མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

བྷུན་ཏར་དགེ་འོས་མཐོ་སློབ་ཁང་སྒོ་བརྒྱབས་ནས་ལོ་ ༤ ལྷག་ཕྱིན།

བོད་ཀྱི་དུས་བབ།
༢༠༡༨/༠༨/༢༨
Share on FacebookShare on TwitterShare on EmailShare on Whatsapp

སློབ་མ་ཇེ་ཉུང་དུ་ཕྱིན་པ་སོགས་དཀའ་ངལ་རེ་གཉིས་ཀྱི་རྐྱེན་གྱིས་ཀུ་ལུ་རྫོང་ཁོངས་སུ་ཡོད་པའི་བྷུན་ཏར་དགེ་འོས་མཐོ་སློབ་ཁང་སྒོ་བརྒྱབས་ནས་ལོ་ ༤ ལྷག་འགྲོ་བཞིན་འདུགབོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ཁྱབ་ཁོངས་བྷུན་ཏར་དགེ་འོས་མཐོ་སློབ་ཁང་དུ་དགེ་རྒན་འོས་སྦྱོང་གི་འཛིན་གྲྭ་ཚོགས་ཐུབ་ཀྱི་མེད་པའི་གླེང་སློང་ཞིག་སྔོན་མ་ནས་ཡོང་གི་ཡོད་པ་དང་། ཉིན་ཤས་སྔོན་འདི་གའི་གསར་འགོད་པ་ས་གནས་སྐོར་སྐྱོད་ཅིག་དང་སྟབས་བསྟུན་བྷུན་ཏར་དགེ་འོས་མཐོ་སློབ་ཁང་དུ་ཕྱིན་ཏེ་རྒྱུས་ལོན་བྱུང་བ་ལྟར་ན། མཐོ་སློབ་ཀྱི་སློབ་མ་དང་དགེ་རྒན་ཚང་མ་ཝ་ཎ་དབུས་གཙུག་ལག་མཐོ་སློབ་ཁང་དུ་སྤོས་རྗེས་དགེ་འོས་མཐོ་སློབ་ཁང་སྟོང་པ་ཆགས་ནས་ལོ་བཞི་ལྷག་འགྲོ་བཞིན་ཡོད་པ་དང་། ཁང་སྲུང་རྒྱ་གར་བ་ཞིག་འདུག་པ་དེས་ད་ལྟ་ཁོ་རང་གཅིག་པུས་ཁང་པ་རྣམས་སྲུང་ནས་བསྡད་ཡོད་པ་ལས་གཞན་སྡོད་མཁན་གཅིག་ཀྱང་མེད་སྐོར་བརྗོད་བྱུང་།

