ལོ་ཤས་རྗེས་ནས་6/4དུས་དྲན་ལ་ལོ་ལྟར་འགྲོ་གི་ཡོད། ག་དུས་ཡིན་ན་ཡང་དམངས་གཙོ་དོན་གཉེར་ཅན་གྱི་རྒྱ་རིགས་ཚོ་ལས་བོད་རིགས་མང་པོ་སླེབས་ཀྱི་ཡོད།རྒྱ་རིགས་༡༠ནས་༡༥ཙམ་ལས་ཡོང་གི་མེད། དེ་ལས་ཀྱང་ཐབས་སྐྱོ་བ་ཞིག་ནི། བཙན་བྱོལ་བོད་མིའི་ནང་ཁུལ་དུ་འབྲོང་རྭ་སྐམ་པོ་ཆུ་ཁོལ་ནང་བཙོས་པ་བཞིན།དབུ་ལམ་དང་རང་བཙན་བར་གྱི་ཚིག་འཛིངས་བྱེད་པ་ལྟར། རྒྱ་རིགས་དམངས་གཙོ་དོན་གཉེར་ཅན་ཁོ་རང་ཚོའི་ནང་ཁུལ་འཐབ་འཛིངས་བྱས་ཏེ། བརྩིགས་ངོས་སུ་སྲན་ཕུང་བརྡབས་པ་ལྟར་འཐོར་བཤིགས་སུ་སོང་ཡོད།

བཙན་བྱོལ་སྤྱི་ཚོགས་སུ་ཡང་གནས་ཚུལ་འདི་འབྱུང་ལ་ཁད་ལོ་ཤས་གོང་བྱུང་ཡོད། དཔེར་ན། སྲིད་སྐྱོང་བློ་སེང་གི་བློ་འདྲི་ས་དབུ་དཀར་ཚང་སྐལ་རྡོར་ཨ་རིའི་དོན་གཅོད་ཡིན་པའི་སྐབས། རང་བཙན་བརྩོན་ལེན་བྱེད་མཁན་གཞོན་ནུ་དང་སློབ་ཕྲུག་རང་བཙན་ཚོགས་པ་ཚོ། གསུམ་བཅུ་དུས་དྲན་ཉིན་ཨ་རིའི་བདེ་སྲུང་ཉེན་རྟོག་པ་ལ་འབྲེལ་བ་བྱས་ཏེ་འཛིན་བཟུང་བྱེད་དུ་བཅུགས་པ་རེད། སྟབས་ལེགས་པ་ཞིག་ལ། འཛམ་གླིང་མི་དམངས་ཀྱི་གཙིགས་སུ་བཀུར་ཡུལ་བོད་མི་དམངས་ཀྱི་དབུ་ཁྲིད༧གོང་ས༧མཆོག་སྐུ་འཚོ་བཞུགས་ཀྱི་སྐུ་དྲིན་དང་བོད་མི་དམངས་ཀྱི་སེམས་ཤུགས་ལ་ཉམས་ཆགས་སུ་གཏོང་ཐུབ་མེད་། རྒྱ་རིགས་དམངས་གཙོ་དོན་གཉེར་བ་ཚོ་རྒྱ་ནག་དམར་ཤོག་གིས་སྲན་ཕུང་གཏོར་བ་ལྟར། བློ་སེང་དང་སྐལ་རྡོར་གཉིས་ཀྱིས་ཀྱང་བཙན་བྱོལ་སྤར་མོ་གང་པོ་གཏོར་རྩིས་ཐེངས་མང་བྱས་ཀྱང་དོན་འབྲས་བྱུང་མེད་པས་ཤིན་ཏུ་ནས་སྤྲོ་འོས་པ་ཞིག་རེད།

