དྲ་གྲོགས་ཡོངས་ཀྱིས་ཕན་ཚུན་ལ་བསམ་ཤེས་དང་ཀུ་ཡངས་ཀྱི་ལྟ་ཚུལ་བཟུང་དེ་སྐད་ཆ་བཤད་ན་ཡག་པོ་འདུག དེ་མིན་ཁྱོད་རང་ལ་ཅུང་མེད་པ་ངས་ཤེས་ཟེར་བ་དང་ང་རང་ལ་གང་ཡོད་ཁྱེད་ཀྱིས་བཤད་མི་དགོས་ཟེར་བ་སོགས་གླེང་དེ་བསྡད་པ་ཡིན་ན་ནི། ངེད་ཅག་གི་དྲ་ཚིགས་འདིར་ཞུགས་དེ་དུས་ཚོད་མང་བོ་ཞིག་བཏང་བ་དང་བསམ་ཚུལ་མང་བོ་ཞིག་སྤེལ་བ་ལ་དགོས་པ་མ་བྱུང་བར་བཤད་ཆོག་གི་འདུག དེས་ཡིན་དུས་ངའི་རེ་བ་ལ་དྲ་གྲོགས་རྒན་གཞོན་སུ་ཞིག་ཡིན་ཡང་ནང་གཏམ་དང་ཕྱི་གཏམ་གྱི་བགྲོ་གླེང་ལ་ས་མཚམས་ཤིག་ཡོད་པ་ཤེས་ན་ཡག་པོ་འདུག ང་ཚོའི་དྲ་ཚིགས་འདི་ནི་ནང་གཏམ་གླེང་ས་ཡིན་ལ་ནང་གི་སྐྱིད་སྡུག་དང་ནང་གི་གནད་དོན་ལ་གྲོས་མོལ་བྱེད་ས་ཁོ་ན་ཡིན་ཞེས་བཤད་ཀྱང་མ་འགྲིག་པ་མེད་པར་སྣང་། དེ་འདྲ་ཞིག་ཡིན་དུས་དྲ་གྲོགས་ཚང་མས་ང་རྒྱལ་བྱེད་པ་དང་ཁ་རྒྱགས་པ་བཤད་པ་སོགས་ལ་གང་ཙམ་ཞིག་འཛེམ་ནས་སེམས་བསམ་པའི་བོད་ཀྱི་སྐྱིད་སྡུག་ལེགས་ཉེས་རེ་གླེང་རོགས་ཞུ། ང་ཚོ་བོད་ཡིན། བོད་པ་ཚང་དཀའ་སྡུག་གི་ནང་དུ་ལྷུང་ཡོད། བོད་པ་ཚང་ལ་རྒྱལ་ཁབ་མེད། བོད་པ་ཚང་ལ་རང་དབང་མེད། འདི་དག་གི་གནད་དོན་ཐད་དུ་གྲོས་མོལ་བྱེད་རྒྱུའི་ལས་འགན་ངེད་ཅག་ལ་ཡོད། ངེད་ཅག་མི་རིགས་གཅིག་ཡིན། དཀའ་ངལ་གཅིག་གི་འོག་དུ་ཡོད། སྐྱིད་སྡུག་གཅིག་པ་ཡིན། ང་ཚོས་ང་ཚོ་ལ་བསམ་ཤེས་དང་རྒྱབ་སྐྱོར་བྱས་དེ་མཐུན་སྒྲིལ་དང་སྟོབས་ཤུགས་ཀྱི་ནུས་པ་ཕྱོགས་གང་ཐད་ནས་ཡར་རྒྱས་གཏོང་བའི་འགན་ང་ཚོ་ལ་ཡོད་བསམ་པའི་འདུ་ཤེས་ཤིག་གི་འོག་ནས་ངེད་ཅག་གི་གང་ས་ནས་བགྲོ་གླེང་བྱེད་ཐུབ་པ་ཡིན་ན་ནི་ཡག་པོ་འདུག མི་རང་རང་གིས་ཀྱང་རང་རང་གི་སྐྱོན་དྲ་གྲོགས་གཞན་གྱི་རྒྱུ་མཚན་དང་གནས་ལུགས་ཡོད་པའི་སྒཽ་ནས་དྲངས་དེ་འོང་དུས་དྲ་གྲོགས་དག་ལ་སྐྱོན་དེ་ཉིད་སེལ་ཕྱོགས་ཀྱི་བགྲོ་གླེང་སྤྱི་ལ་བཞག་ནས་བྱེད་པར་འབད་བརྩོན་བྱེད་དགོས་ཀྱི་འདུག འདི་ལྟར་ངས་རང་གི་དྲ་གྲོགས་བོད་པ་ཚོ་ལ་སེམས་བསམ་པའི་གཏིང་ནས་སྐད་ཆ་བཤད་ཀྱི་ཡོད་ལ། དྲ་གྲོགས་ཚོས་ཀྱང་སེམས་བསམ་པའི་གཏིང་ནས་བཤད་ན་ཡག་པོ་རེད་ལ་སེམས་བསམ་པ་གངས་ཅན་བོད་ཀྱི་སྐྱིད་སྡུག་ལ་འགན་ལེན་ཡོད་པའི་སྐད་ཆ་རེ་བཤད་ཐུབ་ན་ཡག་པོ་རེད། ང་ཚོ་ཚང་མ་རང་དབང་མེད་པའི་བོད་པ་ཞིག་ཡིན་པ་བརྗེད་མི་རུང་ངོ། ལྷག་པར་དུ་དྲ་གྲོགས་ཡོངས་ཀྱིས་ཕན་ཚུན་ལ་དོན་མེད་དུ་ཚིག་ངན་སྨྲ་བ་དེའི་རིགས་ལ་དངོས་ནས་གོམ་འདྲིས་མ་བརྟེན་ན་ཡག་པོ་འདུག ཨོ་རེད། དྲ་གྲོགས་དག་གིས་མཁྱེན་དགོས་པ་ཞིག་ལ་ངས་དྲ་གྲོགས་ཚོ་ལ་སེམས་བསམ་པའི་འབོད་སྐུལ་ཞིག་བྱས་པ་ལས་རྒྱག་གཏམ་དེ་འདྲ་གང་ཡང་འཐེན་བཞིན་མེད་པ་ཐུགས་སུ་འཛིན་རོགས་ཞུ།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
དྲ་གྲོགས་ལྕགས་རྒྱ་ལགས། བདག་གི་བསམ་ཚུལ་དེར་མོས་མཐུན་བྱོས་པ་དེར་ཐུགས་རྗེ་ཆེ། མུ་མཐུད་དུ་ཕེབས་ནས་བགྲོ་གླེང་གནོང་རོགས་ཞུ། དུས་ཚོད་གང་ཡོད་དང་ལས་གསེང་གང་ཡོད་དུ་ཟིན་བྲིས་རེ་སྤེལ་ནས་འགྲོ་རོགས་ཞུ།
ཤ་རུས་ཀྱིས་བཤད་པར་འཐད་པ་ཡོད། གནས་ཚུལ་ག་རེའི་ཐོག་ལའང་བགྲོ་གླེང་བྱེད་ཐུབ་ན་ཡག་པོ་འདུག དཔེར་ན། ལྷ་ཆབ་ཀྱིས་དྲ་རྒྱའི་རིག་གནས་ཟེར་བ་འདྲ་བའི་སྐད་ཆ་ཞིག་འཁྱེར་ནས་སླེབས་སོང་། དྲ་རྒྱའི་རིག་གནས་ཟེར་ན་ཅི་ཞིག་རེད། དེའི་ལེགས་སྐྱོན་ལ་སྤྱི་ཚོགས་གཞན་དང་སྐད་ཡིག་གཞན་ཐོག་གི་རྩོད་གཞི་ཅི་ཞིག་རེད། ང་ཚོས་དེ་དག་ལ་བརྩད་གཅོད་བཏང་བ་བརྒྱུད་ནས་སོ་སོའི་སྤྱི་ཚོགས་ལ་བསམ་ཞིབ་ཀྱིས་བགྲོ་གླེང་བྱེད་ཐུབ་ན་ཡག་པོ་འདུག དྲ་རྒྱའི་རིག་གནས་སྐོར་གྱི་རྩོམ་ཡིག་གནས་ཚུལ་འཛོམས་པོ་དང་རྩོད་པ་ཚ་བོ་དེ་འདྲ་རྒྱུས་སྟོན་བྱེད་རྒྱུ་ཡོད་ན་ཐུགས་རྗེ་ཆེ་ཞུ་རྒྱུ་ཡིན།
གྲོགས་པོ་ལྷ་ཆབ་ལགས། སེམས་འཁྲལ་མ་གནང་ཉིད་ཀྱིས་ང་རང་ལ་བཤད་པའི་སྐད་ཆ་དེའི་གོ་དོན་ངས་ཀྱང་བསམ་བློ་གཏོང་མྱོང་ཡོད། རྒྱུ་མཚན་ལྡན་པའི་སྐད་ཆ་སུས་བཤད་པ་ཡིན་ན་དེ་ནི་ཁས་ལེན་བྱེད་དགོས་དུས། ངས་དེ་ལྟར་ནག་ཉེས་ཁས་ལེན་བྱས་པ་ལས་ང་རང་སྡར་མའི་ངང་ཚུལ་བཟུང་དེ་དྲ་ཚིགས་ནས་བྲོས་འགྲོ་རྒྱུ་དེ་འདྲ་དྲན་མེད་ན་ཡང་། དྲ་གྲོགས་ཚོ་ལ་ཡིག་ནོར་གྱི་འཁང་པའི་ང་རང་གི་ཟིན་བྲིས་དག་ཀློག་འདོད་ཡོད་མེད་ལ་སེམས་བསམ་པའི་སྐད་ཆ་ཞིག་དྲིས་པ་ལས་གང་ཡང་མིན་ཟེར་ནས་གླེང་ན་འགྲིག་གི་ཡོད། ངས་ཁྱེད་རང་གི་གཙོ་བའི་དྲ་གྲོགས་ཡོངས་ཀྱི་ཁ་བརྡ་སེམས་གསོ་དེ་དག་ཡིད་དུ་གཏན་པོར་བཟུང་དེ་ཤུ་རེ་བྱེད་ཁོ་ཐག་ཡིན།
གྲོགས་པོ་ཤ་ཁྲག་ལགས། བདེ་མོ། ང་ལས་བྲེལ་གྱིས་ཉིན་འགར་དྲ་ཐོག་ལ་ཡོང་ཁོམ་མ་བྱུང༌། དེ་རིང་སླེབས་མ་ཐག་བྲེལ་འཚུབ་ཀྱིས་ཁྱོད་ཀྱི་ཟིན་བྲིས་སུ་འཛུལ་བ་ཡིན། རྩོམ་ཡིག་ཡག་པོ་ཞིག་བྲིས་འདུག ཡིག་ནོར་གྱི་ཕྱོགས་ལ་གཟབ་གཟབ་བྱས་པའང་ཡག་པོ་འདུག དེ་མིན་མི་ཁ་ཤས་ཀྱིས་ཁྱོད་ལ་སེམས་གསོ་ལྟ་བུ་ཞིག་བྱེད་ཀྱི་འདུག ཡིན་ནའང་ཁྱོད་རང་ཕྱིར་ནུར་རྒྱབ་ཚེ་དེའི་ནག་ཉེས་ང་ལ་བཀལ་མདོག་ཁ་བས། ཁྱོད་ཀྱིས་མུ་མཐུད་དུ་རྩོམ་ཡིག་གང་མང་མང་འབྲི་རོགས།
མི་ལོ་ལྔ་བཅུའི་རིང་གསུམ་བཅུའི་དྲན་ནི་ཁ་སང་འདི་ལྟར་ཕར་ལ་བསྐྱལ་ཅིང་།
དེ་རིང་ངས་ད་དུང་མི་ཡུལ་དུ་གསུམ་བཅུའི་དུས་དྲན་ཐེངས་ག་ཚོད་བར་སྲུང་བརྩི་བྱེད་དགོས་པ་མི་ཤེས་པར་ལུས་ཏེ་གནས།
སང་ཉིན་ནས་ང་ཚོས་རེ་བ་བཟང་ས་དང་གྲ་སྒྲིག་སྡུག་ས་ནས་རྒྱག་དགོས་ནས་ང་ཚོ་དྲ་གྲོགས་ཚོས་གྲ་སྒྲིག་སྡུག་ས་ནས་རྒྱག་དགོས་པའི་དོན་དེ་གང་ཡིན་ནམ།
དེའི་ཐོག་དགོངས་ཚུལ་རེ་གསུངས་དང་།
དངོས་ནས་རེད་འདུག དེ་རིང་དྲ་ཚིགས་བོད་ནང་གི་དེ་དག་གཅིག་ཀྱང་སྒོ་ཕྱེ་ཐུབ་ཀྱི་མི་འདུག ད་ནི་ལྐོག་ལྐོག་སུད་སུད་ཀྱིས་ལས་ངན་ག་རེ་བྱེད་ཀྱི་ཡོད་ན་ང་ཚོས་ཐོས་ཐུབ་ཀྱི་མེད་དོ།
དྲ་གྲོགས་ལགས།
དེ་རིང་བོད་ནང་གི་ཧི་གཟུགས་ཟིན་བྲིས་དང་མཆོད་མེ་གཉིས་ཕལ་ཆེར་བསྒགས་ཟིན་པ་འདྲ། དེའི་སྐོར་གྱི་སྐད་ཆ་གསལ་བོ་རེ་གོ་ཚེ་གླེན་བཤད་གླིང་དུ་སྐད་ཅིག་འཇོག་རོགས་སྐུ་མཁྱེན།