རྒྱལ་ཁབ་མེད། སྐྱབས་བཅོལ་བ་ཡིན།

དེས་ན་དེ་ལྟར་བྱོས། རང་རང་གི་བསམ་ཚོད་ཅིག་གི་བདེན་པ་ཁུངས་འཁྱོལ་མིན་ཞིག་ལ་རྩོད་པ་རྒྱོབས་ཤིག ཨ་ལ་ཀུ་རེ་མིན་ན་དཀར་རོའི་དགེ་བ། ཁྱེད་རྣམ་པ་གཉིས་ཀྱིས་འདི་རུ་བགྲོ་གླེང་འདི་ལྟར་གནངས་པ་དེས་སྤུན་ཟླ་མི་ཉུང་བ་ཞིག་ལ་ཕན་ཡོད་ངེས་ཡིན་པ་གདོན་མི་ཟ་བ་ཡིན་ལགས།

དྲ་ཐོག་ཏུ་ཡོད་མུས་ཡིིན་ཀྱང་མ་མཇལ་བ་ཡིད་རེ་སྐྱོ།
ཁྱེད་རང་དྲ་ངོས་གཞན་དང་གཞན་མྱུལ་ནས་བཞུགས་སྐབས།
ངས་སྐུ་ཉིད་ཀྱི་ཟིན་བྲིས་ཀྱི་ངོ་གདོང་ལ་ཡང་ཡང་སྐོར་བ་བརྒྱབས་པ་ཡིན།

སྒོམ་སྡེ་དོན་གྲུབ་རྒྱལ་མཚན་ལགས། ཡང་བསྐྱར་ཕེབས་པ་དགའ་ནི་ཡིན། དངོས་ནས་ཕན་ཚུན་ལ་བརྩི་བཀུར་དང་དགའ་ཞེན་ཡོད་ན། རིམ་གྱིས་ཡར་རྒྱས་ཤིག་འགྲོ་རྒྱུ་ནི་ཐེ་ཚོམ་མེད་པ་ཞིག་ཡིན་པར་བསམ་གྱི་ཡོད་ལགས།

ན་མ་ར་ལའི་རྗེས་སུ་གྱི་ཐོབ་པ་རྟགས་འཇུག་གི་དགོངས་དོན་དང་། དེའི་ཟླ་ལ་གི་བྲིས་པ་དེའི་དགོངས་དོན་དང་མི་འགལ་ལ། དེང་གི་ཁ་སྐད་དང་ཡང་མཐུན་པས་སོ།། དེ་བཞིན་དུ་ཡོད་ཀི མེད་ཀི བསམས་གི ཡང་ན་བསམ་གི སྙམ་གི འདོད་ཀི སོགས་བྲིས་དང་འབྲི་བཞིན་ཡོད་པས་ད་དུང་དཔྱད་གླེང་གནང་རོགས་ཞུ། ཨ་བསེ་རུ་ར་མའི་རྭ་ཅོ།

ཡང་ཁྱོད་ཀྱིས་ལྟོས་དང་། རང་གིས་ཟིན་བྲིས་བྲིས། རང་གིས་མཆན་བུ་བཏབས། འོན་ཀྱང་དེར་སྐྱོན་མི་འདུག སྐད་ཆ་བཤད་བཤད་པོར་ཡིག་ནོར་ཞིག་ངེས་པར་དུ་དགོས་པ་ཨེ་རེད། གོང་ནས་རང་གིས་བཏབས་པའི་མཆན་བུ་དེ་ཚོར་ཅིག་གཟིགས་དང་། བརྗོད་བྱའི་དོན་ཅི་ཡིན་ཀྱང་ཡིན། ཡི་གེའི་དག་སྡེབ་ལ་དོ་སྣང་ཙམ་བྱས་ན་འོས་ཆོག ང་ལ་དག་ནོར་འགའ་རེ་བྱུང་བ་ཤོར་སོང་བ་རེད། ཁྱོད་ཀྱིས་ནི་དོ་སྣང་ཙམ་མ་བྱས་ཡིག་ནོར་ལུང་ནག་གང་བྱུང་དང་འབྱུང་བཞིན་པ་འདི་རེད། ཧ་ཧ་ཧ། ཨ་ལ་རྩེད་མོ་ཡིན། གང་ལྟར་ང་ཙོ་ཚང་མས་གཟབ་གཟབ་གནང་རོགས།

