རྒྱ་རི་འདི་བ་ཚང་བོད་པ་ཤ་ཚ་ཡོད་དམ།

གོ་ཚོད་ལ་རྒྱ་རི་བློ་གྲོས་ཀྱིས་ཨ་མདོ་དང་ཁམས་རྒྱ་ཁོངས་རེད་ཟེར་ནས་གླེང་འདུག་ཟེར། གཏམ་དེ་བདེན་པ་ཡིན་ན། གལ་སྲིད་དེ་འདྲ་ཞིག ༧གོང་ས་མཆོག་གི་སྐུ་ཚབ་དུ་འབོད་པ་ཞིག་གིས་བཤད་པ་ཡིན་ན་གནས་ཚུལ་ཚབ་ཆེ་ཆུང་ག་འདྲ་ཞིག་ལ་འགྱུར་ངེས་རེད་དམ། དྲ་གྲོགས་ཚོ་ཁྱེད་ཅག་གི་གསལ་གསལ་དངས་དངས་རེ་འདིའི་སྐོར་ཤེས་ཀྱི་ཨེ་ཡོད། རྒྱ་རི་བློ་གྲོས་ཀྱིས་ཨ་མདོ་དང་ཁམས་༤༩སྔོན་དུ་རྒྱ་ཁོངས་རེད་ཟེར་བ་དེ་ནི་བདེན་པ་ཡིན་ནམ། གལ་ཏེ་དེ་འདྲ་བཤད་ཡོད་པ་བདེན་ན་ཨ་མདོ་དང་ཁམས་༤༩ལོའི་སྔོན་དུ་རྒྱ་ཁོངས་ཡིན་ན། ཨ་མདོ་བ་དང་ཁམས་མི་དམངས་ཀྱིས་རང་ཉིད་རྒྱ་ཁོངས་་ཡིན་པ་ཁས་ལེན་བྱེད་ཀྱི་ཡོད་པ་རེད་དམ། དེ་འདྲ་མ་ཡིན་པར་ལོ་རྒྱུས་ཀྱི་དོན་དངོས་སུ་ཨ་མདོ་དང་ཁམས་རྒྱ་ཁོངས་སུ་ཡོད་པར་ལོ་རྒྱུས་གང་དུ་ཡོད་མེད་ཀྱི་གསལ་ཁ་ཡོད་དམ། ལོ་རྒྱུས་དེ་འདྲ་ཞིག་ད་སྔ་བོད་ཀྱི་ལོ་རྒྱུས་སྨྲ་བ་གང་ཡང་རུང་བ་ཞིག་གིས་བྲིས་མྱོང་ཡོད་པ་ཡིན་ནམ། གང་ལྟར། ཨ་མདོ་དང་ཁམས་རྒྱ་ཁོངས་ཡིན་ན་ཨ་མདོ་མི་དམངས་དང་ཁམས་མི་དམངས་རྒྱ་ཁོངས་ནས་བསྟུད་མར་མི་བསྡོད་པར་བོད་བཙན་བྱོལ་གཞུང་གི་མཉམ་དུ་བྲོས་བྱོལ་ལ་ཡོང་དགོས་དོན་གང་ལ་ཐུག་པ་རེད། དེས་ན་ཨ་མདོ་མི་དམངས་ཀྱི་སྤྱི་འཐུས་དང་ཁམས་མི་དམངས་ཀྱི་སྤྱི་འཐུས་དེ་དག་ནི་ཨ་མདོ་དང་ཁམས་རྒྱ་ཁོངས་ཡིན་བཞིན་དུ་རྒྱ་ཁོངས་ཀྱི་མི་དམངས་ཤིག་བཙན་བྱོལ་བོད་གཞུང་གི་ལས་བྱེད་དུ་བསྐོ་བཞག་གནང་བ་རེད་དམ། ཡང་ན་རྒྱ་རི་ཁོ་རང་ཡང་རྒྱ་ཁོངས་ཡིན་པ་ཤེས་ནས་༧གོང་ས་མཆོག་གིས་སྐུ་ཚབ་དུ་བསྐོས་པ་རེད་དམ། དེས་ན་༧གོང་ས་མཆོག་ཡང་རྒྱ་ཁོངས་ཀྱི་མི་སེར་དུ་ཆགས་ཡོད་པ་མ་རེད་དམ། ཨོ་རེད། ད་དེ་ཡིན་དུས་རྒྱ་ནག་སྲིད་གཞུང་གིས་བཤད་པ་འགྲིག་འདུག མེས་རྒྱལ་ཁ་བྲལ་ཞེས་རྟག་ཏུ་བཤད་བཞིན་པ་དེ་ལ་བདེན་དབུང་རྒྱ་རིའི་བྱས་པ་མ་རེད་དམ། ཨ་ཙི་སྐད་ཆ་བཤད་སྟངས་འདི་བདེན་པ་ཡིན་མིན་དངོས་སུ་གསལ་བོ་བཟོ་དགོས་ཀྱི་འདུག ཡང་ན། ཁྱེད་དུས་བབ་ཚང་གིས་ཐད་གར་རྒྱ་རི་ཚང་ལ་བཅར་འདྲི་ཞིག་བྱེད་ཐུབ་ན་ཡག་པོ་འདུག