དེང་ སང་དྲ་ཐོག་གི་རིག་གནས་ནི་དངོས་ནས་དར་ཆབས་ཉིན་རེ་ཉིན་རེ་ཇེ་ཕྱུག་ཏུ་འགྲོ་ བཞིན་པ་དེ་ནི་བོད་པ་ཚང་གི་བོད་ཡིག་གི་གོང་ཚད་སྔར་ལས་ཇེ་མཐོར་འགྲོ་བའི་ལམ་ཁ་ ཞིག་དང་རང་གི་སྐད་ཡིག་རང་གི་མིས་འཛམ་གླིང་གི་སྐྱེ་བོ་གཞན་དག་ལྟར་དྲ་ཁང་ནས་ བེད་སྤྱོད་བྱེད་ཐུབ་ཀྱི་ཡོད་པ་དེ་རེད།
དེ་ནས་ཕྱོགས་ངོས་གཞན་ཞིག་ ནས་བཤད་ན། བོད་ཕྱི་ནང་གཉིས་ཀྱི་དྲ་ཐོག་གི་རྩོམ་ཡིག་འབྲི་མཁན་མི་ཉུང་བ་ཞིག་ཆུ་བོ་བཞུར་ བ་ལྟར་ཉིན་རེ་ནས་ཇེ་མང་དུ་འགྲོ་བཞིན་ཡོད་པ་བདེན་ན་ཡང་། རང་གི་ནང་ལས་གཞན་གྱི་ཁྱིམ་ལ་འགྲོ་མཁན་ནི་ཧ་ཅང་ཉུང་ཚོད་དུ་འདུག འདི་ནི་བོད་པ་ཚང་གི་སྐྱོན་ཆ་ཆེ་ཤོས་ཤིག་ཀྱང་རེད་ཟེར་ན་འགྲིག གང་ཡིན་ཟེར་ན་རང་གིས་གང་འདོད་པ་དེ་དག་ཡིག་ཐོག་འབྲི་བ་ལས་མི་གཞན་གྱིས་གང་ ཞིག་འབྲི་བཞིན་པ་དེ་དག་མ་ཀློག་པ་ཡིན་ན་རང་གིས་གང་བྲིས་པ་དེ་དག་ལ་འགན་མ་ འཁུར་བ་དང་གཅིག་པ་ཡིན།
རྒྱུ་མཚན་དེའི་སྟབས་ཀྱིས་ངས་དེ་རིང་བོད་ ཕྱི་ནང་གཉིས་ལ་སྐད་ཆ་འདི་བཤད་ཀྱི་ཡོད། གཙོ་བོ་ངེད་ཅག་ལ་དེང་སྐབས་གསེར་ཟམ་ཞིག་ཡོད་པ་ནི་ཧི་གཟུགས་ཀྱི་གཙོ་བའི་དྲ་ ཚིགས་རེ་ཟུང་ཡིན། དེ་ཡང་རྒྱུགས་ཆེ་ཤོས་དང་བོད་ཕྱི་ནང་གཉིས་ཀྱི་དྲ་ཐོག་ལྷན་འཛོམ་བྱེད་ས་ནི་ཧི་ གཟུགས་ཟིན་བྲིས་འདི་ཡིན་ཟེར་ནས་གླེང་ན་འགྲིག་གི་ཡོད། ངེད་ཅག་འདི་རུ་འཛོམ་དོན་གཙོ་བོ་ཡང་རང་གི་ཁ་དང་ལྟོ་བ་གཅིག་བུའི་སྒེར་དོན་ མིན་སྟབས། རང་གི་སྐད་ཡིག་ལ་བཅིངས་པའི་ལྷག་བསམ་རྣམ་དག་གིས་བརྩེ་བ་དེ་གླེང་བཞིན་ཡོད་ དུས། དེའི་བསྐོར་ལ་བདག་གཅེས་བྱེད་སྟངས་བསྐོར་ལ་ཡང་མི་སུམ་བཅུ་བསམ་པ་སུམ་བཅུ། མཛོ་སུམ་བཅུ་ར་ཁ་དྲུག་བཅུ་ཟེར་སྲོལ་ཡོད་པ་ཀུན་གྱིས་མཁྱེན་གསལ་རེད།
དེས་ ན་ངེད་ཅག་དྲ་ཐོག་པ་བོད་ཕྱི་ནང་གཉིས་ཀྱི་སུ་ཡིན་ན་ཡང་རང་གི་འབྲི་ཞོར་སྤུན་ ཟླ་གཞན་དག་གི་རྩོམ་ཡིག་གང་ཐུབ་ཐུབ་ཅིག་བཀླགས་རྒྱུ་ནི་དངོས་ནས་གལ་ཆེན་པོ་ རེད། རྒན་པ་དག་གིས་གཞོན་པ་དག་ལ་ལམ་སྟོན་དང་ཉམས་མྱོང་ངོ་སྤྲོད་སོགས་བྱེད་རྒྱུ་དང་ གཞོན་པ་དག་གིས་གསར་སྐྱེས་ཀྱི་སྙིང་སྟོབས་དང་ཞུམ་མེད་ཀྱི་ངར་ཤུགས་བསྐོར་ སོགས་རྒན་པ་དག་ལ་བཀའ་འདྲི་དང་བགྲོ་གླེང་ལྷུག་པོ་གནང་ཐུབ་པ་ཡིན་ན་ངེད་ཅག་དྲ་ ཐོག་པ་བོད་ཕྱི་ནང་གཉིས་ཀྱིས་བོད་མི་རིགས་ལ་བུ་རབས་ཚ་བརྒྱུད་ཡག་པོ་ཞིག་ བསྐྱེད་སྲུང་བྱེད་ཐུབ་རྒྱུར་རེ་བ་ཆུང་ས་ནས་ཆེན་པོར་ཆགས་སྲིད་པ་ཞིག་རེད་ འདོད།
འདི་ནས་བཟུང་བདག་གིས་རེ་སྐུལ་བྱེད་ས་གཙོ་བོ་དེ་ནི་བོད་ཕྱི་ ནང་གཉིས་ཀྱི་དྲ་ཐོག་པ་སྤུན་ཟླ་ཡོངས་ཡིན་པ་ཐུགས་འཇག་འཚལ། ལུས་བོད་ཕྱི་ནང་གཉིས་སུ་ཡོད་ཀྱང་། སེམས་བོད་ཀྱི་སྐད་ཡིག་གི་ཚེ་སྲོག་ཆེད་དུ་གཅིག་ལ་སྒྲིལ་ཕྱོགས་ཀྱི་བསམ་ཚུལ་ སྤུན་ཟླ་ཚང་མ་ཡོད་པར་ཡིད་ཆེས་དང་བཅས་རང་གི་ཁྱིམ་ནས་ཕྱི་ལ་འབུད་དེ་སྤུན་ཟླ་ དག་གིས་ཁྱིམ་ལ་བསྐོར་ཞིབ་བྱེད་རྒྱུ་མ་བརྗེད་རོགས་ཞུ།
འབྲོང་བདག་གིས་བཤད་པ་ལྟར་དཔལ་ལྡན་རྣམ་རྒྱལ་གྱི་སྙན་བདེ་གངས་དཀར་སེམས་ཀྱི་རང་མདངས་དེས་སྐད་ཆ་ཁུངས་མེད་འཁྱོག་གཏམ་དེ་འདྲ་མང་པོ་བཤད་འདུག་ དེས་ཟིན་བྲིས་ཀྱི་མདུན་ངོས་སུ་དབྱིན་ཡིག་འཇོག་ནས་མཁས་མདོག་བསྟན་གྱིན་མི་འདུག་གམ
འབྲོང་བདག་ལགས་ཕེབས་པ་ཐུགས་རྗེ་ཆེ། ཉིད་ཀྱིས་རྒྱབ་སྐྱོར་གནང་བ་བཀའ་དྲིན་ཆེ། ངས་བེ་རི་རྣམ་རྒྱལ་ཟེར་བ་འདིའི་རྩོམ་ཡིག་དྲ་ངོས་འདི་ནས་གཅིག་གཉིས་ཤིག་མ་གཏོགས་ཀློག་མྱོང་མེད། ངེད་ཅག་གིས་རེ་བ་ལ་ཁོ་རང་མི་དེ་འདྲ་ཞིག་མིན་པར་རེ་བ་ཡོད། གང་ཡིན་ཟེར་ན། ངེད་ཅག་ཚང་མ་ཤ་རུས་གཅིག་བའི་བོད་པ་ཡིན་པ་དང་སྐྱིད་སྡུག་གཅིག་བའི་བོད་མི་ཡིན་པ་ཚང་མས་སེམས་སུ་ལོས་ཡོད་སྙམ་བཞིན་ཡོད་ལགས།
དྲ་གྲོཌ་ལགས་་དངོས་གནས་སེམས་ཤུཌ་ཆེན་པོ་འདུག་་ ཁྱེད་ཀྱིས་བཤད་པ་ལྟར་བདེན་པ་རེད་་་་་ ཡིན་ན་ཡང་་ བེ་རི་དཔལ་ལྡན་རྣམ་རྒྱལ་གྱིས་བསམ་ཚུལ་འདོན་པ་དེ་བསམ་སྦྱོར་གཞི་གཅིག་དུ་མ་འདྲེས་བའི་སྟོང་གཏམ་ཞིག་རེད་་ ཁྱེད་ཀྱིས་དཔལ་ལྡན་རྣམ་རྒྱལ་ངོ་ཨེ་ཤེས་སམ་ ཁོས་བྲིས་བའི་གངས་དཀར་སེམས་ཀྱི་རང་མདངས་དེས་ཅི་ཞིག་བཤད་པ་ཨེ་མཐོང་ ཁོའི་ཁོག་ཏུ་གྲྭ་ཚང་ཕན་ཚུན་ཞེན་འགོག་དང་ཕྱོཌ་རིས་ཀྱི་དུ་སྨུག་འཁྲིཌ་མི་འདུག་གམ་
རེད་ལགས། བེ་རི་དཔལ་ལྡན་རྣམ་རྒྱལ་ལགས། ཉིད་ཀྱིས་གསུང་བ་དེ་ནི་བདེན་པ་རེད། ངེད་ཅག་ཚང་མས་ཤ་གསེང་ལ་རུས་ཡོད་པ་ཞིག་བྱས་དེ་རང་རང་གང་ཐུབ་ཐུབ་ཅིག་ཤུ་རེ་བྱེད་དགོས་ཀྱི་ཡོད་ལ་ཞོར་ཏུ་སྤུན་གྲོགས་དག་ལ་གླེང་མོལ་དང་གསལ་འདེབས་ཀྱང་བྱེད་དགོས་ཀྱི་ཡོད་པ་རེད་ལ་ནང་གྲོས་ཀྱང་ནང་ལ་བྱེད་རྒྱུ་དེ་བས་གལ་ཆེན་ཆགས་ཡོད་པ་རེད་ལགས།
ཞེ་དྲག་ཡག་པོ་འདུག་་་་་་་སེམས་ཤུགས་ཆེན་པོ་འདུག་ལ་བསམ་འཆར་ཡང་ཡག་པོ་འདུག་་་་་་་་་
བོད་ཀྱི་སྐད་ཡིག་ལ་གཅེས་སེམས་ཡོད་ན་དང་ཐོག་དེར་རང་ཉིད་ངོས་ནས་བོད་སྐད་གཙང་མ་ཤོད་རྒྱུ་དང་།་་་་བོད་ཡིག་འབྲི་བའི་སྐབས་ལའང་བརྡ་དག་སོགས་མ་ནོར་བ་བྱ་རྒྱུ་ཤིན་ཏུ་གལ་ཆེན་པོ་རེད།་་དེ་ནས་བོད་རིགས་གཞན་ལ་སློབ་དགོས་པ་ལས་བོད་ཡིག་གལ་ཆེན་པོ་རེད་།་དེ་རྩ་ཆེན་པོ་རེད་ཅེས་ཁ་ན་ན་བཤད་ན་ཡང་ཕན་ཐོགས་ཅང་མི་འདུག་སྙམ།་་་་་་་རེད་མ་རེད།་གྲོགས་པོ་ལགས།་