སྒོམ་སྡེ་དོན་གྲུབ་རྒྱལ་མཚན་ལགས། སྐུ་ཉིད་ཀྱིས་བསྟོད་བསྔགས་ལས་འདས་པའི་གསུངས་ཤིག་གནངས་པ་ཡིན་ཚོད་རེད་ལགས། དེ་ལ་དགའ་འོས་པ་ཞིག་རེད་མོད། ཡིན་ཡང་། ད་རེབ་ཀྱི་ཡིག་ཕྲེང་འདི་དག་གི་ཁྲོད་དུ་བདག་གིས་སྐུ་ཉིད་ཀྱིས་ཐེར་འདོན་གནང་བ་དང་མོས་མཐུན་ཡོད་མེད་སོགས་ལ་ཞིབ་དུ་སྙམ་ཞིག་འཇོག་དགོས་བྱུང་སོང་། འདི་ཡང་སྤུན་ཟླ་བསེ་རུ་དང་གཅན་གཟོད་རྒྱམ། ཁོང་ཚོ་ལྟ་བུ་མི་ཉུང་བ་ཞིག་གིས་འུ་ཅག་ལ་ལག་ལེན་དགོས་པར་སྐུལ་བའི་འབྲས་པུ་ཞིག་ལོས་ཡིན་སྙམ་སོང་།

བསེ་རུ་ལགས། སྐུ་ཉིད་ཁྲིམས་དཔོན་དྲང་བདེན་པ་ཞིག་གི་ཚུལ་བཟུང་དེ་གཅན་བཟོད་་རྒྱམ་ངེད་གཉིས་ཀྱི་ནག་ཉེས་ཐེར་འདོན་བྱེད་དུ་ཕེབས་གནང་བ་དེར་བཀའ་དྲིན་ཆེ་ཞུ། ནག་ཅན་ངའི་ཆེད་དུ་ཞིབ་དཔྱོད་པ་གཅན་བཟོད་རྒྱམ་ལགས་སུ་ཞོར་དུ་ཁྲིམས་ཐག་གཅོད་དགོས་བྱུང་བ་དེ་ནི་དངོས་ནས་ངས་ནག་ཉེས་ཁོ་ན་རེད། ནག་ཉེས་དེ་དག་ལ་བཟོད་གསོལ་ཞུ།

གནམ་ལྕགས་ལགས། འདི་ལས་ལྷག་པའི་སྡུག་བསྔལ་བ་ཞིག་སྐྱབས་བཅོལ་བའི་རིགས་སུ་གཏོགས་མཁན་འུ་ཅག་གིས་ལས་ཐོག་ནས་མྱོང་བ་དང་སེམས་ཁམས་མྱོང་དེ་འོང་དུས་མི་རབས་རྗེས་མ་དག་གིས་མུ་མཐུད་དུ་མྱོང་མ་དགོས་པ་ཞིག་བྱུང་ན་ཅི་མ་ཧུད་སྤུན་ཟླ་ཚང་མས་སྙམ་གྱི་ཡོད་པ་རེད་དེ། རང་གི་ཁེ་ཕན་ལས་སྤྱི་བའི་ལས་ལ་འགན་མི་འཁུར་བ་དེ་ཚོ་རིག་ན་དངོས་ནས་སེམས་པ་ན་བཞིན་འདུག ཨོ་རེད། སྤྱི་ཟས་ལ་ལོངས་སུ་སྤྱད་དེ་སྤྱི་དོན་ལ་འགན་མི་ལེན་པ་དེ་ཚོ་ལ་ཟེར་བཞིན་ཡོད་པ་སྤུན་ཟླ་ཚང་མས་ཐུགས་འཇགས་ཡོད་པ་ཞུ།

གཅན་བཟོད་རྒྱམ་ལགས། ལགས་ལགས་སོ། སེམས་སུ་འཛིན་ཆོག ལྟོ་འགྲང་ན་རྒྱབ་མི་ཁེབས། རྒྱབ་ཁེབས་ན་ལྟ་མི་འགྲང་ཟེར་བ་ལས། ལྟོ་གྲང་ན་རྒྱབ་མི་གྲང་བའི་ཚད་དུ་ལྷུང་ཟེར་ན་ཅི་རེད།
ཕལ་ཆེར་འདི་ནི་ང་རང་གི་སྐད་ཞིག་ཡིན་སྟབས། སྐུ་ཉིད་ཀྱིས་མ་གོ་བ་ཡིན་རྒྱུ་རེད། ཧཧཧ
ད་དུང་། ང་རང་གང་དུ་བསྡད་ཡོད་མེད་ཀྱིས་གནས་བབ་དེ་ནི་ང་རང་གིས་འདེམས་པ་ཞིག་མ་ཡིན་པར། ཟིན་བྲིས་མང་ཉུང་ལ་ཞུགས་དེ་ང་རང་གྲལ་མགོར་འབུད་པ་འདྲ། སྐུ་ཉིད་ཀྱིས་གསུངས་པ་དེ་ནི་བདེན་པ་རེད། མཚམས་རེར་ངས་ཀྱང་གད་སྙིགས་ཤིག་འཕུང་གསོག་བྱེད་ཀྱི་མེད་འགྲོ་སྙམ་ནས་བསྡད་ཡོད། རེད་དེ། བོད་ལ་དུངས་པའི་སེམས་པ་འདི་རང་ཉིད་བོད་ལ་སྐྱེ་བའི་ཡིན་རྒྱུ་རེད། བཅོས་ཐབས་ཤིག་མིན་འདུག་ལགས། ཤེས་ས་ནས་སྤུན་ཟླ་དག་གི་ཁ་ལ་མ་ཉན་པར་གཏོང་ལོག་བྱེད་པ་དེ་འདྲ་གཏན་ནས་མིན། ང་རང་གིས་མ་ཤེས་ས་དང་སྙམ་འཇོག་ཁོམ་མ་བྱུང་བའི་སྐབས་སུ་ཡིག་ནོར་དང་འབྲི་ནོར། བརྡ་ནོར། ཚིག་ནོར། གོ་ནོར་ཐེབས་བྱེད་སོགས་བྲིས་པ་དེར་སྐུ་ཉིད་ཀྱི་གཙོ་བའི་སྤུན་ཟླ་ཡོངས་ལ་དགོངས་དག་ཞུས་པ་ཡིན་ལགས།

གཅེན་པོ་ལགས ཉིད་ཀྱིས་བདག་གི་བསམ་ཚུལ་འདི་ལ་རྒྱབ་སྐྱོར་བྱས་པ་ཐུགས་རྗེ་ཆེ། རེད་དེ་འུ་ཅག་ཚང་མས་འབད་བརྩོན་དང་རྒྱུ་མཚན་ལྡན་པའི་སྐྱོན་བརྗོད་བྱེད་རྒྱུར་འུ་ཅག་ཚང་མར་འགན་ཡོད་པ་ཞིག་རེད་ལགས།

བོད་ཤ་ཁྲག་རུས་གསུམ་ཉེས་ཅན་པ་ཞིག་ཡིན་ན། གཅན་བཟོད་རྒྱམ་ནི་ཞིབ་དཔྱོད་པ་ཞིག་རེད།
འོན་ཀྱང་། ང་ཁྲིམས་དཔོན་ཞིག་ཡིན་པའི་དབང་དུ་བཏང་ན། ཁྱོད་གཉིས་ཀར་ཉེས་པ་གཏོང་དགོས་ཀྱི་འདུག ཅིའི་ཕྱིར་ཟེར་ན། ཁྱོད་གཉིས་ཀས་ཡིག་ནོར་ཁྲོམ་བསྒྲགས་བྱས་པའི་ཉེས་པ་བསགས་འདུག

གཅན་གཟོད་རྒྱམ་གྱི་ཉེས་པ་ནི་གཤམ་ལྟར་དང་། བོད་ཤ་ཁྲག་རུས་གསུམ་ལ་རྒྱུན་གཏན་ནས་ཉེས་པ་གཏོང་གིན་ཡོད།

ཨུ་ཐུགས། ཨུ་ཐུག་གམ་འུ་ཐུག དེང་སྐབས་ཡོངས་གྲགས་ལ་འུ་ཐུག་སྤྱོད་ཀྱིན་ཡོད།
བཀྱོད་ཀྱི། ཁྱོད་ཀྱི།
འེ་ཤོད། ཨེ་ཤོད།

འགན་འཁུར་གི་མི་འདུག་ཅེས་པའི་ཚིག་དེ་གཅན་བཟོད་རྒྱམ་ལགས་ཀྱི་ཚིག་རེད།
རྗེས་འཇུག་ན་མ་ར་ལའི་རྗེས་སུ་གྱི་མ་བྲིས་པར་གི་བྲིས་པ་ནི། དུས་བབ་ཚང་གི་རང་ལུགས་ལྟར་འབྲི་གིན་ཡོད་དམ། ཡོད་ན་རང་ལུགས་འགྲེལ་བཤད་ཚད་ལྡན་ཞིག་ངེས་པར་རྒྱག་རོགས་གནང་།
ངས་བློ་གཟུ་བོར་གནས་པའི་ཐོག་ནས་འགྲེལ་བཤད་ཉན་ཆོག།

ནོར་བཅོས། བྱ་མི་ཕོད་དོ།།

བོད་ཤ་ཁྲག་རུས་གསུལ་ལགས།
ལྟོ་འགྲང་ན་རྒྱབ་མི་ཁེབས། རྒྱབ་ཁེབས་ན་ལྟ་མི་འགྲང་ཟེར་བ་ལས། ལྟོ་གྲང་ན་རྒྱབ་མི་གྲང་བའི་ཚད་དུ་ལྷུང་ཟེར་ན་ཅི་རེད། འདི་སུའི་སྐད་རེད། མ་གཞི་ནས་ཁྱོད་ཀྱིས་ཅིག་འབྲི་གིན་འདུག་པ་ལས་འགན་འཁུར་གི་མི་འདུག འོ་ན་ཁྱོད་ཀྱི་འདི་ལྟར་བྲིས་ན་བོད་ཀྱི་སྐད་ཡིག་གི་འགན་དེ་འཁུར་མི་དགོས་པ་ཡིན་ནམ། ང་ཚོས་དྲ་ངོས་སུ་འདི་ལྟར་ཉག་ཉོག་དང་ཡིག་ནོར་རྐྱང་རྐྱང་སྤུང་གི་ཡིན་ནམ། ཁ་སྔོན་ལྷ་ཆབ་ཀྱིས་བཤད་པ་བདེན་བདེན་འདྲ། ཤ་ཁྲག་ལ་གསལ་འདེབས་བྱས་དང་མ་བྱས་ཡོད་པ་མ་རེད་ཟེར། ཁོང་ཡང་ཨུ་ཐུགས་སོང་བ་ཡིན་ལས་ཆེ། གཞུང་ལས། “སུ་”ག་བ་ད་དྲག་”ཏུ”། །ང་ད་ན་མ་ར་ལར་”དུ”། །འ་དང་མཐའ་རྟེན་མེད་པའི་མཐར། །ར་དང་རུ་གཉིས་ཅི་རིགས་སྦྱོར། །ཞེས་སོགས་ཀྱི་རྩ་ཚིག་ཙམ་ཡང་བློ་ན་མེད་པ་ཡིན་ནམ། བདག་གིས་ཁྱེད་གསལ་འདེབས་ཚིག་གསུམ་བྲིས་པ་དེར་བསྐྱར་ལྟ་ཐེངས་གཅིག་བྱ་རྒྱུ་དང་། རབ་བྱུང་ན་དེའི་ནང་གི་དག་ཆའི་འགྲོ་སྟངས་དེ་ཚོར་དོ་སྣང་ཞིག་གནང་རོགས། ཕྱག་གསུམ་འཚལ།
ཁྱོད་ཀྱིས་བོད་མི་དམངས་ཀྱི་སྤྱི་འཐུས་ཚོར་བཀའ་བཀྱོན་གནང་གི་ཡོད་པ་རེད། འོན་ཀྱང་བཀྱོད་ཀྱི་སྐད་ཆ་དེ་འདི་འདྲའི་ཉག་ཉག་དང་བརྡ་མི་སྤྲོད་པའི་ཡི་གེ་ཞིག་བྲིས་ན་ཅི་ཡིན་ཟེར་བ་རེད། བསམ་ཚུལ་ཐུང་ངུ་ཞིག་བཤད་ནའང་སྐད་ཆ་གྲལ་དག་མོ་ཞིག་འེ་ཤོད་ལྟ་རྒྱུ་དེ་གལ་ཆེན་པོ་ཞིག་མ་རེད་དམ།
ཁྱོད་དུས་བབ་ཚང་གི་གྲལ་མགོ་ནས་བཞུགས་ཏེ་འདི་འདྲ་རྐྱང་བྱས་བསྡད་ན་འོས་ཤིང་འཚམས་པ་ཞིག་ཀྱང་ཨེ་ཡིན་ནམ་སྙམ། གཞན་ང་ལའང་ནོར་སྐྱོན་གང་མང་ཡོད་ངེས་ན་ཞིབ་དག་དང་བཀའ་བཀྱོན་ཅི་གནང་རོགས་ཞུ་ཞུ་ཞུ།
འདི་ཡང་ཁྱེད་ལ་གསལ་འདེབས་ཐེངས་གཅིག་བྱས་པ་ཡིན་པས་ཐུགས་ལ་འཛིན་རྒྱུ་མཁྱེན།

བཅོས་པ་ ངས་ལྟ་ན