ལུང་ལ་རྒས་རྒྱུ་ཡོད་ལ་འཆི་རྒྱུའང་ཡོད་ཅེས་པ་བཀླགས་རྗེས་སུ། །
བོད། ཤ་ཁྲག་རུས་གསུམ།
༢༠༠༩/༠༧/༡༤ ཉིན་འདོན་སྤེལ་བྱས། ངས་ཆོས་ལུགས་ལ་སྦྱང་བ་བྱས་མ་མྱོངས་པས་རྗེ་རིན་པོ་ཆེས་མཚོན་པའི་སྔོན་བྱོན་མཁས་པ་དམ་པ་དག་ལ་མིའི་ལྟ་སྟངས་བཟུང་ནས་སྐད་ཆ་བཤད་ཀི་ཡོད་པ་ལས།
ཉིད་ཀྱིས་སྐད་ཆ་འདི་ཐོས་པ་ཙམ་ནས་ཉིད་ཀྱིས་རྩོམ་ཡིག་འདི་ལ་ཡག་ཉེས་གང་ཡང་བཤད་འདོད་ཞིག་མི་འདུག་ལགས། ཟ་ལེ་རྒྱལ་ལགས་ནམ་རྒྱུན་ངས་ཁྱེད་རང་མི་བསམ་ཡོད་ཅིག་ལ་བལྟས་པ་ཡིན། དེ་རིང་སྐད་ཆ་འདི་ལ་རྒྱབ་སྐྱོར་བྱེད་ཐུབ་ཀྱི་མི་འདུག་ལགས།
ཟ་ལེ་རྒྱལ།
༢༠༠༩/༠༧/༡༤ ཉིན་འདོན་སྤེལ་བྱས། ཨ་སྲུང་མ་ཡ། དེ་མོའི་མྱོགས་མོ།
ཞིབ་ལྟ་བྱོས་དང་ངས་ཆོས་ལུགས་ཀི་ཡག་ཉེས་ཅི་ཡང་བཤད་མེད། ང་ལ་གོང་གི་སྐད་འདི་བཤད་རྒྱུའི་ཐོབ་ཐང་ཡོད་པ་རེད།
ཟ་ལེ་རྒྱལ།
༢༠༠༩/༠༧/༡༤ ཉིན་འདོན་སྤེལ་བྱས། ཙོང་ཁ་བ་དང་བློ་བཟང་གྲགས་པ་ལྟ་བུའི་མིང་ཚིག་མ་བཀོད་པར་རྗེ་རིན་པོ་ཆེས་མཚོན་པའི་སྔོན་བྱོན་མཁས་པ་དམ་པ་དག་ཅེས་བ་འདིས་རྗེ་རིན་པོ་ཆེ་ལ་གུས་ཚུལ་བསྟན་ཡོད། ཡིན་ནའང་ཆོས་ལུགས་ལ་ཅི་ཡང་མི་ཤེས་བའི་མྱི་ང་འདྲ་བ་ཞིག་གིས་མི་ཞིག་ལ་ལྷའི་ལྟ་ཚུལ་འཛིན་དགོས་ན་ཁག་པོ་རེད། མདོར་བསྡུས་ནས་བཤད་ན་ངས་ལྷ་ཞེས་བ་དེ་ཅི་འདྲ་ཞིག་ཡིན་མིན་ཡང་མི་ཤེས།
སྐད་ཆ་འདི་ནི་བོད་ཕྱི་ནང་གཉིས་ཀའི་ཤེས་ཡོན་པར་རློམ་མཁན་དག་གིས་རང་རློམ་གྱི་སྐད་ཆ་བཤད་སྟངས་ཤིག་ལས་བདེན་དོན་ཡོད་པའི་གཏམ་ཞིག་མིན་སྟབས། ངས་སྐུ་ཉིད་ལ་གསལ་བཤད་ཙམ་ཞིག་ཞུས་པ་ཡིན། མི་ལ་མི་ཡིས་འདུ་ཤེས་མ་འཛིན་རོགས་ཟེར་ནས་བཤད་མཁན་གཏན་ནས་མེད་པ་ཡིན། འོན་ཀྱང་། མི་རླབས་ཆེན་དེ་དག་གི་གསུང་ལ་རྒྱུས་མངའ་མེད་བཞིན་ཏུ་ཁ་ནས་གང་འདོད་བཤད་མཁན་གྱི་མི་དག་ལ་ཟེར་བཞིན་ཡོད། སྐུ་རླངས་མ་བཞེས་ཨ་ དཔེར་ན། རང་གིས་རྗེ་རིན་པོ་ཆེ་དང་རླབས་ཆེན་གྱི་སྐྱེ་བུ་གོང་མ་དེ་དག་གིས་འདས་མ་ད་གསུམ་བསྐོར་ལ་རང་རང་གིས་གང་ཐུབ་ཐུབ་ཅིག་རིག་པ་དང་སྒྲུབ་པ་སོགས་བྱས་དེ་བརྟག་དཔྱད་བྱེད་ཆོག་པའི་ལམ་ཁ་ཞིག་བསྟན་ཡོད་བཞིན་ཏུ་དེ་ལ་མ་སོང་བར་རྒྱང་རིང་ས་ནས་དེ་འདྲ་ཞིག་བཤད་རབས་འདུག དེ་འདྲ་ཞིག་གོ་རབས་འདུག་ཟེར་ནས་གླེང་རྒྱུར་དགའ་བའི་དེང་རབས་བོད་པ་ཚང་གི་གཞོན་སྐྱེས་མི་ཉུང་བ་ཞིག་ལ་ནད་འདི་བྱུང་ཡོད། ཡིན་ཡང་། ཁོང་ཚོས་གཏན་ནས་རང་ལ་ནད་ཚ་འདི་འདྲ་ཞིག་ཡོད་པར་ཁས་ལེན་བྱེད་མི་སྲིད་ལ་བྱེད་དགོས་དོན་གྱང་མེད། རེད་དེ། མི་ཤེས་པ་མི་ཤེས་པ་ཁས་བླངས་པ་མ་རིག་པ་མ་རིག་པར་ཁས་བླངས་པ་ཡིན་ན་འགྲིག་མོན། དེ་ཡི་གོམ་གཤིས་ཀྱང་མེད་པས་འུ་ཅག་གི་གཞོན་རབས་འདི་དག་ལ་དངོས་ནས་སྐབས་རེར་ཕྱི་ཡི་དགྲ་ལས་ནང་གི་སྤུན་གྲོགས་དག་གིས་བྱས་ཉེས་ཆེན་པོ་འདུག་པའི་ཚོར་བ་ཡང་གཅིག་མིན་གཉིས་མིན་ཏུ་སྟེར་བཞིན་འདུག་སྟབས། དེ་རིང་སྐུ་ཉིད་ཀྱིས་རྩོམ་ཡིག་འདི་བཀླགས་མ་ཐག བོད་ཕྱི་ནང་གཉིས་སུ་དེང་རབས་ལ་དགའ་མཁན་མི་ཉུང་བ་ཞིག་གིས་མ་བརྟག་མ་དཔྱད་པར་ཁ་ནང་དུ་གང་ཡང་བཤད་བཞིན་པ་འདི་ལ་སེམས་འཁུར་ཞིག་སྐྱེ་ཡི་འདུག་པ་དང་ལྷག་པར་ཏུ་སེམས་ནང་ལ་སྐྱོ་བ་ཞིག་མི་འདོད་ཀྱང་སླེབས་ཀྱི་འདུག རང་གི་མི་རིགས་ཀྱི་ཡི་གེ་འདི་ཤེས་པ་ནི་རང་གི་མི་རིགས་ལ་ཞབས་ཞུ་བྱེད་ཆེད་དང་རང་གི་མི་རིགས་འདི་ཡར་རྒྱས་གཏོང་བ་ཁོ་ན་ཡིན་ཟེར་ནས་བཤད་ཆོག་མོེད། འོན་ཀྱང་། དེ་རིང་སང་གི་མི་དག་གིས་དེང་རབས་ཀྱི་བྱ་སྤྱོད་འགྲོ་གསུམ་ནི་རྨི་ལམ་ཚུན་ཆད་དུ་ཡག་སྣང་དང་འཛིན་མཁན་དག་ལ་བཅོས་ཐབས་མེད་པའི་ནད་ཚ་ཞིག་འགོས་ཡོད་པ་དེ་ནི་ནུབ་ཕྱོགས་ཀྱི་ཐོན་རྫས་དག་ལ་ཨག་གསར་