གསར་འགོད་པས་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་སྲོལ་རྒྱུན་དང་དེང་རབས་ཚན་པའི་འགན་འཛིན་བསྟན་འཛིན་རྡོ་རྗེ་ལགས་སུ། དགེ་འོས་མཐོ་སློབ་ཁང་སྒོ་རྒྱག་དགོས་པའི་རྒྱུ་མཚན་ཅི་ཡིན་དྲིས་པར་ཁོང་གིས། མ་གཞི་དང་པོར་དགེ་རྒན་འོས་སྦྱོང་ལྟེ་གནས་ཁང་དེ་སློབ་གྲྭ་ཡིན་ན་ཡང་སློབ་མ་ཇེ་ཉུང་ལ་སོང་བ་སོགས་དཀའ་ངལ་རེ་གཉིས་འཕྲད་པའི་རྐྱེན་གྱིས་སྒོ་བརྒྱབས་པ་རེད། དེ་ནས་སློབ་གྲྭའི་ས་ཆ་དང་མཐུན་རྐྱེན་སོགས་ཡག་པོ་ཡོད་དུས་སྐབས་དེར་སློབ་གྲྭ་ཁག་གི་ནང་ཤེས་ཡོན་སྲིད་བྱུས་དང་མཐུན་པའི་དགེ་རྒན་སློབ་འཁྲིད་བྱེད་མཁན་དགོས་པར་བརྟེན། སློབ་གྲྭ་དེ་ཆེད་ལས་དགེ་རྒན་འོས་སྦྱོང་ལྟེ་གནས་ཁང་བཟོས་པ་རེད། དགེ་རྒན་འོས་སྦྱོང་ལྟེ་གནས་ཁང་བཟོ་བར་གཙུག་ལག་སློབ་གཉེར་ཁང་ཞིག་གི་ངོས་འཛིན་དགོས་ཀྱི་ཡོད་དུས། ང་ཚོའི་ངོས་ནས་ཝ་ཎ་གཙུག་ལག་སློབ་གཉེར་ཁང་ལ་ཞུས་པ་རེད་ལ། དགེ་རྒན་འོས་སྦྱོང་ལྟེ་གནས་ཁང་བཟོ་བར་རྒྱ་གར་གཞུང་གི་ཆེས་མཐོའི་ལྷན་ཚོགས་ཤིག་གི་ངོས་ནས་དགེ་རྒན་གྱི་བསླབ་གཞི་དང་མཐུན་རྐྱེན། ཁོར་ཡུག་སོགས་ལ་ཞིབ་མཇུག་བྱ་དགོས་ཡོད་དུས། དེ་དག་ཆ་ཚང་བ་ངོས་འཛིན་ཡོད་མེད་དང་དགེ་རྒན་གྱི་བསླབ་གཞི་སོགས་ལ་ངོས་ལེན་ཡོད་མེད་སོགས་ཀྱི་དཀའ་ངལ་འཕྲད་དེ་གནས་སྐབས་རིང་ཝ་ཎ་མཐོ་སློབ་ཁང་ལ་གནས་སྤོ་དགོས་བྱུང་བ་རེད། ཅེས་བརྗོད་བྱུང་།

མ་འོངས་པར་སློབ་གྲྭའམ་ལྟེ་གནས་ཁང་དེ་བེད་སྤྱོད་ག་འདྲ་གཏོང་རྩིས་ཡོད་མེད་དང་། ལྟེ་གནས་ཁང་དེ་ནས་དགེ་རྒན་འོས་སྦྱོང་ཐེངས་ག་ཚོད་བསྡུས་ཡོད་དྲིས་པར། མ་འོངས་པར་ག་རེ་ལ་བེད་སྤྱོད་གཏོང་རྩིས་ཡོད་མེད་གསལ་བོ་ཞིག་བཤད་ཚོད་ཐུབ་ཀྱི་མི་འདུག་མོད། ད་ལྟའི་ཆར་དགེ་རྒན་སོགས་འདང་ངེས་ཤིག་ཡོད་དུས་ལོ་རྗེས་མ་ནས་དགེ་རྒན་འོས་སྦྱོང་གནས་སྐབས་རིང་མཚམས་འཇོག་གི་ཡོད་པ་རེད། སྤྱིར་ལྟེ་གནས་ཁང་དེ་ནས་དགེ་རྒན་འོས་སྦྱོང་ལོ་གསུམ་ལས་ཚོགས་མ་ཐུབ་པར་ཝ་ཎ་མཐོ་སློབ་ཁང་ལ་སྤོས་དགོས་བྱུང་ཡོད་པ་དང་། ཕྱི་ལོ་ ༢༠༡༦ ལོར་དགེ་རྒན་འོས་སྦྱོང་ཐེངས་དང་པོ་དེ་ཐོན་པ་ནས་ད་ལོ་བར་ཐེངས་གསུམ་ཐོན་ཡོད་ན་ཡང་། དེ་དག་ཚང་མ་ཝ་ཎ་གཙུག་ལག་སློབ་གཉེར་ཁང་ནས་ཐོན་ཡོད་པ་མ་གཏོགས་བྷུན་ཏར་ནས་ཚོགས་ཐུབ་ཡོད་པ་མ་རེད། ཅེས་བརྗོད་བྱུང་།