གང་ལྟར་ཡང་ཧྥུ་རན་སིར་རྒྱ་རིགས་འབུམ་ལྔ་ལྷག་ཡོད་ན་ཡང་། དྲུག་བཞིའི་དོན་རྐྱེན་བྱུང་ནས་ལོ་ངོ་སུམ་བཅུ་ཙམ་ཡང་འཁོར་མེད་མོད།འོན་ཀྱང་དྲུག་བཞིའི་དུས་དྲན་ཉིན་མོ་རྒྱ་རིགས་༡༠ལྷག་ཙམ་འདུ་འཛོམས་ཀྱིས་དུས་དྲན་སྲུང་བརྩི་བྱེད་སྟངས་དང་བསྡུར་ནས་བཤད་ན།

བོད་ལུང་པ་ཤོར་ནས་མི་རབས་གཅིག་རྫོགས་ཏེ། མི་རབས་གཉིས་པའི་ཕྲག་སྟེང་ལ་སླེབས་པའི་ཉིན་མོ་དེ་རིང་། ད་དུང་ཡང་བོད་ཕྱི་ནང་གཉིས་སུ་བོད་མི་རིགས་ཀྱི་སྙིང་སྟོབས་ཀྱི་མེ་ལྕེ་སྔར་བཞིན་འབར་བཞིན་ཡོད་ལ། མི་རིགས་ཀྱི་ལ་རྒྱའི་མེ་དཔུང་འཛམ་གླིང་གི་ཕྱོགས་གང་སར་མཆེད་ཡོད། དཔེར་མཚོན་ཙམ་ཞུས་ན། ༡༩༥༩ལོ་ནས་བཟུང་གསུམ་བཅུ་དུས་དྲན་གྱི་ཉིན་མོ།འཛམ་གླིང་ཕྱོགས་གང་སར་ཡོད་པའི་བོད་རིགས་ཞིག་ཡིན་ཕྱིན་གསུམ་བཅུ་དུས་དྲན་གྱི་མཛད་སྒོར་ཕྱིན་ཏེ།རྒྱ་ནག་གཞུང་ཚབ་སྒོ་འགྲམ་ནས་བོད་མི་རིགས་ལ་རང་དབང་དགོས་བའི་འབོད་སྒྲ་བར་སྣང་གི་འབྲུག་སྐད་ཡང་ཟིལ་གྱིས་གནོན་ཐུབ་པ་ལྟ་བུ་བྱུང་གི་ཡོད།  དཔེར་ན། ལོ་འགའ་རེ་ཡི་ནང་དུ་ཡོ་རུབ་རྒྱལ་ཁབ་ཁག་ཏུ་ཡོད་པའི་བོད་རིགས་ཡོངས་རྫོགས་ཆིག་སྒྲིལ་གྱིས་གསུམ་བཅུ་དུས་དྲན་སྲུང་བརྩི་བྱེད་ཀྱི་ཡོད།

