དཔེ་མཛོད་འཛིན་སྐྱོང་མ་ལག་མཉེན་ཆས་དེ་བཟོ་དགོས་པའི་སྐོར་ལ་ཁོང་གིས། སྤྱི་ཚོགས་ཤིག་གི་ཤེས་ཡོན་ཡར་རྒྱས་ཚད་མཐོན་པོར་འགྲོ་དགོས་ཀྱི་ཡོད་ན། དཔེ་མཛོད་དགོས་ཀྱི་ཡོད་པ་དང་དཔེ་མཛོད་ཡོད་པ་ཙམ་གྱི་མི་འགྲིག་པར་དཔེ་དེབ་གང་འདྲ་ཞིག་དགོས་ནའང་བཙལ་ཆོག་ཆོག་ཡིན་དགོས་པ་ནི་ཧ་ཅང་གལ་ཆེན་པོ་རེད། མཉེན་ཆས་འདི་ང་ཚོས་གང་དྲན་བྱས་ནས་བཟོས་པ་ཞིག་མིན་པར། རྒྱ་གར་གྱི་དཔེ་དཔེ་མཛོད་དོ་དམ་པའི་ཡབ་ཆེན་ (Ranganathan) གྱི་དཔེ་མཛོད་རིག་པ་དང་ཨ་རིའི་དཔེ་མཛོད་ཀྱི་འགྲོ་ལུགས། དེ་བཞིན་ཝ་ཎའི་དཔེ་མཛོད་རིག་པའི༷་ལག་དེབ་དང་བོད་ཀྱི་སྡེ་ཚན་དབྱེ་འབྱེད། བོད་ནང་གི་དུང་དཀར་རིན་པོ་ཆེའི་དཔེ་མཛོད་རིག་པའི་གསུང་རྩོམ་སོགས་གཞི་ལ་བཞག་ནས་མཉེན་ཆས་དེ་སྒྲིག་པ་ཞིག་ཡིན། ཅེས་ངོ་སྤྲོད་གནང་སོང་།
གསར་འགོད་པས་མཉེན་ཆས་དེ་དཔེ་མཛོད་ཁང་ཁོ་ནའི་ཆེད་བཟོས་པ་ཞིག་ཡིན་མིན་སྐོར་ལ་དྲིས་པར་ཁོང་གིས། སྤྱིར་དཔེ་མཛོད་འཛིན་སྐྱོང་མ་ལག་མཉེན་ཆས་ལ་རིགས་གཉིས་ཡོད་པ་རེད། གཅིག་ནི་མཉེན་ཆས་དེའི་ནང་གློག་ཡིག་འཇུག་རྒྱུ་དང་གཞན་དེ་དཔེ་མཛོད་ཁང་ནང་དཔེ་དེབ་ཉར་ཚགས་བྱེད་པའི་མཉེན་ཆས་ཤིག་རེད། ང་ཚོའི་མཉེན་ཆས་དེ་པྱི་མ་དེའི་ཆེད་རེད། དཔེ་མཛོད་ཆེན་པོ་ཞིག་གི་ནང་གློག་ཀླད་ ༢༥༠ མཐུད་ཆོག་གི་རེད། དེ་མིན་མི་སྒེར་ཞིག་གིས་དཔེ་དེབ་ཀྱི་དཀར་ཆག་ཡར་བླུག་ནས་བེད་སྤྱོད་བཏང་ན་ཡང་འགྲིག་པ་ཞིག་རེད། དཔེ་མཛོད་ཁང་ཞིག་གིས་མཉེན་ཆས་ནང་བླུག་པའི་དཀར་ཆག་དེ་ཚོ་དཔེ་མཛོད་ཁང་གཞན་ཞིག་ལ་སྤྲད་པ་ཡིན་ན་ཡང་འགྲོ་ལུགས་འགྲོ་སྟངས་ཆ་ཚང་མཉེན་ཆས་དེའི་ནང་ཡོད་པ་རེད། ཅེས་བརྗོད་བྱུང་།
ཤེས་བྱ་མཐའ་མེད་ནམ་མཁའ་སྟོང་པ་འདྲ།
རིག་པ་གཏིང་མེད་རྒྱ་མཚོ་ཆེན་པོ་འདྲ།
བུ་རིག་རྩལ་སྙིང་རུས་སུ་ཆེར་བདག།