ཆེ་བས་རང་གི་རིགས་ལ་ཡོད་པས་ནོར་བུ་དེ་དག་ལ་བདག་པོ་རྒྱག་ཐུབ་ཀྱི་མེད་པ་འདི་རེད་སྙམ་ནས་ཤར་མར་དྲ་ཐོག་འདི་ནས་ལན་འདི་ཕུལ་བ་ཡིན་ལགས། རྗེས་ཕྱོགས་རང་གི་མི་ཤེས་པ་དང་མ་རིག་པ་དང་རིག་མ་སོང་། ཤེས་མ་སོང་། ང་ལ་རྒྱུས་མངའ་མེད་ཟེར་ནས་ཁས་ལེན་གཙང་མ་བྱས་པ་ཡིན་ན་ཕན་ཚུན་ལ་ཁ་བརྡ་དང་བགྲོ་གླེང་བྱེད་རྒྱུར་ཡང་ཕན་ཐོག་ངེས་སྙམ། འདི་ནི་སེམས་བསམ་པའི་སྐད་ཆ་ཞིག་ལས་མཁས་འདོད་གྲགས་འདོད་དང་སྤུན་ཟླ་ནང་ཁུལ་འགྲན་སེམས་བྱེད་འདོད་ཀྱི་བློ་ཞིག་མིན་པ་ཐུགས་འཇག་འཚལ་ལོ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཨ་ཚོགས་བློ་བྷེ་ལགས། ཕེབས་པར་དགའ་བསུ་ཞུ་བ་དང་འབྲེལ། ཡིན་མིན་གཉིས་ཀྱི་མཚམས་ནས་འབུད་དེ་སོང་འདུག་པ་དེར་ཧཧཧཧཧ་ཟེར་ན་འདོད་བྱུང་། གང་ལྟར། ཡང་ཡང་ཕེབས་རྒྱུར་རེ་བ་ཡོད།
གནའ་བོའི་སྲིད་པ་རྒད་པོའི་གཏམ་དཔེའི་ནང་ན་འཆི་རྒྱུ་རྒས་རྒྱུ་མེད་པའི་གཏན་ཚིགས་རང་བཞིན་གྱི་སྡོམ་ཚིག་མང་བས་དེའང་སྣང་མེད་དུ་གཏོང་ག་ལ་རུང་། མི་རུང་ཏེ། རྟག་ཏུ་རང་ཉིད་ཀྱི་སྐད་ཆའི་རྒྱབ་དཔང་ལ་མཁས་པ་ག་གེ་མོའི་ལུང་ཚིག་གཡར་བཞིན་པ་དེ་ནི། མྱི་སྙིང་མེད་ཅིག་གིས་དགྲ་ངོ་ནས་ཨ་མ་བོས་པ་ནང་བཞིན་རེད་འདོད།
འཇམ་མགོན་འདི་རུ་ཡང་ཡང་འཁོར་ནས་ཉོག་ཐིགས་འཐུང་དུ་ཡོང་བ་དེར་དགའ་བསུ་ཞུ་བ་ཡིན། ལྷག་པར་ཏུ་སྐུ་ཉིད་ལ་བྲེལ་བ་ཆེ་བ་ཐུགས་ཁག་མེད།
གངས་རིའི་གླིང་བུ་ལགས། ཉིད་ཀྱིས་གསུང་བ་དེ་ཡང་བདེན་པ་རེད། མི་རེ་ལ་བསམ་པ་རེ་ཡོད་པ་བཞིན་ངེད་གཉིས་ཀྱིས་ཀྱང་རང་རང་གི་བསམ་ཚུལ་ཕྱོགས་ཞེན་དང་འཁོན་འཛིན་མེད་པར་གང་ཐུབ་ཐུབ་ཅིག་གླེང་བ་ཡིན་པས་ཁུལ་རེད་ལགས།
ཁྱེད་གཉིས་ཀྱིས་གནས་ལུགས་གླེང་བ་ལ་ཡི་རངས་བྱེད།མི་སུ་ཡིན་ན་ཡང་རང་རང་ལ་གནས་ལུགས་རེ་དང་རྒྱུ་མཚན་རེ་བཤད་རྒྱུར་ཡོད་པ་རེད།ཡིན་ན་ཡང་དེ་དག་་ཕྱོགས་ཞེན་དང་འཁོན་འཛིན་གྱིས་དབང་དུ་མ་སོང་བར་དེ་ལྟར་བྱེད་རྒྱུར་གལ་ཆེ།
གྲོགས་གཉིས་སྐུ་བདེ། ངས་ཀྱང་རང་ནུས་ལ་བརྟེན་ནས་ཁྱེད་གཉིས་ཀྱིས་བསྐོལ་པའི་ཉོག་ཞིམ་ཐག་ཞིག་འཐུང་བ་ཡིན། ངས་ཡོད་ཚད་འཐུང་ནས་ཚར་དུས་དོན་དངོས་གང་ཞིག་འཐུང་ཡོད་པ་ང་ལ་ཚོར་སྣང་མེད་པར་གྱུར།ངས་ཡང་བསྐྱར་ཐེངས་གཅིག་འཐུང་འགྲབས་བྱས་མོད། གཞན་དབང་གིས་རྐྱེན་པས་ང་འགྲོ་རན་སོང་།
འུ་གཉིས་ཀས་སྐར་མ་འགའི་ནང་ལ་ཉོག་ཞིམ་པོ་ཞིག་བསྐོལ་ནོ་ནམ་ཡང་བརྗེད་ཡིན། ད་བདེ་མོ་བྱོས།
ལགས་སོ་བདེ་མོ་བྱོས། འུ་གཉིས་ཀས་ཉོག་ཐིགས་བསྐོལ་ན་དྲ་གྲོགས་ཚོ་ཁོག་དགོད་ཤོར་ནས་རིལ་འགྲོ་ན་ཐང་བདེ་མོ་བྱོས། གང་དུ་ཡོད་ན་དེ་ནས་བསམ་དོན་འགྲུབ་པར་ཤོག གང་ཞིག་བྱས་ན་དེ་དག་ལམ་འགྲོ་ཡོང་བར་སྨོན། གང་དུ་སུ་དང་འགྲོག་ན་བློ་རྩེ་མཐུན་གྱུར་ཅིག
གྲོགས་པོ་ལགས། ད་འདི་ནས་མཚམས་འཇོག འུ་གཉིས་ཀ་ཉོག་ཐལ མི་ཚང་མ་དགོད་གི་རེད།
དེ་ཡིན་དུས་ཉིད་ཀྱིས་དོན་གྱི་ལུང་ཟེར་བ་དེ་ནི་འཆི་མེད་རྒས་མེད་ཅིག་ཡིན་པ་ཤོར་ཏུ་ཁས་ལེན་ཤོར་འདུག
ལུང་ཡང་དག་ཡིན་ན་ཆ་ཚང་བདེན་པ་ཡིན་དགོས་ལ་རིགས་པས་མི་གནོད་པ་ཞིག་ཀྱང་དགོས་བ་རེད། ལུང་ཡང་དག་ཡིན་མིན་ལ་བལྟ་ན་ལྟ་མཁན་དེ་ཡང་ཚད་མ་ཡིན་དགོས་བ་རེད། དེ་མིན་ན་དེ་ནི་ཟེར་རྗེས་འབྲང་བའི་མིའི་གྲིབ་གཟུགས་ཟེར་བ་དེ་རེད།
རང་རང་དད་སའི་མི་དེས་ཅི་བཤད་དད་ལྡན་པར་ལུང་རེད་ཅེས་ན་དངོས་ནས་ཁག་པོ་ཞིག་རེད། བླ་མའི་ལུང་གནང་བ་དང་བླ་མས་གསུང་ཆོས་གནང་བ་གཉིས་ལོག་ག་རེད།
ད་དུང་དེ་རིང་དབུས་ཕྲུག་གི་རྒྱ་གར་བ་ཞིག་གིས་དཔྱད་བརྗོད་བྲིས་པ་དེར་ཉིད་ཀྱིས་བླ་མ་ཞིག་གིས་གསུང་ཡོད་ཚེ་དེ་ནི་ལུང་བསྟན་རེད་ཟེར་ངེས་ཡིན་ཟེར་བ་དེ་ནི་དེ་འདྲའི་འཇོར་མི་ཞིག་མ་རེད། ལུང་བསྟན་ཟེར་བ་དང་ལུང་འདྲེན་པ་གཉིས་ལ་ཁྱད་པར་ཡོད་ནི་རེད། དེ་ཁྱེད་རང་གིས་མ་ཤེས་པ་ཡིན་ས་རེད།
རང་རང་དད་སའི་མི་དེས་ཅི་བཤད་དད་ལྡན་པར་ལུང་རེད། བླ་མའི་མིང་འཛིན་པ་ཞིག་གིས་མོ་བཏབ་ན་དེ་ལའང་ལུང་བསྟན་གསུང་སོང་ཟེར་གི་རེད། དེའི་ནང་ནས་ཕྱེད་ཀ་བདེན་པ་དང་ཕྱེད་ཀ་རྫུན་མ་རེད། དཔེར་ན་དབུས་ཕྲུག་ཚེ་རིང་གི་ཟིན་བྲིས་ན་དེ་རིང་རྒྱ་གར་གྱི་མཁས་བ་ཞིག་གིས་མ་འོངས་བར་རྒྱ་གར་ནག་གཉིས་གས་དམག་རྒྱག་རྒྱུ་ཡིན་པའི་དཔྱད་རྗོད་ཅིག་བྲིས་འདུག གལ་ཏེ་དེ་ནི་བོད་ཀྱི་བླ་ཆེན་ཞིག་གིས་བྲིས་བ་ཡིན་ཚེ་དེའི་རྗེས་འཇུག་པ་ཚོས་དེ་ལ་དཔྱད་རྗོད་ཟེར་གི་མ་རེད། དེ་ལུང་བསྟན་ཟེར་གི་རེད། སྡོམ་ཚིག་ནི་ཉམས་མྱོང་གི་སྐད་ཆ་ཞིག་རེད། ཆ་བགོས་ན་དེའི་སུམ་ཆའི་གཉིས་ཙམ་བདེན་དུ་མཐོང་དགོས་བ་ལས་ཆ་ཚང་བདེན་པ་ཡིན་མི་དགོས་བ་ལྟ་བུ་ཞིག་རེད། དེ་ངའི་བསམ་ཚུལ་ཡིན།
དེ་ན་ངས་ལུང་དང་སྡོམ་ཚིག་ལ་མ་ཁེན་ཞེས་བ་དེ་ཁྱོད་ཀྱི་བློར་ཨེ་འབབ་ཀི ལུང་དང་སྡོམ་ཚིག་ཡང་དག་ཡིན་མིན་སུས་ཤེས། ཤེས་མ་ཤེས་ལ་མིའི་རྗེས་སུ་རྒྱུག་ཨེ་ཐུབ། རྗེ་རིན་པོ་ཆེ་མི་ཞིག་ཡིན་པ་དེ་ཁྱོད་ཀྱིས་ཁས་བླངས་འདུག་ག
ལུང་དང་སྡོམ་ཚིག་གཉིས་ལ་མི་འདྲ་ས་ཞིག་ཁྱེད་རང་གིས་མཐོང་གི་ཡོད་དམ། དེ་ལན་ཞིག་ཐོབས་དང་། དེ་ནས་འུ་གཉིས་ཀྱིས་གླེང་མོལ་ལྷོད་ལྷོད་ཅིག་བྱེད་ཆོག མཁས་འདོད་དང་གྲགས་འདོད་སོགས་མེད་པར་ཇ་འཐུང་ཞོར་ཏུ་ཁ་བརྡ་བྱེད་ཡ་་
ད་ནི་ཁྱེད་རང་གིས་བདག་ཅག་གི་སྟོན་པས་གསུང་རེད་ཟེར་ན་དེ་ཡང་རེད་ཟེར་ནས་ཁས་ལེན་བྱེད་མི་ཐུབ་ཀི ཡིན་ཡང་། འདྲ་ས་འགའ་རེ་ཡོད་པ་ནི། དཔེར་ན་བཟོད་བསྒོམ་བྱེད་སྟངས་ཀྱི་བསྐོར་རེད།
ངས་དེ་ལ་ཆོས་ལུགས་པ་ཞིག་གི་སྡོམ་ཚིག་ཟེར་དོན་དེ་ཡིན། རང་གིས་མཐོང་མ་མྱོངས་མོད་འདི་ནི་བདག་ཅག་གི་སྟོན་པའི་གསུང་ཞིག་རེད་ཟེར་བ་ཞིག་ཀྱང་གོ་མྱོངས།
ཁྱེད་རང་གིས་bibleཟེར་བཞིན་ཡོད་ན་དེ་ནི་དངོས་ནས་བདེན་ཀི སྐད་ཆ་དེ་ནི་བཤད་མཁན་ཐོག་མ་ཡེ་ཤུའི་ཆོས་ལུགས་པ་རེད་འདུག་ལགས། དེ་ནི་ཆོས་ལུགས་པ་ཞིག་གིས་གསུང་བ་བདེན་པ་རེད། དེ་ཁྱེད་རང་གི་སྐད་ཆ་ལ་ཁས་ལེན་བྱས་པ་ཡིན། ངེད་གཉིས་ཀྱིས་གཙོ་གནད་དེ་མིན་པར་འདོད་ལགས།
གོང་གི་སྡོམ་ཚིག་དེ་ཡེ་ཤུའི་ཆོས་ལུགས་པ་ཚོས་ཁོང་ཚང་གི་སྟོན་པས་གསུངས་བ་ཡིན་ཟེར། ཕྱིས་སུ་བཅུག་པ་ཞིག་ཡིན་ནའང་ཐང་མོད་bibleཟེར་པ་དེའི་ནང་ན་འདུག དེ་བདེན་མིན་མི་ཤེས་མོད་གལ་ཏེ་བདེན་ཚེ་གན་རྡེ་རྗེའི་སྔོན་ལ་གསུངས་འདུག
ཟ་ལེ་རྒྱལ་ལགས། ཉིད་ཀྱིས་སྲིད་པའི་གཏམ་ལ་འདི་འདྲ་ཞིག་ཡོད་པ་གོ་མྱོང་ཨེ་ཡོད། འཇམ་གྱིས་མི་ཐུབ། རྩུབ་ཀྱིས་རང་ཐུབ། འདི་མྱི་ལྡང་ཁྱེད་དང་འུ་གཉིས་སུ་ལ་ཡིན་ཡང་རན་ནི་རེད། གོང་གི་ཉིད་ཀྱིས་འགྲམ་ལྕག་གཅིག་སྤྲད་ན་ཡང་སྐྱར་འགྲམ་པ་གཞན་པ་དེ་སྟོན་དགོས་ཞེས་བ་འདི་ཆོས་བའི་སྡོམ་ཚིག་ཅིག་རེད། ཟེར་བས་སྡོམ་ཚིག་འདི་ནི་གན་རྡེའི་མཆོག་གིས་སྡོམ་ཚིག་ཞིག་རེད་ལ་དེ་ནི་ཁོ་རང་གི་རྒྱ་གར་བ་ཚང་ལ་རང་བཙན་ཐབས་ལམ་འཚེ་མེད་ཞི་བའི་ལམ་སྟོན་སྐབས་གསུང་བ་ཞིག་རེད་ལགས། འོན་ཀྱང་། དེ་ནི་ཆོས་པ་ཡིན་མིན་གྱི་ས་མཚམས་མེད་པར་མི་ཀུན་ལ་དགོས་འཁོ་མེད་པ་ཞིག་ཆགས་མེད་པ་རེད་ལགས།
ཞོར་ཏུ་ཨ་ཁུ་ཁ་བ་དཀར་པོ་ལགས་སུ་ཐུགས་རྗེ་ཆེ་ཞུ་རོགས་གནོང་། ཁྱེད་རང་ལ་འབྲི་རོགས་བྱས་པ་དེར།
ལུང་འདྲེན་སྐབས་རང་རང་གི་སྣང་བར་འགྲོ་མིན་ལ་ལྟ་བ་ལས་ལུང་དེ་ཡང་དག་ཡིན་མིན་ལ་ལྟ་བའི་བློ་ཚད་མ་བ་དེ་ལུང་འཛིན་པ་མང་བོར་མེད་པས་གལ་ཏེ་ལུང་གི་རྩ་བ་ནོར་ཚེ་ལུང་རྗེས་འབྲང་པའི་མི་དེ་རང་བཞིན་གྱིས་གཡང་ལ་ལྷུང་བ་རེད། མི་མང་པོ་ཞིག་ལ་ལུང་ཡང་དག་ཡིན་མིན་གྱི་རྒྱུ་མཚན་ཤོད་ཅེས་ཕུགས་ལ་དེད་ན་༧ཡིན་བཞིན་ནོར་བུས་དེ་འདྲ་གསུང་སོང་ཞེས་ལག་པ་ཕྱི་ས་གཞན་ཞིག་འཚོལ་བ་ལས་རང་གིས་ལུང་ཚད་མ་ཡིན་མིན་འཇོག་མི་ཐུབ་པའི་ཁར་རང་ཉིད་ཀྱིས་དེ་ལ་བསམ་བློ་ཅི་ཡང་བཏང་མེད་པས། ངས་ལུང་འཛིན་འདི་ལྟ་བུ་ལ་མིའི་གྲིབ་གཟུགས་ཞེས་བ་ཡིན།
སྡོམ་ཚིག་གི་ཕྱོགས་ནས་བཤད་ན། བཟང་ལ་བཟང་ལན་མེད་ན་བཟང་བྱེད་མཁན་ཇེ་ཉུང་ཡིན། ངན་ལ་ངན་ལན་མེད་ན་ངན་བྱེད་མཁན་ཇེ་མང་ཡིན་ཞེས་བ་འདི་འཇིག་རྟེན་པའི་སྡོམ་ཚིག་ཅིག་རེད་ལ། ཁྱོད་ལ་འགྲམ་ལྕག་གཅིག་སྤྲད་ན་ཡང་སྐྱར་འགྲམ་པ་གཞན་པ་དེ་སྟོན་དགོས་ཞེས་བ་འདི་ཆོས་བའི་སྡོམ་ཚིག་ཅིག་རེད། ཁྱོད་རང་བླ་རྒན་ཞིག་ཡིན་པའི་ཆ་ནས་ཁྱོད་ཀྱིས་སྡོམ་ཚིག་གཉིས་བ་དེ་འདེམས་ནའང་ང་རང་མྱི་ལྡང་ཞིག་ཡིན་པས་སྡོམ་ཚིག་དང་པོ་དེ་འདེམས་ཀི་ཡིན། དེ་ན་སྡོམ་ཚིག་འདི་གཉིས་ཀའི་གང་ནོར་བ་རེད། ཁྱོད་ཀྱིས་བཤད་པའི་སྡོམ་ཚིག་ཡང་དག་ཟེར་བ་དེ་ག་འདྲ་རེད། དེ་ཡང་དག་ཡིན་མིན་སུས་ཐག་བཅད་པ་རེད།
ཤ་ཁྲག་ལགས། འདི་ནི་ངས་ཨ་ཁུ་ཁ་བ་དཀར་བོར་བྲིས་བ་ཡིན་མོད། ཁྱོད་ལའང་འདི་རན་པར་མཐོང་ནས་འདིར་བཀོད་པ་ཡིན།
ཁྱེད་རང་གིས་མི་ཤེས་པ་ཁས་བླངས་པ་ཡིན་ན་ཐུགས་རྗེ་ཆེ། གལ་སྲིད་ཉིད་ཀྱིས་རྗེ་རིན་པོ་ཆེ་མི་ཡིན་པ་གླེང་གི་ཡོད་ན་འགྲིག་གི་རེད། དེ་མིན་མི་ཟེར་བ་ནི་སྤྱིར་བཏང་གིས་བཤད་པ་ཡིན་དུག་གསུམ་ཟེར་ན་འདྲ། རང་དོན་ལ་གཞན་དོན་མི་བསམ་མཁན་ཞིག་ལ་གོ་ཆོག་པ་ཡིན། དེ་ལས་ཀྱང་གཞན་ཞིག་ནི་མི་ཡི་རྗེ་བོ་ནི་མི་ང་ཚོ་དང་གནམ་ས་ལྟ་བུའི་ཁྱད་པར་ཤོར་དོན་ཡང་ཤོར་་ཏུ་ཁས་ལེན་བྱེད་འདོད་ཡོད་མེད་དེ་ནི་ཁྱེད་རང་གིས་རྣམ་དཔྱོད་ཕྲ་མོ་ཞིག་གིས་བཤད་ཚོད་མི་ཐུག་ལ་ངས་ཀྱང་ཉིད་ཀྱིས་རྗེ་རིན་པོ་ཆེ་མི་རུ་དྲངས་པ་དེར་ངོ་རྒོལ་བྱེད་ཀྱི་མེད། ངས་གཙོ་བོ་ངོ་རྒོལ་བྱེད་ས་དེ་ནི་ལུང་དང་སྡོམ་ཚིག་གི་བསྐོར་ཡིན། དེ་ནི་སྲིད་པ་ས་ཆགས་ནས་བཟུང་བྱུང་བ་ཡོད་པ་དེ་དག་དེང་སང་ཡང་རྒས་རྒྱུ་རྙིང་རྒྱུ་མེད་པར་མིའི་མི་ཚེ་ནང་དུ་བཀོལ་སྤྱོད་དང་དགོས་འཁོ་ཡོད་པ་དེ་གཅིག་བུ་བཤད་བཞིན་ཡོད་ལགས། ཉིད་ཀྱིས་ལུང་ལ་རྒས་རྒྱུ་ཡོད་ཟེར་བ་དེ་ནི་ནང་བ་ཚང་གི་སྐྱེ་ཆེན་དག་གིས་ལུང་ལ་ཟེར་གྱི་ཡོད་པ་ལས་གཞན་ཟེར་གྱི་མེད་པ་མིང་དང་ཐ་སྙད་ཁག་ཁག་ཡིན་པས་ཤེས་གསལ་རེད་མོད། ངས་གཙོ་བོ་ཉིད་ལ་གསལ་བཤད་ཟེར་ན་འདྲ་བསམ་ཚུལ་ཐུང་ཐུང་ཞིག་ཕུལ་དོན་ཡང་དེ་ཡིན། ལུང་ལ་རྒས་རྒྱུ་ཡོད་ན་ནང་ཆོས་ལ་རྒས་རྒྱུ་ཡོད་པ་དང་འཆི་རྒྱུ་ཡོད་པ་ཡང་ཁས་ལེན་དགོས་ཀྱི་ཡོད་སྟབས་འགྲིག་གི་མི་འདུག་ཟེར་ནས་བཤད་པ་ཡིན་པ་ཐུགས་འཇག་འཚལ། ཉིད་ཀྱིས་འདོད་བློ་གསལ་བཤད་འདིས་མ་ཚིམས་ན་གང་འདོད་ང་ལ་དྲིས་ཤིག་དང་། ངས་ཀྱང་རང་གི་བསམ་ཚུལ་ཤར་མར་ཉིད་ལ་ཞུ་ངེས་ཡིན་ལགས།
ཁྱོད་ཀྱིས་བཤད་པ་བཞིན་ངས་མི་ཤེས་བ་དེ་མི་ཤེས་ཞེས་ཁ་གསལ་བོས་བཤད་ཡོད། ཁྱོད་ལ་དེ་ལས་ལྷག་པའི་ཅི་ཞིག་དགོས། ངས་རྗེ་རིན་པོ་ཆེ་ལ་སྔོན་བྱོན་ མཁས་བ དམ་པ ཞེས་ཚིག་ཞོར་གྱིས་ཆེ་བསྟོད་དང་གུས་ཚུལ་ཕུལ་ཡོད། འོ་ན་ཁྱོད་ཀྱིས་རྗེ་རིན་པོ་ཆེ་ལྷ་ཡིན་པ་རིགས་པས་སྒྲུབས་དང་། མཚུངས་ཆོས་འགོད་སྐབས་ཆོས་དང་ཆོས་ཅན་གཉིས་གསལ་བོར་ངེས་དགོས་བས། དང་པོ་རྗེ་རིན་པོ་ཆེ་དང་ཨ་ཁུ་ལྷ་གཉིས་ལ་མཚུངས་ཆོས་ཡོད་མེད་ཤེས་དགོས། ཆོས་དང་ཆོས་ཅན་གསལ་བོར་མ་ངེས་བར་བོད་ཀྱི་རྫ་ཆུ་བསིལ་མར་ཡ་མུ་ན་བཞིན་ཞེས་ལྡི་ལེའི་མ་ཅང་ཀྲེ་ལའི་འགྲམ་གྱི་སྐྱག་ཆུ་དེ་དཔེ་རུ་བཀོད་པ་ལྟ་བུ་བྱེད་མི་ཉན་ཡ།