ད་ལོའི་༢༠༡༨ལོའི་གསུམ་བཅུ་དུས་དྲན་སིད་སི་ནས་བྱས་པའི་སྐབས་སུ་ཡང་། ཡོ་རུབ་རྒྱལ་ཁབ་གང་ས་རུ་ཡོད་པའི་བོད་རིགས་ཚོས་སོ་སོའི་དངུལ་ཁུག་ནས་འགྲོ་གྲོན་བཏང་སྟེ། སྤྱི་སྤྱོད་རླུང་འཁོར་དང་མེ་འཁོར་སོགས་ཀྱི་ནང་བསྡད་དེ་ཡོང་མཁན་།ཕལ་ཆེར་བོད་མི་སྟོང་ཕྲག་འགའ་ཤས་སིད་སི་ཇི་ཎི་ཝར་འཛོམས་སོང་།དེ་ཡང་ལས་སླ་བོར་ཐག་ཉེ་ཆུ་ཚོད་གཉིས་གསུམ་གྱི་ལམ་ཐག་མ་ཡིན་པར། ཁོང་ཚོ་མཚན་གང་བོར་སྤྱི་སྤྱོད་རླུང་འཁོར་ནང་ཡོང་སྟེ། ཞོགས་པ་ཆུ་ཚོད་བཅུ་ཡས་མས་སུ་སིད་སི་ལ་སླེབས་ཀྱི་ཡོད། སིད་སིར་འབྱོར་མ་ཐག་ངལ་གསོས་ཏེ་ཞོགས་ཇ་ཙམ་འཐུང་ཁོམ་ཡང་མེད་པར་སྐད་འབོད་ཀྱི་འགོ་འཛུགས་སའི་ས་ཁུལ་དེར་འགྲོ་དགོས་ཀྱི་ཡོད། སྤྱིར་བཏང་གིས་བཤད་ན། ས་གནམ་གང་ནས་ཆུ་ཚོད་མང་པོ་འགྲུལ་བཞུད་བྱས་ཚེ། ཐང་ཧ་ཅང་ཆད་ཀྱི་ཡོད་པ་ཆུ་ཚོད་མང་པོ་ལ་རླུང་འཁོར་དང་གནམ་གྲུའི་ནང་འགྲུལ་བཞུད་བྱས་མྱོང་མཁན་ཚོས་ཤེས་ཀྱི་རེད། ཡིན་ན་ཡང་བོད་མི་ཚོའི་གདོང་ན་ཐང་ཆད་ཡོད་པའི་རྣམ་འགྱུར་ཙམ་ཡང་མེད་པར། ཁོང་ཚོའི་གདོང་ན་འཛུམ་མདངས་ཀྱིས་རྒྱན་ཞིང་།སྙིང་སྟོབས་ཀྱི་མེ་ལྕེ་འབར་བཞིན་པ་ཕྱི་རྒྱལ་མི་རིགས་སུས་ལྟས་ཀྱང་མཐོང་ཐུབ།

སུད་སི་ལུང་པའི་མཐའ་ཡོངས་སུ་རི་བོའི་སྐོར་ཞིང་། རི་བོའི་རྩེ་མོ་ཡོངས་སུ་གངས་ཀྱིས་རྒྱན་ཡོད་པ་མ་ཟད། ད་རུང་ནགས་རི་སྤང་རི་སོགས་ཡོད་པའི་ཡིད་དབང་འཕྲོག་པའི་ལུང་པ་ཞིག་རེད། རི་བོའི་འདབས་སུ་མཚོ་ཆུང་ཞིག་འདུག་ལ། དེའི་མཐའ་ཡོངས་སུ་གྲོང་ཁྱེར་ཆགས་འདུག་པས། དོན་སྣང་བྱེད་མཁན་གྱི་བོད་རིགས་ཚོར་བོད་ལུང་པ་ལ་སླེབས་པ་འདྲ་བའི་ཚོར་སྣང་བྱུང་ཡོད་སྲིད།

ང་ཚོ་ཆ་ཚང་སྤྱི་སྤྱོད་རླུང་འཁོར་ནས་ཐང་ལ་བབས་མ་ཐག་སྐད་འབོད་འགོ་འཛུགས་བྱེད་སའི་ས་གནས་དེར་ཕྱིན།   མེ་ཏོག་གླིང་ཀ་ལྟ་བུའི་ཐང་ཆེན་ཞིག་ཏུ་བོད་རིགས་མང་པོའི་གངས་སེང་གཡུ་རལ་ཅན་གྱི་རྒྱལ་དར་འཕྱར་བཞིན་ཡོད་སྟབས། གངས་སེང་གི་རྒྱལ་དར་དེ་ནི་རི་བོའི་མཐའ་སྐོར་བའི་སུད་སི་ལུང་པའི་རྒྱན་ཆ་ལྟ་བུ་ཞིག་ཏུ་གྱུར་འདུག་པས་ཆེས་ཤིན་ཏུ་བརྗིད་ཉམས་ལྡན་པ་ཞིག་རེད།དེའི་ཉིན་མོ་བོད་མི་ས་ཡ་དྲུག་གི་སེམས་ཁོང་གི་སྡུག་བསྔལ་ཕྱི་རུ་མངོན་ཏེ། སྐྱོ་གདུང་གི་མིག་ཆུ་བཞུར་བ་ལྟར་ཆར་ཤོད་ཤིན་ཏུ་ཆེ་ཡང་། བོད་རིགས་ཚོའི་གདོང་ལ་དཔའ་ངར་གྱི་སྙིང་སྟོབས་ཞུམ་པ་མེད་པར།ཆུ་ཚོད་གཅིག་ཙམ་ལྷག་ལ་ཆར་ཤོད་ཆེན་པོ་དེའི་ནང་གྲོམ་བགྲོད་མཉམ་འབྲེལ་རྒྱལ་ཚོགས་ཀྱི་མདུན་ཐང་བར་དུ་བྱས་པ་རེད།

