ཕྱི་ནང་གཉིས་ཀ་རྫུན་མའི་འབག་ལ་འཛུལ།།
ལས་དང་སྣང་བ་གནམ་མཁའི་སྐར་མའི་སྤུན།།
སེམས་དང་བསམ་པ་དཀར་ནག་ཚོས་གཞི་འདྲ།།
ཚེ་འདིའི་རང་དབང་ཟེར་ཡང་སྟོང་བ་ཉིད།།
རིག་པའི་མེ་ལོང་ཆགས་པའི་རྡོ་ལ་གདབས།།
བརྩེ་བའི་དམངས་གླུ་རིན་མེད་རླུང་གིས་བསད།།
དུངས་པའི་མེ་དྲོད་འཁྱག་རོམ་དྲག་པོས་བཅོམ།།
མི་ཚེ་གཅིག་གི་འགྲུལ་ལམ་སྟོང་བ་ཉིད།།
སྐྱེ་བའི་དུས་ཀྱི་ངུ་ངག་དབྱིངས་སུ་འདས།།
གཞོན་པའི་དུས་ཀྱི་ལང་ཚོ་སད་ཀྱིས་འཁྱེར།།
རྒས་པའི་གཉེར་མ་སྐྱི་མོའི་གསེང་ནས་འབུར།།
ལུས་ཕུང་འདི་ཉིད་འཇའ་རིས་སྟོང་བ་འདྲ།།
ང་རང་ནི་རང་དབང་ཅན་གྱི་རྒྱལ་ཁབ་ཏུ་ངལ་གསོ་ཤིང་བསྡད་ཡོད་ཀྱང་།བོད་ཀྱི་མི་རིགས་འདི་
དྲང་མོ་བཤད་པའི་ཚིག་འདི་ནོར་མེད་ན།།
ལས་འབྲས་ཁས་ལེན་ནང་པའི་ལྟ་བར་འདོད།།
བདག་གི་དཔྱད་པའི་དོན་འདི་ནོར་མེད་ན།།
ལྷ་མེད་འདྲེ་མེད་མོའོ་ལྟ་བར་འདོད།།
དྲང་མོ་བཤད་ན་མི་ཡིས་བརྙས་བཅོས་ཐོབ།།
རྫུན་གཅིག་བཤད་ན་རང་གི་ལས་དང་འགལ།།
ལྷ་ཡང་མ་མཐོང་འདྲེ་ཡང་མ་མཐོང་བས།།
གང་ཟག་ང་ཚོས་བཤད་པ་གང་ཡིན་ཡང་།།
བདེན་རྫུན་ཅི་ཡིན་སུས་ཀྱང་ཚད་འཛིན་དཀའ།།
གང་ལྟར་ཕྱོགས་ཞེན་མེད་པའི་དྲང་གཏམ་གྱིས།།
མི་སེམས་དམར་པོ་འགུལ་བསྐྱོད་ཐེབས་ངེས་ན།།
མི་ཡིས་གཏམ་ལ་ལྷ་ཡིས་གསུང་མི་རན།།
གོང་མའི་ཚིག་འདི་ལྷ་ཡི་གསུང་པ་ཡིན།།
འོག་མའི་ཚིག་དེ་བདག་གི་དཔེ་ཙམ་ཡིན།།
ཡིད་ལ་གང་འཇོག་ཉིད་ཀྱིས་དཔྱད་པར་རིགས།།
བདེན་སྣང་མེད་ན་གད་སྙིགས་བྱས་ཀྱང་རུང་།།
བདེན་པའི་བརྡ་ལ་མགོ་བོ་ལོས་འགུགས་ཀྱང་།།
བདེན་སྣང་འདི་དག་ལྷ་ཡིས་གསུང་མིན་ནི།།
ངེད་ཅག་ཕྲ་མོའི་བློ་ཡིས་ག་ལ་དཔོག།
དེས་ན་ཉིད་ཀྱིས་གསུང་བ་ཡིན་པར་སྙམ།།
སྟོང་པ་ཉིད་ཀྱི་སྒྲ་ཙམ་ཐོས་པ་ཡིས།།
ཡིད་ལ་བདེ་བ་ཐོབ་པ་ལྷ་ཡི་གསུང་།།
སྟོང་བསམ་ངང་ནས་རྨི་ལམ་རོལ་བསྡད་ན།།
སྡུག་བསྔལ་འབྱུང་བ་ཟག་བཅས་རང་བཞིན་རེད།།
དངོས་ནས་དྲ་གྲོགས་ཉིད་ཀྱིས་སྟོང་ཉིད་ཀྱི་གོ་དོན་རྟོགས་ཀྱི་ཡོད་པ་འདྲ།
སྟོང་ཉིད་ཅེས་པའི་མིང་ཚིག་འདི་ཙམ་ཞིག།
རྣ་བའི་བུ་གར་འབྱོར་ན་བདེ་བ་ཐོབ།།
དེ་འདྲར་ཟེར་སྲོལ་ཡོད་པ་བདེན་རྒྱུ་ན།།
བོད་པ་འདི་ཚོ་སྡུག་བསྔལ་མེད་ན་འགྲིག།
ལ་ཞིག་ཆད་འདུག
སྟོང་པ་ཉིད་སྐྱེ་བའི་སྡུག་བསྔལ་མེད།།
སྟོང་པ་ཉིད་ལ་རྒས་པའི་ཚོར་སྣང་མེད།།
སྟོང་པ་ཉིད་ལ་ཉེ་རིང་ཆགས་སྡང་མེད།།
སྟོང་པ་ཉིད་དེ་རང་བཞིན་སྟོང་པ་ཡིན།།