ཕྱི་ལོ་ ༢༠༡༢ ལོར་བོད་མིའི་སྒྲིག་འཛུགས་ཀྱིས་བྷུན་ཏར་དགེ་འོས་མཐོ་སློབ་ཁང་དབུ་འཛུགས་གནང་བའི་གནས་ཚུལ་ནང་། བཀའ་ཤག་གི་ལམ་སྟོན་དང་བཙན་བྱོལ་བོད་མིའི་གཞི་རིམ་ཤེས་ཡོན་སྲིད་བྱུས་ཀྱི་དགོངས་དོན་བཞིན། ཧི་མ་ཅལ་མངའ་སྡེའི་ཀུ་ལུ་རྫོང་ཁོངས་བྷུན་ཏར་དུ་དགེ་འོས་མཐོ་སློབ་ཁང་ཞིག་གསར་འཛུགས་གནང་སྟེ། ལོ་དེའི་ཕྱི་ཟླ་༩ ཚེས་ ༣ ཉིན་ནས་བཟུང་སློབ་གྲྭ་དངོས་སུ་དབུ་འཛུགས་གནང་ཡོད་པ་དང་། དགེ་རྒན་འོས་སྦྱོང་ལྟེ་གནས་ཁང་དེར་ལོ་བཞི་ཅན་གྱི་གཅིག་བསྡུས་དགེ་རྒན་འོས་སྦྱོང་(B.Sc. B.Ed/B.A.B.Ed)དང་། གཞན་ཡང་ལོ་གཅིག་རིང་གི་འབྲིང་རིམ་དགེ་རྒན་འོས་སྦྱོང་།(B.Ed)ཡང་སྤྲོད་རྒྱུ་ཡིན་ལ། དེ་བཞིན་ཚན་རིག་དང་སྒྱུ་རྩལ་གྱི་སློབ་ཚན་ཁག་སོ་སོའི་ཐོག བོད་ཡིག་དང། དབྱིན་ཡིག སློབ་འཁྲིད་རིག་པ་བཅས་ངེས་ཅན་གྱི་སློབ་ཚན་དུ་ལེན་དགོས་པ་དང་གཅིག་བསྡུས་དགེ་རྒན་འོས་སྦྱོང་འདིའི་བསླབ་གཞིའི་རྩ་འཛིན་དང་སློབ་ཚན་ཁག་ལ་རྒྱ་གར་རྒྱལ་ཡོངས་དགེ་རྒན་ཤེས་ཡོན་ལྷན་ཚོགས་(NCTE) ནས་ངོས་འཛིན་བཀའ་འཁྲོལ་ཐོབ་ཟིན་པ་མ་ཟད། རང་རེའི་སྤྱི་ཚོགས་ནང་རྨང་གཞི་བརྟན་པོ་ཡོད་པའི་དགེ་རྒན་གསོ་སྐྱོང་བྱེད་ཐབས་ཀྱི་གསར་གཏོད་རང་བཞིན་ཅན་གྱི་ལས་འཆར་ཞིག་ཀྱང་ཡིན་སྐོར་འཁོད་འདུག

བྷུན་ཏར་དགེ་འོས་མཐོ་སློབ་ཁང་ནི་མ་ནཱ་ལེ་ནས་སྤྱི་ལེ་ ༣༠ ཙམ་གྱི་སར་གནམ་ཐང་ཆུང་ཆུང་ཞིག་གི་ཉེ་འགྲམ་དུ་ཡོད་པ་དང་། སློབ་གྲྭའི་ར་སྐོར་ཆུང་ཆུང་ཞིག་ལས་མེད་ན་ཡང་སློབ་གྲྭའི་ལས་ཤག་དང་འཛིན་ཁང་། སློབ་གཉེར་བའི་སྡོད་ཁང་སོགས་ཧ་ཅང་སྤུས་དག་ཡོད་པ་མ་ཟད། ཆུ་རྐྱལ་རྫིང་བུ་དང་སྤོ་ལོ་རྩེད་ཐང་སོགས་མཐུན་རྐྱེན་ཧ་ཅང་འཐུས་ཚང་པོ་ཞིག་འདུག་ཀྱང་། མི་སྡོད་མཁན་མེད་རྐྱེན་འཛིན་ཁང་གི་འཛིན་ཆས་སོགས་ཅ་ལག་རྣམས་ཕྱོགས་གཅིག་ཏུ་བརྩེགས་པ་དང་། ཁོ་ར་ཁོར་ཡུག་གང་སར་རྩྭ་ལྡུམ་རིང་པོ་སྐྱེས་ནས་ཁུ་སིམ་མེར་ལྷག་འདུག

གསར་འགོད་པ། དོན་འགྲུབ་བཀྲ་ཤིས་དང་སངས་རྒྱས་དཀོན་མཆོག

འབྲེལ་ཡོད་གསར་འགྱུར།

པར། བདག་དབང་། བོད་ཀྱི་དཔེ་མཛོད་ཁང་།
Mobile App

གསར་འགྱུར་མེ་ལོང་ལོ་ ༡༠༠ འཁོར་བའི་རྗེས་དྲན།

༢༠༢༥/༡༠/༡༡
FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]
Mobile App

༢༠༢༥ ལོའི་ནོ་སྦེལ་ཞི་བདེའི་གཟེངས་རྟགས་ལྕམ་མཱ་རི་ཡ་ཁོ་རི་ནཱ་མཱ་ཆཱ་ཌོ་ལགས་སུ་ཐོབ།

༢༠༢༥/༡༠/༡༠
བོད་རིགས་དཔོན་པོ་བསྟན་འཛིན་དང་རྒྱ་ནག་གཞུང་གི་ཆོས་ལུགས་ལས་དོན་བཀག་སྡོམ་གྱི་བཅའ་ཁྲིམས། པར་དུས་བབ་ཀྱིས་བསྒྲིགས།
Mobile App

ཆོས་ལུགས་ལ་དད་མོས་བྱས་པའི་ཉེས་མིང་འོག་བོད་རིགས་དཔོན་པོ་ཞིག་གནས་དབྱུང་བཏང་།

༢༠༢༥/༡༠/༡༠
Hungary's Laszlo Krasznahorkai poses for photographers in London [File: Matt Dunham/AP]
Mobile App

འདི་ལོའི་ནོ་སྦེལ་རྩོམ་རིག་གཟེངས་རྟགས་དེ་ཧང་གྷ་རིའི་རྩོམ་པ་པོ་ལཱ་སི་ལོ་ཀ་རཱ་སི་ཛ་ན་ཧོར་ཁའེ་ཐོབ། 

༢༠༢༥/༡༠/༡༠
From left, Susumu Kitagawa, Richard Robson and Omar Yaghi, winners of the Nobel Prize in Chemistry, announced at the Nobel Assembly of the Karolinska Institutet, in Stockholm, Sweden, on October 8, 2025
Mobile App

ནོ་སྦེལ་རྫས་འགྱུར་རིག་པའི་གཟེངས་རྟགས་ཡོངས་བསྒྲགས་གནང་།

༢༠༢༥/༡༠/༠༩
The 7th Young Indian Scholars’ Conference on Tibetan Studies Commences in Dharamshala Organises by Tibet Policy Institute (TPI). PC : CTA
Mobile App