ས་ཐག་རིང་མིན་ལ་མ་བལྟས་བར་བོད་རིགས་འདི་འདྲའི་མང་པོ་འདུ་འཛོམས་བྱུང་སྟེ། ཆར་ཤོད་ཆེན་པོ་དེའི་ནང་གོམས་བགྲོད་བྱས་པ་འདིས་གང་མཚོན་གྱི་ཡོད་པ་རེད་ཟེར་ན། བོད་མི་རིགས་ཀྱི་སེམས་ཤུགས་དང་སྙིང་སྟོབས་ལ་རྒྱ་མཚོན་གྱི་ཡོད་པ་མ་ཟད། བོད་མི་རིགས་ཀྱི་འཐབ་རྩོད་འདི་མི་རབས་དང་པོ་རྫོགས་ན་ཡང་།མི་རབས་གཉིས་པའི་སྙིང་སྟོབས་དང་ལ་རྒྱ་མུ་མཐུད་གནས་ཐུབ་ཀྱི་ཡོད་པའི་ར་སྤྲོད་ཀྱི་བརྡ་ལན་འཛམ་གླིང་དང་རྒྱ་ནག་ལ་སྤྲད་ཡོད་པ་རེད།ལྷག་པར་དུ་༢༠༠༨ཡར་སྔོན་དུ་རྒྱ་ནག་སྲིད་གཞུང་གི་བསམ་ཚུལ་ལ།བོད་ཕྱི་ལོགས་ཀྱི་བོད་རིགས་ཚོས་བོད་ཀྱི་ཐོབ་ཐང་རྩོད་ཀྱི་ཡོད་པ་ལས།བོད་ནང་གི་བོད་མི་ཚོ་ཞི་བདེ་ལྷང་འཇགས་ཡིན་ཚུལ་འཛམ་གླིང་ལ་སྒྲོགས་གང་ཐུབ་བྱས་ཡོད། ཡིན་ན་ཡང་༢༠༠༨ལོའི་ཞི་རྒོལ་ཆེན་མོས་རྒྱ་ནག་གི་བསྒྲགས་གཏམ་ཡོངས་རྫུན་མ་ཡིན་པའི་བདེན་དཔང་བྱས་པ་མ་ཟད། བོད་མི་རིགས་ཀྱི་མི་རབས་གཉིས་པའི་སྙིང་སྟོབས་དང་ལ་རྒྱ་ཅི་འདྲ་ཞིག་ཡིན་པ་ཡང་རྒྱ་གཞུང་ལ་ཤེས་སུ་བཅུགས་ཡོད་ལ།བོད་མི་རིགས་ཀྱི་རང་དབང་གི་ཆེད་དུ་རང་ལུས་མེ་བསྲེགས་གནང་བའི་གྲངས་ཀ་འདིས་ཀྱང་། འཛམ་གླིང་གི་ལོ་རྒྱུས་ཀྱི་ཟིན་ཐོ་འགོད་དགོས་པ་ཞིག་ཏུ་གྱུར་ཡོད། ཕྱི་སྡོད་བོད་རིགས་ཁ་ཤས་ཀྱིས་གསུམ་བཅུ་དུས་དྲན་ལ་སོང་ཀྱང་ཕན་ཐོག་མི་འདུག་སྙམ་སྟེ།མི་ཡོང་མཁན་ཡང་མང་པོ་ཡོད་སྲིད་མོད།འོན་ཀྱང་དེ་འདྲའི་བསམ་བློ་ནི་མཐོང་རྒྱ་ཆུང་དྲགས་པའི་རྟགས་ཡིན།

ང་ཚོ་ཕྱི་སྡོད་བོད་མི་ཚོ་གཞི་ལུས་མི་དམངས་ཀྱི་མགྲིན་ཚབ་པ་ཡིན་པའི་ཆ་ནས་གསུམ་བཅུ་དུས་དྲན་ཉིན། རྒྱ་ནག་གཞུང་ཚབ་སྒོ་འགྲམ་ནས་སྐད་འབོད་རྒྱབ་པ་འདིས། གཞི་ལུས་མི་དམངས་ལ་རང་དབང་མེད་པའི་བརྡ་ལན་རྒྱ་གཞུང་དང་འཛམ་གླིང་ལ་སྤྲོད་ཀྱི་ཡོད་སྟབས། ལོ་ངོ་དྲུག་བཅུ་འཁོར་ཡང་བོད་ཀྱི་གནད་དོན་སེལ་ཐུབ་མེད་པའི་ར་སྤྲོད་བྱེད་ཀྱི་ཡོད་ལ། བོད་ཀྱི་བདེན་མཐའ་སེལ་རག་བར་དུ་བོད་མི་རིགས་ཀྱི་སེམས་ནམ་ཡང་ཞུམ་པ་མེད་པ་མཚོན་གྱི་ཡོད་པས། གསུམ་བཅུ་དུས་དྲན་ཉིན་ཕྱི་སྡོད་བོད་མི་ས་གནས་གང་དུ་ཡོད་ཀྱང་ཕེབས་རྒྱུ་གལ་ཆེན་ཞིག་ཏུ་མཐོང་། དེ་མིན་ཉིན་ཞིག་རྒྱ་ནག་གི་དྲུག་བཞིའི་དོན་རྐྱེན་བཞིན་སྣུམ་ཟད་མར་མེ་བཞིན་མི་འགྱུར་བའི་ངེས་པ་མེད་པས་གང་གཟབ་ཀྱིས་བསམ་གཞིགས་བྱེད་རྒྱུ་གལ་ཆེན་རེད།

འབྲེལ་ཡོད་གསར་འགྱུར།

Some books and Arts of the late professor David Jackson. Photo: edited by tibettimes
Mobile App

ཨ་རིའི་བོད་རིག་པའི་མཁས་པ་ཞིག་འདས་གྲོངས་སུ་གྱུར།

ཆུ་ཚོད་ ༡༩ སྔོན་ལ།
རྒྱ་ནག་སི་ཁྲོན་ཅིང་ཡུག་གྲོང་ཁྱེར་སྲིད་གཞུང་གི་མདུན་དུ་མི་སྟོང་ཕྲག་གིས་ངོ་རྒོལ་བྱས། ༢༠༢༥།༠༨།༠༤-༠༥ དྲ་ལམ་གྱི་པར།
Mobile App

རྒྱ་ནག་ནང་མི་མང་གིས་ངོ་རྒོལ་བྱས་ཏེ་འཛིན་བཟུང་བྱས།

ཆུ་ཚོད་ ༢༠ སྔོན་ལ།
the before after view of an inhabitated area damaged in a flash flood triggered by a cloudburst at Dharali, in Uttarakhand's Uttarkashi district on August 5. (Image: PTI)
Mobile App

ཨུ་ཊར་ཁན་གྱི་གྲོང་གསེབ་ཅིག་ལ་ཆུ་ལོག་གི་གནོད་སྐྱོན་ཆེན་པོ་བྱུང་། 

ཆུ་ཚོད་ ༢༣ སྔོན་ལ།
བོད་མི་ལམ་བཟོ་བ་མ་བུ་གཉིས།
Mobile App

གོ་སྟོན་གྱི་རྟེན་འབུལ། ངའི་སེམས་ཁོངས་ན་ཡོད་པའི་མི་མངོན་པའི་རྒྱལ་ཁབ་དེ་ལ་བདེན་རྟགས་ཤིག

༢༠༢༥/༠༨/༠༥
༸གོང་ས་མཆོག གསར་འགྱུར།

རྒྱ་ནག་གཞུང་ལ་༸གོང་ས་མཆོག་གི་ཡང་སྲིད་ཀྱི་བདག་དབང་རྩ་བ་ནས་མེད་པའི་ལན་འདེབས་གནང་།

༢༠༢༥/༠༨/༠༥
Mobile App

ང་ཡི་སེམས་ངོར་འཆར་བའི་ནང་ཆོས།

༢༠༢༥/༠༨/༠༥

མཆན། 4

  1. ཨ་འབར་འཇིགས་དབང། says:
    ལོ་ 7 སྔོན།

    ༄༅། ད་ བོད་ནང་རང་ལུས་མེར་བསྲེགས་གྲངས་ ༡༥༢ གནང་ཡང་རྒྱ་དམར་ཁྲིམས་མེད་ལུང་མེད་ནས་
    བདག་པོ་རྒྱག་གི་མེད་པ་དང། འཛམ་གླིང་རྒྱལ་ཁབ་ཁག་ནས་ཀྱང་ཁ་ཡོད་ལག་ཡོད་ཀྱི་དོན་འབྲས་ཐོན་མ་གནང་
    གི་མེད་སྟབས་་་ད་་རྒྱལ་སྤྱིའི་སྒོ་མདུན་དུ་བོད་མི་ ༡༥༢ འཛོམས་ནས་རང་སྲོག་མེད་བསྲེགས་བྱེད་རྒྱུའི་དུས་བཀག་
    བཟོས་ནས་གསལ་བསྒྲགས་གཅིག་བྱེད་ན་དོན་འབྲས་སོན་མདོག་ཁ་ོརེད། ད་སྒུག་ནས་བསྡད་རྒྱུ་མི་འདུག་།
    ད་ཁ་ནས་བཤད་དེ་མ་བསྡད་། དུས་ལ་སླེབས་འདུག་ ལངས་ཤོག་ སྐྱ་སེར་བོད་མི་རྣམས།

    Reply
  2. ཨ་འབར་འཇིགས་དབང། says:
    ལོ་ 7 སྔོན།

    ༄༅། སྔོན་མ་ཡིན་ན་ང་ཚོ་མང་མས་རང་བཙན་གྱིས་སྐད་འབོད་རྒྱག་པ་དངོས་བདེན་རེད།
    ཡིན་ཡང་དེའི་སྐབས་དེའི་དུས་ཞིག་ཡིན་པ་དང། ད་ཆ་གནས་སྟངས་གང་གི་ཐོག་ནས་ཀྱང་
    འགྱུར་བ་འགྲོ་གི་ཡོད་སྟབས་་་ང་ཚོའི་ལངས་ཕྱོགས་ཀྱང་ངེས་པར་འགྱུར་བ་འགྲོ་དགོས་པ་རེད།

    མ་ཚད་བོད་པས་དབུ་མའི་ལམ་འདི་རྒྱ་བོད་གཉིས་ཕན་གྱི་སྲིད་བྱུས་གཅིག་རེད།
    ད་ཆ་རང་བཙན་རང་བཙན་ཞེས་ག་ཚོད་བཤད་ཀྱང་དོན་དངོས་ཐོག་ཡོང་ཡ་རྩ་བ་ནས་མེད་པ་
    ཞིག་མཐོང་གི་འདུག།
    དགོས་རྒྱུ་པག་ལ་པག་ཁུ་ད་ར་དགོས་ཀྱང་་་ད་ར་མེད་ན་པག་ཁུ་ཆུ་ལ་བརྟེན་དགོས་པ་ངེས་ཅན་རེད།
    རང་བཙན་རྩོད་ན་ངེས་པར་དགོས་གལ་ཡོད་པ་གསུམ་རང་རེད།
    ༡) བོད་རང་བཙན་རྩོད་པར་དཔལ་འབྱོར་ངེས་པར་དགོས་པ།
    ༢) དེང་དུས་དང་མཐུན་པའི་དམག་མི་དང་མཚོན་ཆ་དགོས་གལ་ཆེ་བ།
    ༣) འཛམ་་གླིང་རྒྱལ་ཁབ་ཆེ་ཁག་ནས་དོན་དམ་པའི་རྒྱབ་སྐྱོར་དགོས་གལ་ཆེ་བ་ཡིན།
    ད་ལྟ་བར་ལ་་རྒྱལ་ཁབ་སུས་བོད་རང་བཙན་ལ་རྒྱབ་སྐྱོར་བྱས་ཡོད།
    གོང་གསལ་གསུམ་མེད་ན་་་་སྦལ་པ་རྒྱ་མཚོའི་གཏིང་ནས་སྡུག་སྐད་ག་ཚོད་བརྒྱབ་ཀྱང་
    འཛམ་གླིང་རྒྱལ་ཁབ་ཁག་ནས་རྒྱབ་སྐྱོར་དང་བདག་པོ་ནམ་ཡང་མི་རྒྱག་ཐག་ཆོད་པ་རེད།

    Reply
  3. གཞུང་པ་ཚེ་དབང་བསོད་ནམས་་ says:
    ལོ་ 7 སྔོན།

    དེ་སྔོན་གསུམ་བཅུའི་དུས་དྲན་སྐབས་ང་ཚོས་རྒྱ་མི་བོད་ནས་ཕར་རྒྱུགས་ཤིག་ཟེར་བ་དང་
    བོད་ཀྱི་བདག་པོ་བོད་མི་ཡིན་ཟེར་བ་དང་བོད་རང་བཙན་ཡིན་ཟེར་བ་སོགས་ལ་འགན་
    འཁུར་ནས་གསུམ་བཅུའི་དུས་དྲན་སྲུངས་རྩི་ཞུ་བཞིན་པ་དང་ལོ་རབས་ཉིས་སྟོང་ཤར་ནས་
    ང་ཚོས་གསུམ་དུས་སྐབས་བྱང་ཆུབ་སེམས་མཆོག་རིན་པོ་ཆེ་སྐད་གསང་མཐོ་བོའི་འདོན་པ་
    ལས་དེ་སྔའི་འབོད་ཚིག་གོ་རྒྱུ་མེད་པ་ཆགས་པ་མ་འོངས་པར་ང་ཚོའི་ལག་ལྟར་བྱེད་བཞིན་
    པའི་མང་གཙོའི་ལམ་ལུགས་འདི་ཡང་ཁ་ཕྱོགས་ག་འདྲ་ཞིག་ཏུ་ཕྱོགས་མིན་འཐེ་འཚོམ་ནང་དུ་
    ལྷག་མི་འདུག་གམ་?

    Reply
  4. བློ་བཟང་དོན་གྲུབ says:
    ལོ་ 7 སྔོན།

    འདི་ཡང་བཙན་བྱོལ་སྤྱི་ཚོགས་དཀྲུག་བྱེད་ཀྱི་རྒྱ་ཐུར་རང་ལས་མ་འདས་གང་ལྟར་བསམ་ཆར་དེ་ལ་མོས་པ་བྱུང་མ་སོང་

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese