ཉིན་ མ་འདི་ཚོའི་རིང་དུ། ངས་ལས་ཀ་ལེན་ཞོར་དང་བསམ་བློ་གཏོང་ཞོར་བྱེད་ས་གཙོ་བོ་དེ་ནི་བོད་ནང་གི་དྲ་ ཚིགས་སོ་སོ་རུ་ཉུལ་ནས་དྲ་ཐོག་ནས་རྩོམ་ཡིག་བཀླགས་པས་མྱོང་ཚོར་ལས་འཕྲོས་པའི་ བསྐོར་ཡིན།
དེང་སང་བོད་ནང་དུ་གཞོན་སྐྱེས་མི་ཉུང་བ་ཞིག་གིས་རང་མི་རིགས་ ཀྱི་ལ་རྒྱ་དང་བོད་མི་རིགས་ཀྱི་མ་འོངས་པ་གསོན་ཉམས་ལྡན་པ་ཞིག་ཡོང་དགོས་ཀྱི་ ཡོད་ན་མགོ་ནས་ནོར་འདུག་ཟེར་ནས་ནང་ཆོས་ལ་དོན་མེད་དུ་ཁ་བརྡུང་གཏོང་བ་དང་ཞོར་ ཏུ་ཚེ་འདི་ཕྱི་གཉིས་ལ་རེ་བ་བྱེད་ས་གཅིག་ལས་མེད་པས་༧རྒྱལ་བའི་དབང་བོ་མཆོག་ལ་ མཚན་སྨད་ཞུ་བས་མགོ་བཙུགས་འདུག དེ་ཡང་ཡི་གེ་མི་ཤེས་པ་དང་སློབ་གྲ་དང་ལྗོངས་རྒྱུ་གང་ཡང་བྱེད་མ་མྱོང་བས་མི་ དག་མིན་པར། ལྗོངས་རྒྱུ་ཡང་རང་རང་གི་ཚོད་ཀྱིས་གང་ཙམ་བྱས་མྱོང་མཁན་དང་རང་རང་གིས་ཚོད་ཀྱི་ བོད་ཀྱི་སྐད་ཡིག་ལ་ད་སྔ་ཞབས་འདེགས་མི་ཉུང་བ་ཞུ་མྱོང་མཁན་རྐྱང་རྐྱང་ནས་མགོ་ བཙུགས་པ་དེར་ངས་བསམ་བློ་བཏང་། ལས་ཀ་བྱེད་ཞོར་ཏུ། ཟ་མ་ཟ་ཞོར་ཏུ། ཉལ་ཁང་དུ་འགྲོ་ཞོར་ཏུ། གཙང་སྤྱོད་དུ་འགྲོ་ཞོར་ཏུ། དུ་བ་འཐེན་ཞོར་ཏུ། རྩོམ་ཡིག་ཀློག་ཞོར་ཏུ། ངས་ད་དུང་ཡང་ཡིད་ཆེས་བྱེད་མི་ཐུབ་པ་དེ་ནི་མི་དེ་དག་གིས་ཁ་ནང་དུ་༧རྒྱལ་བའི་ དབང་བོ་མཆོག་ལ་མཚན་སྨད་ཞུ་རྒྱུའི་བསམ་བློ་དེ་འདྲ་ཞིག་གང་ནས་ཤར་བ་ཡིན་ནམ། བདེན་པ་ཡོད་པ་ཞིག་བཤད་ཀྱི་ཡོད་པ་ཡིན་ན་ནི་དངོས་ནས་ཁག་མེད། དེ་ནི་མ་ཡིན་པར་བདེན་པ་དང་རྒྱང་ཐག་རིང་ཞིང་གནས་ལུགས་དང་རྒྱབ་དུ་ཕྱོགས་པའི་ སྐད་ཆ་འདི་འདྲ་བོད་མི་ཞིག་གིས་མ་སྐུལ་དང་བླངས། མ་བརྡུང་ངུ་འབོད། རིན་མེད་དང་བླངས། འདི་ལྟར་སྲིད་གཞུང་ངན་པ་དེའི་འདོད་ཐོག་གི་རྟ་ཕོ་རུ་གྱུར་དགོས་དོན་གང་ཡིན་ ནམ་སྙམ་བཞིན། ཉིན་མ་འདི་ཚོའི་རིང་དུ་ངའི་སེམས་ནང་དུ་སྐྱ་བོ་ནས་སྔོན་པོ། དཀར་པོ་ནས་ནག་པོ། ཚོས་གཞི་བརྒྱ་སྟོང་ལས་བརྒལ་བ་ཤར་ཏུ་བཅུགས་དུས། ངས་༧རྒྱལ་བའི་དབང་བོས་གསུང་དྲོན་མོ་ཞིག་ལ་ཕྱིར་དྲན་བྱས། ང་རང་དངོས་ནས་མཚམས་རེར་སེམས་པ་སྐྱོ་ཡི་འདུག གང་ཡིན་ཟེར་ན། ངའི་བསམ་ཚུལ་ཟེར་ན་འདྲ། དེ་ཤེས་དགོས་མཁན་དེ་ནི་བོད་མི་རིགས་ཆགས་ཡོད་པ་རེད། ངའི་བསམ་ཚུལ་ཤེས་མི་དགོས་མཁན་ཟེར་ན་འདྲ། དེ་ནི་ཕྱི་རྒྱལ་གྱི་མི་དེ་ཚོ་ཆགས་ཡོད་པ་རེད། ནམ་ཞིག་ངའི་བསམ་ཚུལ་ཤེས་དགོས་དུས་བྱུང་ན་ཕྱི་རྒྱལ་བ་དེ་ཚོས་བྲིས་པའི་དེབ་ ནང་དུ་ཀློག་རྒྱུ་ལས། བོད་རང་གི་སྐད་ཡིག་ནང་དུ་བྲིས་པ་ཕལ་ཆེར་རེག་རྒྱུ་མ་རེད་བསམ་ནས་སེམས་འཁུར་ ཡོང་གི་ཟེར་ནས་གསུང་མྱོང་བ་རེད། དེ་ནི་ད་གཟོད་ཅོལ་རྒྱུགས་མཁན་འདི་དག་གིས་ཁ་ནས་གང་ཡང་བཤད་རྒྱུ་དེ་མ་འོངས་ སྔོན་གཟིགས་ཀྱིས་གསུང་བ་ལོས་ཡིན།
དཔེར་ན། བཙན་བྱོལ་ནས་ལོ་ངོ་དུ་མའི་གོང་དུ་འཇམ་ནོར་ཟེར་བ་ཞིག་གིས་༧རྒྱལ་བའི་དབང་བོ་ འཛམ་གླིང་གི་བུད་མེད་གློག་བརྙན་འཁྲབ་མཁན་མཛེས་མ་དེ་དག་དང་ལྷན་ཏུ་གསོལ་སྟོན་ ལ་རོལ་གྱི་འདུག་ཟེར་ནས་མཚན་སྨད་སྣ་ཚོགས་ཤིག་གིས་མགོ་བསླངས་པ་རེད། ད་ལྟ་ཁ་སང་དེ་རིང་ཡང་༧རྒྱལ་བའི་དབང་བོ་ཞལ་གཟིགས་མ་མཇལ་བ་དང་ཞལ་གསུང་ཐོས་ མྱོང་མེད་མཁན་གྱི་བོད་ནང་གི་གཞོན་སྐྱེས་རེ་ཟུང་གིས་ཀྱང་༧རྒྱལ་བའི་དབང་བོ་ ཐང་སི་བླ་མ་ནང་བཞིན་བཞུགས་ན་ཡག་པོ་མི་འདུག་ཟེར་བ་ཞིག་་ཁ་བརྡ་དྲ་ཐོག་ཏུ་ བཀོད་ཀྱང་དེ་ལ་མི་མང་བོ་ཞིག་གིས་དོན་སྣང་ཞེ་དྲགས་བྱས་མ་སོང་། ཡིན་ཡང་། ཉིན་འགའི་སྔོན་ཏུ་ཞོགས་ལྗང་ཟེར་མི་ཞིག་གིས་༧གོང་ས་མཆོག་གི་རྐུབ་ལྡག་མཁན་ཚོ་ ཟེར་ནས་གླེང་མ་ཐག བོད་ཕྱི་ནང་གཉིས་ཀྱི་རྩོམ་ཡིག་སྤེལ་མཁན་མི་ཉུང་བ་ཞིག་གིས་ཚ་ཚ་འུར་འུར་གྱིས་ བསམ་ཚུལ་མི་ཉུང་བ་ཞིག་བོད་ཕྱི་ནང་གཉིས་ཀྱི་དྲ་ཐོག་ལ་སླེབས་པ་རེད། ཡིན་ཡང་། དོན་དངོས་ཐོག ད་ནི་༧རྒྱལ་བའི་དབང་བོ་མི་ཡིན་མིན་ཞིག་རྩོད་ཀྱི་འདུག དེའི་བསྐོར་གྱི་རྩོམ་ཡིག་ནི་ལོ་ངོ་དུ་མའི་གོང་དུ་བཙན་བྱོལ་ནས་རྟ་ནག་པ་སྐལ་ བཟང་ཟེར་བས་མིང་འཛིན་པ་ཞིག་གིས་ང་ཚོས་༧རྒྱལ་བའི་དབང་བོ་ལ་དད་པ་བྱེད་སྟངས་ དང་༧རྒྱལ་བའི་དབང་བོ་ལ་བརྩི་བཀུར་བྱེད་སྟངས་ཤེས་ཀྱི་མི་འདུག་ཟེར་བ་སོགས་ནས་ འཕྲོས་དེ། དེ་དུས་ཁོས་ཀྱང་༧རྒྱལ་བའི་དབང་བོ་མི་རེད་ཟེར་ནས་ཐེངས་མང་བོ་ཞིག་ལ་བསྒྲགས་ མྱོད་ཡོད་པ་རེད། དངོས་ནས་རེད། ཚང་མས་ཤེས་ཀྱི་ཡོད། བོད་མགོ་ནག་གཙོ་བའི་འཛམ་གླིང་གི་སྐྱེ་འགྲོ་དུང་ཕྱུར་མང་བོ་ཞིག་གིས་༧རྒྱལ་ བའི་དབང་བོ་མྱི་ཡིན་པ་ཤེས་ཀྱི་ཡོད་ལ། ལོ་ངོ་དྲུག་བཅུའི་ཡར་སྔོན་གྱི་༧རྒྱལ་བའི་དབང་བོ་དེ་ནི་ཕོ་གསར་ཞིག་དང་ལོ་ངོ་ དྲུག་བཅའི་རྗེས་ཀྱི་དེ་རིང་གི་༧རྒྱལ་བའི་དབང་བོ་ནི་ལོ་ན་བགྲེས་པའི་མི་ཞིག་ ཡིན། འོན་ཀྱང་། ཤིང་གི་ནང་ན་ཤིང་ཟེར་སྲོལ་ཡོད་པ་ལྟར། ཁོང་ནི་མི་ཡི་ནང་གི་མི་ཞིག་སྟེ། འཛམ་གླིང་འདི་ན་དཀོན་པའི་མི་ཁྱད་པར་ཅན་ཞིག་ཆགས་ཡོད་པ་རེད་ལ། འཛམ་གླིང་གི་སྐད་གྲགས་ཅན་གྱིས་མི་སྣ་དང་སྲིད་འཛིན་སོགས་མི་སྣ་གང་མང་མང་གིས་ ཐུག་འཕྲད་བྱེད་འདོད་ཡོད་པས་མི་ཁྱད་དུ་འཕགས་པ་ཞིག་ཡིན། ཁོང་གི་མི་སྤྱིར་བཏང་བཞིན་ཟས་བཟའ་བ་དང་མི་སྤྱིར་བཏང་བཞིན་གཟིམ་བཞིན་ཡོད། དེ་ལས་ཀྱང་ཁྱད་དུ་འཕགས་པ་ཞིག་ཡོད་པ་ནི། ཁོང་གི་མི་སྤྱིར་བཏང་ནང་བཞིན་ཀུན་ལ་འབྲེལ་འདྲིས་བྱེད་ཀྱི་ཡོད་ལ་ཆེ་ཚུགས་དང་ སྤོམ་འདོག་ནམ་ཡང་མི་སྟོན། ད་དུང་། ཁོང་ལ་དམིགས་གསལ་གྱིས་གཏམ་བཤད་གནང་སྟངས་ཤིག་ཡོད། ང་ནི་བོད་མི་རིགས་ཀྱི་འགྲིན་ཚབ་པ་ཞིག་ཡིན་གསུང་བཞིན་ཡོད་ལ། ང་ནི་འཛམ་གླིང་གི་འབངས་མི་དཀྱིས་མ་ཞིག་ཡིན་པ་ལས། ང་རང་ལ་རྐ་ལག་ཐོལ་བ་གང་ཡང་མེད་གསུང་བཞིན་ཡོད། གསུང་དེ་ཡང་འཛམ་གླིང་མི་མང་དུང་ཕྱུར་མང་བོས་རླུང་འཕྲིན་དང་བརྙན་འཕྲིན། ཐ་ན་རྩིས་འཁོར་ནང་དུ་ཤར་གྱི་ཡོད། ད་དུང་། ཁོང་གིས་བོད་མི་མང་ལ་འདི་འདྲ་ཞིག་གསུང་མྱོང་ཡོད། བོད་ལ་རང་དབང་ཞིག་མ་ཐོབ་པ་ཡིན་ན། ང་ཤི་ན་དབུགས་འགྲོ་ས་མ་རེད་སོགས་གསུང་དེ་ཁོང་གིས་བོད་མི་རིགས་ལ་བཅིངས་པས་ སེམས་གཤིས་དེ་ལྟར་བརྗོད་ཀྱང་། ད་དུང་ཡང་། བོད་པ་མི་ཉུང་བ་ཞིག་གིས་ཁོང་གིས་གསུང་ཐོས་ཀྱི་མེད་ལ། ཁོང་གིས་ཞལ་མཇལ་ཐུབ་ཀྱི་མེད། མི་ཤེས་ས་དང་མི་གོ་ས་ནས་ཁོང་ལ་མཚན་སྨད་ཞུ་བཞིན་ཡོད། དེ་ཡང་རང་གི་ཁེ་སྙན་ཆུང་ཙག་ཞིག་དང་། སྒེར་སེམས་དང་ང་རྒྱལ་ཕྱོགས་རེས་པ་ཞིག་གིས་ཁྲོད་ནས། ངས་འདི་ལྟར་བསམ་བཞིན་ད་ནི་ཁོང་གི་དགུང་ལོ་བགྲེས་བཞིན་བགྲེས་བཞིན་འགྲོ་བ་ མཐོང་དུས་སེམས་ཀྱི་ན་ཟུག་ཇེ་ཆེ་དང་ཁོང་གིས་ད་དུང་ཡང་སྐུ་ངལ་ཙམ་ཡང་མི་གསོ་ བར་འཛམ་གླིང་གི་ཡུལ་གྲུ་གང་སར་སོང་དེ་ངའི་མི་མང་ལ་རང་དབང་མི་འདུག ངའི་མི་མང་ལ་ཉེས་པ་མེད་བཞིན་ཏུ་ཁྲིམས་གཅོད་བྱེད་ཀྱི་འདུག ངའི་མི་མང་ལ་འདོད་པ་མེད་བཞིན་ཏུ་བཙན་བྱོལ་ལ་ཡོང་དགོས་ཀྱི་ཆགས་པ་རེད་སོགས་ གཏམ་གླེང་བྱེད་ས་དང་ཆོས་གསུང་ཡུལ་གང་ནས་ཀྱང་། ཁོང་གིས་རང་ཉིད་བོད་མི་མང་གིས་འགྲིན་ཚབ་པ་ཞིག་ལས་བོད་མི་མང་གི་མཐའ་མའི་ཐག་ གཅོད་དེ་ནི་བོད་མི་མང་གིས་བྱེད་རྒྱུ་ལས་ང་རང་ལ་གཏན་ནས་དེའི་དབང་ཚད་མེད་ སོགས་གསུང་བ་དྲན་ནས་ལས་ཀ་ཡང་ལས་རྒྱུར་སུན་སྣང་ཆེ་རུ་སོང་བ་དང་། ཟས་ཟ་འདོད་ཀྱི་ཡི་ཀ་ཡང་ཞེ་དྲག་མེད་པ་ཞིག་ཏུ་གྱུར་འདུག ཉིན་མ་འདི་ཚོའི་རིང་དུ་སྐད་ཆ་ཡག་པོ་ཞིག་གཏན་ནས་གོ་རྒྱུ་མི་འདུག
ད་ དུང་། ནང་ཆོས་ལ་རྒྱུས་མངའ་མེད་མཁན་དག་གིས་ནང་ཆོས་ལ་འགག་པ་རྒྱག་བཞིན་པ་མཐོང་དུས་ དངོས་ནས་སེམས་སྐྱོ་ཡི་འདུག དཔེར་ན་མི་ཞིག་ལ་སྐྱོན་བརྗོད་བྱེད་འདོད་ཡོད་ན། མི་དེ་ལ་རྒྱུས་མངའ་ཡོད་དགོས་པ་ལས་མི་དེ་འདྲ་ཞིག་ཡོད་པ་ཐོས་པ་ཙམ་གྱིས་སྐྱོན་ བརྗོད་བྱས་པ་ནི་ཅོལ་ཆུང་གི་གཏམ་ལས་གནས་ལུགས་དང་རྒྱུ་མཚན་མིན་པ་སྤུན་གྲོགས་ ཡོངས་ཀྱིས་ཤེས་གསལ་རེད། མཐའ་དོན་ཉིན་མ་འདི་ཚོའི་རིང་དུ། ངས་བསམ་བློ་གཏོང་ས་གཙོ་བོ་ནི། མི་དེ་དག་གིས་༧རྒྱལ་བའི་དབང་བོ་ལ་མཚན་སྨད་ཞུ་དགོས་པའི་དམིགས་ཡུལ་མཐར་ཐུག་ དེ་ནི་གང་ཡིན་ནམ། ཡང་སྙིང་། ཁོང་ཚོས་བོད་ལ་ཤ་ཚ་སྟངས་འདི་འདྲ་ཞིག་ཡིན་སྲོལ་མེད་པ་རེད། དོན་དངོས་ཐོག ཁོང་ཚོ་ནང་ཆོས་ལ་མི་དད་མཁན་ཡིན་ན་འགྲིག་གི་རེད། ཡིན་ཡང་། ནང་ཆོས་ལ་གཏོར་བཤིག་གཏོང་དགོས་དོན་གང་ཡིན་ནམ། ཨོ་རེད་་ ཁོང་ཚོ་འཐོམ་འདུག ནང་ཆོས་དང་ནང་ཆོས་བྱེད་མཁན་གྱི་བར་ཐག་དང་། ནང་ཆོས་དང་རང་ཉིད་ཀྱི་འབྲེལ་བ་ངོས་ཟིན་མི་འདུག རེད་མཐར་ཐུག་ན་ཁོང་ཚོས་ནང་ཆོས་ལ་གཏན་ནས་རྒྱུས་མངའ་མི་འདུག་ལ། ནང་ཆོས་ལ་རྩ་ནས་སློབ་སྤྱོང་བྱས་མྱོང་མི་འདུག དེ་ལྟར་སྙམ་ཞོར་ཏུ་ལས་ཀ་ལས། ཉིན་མ་འདི་དག་གི་རིང་དུ་
ཨོ་རེད་་་ཁོང་གིས་ད་དུང་འདི་འདྲ་ཞིག་གསུང་ཡོད་པ་རེད། བོད་རྒྱ་ཆེ་མི་མང་ལ་འདོད་པ་མེད་ཉིན། ངས་དགོངས་པ་ཞུ་རྒྱུར་གྲ་སྒྲིག་ཡོད།
ཇིང་སྲས་ལགས། རྒྱབ་སྐྱོར་གནང་བ་ཐུགས་རྗེ་ཆེ། རྗེས་ཕྱོགས་དུས་ཚོད་གང་ཡོད་ལ་འདི་རུ་ཕེབས་ནས་ཇ་ཞིམ་པོ་ཡོད་མེད་ལ་མ་བལྟས་པར་ངལ་གསོ་རེ་རྒྱག་རོགས་ཞུ། འདི་ནི་བོད་རིགས་ཚང་མས་ངལ་གསོ་ས་ཞིག་ཉན་ན་དེ་བས་བདག་གིས་བློ་ཡིད་ཚིམ་པ་ཡིན།
རེད་གྲོགས་པོའི་བཤད་པ་གནས་ལུགས་འདུག་རྒྱབ་སྐྱོར་ཡོད།
ཆུ་ཐིགས་སྔོན་མོ་ལགས། ཐུགས་རྗེ་ཆེ། བསྟོད་བསྔགས་གནང་བ་དེར། རང་གིས་ཐུབ་ཚོད་ཅིག་འདུར་ངེས་ཡིན། ཁ་དྲོ།
ཨ་རོ་རྒད་པོ་་་དེ་རིང་ཡིན་ན་ང་ཁྱེད་ཀྱི་སྐད་ཆ་ལ་དགའ་བོ་བྱུང་། རྗེས་ཕྱོགས་ཀྱང་འདི་འདྲའི་སྒོ་ནས་རང་ཉིད་ཀྱི་ལྟ་ཚུལ་སོགས་སྤེལ་ཅི་ཐུབ་བྱེད་རྒྱུའི་རེ་བ་ཡོད། ཐུགས་རྗེ་ཆེ།
སྤོབས་པ་མཐའ་ཡས་ལགས། ཉིད་ཀྱིས་འདི་ལྟར་སྤོབས་པ་ཆེན་པོས་སྐད་ཆའི་དབྱངས་འགྲོས་འདི་ལ་ང་རང་གིས་སེམས་གཏིང་ནས་སྨོན་པ་འཆོར། ལས་དབང་གི་འཐུ་འོག་ནས་བོད་མིང་ཞིག་གི་མངའ་ཁུངས་སུ་ངེད་ཅག་ད་རེབས་ཀྱི་མི་ཚེ་འདི་ལ་ལྷན་ཏུ་སྐྱེ་བ་ཞིག་བླངས་ཡོད་པས་རང་གི་མི་ཚེ་འདི་ལ་མི་རིགས་འདི་ལ་བྱས་རྗེས་ཤིག་འཇོག་མ་ཐུབ་ཀྱང་། ཞབས་འདྲེན་ཞིག་ཞུ་སེམས་ངེད་ཅག་བོད་མི་ཡོངས་ལ་མེད་པར་རེ་བ་དང་སྨོན་ལམ་ཡོད། དེའི་སྟབས་ཀྱིས་རང་ཉིད་ཀྱི་ཁ་ཐབས་སྐྱོ་རུང་འབད་བརྩོན་བྱེད་ཀྱི་ཡོད། ཡིན་ཡང་། ད་དུང་རང་ཉིད་ཀྱིས་བྲིས་པའི་ཡིག་ནོར་དང་ཡོད་ཚད་ཞན་པས་སློབ་སྟོན་རེ་གནང་རྒྱུ་མ་བརྗེད་རོགས།
འབྲུག་བྷེ་ལགས་ལགས། ཉིད་ཀྱིས་རྩོམ་ཡིག་འདིར་གདེང་འཇོག་གནང་བ་དེར་སེམས་གཏིང་ནས་ཐུགས་ཆེ་རྗེ། ངེད་ཅག་གི་ལས་དབང་གཅིག་ཞིང་སེམས་བསམ་པ་བོད་ལ་ཕྱོགས་པའི་སྔ་གཞུག་ཏུ་སྐད་ཆ་བཟང་ངན་སྣ་ཚོགས་ཤིག་ཡོང་སྲིད་པས་མ་འགྲིག་མ་འཐུས་ས་ནས་འཁང་ཆུང་མི་བྱེད་པར་སྐྱོན་བརྗོད་བྱེད་རྒྱུ་མ་བརྗེད་རོགས།
ཁྱེད་ཀྱི་ན་ཟུག་དང་དུང་ཞེན་གྱི་སྦྲུམ་པའི་རྩོམ་ཡིག་ཡག་པོར་འདུག མུ་མཐུད་དུ་འདི་འདྲ་བ་ལེགས་སྐྱེས་སུ་བསྩལ་བར་འབད་པ་གལ།
ཁྱེད་ཀྱི་རྩོམ་ཡིག་འདི་བྐླགས་སྐབས་སློབ་དཔོན་ཞིག་གི་ཞལ་གདམས་ཤིག་ལས། བོད་ལ་དྲིན་ཆེར་བྱས་ཀྱང་དྲིན་མི་གོ། །ཞེས་གསུངས་འདུག་པ་དེ་ཅི་མ་བདེན་སྙམ་པ་ཞིག་བྱུང་། ངས་རྡོ་སྦིས་དགེ་བཤེས་ཤརར་རྒྱམ་གྱི་གསུང་འབུམ་བམ་ྐློག་ཅིག་བྱས་པ་ཡིན། དེར་བླ་རྒན་དེས་སྡེ་པ་གཞུང་གི་དཔོན་རིགས་ཚ་རོང་པ་ལ་བཏང་བའི་འཕྲིན་ཡིག་ཅིག་འདུག་པ་དེར། གུང་ཁྲན་ཏང་ནི་སྤྱི་སེམས་ཆེ། །ཤེས་རབ་རྒྱ་མཚོ་བོད་སེམས་ཆེ། །ཞེས་སོགས་བྲིས་འདུག ཡིན་རྒྱུ་ནི་ཤེར་རྒྱམ་རང་གིས་རྒྱ་དམར་གུང་ཁྲན་གྲོགས་སུ་བསྡེབས་ནས་བོད་བཅིངས་འགྲོལ་གཏོང་རྒྱུའི་ཁ་ཕོ་ཤོད་ཀྱིན་ཡོད་མདོག་རེད། སྡེ་པ་གཞུང་གི་དཔོན་རིགས་ཚོར་སྙིང་ཚིམ་བརྡར་མདོག་ཅིག་ཀྱང་ཡིན་རྒྱུ་རེད། ཤེར་རྒྱམ་པ་དགེ་འདུན་ཆོས་འཕེལ་གྱི་ྐླུ་སྒྲུབ་དགོང་རྒྱན་ལ་ཚིག་པ་ཟོས་ནས་དགེ་ཆོས་དང་ཉག་རོང་ཟླ་བཟང་ལ་གཤེ་གཤེ་གཏང་བ་ཙམ་ཞིག་རྒྱ་དམར་གུང་ཁྲན་ལ་གཏོང་ཐུབ་ཡོད་ན་འའགྲིགས་འདུག་སྙམ་བྱུང་། ཁྱེད་ཀྱིས་གསུངས་པ་བཞིན་ང་ཚོའི་ཤེས་ཡོན་པ་དང་མི་ཆེན་ཡིན་ཟེར་མཁན་ཚོའི་ཁྲོད་ནས་མིག་དཔེ་ངན་པ་དང་ལོག་ལམ་ལ་འཁྲིད་མཁན་མང་པོ་ཡོང་ཡོད་པ་དེ་ཐབས་སྐྱོ་བོ་འདུག