རྒྱ་གར་ན་གཞོན་བོད་རིག་པ་ཉམས་ཞིབ་པའི་ཚོགས་འདུ་ཐེངས་བདུན་པ་མཇུག་བསྡུས།

༢༠༢༥/༡༠/༠༩

མཆན། 6

  1. རང་གྲོལ། says:
    ལོ་ 7 སྔོན།

    སྤྱི་ལོ་༢༠༡༦ ལོའི་ཟླ་གསུམ་པའི་ཚེས་༡༦ ཉིན་སྤྱི་ཚོགས་དཔྱད་ཞིབ་མཁས་ཅན་ཞང་བློན་ལགས་ཀྱི་རྩོམ་ཡིག་ནང་བྷུན་དྷར་དགེ་འོས་སྐོར་ལ་འདི་འདྲ་ཞིག་བྲིས་འདུག ཁོང་གིས་དེ་དུས་ནས་གནས་ཚུལ་འདི་ཚོ་གསུངས་འདུག འོན་ཀྱང་བཀའ་ཤག་ནས་ཡ་བྱས་མི་འདུག

    འདས་པའི་གྲོས་ཚོགས་སྐབས་བཅུ་པོ་ཚང་མའི་སྟེང་ཤེས་རིག་ལས་ཁུངས་ཀྱིས་ “ཤེས་ཡོན་སྲིད་བྱུས་ལག་བསྟར་གནང་དང་གནང་མུས་ཡིན་” སྐོར་དང་། དེའི་ནང་ནས་ཀྱང་བྷུན་ཏར་དགེ་འོས་སློབ་ཁང་ཆེད་འགྲོ་སོང་ས་ཡ་མང་པོ་བཏང་སྟེ་ཤེས་ཡོན་སྲིད་བྱུས་ལག་བསྟར་ཆེད་དགེ་རྒན་གསོ་སྐྱོང་གནང་གི་ཡོད་ཚུལ་གསུངས་པ་རེད། ཤེས་ཡོན་སྲིད་བྱུས་ལག་བསྟར་དང་འབྲེལ་བའི་ཐོག་ད་སྔ་སྤྱི་ཚོགས་ནང་བགྲོ་གླེང་གང་མང་བྱུང་བ་མ་ཟད། གྲོས་ཚོགས་རང་ནས་ཀྱང་ཚོགས་ཆུང་ཟུར་འཛུགས་ཀྱིས་རྟོག་ཞིབ་གནང་ཡོད་པས། འདིར་བསྐྱར་བཤད་དགོས་པ་མ་མཐོང་། འོན་ཀྱང་སྤྲིན་གསེབ་ཀྱི་ཆུ་ཤེལ་ཕོ་བྲང་དང་འདྲ་བའི་བྷུན་ཏར་དགེ་འོས་སློབ་ཁང་གི་དངོས་ཡོད་གནས་སྟངས་ཕྲན་ཙམ་མ་གླེང་ན། འབྲེལ་ཡོད་རེ་ཟུང་མ་གཏོགས་རྒྱུས་མངའ་གཏིང་ཟབ་ཡོད་མཁན་ཧ་ཅང་དཀོན་པའི་ཚོད་དུ་འདུག

    ཤེས་ཡོན་སྲིད་བྱུས་ལག་བསྟར་ཆེད་ཆེད་འཛུགས་བྱས་པའི་བྷུན་ཏར་དགེ་འོས་སློབ་ཁང་ལ་དགེ་རྒན་ ༡༥ ཡོད་པ་དང་། དེའི་ནང་རྒྱ་གར་ ༡༣ དང་བོད་མི་ ༢ ཡོད་ཅིང་། རྒྱ་གར་དགེ་རྒན་གྱིས་དགེ་རྒན་སྤྱི་ཡོངས་ཀྱི་བརྒྱ་ཆ་ ༨༧ ཟིན་ཡོད་པས། ཤེས་ཡོན་སྲིད་བྱུས་ཀྱི་དོན་ཚན་བཅུ་གཅིག་པའི་དགོངས་དོན་ཇི་བཞིན་བསྒྲུབ་ཐབས་མེད་པ་ནི་ཧ་ཅང་གསལ་པོ་རེད། ཕྱི་ལོ་ ༢༠༡༢ ནས་བཟུང་ད་བར་ལོ་བཞི་ཅན་གྱི་གཅིག་བསྡུས་དགེ་རྒན་འོས་སྦྱོང་ཐེངས་ ༣ དང་ལོ་གཅིག་ཅན་གྱི་དགེ་རྒན་འོས་སྦྱོང་ཐེངས་ ༢ གནང་ཡོད། ལོ་གཅིག་ཅན་གྱི་དགེ་རྒན་འོས་སྦྱོང་བ་དེ་དག་སློབ་ཐོན་ཟིན་ཞིང་། ཁོང་ཚོར་བོད་སྐད་བརྒྱུད་ལམ་ནས་སློབ་ཁྲིད་བྱེད་པའི་སྦྱོང་བརྡར་ཉིན་གཅིག་ཀྱང་ཐོབ་མེད་སྟབས། སློབ་གྲྭ་ཁག་གི་དགོས་མཁོའི་ཆ་རྐྱེན་ཇི་བཞིན་སྐོང་མི་ཐུབ་པར་བརྟེན། ཁོང་ཚོ་མང་ཆེ་བ་དགེ་རྒན་གྱི་ལས་སྒོར་ཞུགས་མ་ཐུབ་པར་ལས་མེད་དུ་ལྷག་ཡོད། ལོ་བཞི་ཅན་གྱི་གཅིག་བསྡུས་དགེ་རྒན་འོས་སྦྱོང་སྐབས་དང་པོ་ཟླ་གཅིག་གཉིས་ནང་སློབ་ཐོན་འབྱུང་གི་ཡོད། འོན་ཀྱང་ངས་ཤེས་ཚོད་བྱས་ན། ཁོང་ཚོར་ཡང་ཤེས་ཡོན་སྲིད་བྱུས་ཀྱི་དགོངས་དོན་བཞིན་བོད་སྐད་བརྒྱུད་ལམ་ནས་སློབ་ཁྲིད་བྱེད་པའི་སྦྱོང་བརྡར་ཇི་བཞིན་མ་ཐོབ་སྟབས། ཆེས་མཐའ་མཇུག་གི་ཡིག་རྒྱུགས་སླེབས་ཉེའི་མཚམས། སློབ་ཕྲུག་ཁག་ཅིག་ཤེས་རབ་དགའ་ཚལ་སློབ་གླིང་དུ་བོད་ཡིག་གསབ་སྦྱོང་བྱེད་དུ་མངགས་གཏོང་བྱས་ཡོད་པ་རེད། ལོ་བཞི་ཙམ་རིང་དགེ་འོས་སློབ་སྦྱོང་བྱས་ནས་ད་ཆ་ཤེས་རབ་དགའ་ཚལ་སློབ་གླིང་དུ་བོད་ཡིག་གསབ་སྦྱོང་བྱེད་དུ་གཏོང་དགོས་པའི་གནས་སྟངས་གང་ལ་ཐུག་སོང་བ་རེད་དམ།

    མི་མང་པོ་ཞིག་གིས་བྷུན་ཏར་དགེ་འོས་སློབ་ཁང་གི་གནས་སྟངས་ཇི་བཞིན་ཤེས་རྟོགས་ཐུབ་རྒྱུ་ཕར་བཞག ཐ་ན་མཐོ་སློབ་དེ་གནས་གང་ཞིག་ཏུ་ཆགས་ཡོད་མེད་ཀྱང་ཆ་རྒྱུས་མེད། ཁོང་ཚོར་ཁག་མེད། དོན་དངོས་ཐོག་བྷུན་ཏར་དགེ་འོས་སློབ་ཁང་ནི་མིང་ཙམ་ཡིན་ཞིང་། ད་སྔ་བྷུན་ཏར་ཁུལ་དུ་སློབ་ཁང་དེ་འདྲ་ཡོད་པ་ལ། ཕྱིས་སུ་ཁང་སྲུང་མ་གཏོགས་སློབ་ཕྲུག་དང་དགེ་རྒན་ཚང་མ་ཝར་ཎ་མཐོ་སློབ་ཏུ་སྤོས་པ་མ་ཟད། མཐའ་ན་བྷུན་ཏར་དགེ་འོས་སློབ་ཁང་གི་ལས་ཁུངས་ཀྱང་ཝར་ཎ་མཐོ་སློབ་ཏུ་བཙུགས་ཡོད། གྲོས་ཚོགས་སྐབས་བརྒྱད་པ་དང་། དགུ་པ། བཅུ་པ་བཅས་སུ་ཤེས་རིག་བཀའ་བློན་གྱིས་ “སློབ་ཚན་རེ་ཟུང་ཝར་ཎ་མཐོ་སློབ་རང་དུ་སློབ་དགོས་པར་སོང་། གནས་སྐབས་རིང་སློབ་སྦྱོང་ཆེད་དུ་སོང་” བ་ཡིན་ཚུལ་གསུངས་ཀྱང་། ད་ལྟ་ད་དུང་ཡང་ཁོང་ཚོ་ཕྱིར་མི་ལོག་པའི་རྒྱུ་མཚན་གང་རེད་དམ། ཤེས་རིག་ལས་ཁུངས་ཀྱིས་ཕྱི་ལོ་ ༢༠༡༦ གི་སྔོན་རྩིས་ནང་བྷུན་ཏར་དགེ་འོས་སློབ་ཁང་དུ་སློབ་མ་གསར་བསྡུའི་ཆེད་དངུལ་འབོར་འབུམ་ཕྲག་ཁ་ཤས་བཀའ་ཁྲོལ་ཞུས་ཡོད་པ་ལ། དཔལ་འབྱོར་བཀའ་བློན་དང་གྲོས་འདོན་པ་ཡུ་རོབ་སྤྱི་འཐུས་ཟུར་པ་ཕ་ར་སི་བསོད་ནམས་ལགས་བཀའ་བསྡུར་གྱིས། སྔོན་རྩིས་བཀའ་ཁྲོལ་མ་གནང་བའི་སྐོར་དཔལ་འབྱོར་བཀའ་བློན་མཆོག་གིས་བཀའ་ཤག་ལྷན་རྒྱས་ལ་སྙན་གསེང་ཞུས་ཡོད་པ་རེད། དེར་བརྟེན་ ༢༠༡༦ ལོར་བྷུན་ཏར་དགེ་འོས་སློབ་ཁང་དུ་སློབ་མ་བསྡུ་བཞེས་གནང་རྒྱུ་མིན་པའི་ཐག་གཅོད་བྱུང་ཡོད་འདུག ད་ནི་དངོས་གྲུབ་མ་བྱུང་ནའང་རྫོག་མགོ་གློད་རོགས་ཟེར་བའི་དཔེ་ལྟར། སློབ་ཁང་གསར་རྒྱག་དང་སློབ་མ་གསར་བསྡུ་མ་བྱུང་ནའང་། ད་ལྟ་སྐབས་བབས་སུ་སྦྱོང་བརྡར་སྤྲོད་བཞིན་པའི་དགེ་རྒན་འོས་སྦྱོང་བ་དེ་དག་ཤེས་ཡོན་སྲིད་བྱུས་ཀྱི་དོན་ཚན་ ༡༡ པའི་དགོངས་དོན་བཞིན་གསོ་སྐྱོང་བྱེད་པར་མ་འབད་ཚེ། ང་ཚོས་ལས་མེད་ཁྱུ་ཚོགས་ཤིག་གསོ་བར་སྒོར་མོ་ས་ཡ་མང་པོའི་འགྲོ་སོང་གཏོང་བ་དང་གཉིས་སུ་མ་མཆིས་སོ།།

    Reply
  2. དར་ཆུང་ says:
    ལོ་ 7 སྔོན།

    ལྔ་དང་ལྔ་བཅུའི་ཚོགས་ཆེན་ཚོགས་གནས་འདི་རུ་འདུག ཚོགས་ཆེན་སྐབས་གསུམ་འདི་རུ་ཡིན་ད།

    Reply
  3. ས་མཐའི་སྤུན་ says:
    ལོ་ 7 སྔོན།

    དེ་ཡང་སློབ་བཟང་སངས་རྒྱས་ཀྱི་བྱས་རྗེས་རེད།

    Reply
  4. ཚེ་རིང་རྡོ་རྗེ། says:
    ལོ་ 7 སྔོན།

    ༧གོང་ས་མཆོག་གི་ཐུགས་རྗེ་དང་། གཟི་བརྗིད་སོགས་ཀྱི་བཀའ་དྲིན་ལ་བརྟེན། ཁོར་ཡུག་སོགས་གང་ཅིས་ཧ་ལས་པའི་འཛུགས་བསྐྲིན་ཡག་པོ་བྱུང་འདུག འོན་ཀྱང་འགྲོ་སོང་དེ་འདྲ་ཞིག་བཏང་རྗེས་རྒྱུན་འཁྱོངས་མ་ཐུབ་པར་སྒོ་བརྒྱབས་འདུག་པ་སོགས་ཧ་ཅང་གི་ཐབས་སྐྱོ་པོ་རེད།
    ད་ལྟ་ཁང་སྟོང་ཡིན་ཡང་སྲིད་སྐྱོང་སློབ་བཟང་སངས་རྒྱས་སྲིད་སྐྱོང་འཁྱོར་རྗེས་ད་ལྟའི་བཀའ་བློན་རྣམས་བཀའ་ཟུར་ཆགས་ངེས་རེད། སྐབས་དེར་ད་ལྟའི་ཁང་སྟོང་འདི་དག་ཁོང་ཚོ་འདུག་སའི་ཆེད་དུ་ཁོང་ཚོའི་ནང་མི་སོགས་ལ་སྤྲད་ན་ཡག་གི་རེད། མང་ཚོགས་ལ་ཅང་དགོས་གི་མ་རེད། བླ་མ་མཁྱཻན།

    Reply
  5. སྲས་སྐུ་ངོ་། says:
    ལོ་ 7 སྔོན།

    ཧ་ཧ་ཧ སེང་གེས་མི་མང་ནག་ཁུང་ནག་བཞག་ནས་ལོ་བཞི་ཕྱིན་འདུག

    Reply
  6. བོདགཞུང་པ་ཚེ་དབང་བསོད་ནམས་་ཉེhེཉའ says:
    ལོ་ 7 སྔོན།

    བ་དེ་ཉལ་སྟངས་ལ་ལྟས་ན་བེའུ་ཀེ་ཀྱོག་གཅིག་ཡིན་པ་
    ཐག་ཆོད་ཟེར་བའི་དཔེ་དེ་བདེན་བྱུང་རོགས་དངུལ་ཕྲོ་
    རླག་།
    གཞིས་ཆགས་ཁག་ནང་གཞིས་མི་ཉུང་དུ་འགྲོ་བའི་དཀའ་ངལ་།
    ས་ཞིང་འདེབས་ལས་དང་བ་ཕྱུགས་གསོ་ཉར་མེད་པའི་དཀའ་ངལ་།
    གཏན་ཉིན་སློབ་གྲའི་ནང་སློབ་ཕྲུག་ཉུང་དུ་འགྲོ་བའི་དཀའ་ངལ་།
    དགེ་རྒན་སྦྱོངས་དར་ཁང་དུ་འཛུལ་མཁན་མེད་པའི་དཀའ་ངལ་།
    དེ་ཚོ་ལྔ་དང་ལྔ་བཅུའི་ལས་འཆར་དང་འབྲེལ་བ་མེད་པ་ཡིན་ནམ་།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese