བོད་དོན་བཤད་རྒྱུ་མི་གཙོ། ༧གོང་ས་ཟེར་རྒྱུ་མི་གལ།

༧གོང་ས་མཆོག་ཟེར་ནས་ཁ་ཙམ་གྱིས་བརྩི་སྲུང་བྱེད་རྒྱུས་དུས་ཚོད་དེ་ནི་གཡོལ་ཚར་བ་རེད།དེ་ལས་༧གོང་ས་མཆོག་གི་བཀའ་གང་གནང་བ་དེ་ལ་རྒྱུ་མཚན་ཡོད་མེད་དང་གནས་ལུགས་ཡོད་མེད་སོགས་འཚོལ་རྒྱུས་དུས་ཚོད་ཆེས་གལ་ཆེན་ནང་གི་དོན་ཆེན་དུ་ཆགས་ཡོད་ལ།༧གོང་ས་མཆོག་སྐུ་ཁམས་བདེ་ཐང་ཡིན་པའི་སྐབས་འདི་དང་འཚོ་ཞིང་བཞུགས་པའི་དུས་ཚོད་བཟང་བོ་འདི་ལ་༧གོང་ས་མཆོག་གི་ཐུགས་དགོངས་ང་ཚོ་སུས་ཀྱང་ཤེས་ཁག་པོ་རེད་ཟེར་ནས་མི་བསྡོད་པར།མི་ཤེས་པ་དེ་༧སྐུ་སྒེར་ལ་ངོས་སུ་དྲི་བ་བཏང་ན་འགྲིག་ཞེས་༧གོང་ས་མཆོག་སྐུ་ངོ་མས་བཀའ་བོད་པ་ཚང་ལ་ཐེངས་མང་གནང་བ་དྲན་ནས་ལག་ལེན་འདེབས་རན་རེད།  

བོད་དོན་བཤད་ནས་རྩོད་པ་རྒྱབ་དེ་འདུག་པས་དུས་ཚོད་ཅིག་མ་ཡིན་པར་བོད་ནང་གི་གཞིས་ལུས་མི་དམངས་ཀྱི་ཚེ་སྲོག་ལ་འགན་ཡོད་པའི་ལས་དོན་ལག་ལེན་ཡོད་པ་ཞིག་དང་། རྒྱ་ནག་སྲིད་གཞུང་ལ་རེ་བ་གཅིག་བུ་རྒྱབ་དེ་མི་བསྡོད་པར་གངས་ཅན་བོད་པ་ཚང་འདི་ལས་སླ་བོ་ཞིག་རེད་མི་འདུག་སྙམ་པའི་ཚོར་སྣང་ཞིག་སྟེར་ཐུབ་པའི་གྲོས་མོལ་ཐག་གཅོད་པོ་ཞིག་བྱས་པ་ནས་སྒྲུབ་ཐུབ་པ་ཞིག་བྱེད་རན་རེད།