མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

དབུལ་སྒྲོལ་ལས་གཞི་དེ་རེའུ་མིག་སྐོང་ཐབས་ཙམ་ཆཊ་འདུག

བོད་ཀྱི་དུས་བབ།
༢༠༡༨/༠༧/༡༢
Share on FacebookShare on TwitterShare on EmailShare on Whatsapp

ཞི་ཅིན་ཕིན་གཞུང་གི་དབུལ་སྐྱོར་འགག་སྒྲོལ་གྱི་ལས་གཞིར་ཕམ་ཉེས་ཆེན་པོ་བྱུང་འདུག་པས་རྒྱུ་རྐྱེན་ ༦ ལ་ངེས་པར་དུ་བསམ་ཞིབ་མ་བྱས་ཚེ་རེའུ་མིག་སྐོང་ཙམ་དང་ཁ་སྟོང་ནང་གི་ཚིག་སྟོང་རེད་ཟེར།ཟླ་འདིའི་ཕྱི་ཚེས་ ༡༡ ཉིན་རྒྱ་ནག་གཞུང་འབྲེལ་ཀྲུང་དབྱང་བརྙན་འཕྲིན་གསར་ཁང་གིས་སྤེལ་བའི་གནས་ཚུལ་ལྟར་ན། རྒྱ་ནག་རྒྱལ་ཡོངས་སུ་སྤེལ་བཞིན་པའི་དབུལ་སྐྱོར་འགག་སྒྲོལ་ལས་འགུལ་ཁྲོད། ས་ཆ་མང་པོར་དབུལ་སྐྱོར་འགག་སྒྲོལ་ནི་མགོ་འཁྲིད་ཚོས་རང་ཉིད་ཀྱི་ཁམས་མོས་ཙམ་ལས་མི་མང་གི་འདོད་བློ་ཁེངས་མིན་ལ་མི་ལྟ་བར། ཕྱི་ཚུལ་གྱི་རྣམ་པ་ཙམ་ལས་མང་ཚོགས་ཀྱི་དོན་དངོས་དཀའ་ངལ་སེལ་མིན་ལ་བསམ་བློ་མ་བཏང་བར་བརྟེན་ལས་གཞི་དེར་ཕམ་ཉེས་ཆེན་པོ་བྱུང་ཡོད་སྐོར་བརྗོད་འདུག

རྒྱ་ནག་གཞུང་འབྲེལ་ཀྲུང་དབྱང་བརྙན་འཕྲིན་ཁང་གི་གནས་ཚུལ་ནང་། དབུལ་སྐྱོར་འགག་སྒྲོལ་ལས་དོན་ཁྲོད་བྱུང་བའི་ཕྱི་ཚུལ་རིང་ལུགས་སྔོན་འགོག་མཐའ་གཅིག་ཏུ་བྱེད་རྒྱུ་དང་ དབུལ་སྐྱོར་ལས་དོན་དེ་ཁ་སྟོང་ཚིག་སྟོང་མིན་པར་བདེན་པ་བདེན་ཐུབ་བྱེད་དགོས་སྐོར་བརྗོད་འདུག རྒྱ་ནག་གཞུང་འབྲེལ་གསར་ཁང་ཞིག་གིས་རྒྱ་ནག་གཞུང་གི་ལས་འཆར་ཆེན་པོ་ཞིག་ལ་གྲུབ་འབྲས་མ་ཐོན་པར་བསྒྲགས་པ་ནི་ཧ་ཅང་མཐོང་ཐོས་དཀོན་པ་ཞིག་ཆགས་ཡོད་པ་དང་། ཐེངས་འདིའི་སྐྱོན་བརྗོད་ནང་དབུལ་སྒྲོལ་ལས་འགུལ་ལ་ཕམ་ཉེས་ཆེན་པོ་བྱུང་སྐོར་བརྗོད་པ་ཙམ་ལས་གང་དུ་འཐུས་ཤོར་དང་ཕམ་ཉེས་བྱུང་བ་སོགས་ཁ་གསལ་བརྗོད་མེད་པ་རེད།

རྒྱ་ནག་གཞུང་གི་མགོ་འཁྲིད་རིམ་པ་ནས་བརྒྱུད་དབུལ་སྒྲོལ་འགག་སྒྲོལ་ལས་འགུལ་ཞེས་པ་དེ་ས་བསྒྲགས་གནམ་བསྒྲགས་བྱས་ཡོད་པ་དང་། ལྷག་པར་དུ་རྒྱ་ནག་གི་སྲིད་འཛིན་ཞི་ཅིན་ཕིན་སྲིད་སྟེགས་སུ་སླེབས་པ་ནས་དབུལ་སྒྲོལ་འགག་སྒྲོལ་ཞེས་པ་སྔར་ལས་སྤྱོད་ཤུགས་ཆེ་རུ་བཏང་ཡོད་པ་དང་། ཁོས་ཁ་དན་ཚིག་ལ་གནས་ནས་གྲུབ་འབྲས་ཐོབ་པ་བྱེད་དགོས། གྲོང་གསེབ་ཀྱི་མི་འབོར་དབུལ་པོ་དུས་བཀག་བཞིན་དབུལ་སྒྲོལ་བྱ་རྒྱུ་དང་། རྫོང་དབུལ་པོ་ཚང་མའི་དབུལ་ཞྭ་འབུད་རྒྱུ། ས་ཁོངས་རང་བཞིན་གྱི་སྤྱི་ཡོངས་དབུལ་པོའི་གནད་དོན་ཐག་གཅོད་བྱ་རྒྱུ་བཅས་ནི་ཕྱོགས་ཡོངས་ནས་འབྱོར་འབྲིང་སྤྱི་ཚོགས་སྐྲུན་ཐུབ་པ་བྱེད་པའི་མཐའ་ཚད་ཀྱི་ལས་འགན་ཞིག་ཡིན་ལ། ང་ཚོས་བཞག་པའི་གཟི་བརྗིད་ཆེ་བའི་དམ་བཅའ་ཡིན་སྐོར་བརྗོད་ཡོད་པ་རེད།

དབུལ་སྒྲོལ་འགག་སྒྲོལ་ཞེས་པའི་ལས་འགུལ་དེ་གྲངས་ཉུང་མི་རིགས་ཁག་གི་ནང་ཆབ་སྲིད་ཀྱི་ལག་ཆ་གལ་ཆེན་ཞིག་ཆགས་ཡོད་པ་དང་། ལྷག་པར་དུ་བོད་ཁུལ་དུ་དབུལ་སྒྲོལ་འགག་སྒྲོལ་གྱི་ལས་འགུལ་ལ་མཉམ་ཞུགས་དགོས་པར་བརྗོད་དེ། སྲིད་གཞུང་གིས་འབྲོག་པ་ཚོར་ཁང་པ་རེ་བརྒྱབ་ནས་སྒོ་ཕྱུག་མེད་པ་བཏང་བ་དང་ཞིང་བ་ཚོའི་ཞིང་སར་ཤིང་སྡོང་སོགས་འདེབས་འཛུགས་ཀྱིས་དབུལ་སྒྲོལ་ལས་གཞི་སྤེལ་གྱི་ཡོད་སྐོར་བསྒྲགས་ཏེ། རོང་འབྲོག་མང་ཚོགས་ལ་གཏན་ནས་གོམས་གཤིས་མེད་པའི་འཚོ་བ་རོལ་བཅུག་སྟེ་དཀའ་ངལ་ཆེན་པོ་སྤྲོད་བཞིན་ཡོད་པ་དང་། དེ་བཞིན་གྲངས་ཉུང་མི་རིགས་ཁག་གི་ཞིང་ཆེན་དང་ས་ཁུལ་རྫོང་རིམ་པ་མང་པོ་ཞིག་དབུལ་སྒྲོལ་ལས་ཐར་སོང་ཚུལ་དང་། དབུལ་སྒྲོལ་ལས་འགུལ་ལ་གྲུབ་འབྲས་ཆེན་པོ་ཐོབ་ཡོད་སྐོར་དྲིལ་བསྒྲགས་ཤུགས་ཆེར་བྱེད་བཞིན་ཡོད་པ་རེད།

ཕྱི་ལོ་ ༢༠༡༧ ལོའི་རྒྱ་ནག་གཞུང་འབྲེལ་དབུལ་སྒྲོལ་ཡིག་ཆའི་ནང་སྲིད་འཛིན་ཞི་ཅིན་ཕིན་གྱི་དབུལ་སྒྲོལ་འགག་སྒྲོལ་དམག་འཐབ་ལ་རྒྱལ་ཁ་ལེན་པའི་དུང་བརྡ་བསྒྲགས་པས་དབུལ་སྒྲོལ་འགག་སྒྲོལ་ལས་དོན་ལ་གཡུར་དུ་ཟ་བའི་གྲུབ་འབྲས་ཐོབ་ཡོད་པ་དང་། ཕྱི་ལོ་༢༠༡༣ ལོ་ནས་ ༢༠༡༦  བར་གྱི་ལོ་བཞིའི་རིང་ལོ་རེར་གྲོང་གསེབ་ཀྱི་མི་འབོར་དབུལ་པོ་ཁྲི་ ༡༠༠༠ ཉུང་དུ་ཕྱིན་ཡོད་པ་དང་།  མི་ཁྲི་ ༥༥༦༤ དབུལ་སྒྲོལ་ཐུབ་པ་དང་། ཕྱི་ལོ་ ༢༠༡༢ ལོའི་ལོ་མཇུག་བར་དབུལ་པོར་གྱུར་ཚད་ནི་བརྒྱ་ཆ་ ༡༠.༢ ཡིན་ན་ཡང་། ཕྱི་ལོ་ ༢༠༡༦ ལོའི་ལོ་མཇུག་ནས་མར་ཆགས་སྟེ་དབུལ་བོ་ཡིན་པའི་གྲངས་ཚད་བརྒྱ་ཆ་ ༤.༥ ཡིན་སྐོར་བསྒྲགས་་ཡོད་པ་རེད།

རྒྱ་ནག་ཉམས་ཞིབ་པ་ཚོས་རྒྱ་ནག་གི་མགོ་འཁྲིད་རིམ་པས་དབུལ་ཕུངས་དང་འཐབ་འཛིང་བྱེད་རྒྱུའི་ལས་འགུལ་ཤུགས་ཆེར་སྤེལ་ཡོད་ན་ཡང་ལམ་ལྷོང་བྱུང་བ་གཅིག་ཀྱང་མེད་པ་དང་། རྒྱ་ནག་ནང་ལོ་རེར་ཉེས་ཁྲིམས་གྱོད་དོན་དང་བདེ་སྲུང་གྱོད་དོན། མི་མང་གི་ངོ་རྒོལ་ལས་འགུལ་སོགས་གྲངས་ཚོད་མི་ཟིན་པ་ཞིག་བྱུང་གི་ཡོད་པ་དང་། རྒྱ་ནག་གི་མཐོ་རིམ་མགོ་འཁྲིད་ཚོས་སྤྱི་ཚོགས་བདེ་འཇགས་མེད་པ་ནི་དབུལ་ཕྱུག་གི་དབར་ཁྱད་ཀྱིས་སྐྲུན་བཞིན་པར་འདོད་པ་ལས་དབང་ཆ་གཅིག་སྡུད་ཀྱི་གནད་དོན་ལ་བསམ་བློ་གཏོང་ཐུབ་ཀྱི་མེད་པ་དང་། ཕྱི་ལོ་ ༢༠༡༠ ལོའི་རྒྱ་ནག་གི་དཔལ་འབྱོར་ཉམས་ཞིབ་ལྟར་ན། རྒྱ་ནག་ཏུ་མ་དངུལ་དུང་ཕྱུར་བརྒལ་བའི་འབྱོར་ལྡན་པ་ ༢༩༣༢ ལྷག་ནི་དམར་ཤོག་མཐོ་རིམ་དཔོན་རིགས་ཀྱི་བུ་དང་བུ་མོ་ཚོ་ཡིན་པ་དང་། ཁོ་ཚོའི་རྒྱ་ནག་རྒྱལ་ཡོངས་ཀྱི་འབྱོེར་ལྡན་པའི་བརྒྱ་ཆ་ ༩༡ ཟིན་ཡོད་པས་དེ་ནི་ཧ་ཅང་དོ་མི་མཉམ་པའི་དབང་ཆ་དང་དཔལ་འབྱོར་སྒེར་འཛིན་གྱི་གནས་སྟངས་ཤིག་ཆགས་ཡོད་པས། སྲིད་དབང་གཅིག་སྡུད་ལམ་ལུགས་ཀྱི་འོག་རུལ་སུངས་ལ་རྒོལ་བའི་ལས་འགུལ་ལ་ལམ་ལྷོང་ཡོང་མི་སྲིད་སྐོར་བརྗོད་ཡོད་པ་རེད།

མརཊེན་ཀིང་ཝའེཊེ་(Martin King Whyte)ཡིས་བརྩམས་པའི་རྒྱ་ནག་ལ་དགོས་པ་ནི་དྲང་བདེན་ལས་འདྲ་མཉམ་མིན་ཞེས་པའི་ནང་། དམར་ཤོག་ཚོགས་པའི་མགོ་གཙོ་ཚོས་བསྐྱར་ཟློས་ཡང་ཟློས་ཀྱིས་ནན་བརྗོད་བྱེད་བཞིན་པ་ནི། སྤྱི་ཚོགས་ནང་ངོ་རྒོལ་ཇེ་མང་ནས་ཇེ་མང་འགྲོ་བཞིན་ཡོད་པ་དེ་རེད། ཉེན་རྟོག་སྡེ་ཁག་གི་ཚོད་རྩིས་ལྟར་ན། ལོ་རེའི་ནང་རྒྱ་ནག་ནང་དུ་མི་དམངས་ཀྱི་ངོ་རྒོལ་དོན་རྐྱེན་ ༡༨༠༠༠༠ ཙམ་འབྱུང་གི་ཡོད་ཅིང་། མགོ་གཙོ་ཚོས་ངོ་རྒོལ་གྱི་ཡོ་ལངས་དེ་ནི་དབུལ་ཕྱུག་གི་བར་ཁྱད་ལ་བསྟན་པའི་ཁོང་ཁྲོའི་རྣམ་འགྱུར་ཞིག་ཡིན་པར་འགྲེལ་བརྗོད་བྱེད་ཀྱི་ཡོད། བར་ཁྱད་དེ་ཆུང་དུ་གཏོང་པར་མགོ་གཙོ་ཚོས་མི་ལོ་བཅུ་ཕྲག་འགའི་དུས་ཚོད་བཏང་ཡོད་མོད། འོན་ཀྱང་། རྒྱ་ནག་མི་མང་གིས་ངོ་རྒོལ་བྱེད་དོན་དབུལ་ཕྱུག་གི་ཁྱད་པར་མ་རེད། སྲིད་དབང་སྒེར་གཅོད་ཀྱིོས་དབང་ཆ་ལ་བར་ཁྱད་ཆེན་པོ་ཤོར་གྱི་ཡོད་པ་དེ་རེད། ཡིན་ཡང་། དབང་འཛིན་པ་ཚོས་དཀའ་ངལ་དེར་མིག་བཞག་ནས་ལྟག་ཁུག་གིས་ཀྱང་ལྟ་ཡི་མེད། དྲང་བདེན་མིན་པའི་ཁྲིམས་ལུགས་གཉེར་སྟངས་ལ་དབྱེ་ཞིབ་དང་གནས་བབ་འཕོ་འགྱུར་མ་བྱུང་ཚེ། དབུལ་སྒྲོལ་ལས་འགུལ་ནི་རེ་བ་སྟོང་ཟད་ཅིག་རེད། ཅེས་འཁོད་ཡོད།

ཐེངས་འདིར་རྒྱ་ནག་གཞུང་གིས་དབུལ་སྒྲོལ་ལས་འགུལ་ལ་ཕམ་ཉེས་བྱུང་དགོས་པའི་ཐད་དོན་ཚན་ ༦ ཅན་གྱི་རྒྱུ་མཚན་བཀོད་པའི་ཡི་གེ་ཞིག་བཏང་ཡོད་པའི་ནང་། དང་པོ།  ཡིག་ཐོག་ཏུ་རེའུ་མིག་སྐོང་པ་ཙམ་ལས་དོན་དངོས་དབུལ་སྐྱོར་བྱེད་ཀྱི་མེད་པ།

གཉིས་པ། དབུལ་ཕོངས་དུད་ཁྱིམ་ལ་གྱོན་ཆས་གསར་པ་ཉོ་བ་དང་། ཁང་པའི་གྱང་ལ་དཀར་རྩི་བྱུགས་པ་ཙམ་ཕྱི་ཚུལ་གྱི་རོགས་རམ་ཙག་ཙིག་ལས་དོན་དངོས་སུ་ཕན་ཐོགས་པའི་དབུལ་སྐྱོར་བྱེད་ཀྱི་མེད་པ།

གསུམ་པ། གྲོང་ཚོར་བཅའ་སྡོད་བྱས་པའི་ལས་བྱེད་པ་ཉིན་རེ་བཞིན་ལས་ཀར་ཡོང་བའི་ཐོ་རྒྱག་པར་བྲེལ་དགོས་པས་དབུལ་སྐྱོར་དུ་འགྲོ་བའི་དུས་ཚོད་མེད་པ།

བཞི་བ། ཐོན་ལས་དབུལ་སྐྱོར་བྱེད་སྐབས་ཐད་ཀར་ནོར་ལུག་ཉོས་ནས་སྦྱིན་པ་ལས་མི་སེར་ལ་ཡུན་རིང་ཕན་ཐོགས་པའི་ལས་རིགས་སྦྱོང་བརྡར་སོགས་མི་བྱེད་པ།

ལྔ་བ། དབང་ཆེ་བའི་སྡེ་ཁག་གིས་དབུལ་བོར་རོགས་སྐྱོར་མི་བྱེད་པར་ཕྱུག་པོར་དབུལ་སྐྱོར་བྱེད་པ།

དྲུག་པ། མི་ཁག་ཅིག་དབུལ་བོ་མིན་ཡང་དབུལ་བོར་བརྩི་བ་དང་། ཡང་ཁག་ཅིག་དབུལ་སྒྲོལ་བྱུང་མེད་ཀྱང་དབུལ་སྒྲོལ་བྱུང་བར་བརྩི་བ་བཅས་འཁོད་འདུག

གསར་འགོད་པ། སངས་རྒྱས་དཀོན་མཆོག

འབྲེལ་ཡོད་གསར་འགྱུར།

བོད་ནང་གི་ན་གཞོན་གཞས་པ་ཨ་སངས་ལགས། པར་དུས་བབ་ཀྱིས་ཕྱོགས་སྒྲིག་བྱས།
Mobile App

གཞས་པ་ཨ་སངས་ལགས་མུ་མཐུད་བཀག་ཉར་འོག་ཡོད་འདུག

༢༠༢༥/༡༠/༡༨
Zhang Youxia (front), newly-elected Vice Chairman of the Central Military Commission of the People's Republic of China, swears an oath with members of the Central Military Commission (L-R) Zhang Shengmin, Liu Zhenli, He Weidong, Li Shangfu, and Miao Hua, after they were elected during the fourth plenary session of the National People's Congress (NPC) at the Great Hall of the People in Beijing. photo credit: Reuter
Mobile App

རྒྱ་ནག་གཞུང་གིས་དམར་ཤོག་དཔོན་རིགས་དགུ་ཕྱིར་ཕུད་བཏང་།

༢༠༢༥/༡༠/༡༨
མོན་ཡུལ་འཕགས་བོད་མཛའ་འབྲེལ་ཚོགས་པས་༧གོང་ས་མཆོག་ལ་མནྜལ་བརྟན་གསུམ་འདེགས་འབུལ་ཞུས། ༢༠༢༥།༡༠།༡༨ དུས་བབ་ཀྱི་པར།
Mobile App

མོན་ཡུལ་འཕགས་བོད་མཛའ་འབྲེལ་ཚོགས་པས་༧གོང་ས་མཆོག་ལ་མནྜལ་རྟེན་གསུམ་འདེགས་འབུལ་ཞུས།

༢༠༢༥/༡༠/༡༨
Richard Gere receiving the Human Rights First Visionary Award. Photo: ICT
Mobile App

བོད་དོན་རྒྱབ་སྐྱོར་བ་རེ་ཆར་ཌི་གྷེ་རེ་ལགས་སུ་འགྲོ་བ་མིའི་ཐོབ་ཐང་གི་གཟེངས་རྟགས་ཐོབ།

༢༠༢༥/༡༠/༡༧
Mobile App

སེར་བྱེས་མཁས་སྙན་གྲྭ་ཚང་གིས་༧སྐུའི་གོ་སྟོན་གྱི་བྱམས་བརྩེའི་ལོ་སྲུང་གཙི་ཞུས།

༢༠༢༥/༡༠/༡༧
Mobile App

བོད་ནང་ཤོག་སྦག་གི་སྒྱུ་རྩལ་འགྲེམས་སྟོན་བྱེད་མཁན་ལ་ཉེས་ཆད་བཅད།

༢༠༢༥/༡༠/༡༦

མཆན། 1

  1. གཞུང་པ་ཚེ་དབང་བསོད་ནམས་་ཉེh says:
    ལོ་ 7 སྔོན།

    དབུལ་སྐྱོར་འགག་སྒྲོལ་ལམ་དབུལ་སྒྲོལ་འགག་སྒྲོལ་ཟེར་བའི་
    ཐ་སྙད་འདིའི་འོག་ནས་འཛམ་གླིང་གི་ཆབ་སྲིད་མི་སྣ་ཚོའི་རང་མིང་
    གྲགས་ཐབས་ཙམ་ལས་དོན་དངོས་དབུལ་ཕྱུག་གི་དབྱེ་བ་དུས་ནམ་
    ཡང་ཕྱེ་མི་ཐུབ་པ་ནི་ང་ཚོ་བཙན་བྱོལ་སྤྱི་ཚོགས་ནང་ཉམས་ཐག་ལ་
    རྫོགས་མཐའ་མེད་པ་དེ་ནས་ངོ་ཚོར་ངོ་འཕྲོད་ཐུབ་ཞིག་མ་རེད་དམ་།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese