མདང་གི་རྨི་ལམ་འདི། དངོས་ནས་དོན་དག་རེ་ཡོད་སྲིད་དམ།

རེད་དྲ་ཚིག་འདི་བོད་ཡིག་གི་དྲ་རྒྱ་ཞིག་ལགས་པས་ཡིག་རིགས་གཞན་མ་འབྲི་རོགས་ལོ།
རྨི་ལམ་དེ་འདྲ་ངས་ཐང་མང་རྨི་མྱོང་ངས་ང་རང་གེ་དྲན་རྒྱུ་མང་དྲག་པ་མིན་ནམ་སྙམ།
སྐྱོན་ཡོད་ནི་མ་རེད་ལོ།
ཁྱེད་ལ་སྙིང་སྟོབས་ཡོད

རེད་དྲ་ཚིག་འདི་བོད་ཡིག་གི་དྲ་རྒྱ་ཞིག་ལགས་པས་ཡིག་རིགས་གཞན་མ་འབྲི་རོགས་ལོ།
རྨི་ལམ་དེ་འདྲ་ངས་ཐང་མང་རྨི་མྱོང་ངས་ང་རང་གེ་དྲན་རྒྱུ་མང་དྲག་པ་མིན་ནམ་སྙམ།
སྐྱོན་ཡོད་ནི་མ་རེད་ལོ།
ཁྱེད་ལ་སྙིང་སྟོབས་ཡོད

གཅོད་ནི་ད་ལྟ་སྐུལ་ཚིག་ཆོད་ཅིག་ཟེར།།
བཅད་ནི་འདས་ཟིན་མ་འོངས་གཅད་ཅེས་འབྲི།།
ཁྲིམས་དཔོན་གཞོན་པ་བསེ་རུ་ལགས། ངའི་བཀའ་དང་དུ་བླངས་ཏེ་ཉེས་ཅན་ཤ་ཁྲག་ལ་ཡང་བསྐྱར་ཁྲིགས་ཆད་ལྕི་མོ་ཆོད་ཅིག རྐུབ་མདོག་ངན་དེའི་ཐོག་ལ་རྟ་ལྕག་གིས་ལན་དྲུག་ཅུ་རེ་བདུན་དང་། དབྱུག་པས་ལན་གཅིག་བཞུས་ཤིག གོང་གི་གྲངས་ཀ་འདི་ཁོང་བཟལ་མི་གསུམ་གྱི་ལོ་གྲངས་ཡིན། འདི་ཕན་ཆེར་ཁྱིམ་ཚང་ལ་འབྲེལ་བ་ཡོད་པ་འདྲ། ཧ་ཧ་ཧ་ཧ་ཧཧཧཧཧཧཧཧ་ཧོཧོཧོཧོཧོཧཧོ། སྐྱིད་པོ་རེད།

བསེ་རུ་ལགས། ཉིད་ཀྱིས་དེ་ལྟར་གསུངས་དུས། ད་ནི་བདག་ལ་ཁྲིམས་ཐག་ལྕི་མོ་ཞིག་གཅོད་རྩིས་མེད་པ་འདྲ། དེ་འདྲ་མ་གནངས་མ་གཏོགས། སྤུན་ཟླ་གཞན་དག་གིས་ཁྲིམས་དཔོན་ཁྱེད་ཀྱིས་ཁྲིམས་དྲང་མོ་མ་རེད་ཟེར་སྲིད་པ་རེད་ལགས། ཁྲིམས་ཐག་ག་རེ་འབབ་ཡོད་པ་དེ་གཅོད་ཅིག བདག་གིས་ཤུ་རེ་བྱོས་དེ་འཁུར་ཆོག་ལགས།

ང་ཚོའི་ཁྲིམས་ཁང་གི་ལས་འགན་ནི་ཁྲིམས་
ཐག་གཅོད་རྒྱུ་དེ་ཡིན་པ་ལས་གྱོད་ཡ་གང་ཟག་བྱེ་བྲག་པར་རྡུང་རྡེག་དང་མནར་གཅོད་སོགས་གཏོང་རྒྱུའི་ལས་འགན་དེ་ཡོད་པ་མ་རེད། དེ་རིགས་ཁྲིམས་ཁང་དུ་ཁྲིམས་ལ་མ་སྦྱར་བའི་སྔ་རོལ་ཏུ། ལྟ་སྲུང་ཁང་དང་། བཀག་བསྐྱིལ་ཁང་། འཕྲལ་སེལ་བཙོན་འཇུག་ཁང་སོགས་ནས་དྲི་བརྩད་སྣ་ཚོགས་བྱེད་སྐབས་ཡ་ང་སྙིང་རྗེ་མེད་པར་རྡུང་རྡེག་སོགས་གཏོང་གི་ཡོད་པ་རེད། ཁྱེད་ལ་དྲ་ཐོག་ནས་རྡུང་རྡེག་སྣ་ཚོགས་ཕོག་ཟིན་སྟབས།
སྐུ་ཉིད་ལ་རྡུང་རྡེག་བཏང་ན་ཡང་ཚོར་བ་བཏང་སྙོམས་ཤིག་མ་གཏོགས་ཡོང་གི་མ་རེད། དཀའ་སྡུག་སྣ་ཚོགས་མྱངས་ཟིན་པས།
ད་ལྟ་ཁྱེད་ཉམས་མྱོང་རྒན་པོ་ཆགས་ཟིན་པ་རེད།
གཞན་ལ་མི་ཚེའི་ཉམས་མྱོང་དང་སྦྱར་ཏེ་བསླབ་བྱ་རྒྱག་པའི་དུས་ལ་སླེབས་ཟིན་པ་རེད།
ཁྱེད་རང་ཐུགས་བློ་བདེ་བར་བཞུགས་ཨང་།

དངོས་ནས་ཁྱེད་རང་གིས་གོ་ནོར་རེད་ལགས། ངས་ཉིད་ཀྱིས་དྲང་བདེན་བཤད་ཀྱི་མི་འདུག་པ་ཞིག་ནམ་ཡང་ཞུ་མྱོང་མེད་ལགས། ཁྲིམས་དཔོན་ལགས། ཁྲིམས་ཐག་བཅད་ཟིན་པའི་བཙོན་པ་ང་ལ་བརྡུང་ནས་གཅིན་སྐྱག་ཤོར་རེག་བར་དུ་སྐད་ཆ་དྲིས་ཀྱང་། ང་རང་ལ་སྐད་ཆ་དྲང་མོ་ཞིག་ལས་བཤད་རྒྱུ་མེད་ལ། སྐད་ཆ་དྲང་མོའི་ཆེད་དུ་ཁྲིམས་ཐག་གཅོད་མཁན་སྐུ་ཉིད་ལ་དགའ་ནི་ཞིག་རེད། བརྡུང་ན་བརྡུང་། གསད་ན་གསད། ན་ས་ཞིག་རེད་ན་དཀར་རོ་ཚང་གི་བུ་ཨོ་ཡ། ཁོམ་དུས་ཁོམ་དུས་ཕེབས་ཀི་བསྡོད། ད་ང་རང་ཕྱིར་ལས་གསེང་གི་བར་ནས་ནང་དུ་སླེབས་བསྡད་ཡོད་སྐར་མ་ཁ་ཤས་ཀྱི་རྗེས་སུ་ཕྱིར་ལས་ཀར་འགྲོ་དགོས་ནི་རེད། སང་ཉིན་ཁོམ་པོ་ཡོད་ན་ཕེབས་ཤོག་དང་། འདྲི་རྒྱུ་གང་ཞིག་ཡོད་ན་དྲིས་ཤིག བཙུར་འདོད་གང་ནས་ཡོད་ན་བཙུར་བར་ཕེབས་ཤོག་དངོས་ནས་དགའ་བསུ་ཡོད།

ཁྲིམས་དཔོན་ཆེན་མོ་བསེ་རུ་ལགས། བདག་གིས་ཁྱེད་ཚང་གི་བདག་ལ་ཁྲིམས་བཅད་འཕོག་པའི་བསྐོར་གྱི་བཅད་ཁྲ་དེ་ལ་བལྟས་ཚར་ཡིན་ལ། དེ་ནས་ཀློག་ཞོར་དུ་རང་ཉིད་གཅིག་བུར་གློག་ཀླད་ཀྱི་མདུན་ནས་བགད་མོ་མི་ཉུང་བ་ཞིག་ཀྱང་ཤོར་དུ་བཅུགས་སོང་། ཞོར་དུ་ཟིན་བྲིས་དེར་མཆན་པུ་ཞིག་ཀྱང་བཏབ་ཡོད་ལགས། སང་ཉིན་བདག་གི་གུང་གསེང་ཡིན་ལ། ཁྲིམས་དཔོན་རྣམ་གཉིས་ཆིབས་བསྒྱུར་གནང་ཐུབ་པ་ཡིན་ན་ང་རང་ལ་ཁྲིམས་ཐག་ལོ་ག་ཚོད་ཡིན་མིན་ཞིག་ཉན་འདོད་ཡོད་ལ། སྐབས་དེར་དུས་བབ་ཚང་གི་སློབ་དཔོན་བསྟན་འཛིན་ཚེ་དཔག་གིས་ཀྱང་གསན་ངེས་ཡིན་ལ། ང་རང་ལྟ་བུ་ནག་ཉེས་ཅན་ཚོ་ཁྲིམས་ཐག་བཅད་པ་ཁོང་གིས་གསན་ན་ཐུགས་བློ་བདེ་ངེས་ཡིན།

གཅན་བཟོད་རྒྱམ། བསེ་རུ། གཅེན་པོ། གནམ་ལྕགས། ཁྱེད་ཅག་གིས་ཐུགས་འཁུར་འོག་དུ། སྤུན་ཟླ་ང་ཤི་འཐམ་རོ་འཐམ་བྱས་དེ་ཡོང་གི་ཡོད། འགྲོ་བཞིན་ཡོད། ནོར་འཁྲུལ་ཡོད་ས་ནས་སྡིག་དམོད་བྱེད་རྒྱུ་མ་བརྗེད་ཅིག མི་ཤེས་ས་ནས་ལམ་སྟོན་གནང་རྒྱུ་དེ་བས་ཀྱང་ཐུགས་སུ་འཛིན་རོགས་ཞུ།

གཅན་བཟོད་རྒྱམ་ལགས། ང་རང་བཙུར་ན་འདོད་ཀི བཙུར་ཁོམ་ཡོད་ཁོ་ཐག་ཡིན་ནི་རེད་ལགས། སང་ཉིན་ང་རང་གུང་གསེང་ཡིན། སྐུ་ཉིད་ག་དུས་ཕེབས་ན་འགྲིག་གི་རེད་ལགས། སྐྱག་པ་ཤོར་རེག་བར་དུ་མ་བཙུར་རོགས། དེ་མིན་གཅིན་པ་ཤོར་ན་ཤོར་དུ་བཅུགས། དེ་ཡང་སྤུན་ཟླ་ཞིག་གིས་བཙུར་ནས་ཤོར་ནི་རེད། སེམས་འཁྲལ་མི་འདུག རེད་དེ། རྒྱ་ནག་གིས་ང་རང་དེ་ལྟར་བཙུར་རྒྱུ་ཟེར་ན་ནི་གཏན་ནས་ཁ་མི་ཉན་ཁོ་ཐག་ཡིན་ནི་རེད། མི་ཐུབ་ཀྱང་བྲོས་འགྲོ་ནོ་ཁོ་ཐག་ཡིན་ནི་རེད། གང་ཡིན་ཟེར་ན་དྲང་བདེན་བཤད་ས་མེད་པ་དེ་ནས་བྲོས་ན་ཡག་གི་མ་རེད་དམ་ལགས།

གནམ་ལྕགས་ལགས། ཨ་ཁུ་ཚང་ལ་སང་ཉིན་རྒྱ་གར་གྱི་ཆུ་ཚོད་ལྔ་བའི་རྗེས་སུ་ཁ་པར་གཏོང་ཆོག་ཟེར་ནས་ཞུ་རྒྱུ་མ་བརྗེད་རོགས།

སྙིང་གི་ཐིག་ལེ་ཤ་ཁྲག་རུས་གསུམ་ལགས།།
བསེ་རུར་སྙིང་རྗེ་མེད་པ་མིན་ན་ཡང་།།
ཁྲིམས་ལུགས་བྱམས་བརྩེ་བྲལ་བའི་ཕྱག་རྒྱ་ཡིས།།
དྲ་བའི་ཁྲིམས་ཁང་ནང་ནས་ཁྲིམས་ཆད་བཏང་།།

འཆར་ཡན་རྟོག་བཟོའི་ཁྲིམས་ཆད་ལྕི་མོ་འདིས།།
དྲ་གྲོགས་བ་སྤུ་ཙམ་ཡང་འགུལ་མི་སྲིད།།
སེམས་ཚོར་གྱུ་གྱུའི་རྣམ་རྟོག་ཅི་ལ་འཆར།།
འདི་ཡང་ཐབས་ལམ་གསར་པའི་བགྲོད་ཐབས་ཤིག།

ད་དུང་ཕེབས་དང་སྙིང་གི་ཐིག་ལེ་ཁྱོད།།
ཇི་སྲིད་ཚེ་སྲོག་རྒྱུ་བ་མ་འཇིག་བར།།
དེ་སྲིད་དྲ་རྒྱའི་འཇིག་རྟེན་ཀུན་མྱུལ་ཏེ།།
རིགས་ཀྱི་དོན་ཆེན་སྒྲུབ་པར་ལྷག་པར་རེམས།།

རིགས་ཞེན་དཀར་པོས་སེམས་ཀྱི་བུ་ཆུང་བསླུད།།
འབྱུང་བཞིའི་རྟེན་གནས་ལུས་ཀྱི་བཟུང་བཅུད་ཟད།།
ལ་རྒྱའི་དཔའ་བོ་ཤ་ཁྲག་རུས་ཅན་ལ།།
ལ་རྒྱའི་རྨི་ལམ་མང་དུ་རྨིས་པ་དགའ།།

ཁ་བ་ཅན་ན་རྒྱ་ཡི་རྟགས་ཏུ་གནོན།།
ཁ་བའི་བུ་ལ་རང་དབང་མེད་གྱུར་ཀྱང་།།
ཁ་བ་ལྟར་དུ་དཀར་བའི་སེམས་པ་དེ།།
ཁ་བའི་བུ་ཡིས་མི་འགྱུར་དགའ་བ་ཞིག

གཅན་བཟོད་རྒྱམ་ལགས། སེམས་ཁྲལ་མ་བྱེད་ཨང་།
དྲ་གྲོགས་ཁོང་དེ་རིང་ཁྲིམས་ཁང་ནས་ཁྲིམས་ཐག་བཅད་ཟིན་འདུག
བཅད་ཁྲར་གཟིགས་ན་བསེ་རུའི་ཟིན་བྲིས་སུ་བཀོད་ཡོད།

ཁྱོས་རང་གིས་རང་ཉིད་ཁྲིམས་དཔོན་དུ་བཞག་པ་རེད། ང་གཞན་གྱིས་བདམས་པའི་ཁྲིམས་དཔོན་རེད། དམངས་ཀྱིས་བདམས་པ་རེད། དེ་རིང་འུ་གཉིས་ཀྱིས་ཤ་ཁྲག་འདི་ཁྲིམས་ལ་སྦྱོར་དགོས་ས་རེད། འདིས་ཡི་གེ་ནམ་བྲིས་ཀྱང་དོ་སྣང་ཁྱོན་ནས་བྱེད་ཀྱི་མི་འདུག དངོས་གནས་དག་ཆ་ཟེར་བ་ལ་ལྟ་སྲོལ་ཞིག་མི་འདུག འོན་ཀྱང་ཁོང་ལ་”བཀའ་བཀྱོན”བྱས་ན་ཁྲོ་མི་ལང་མོད། དག་ཆའི་ཕྱོགས་ནི་སྔར་བཞིན་གཅིག་པ་རང་རེད་འདུག

ཁྲིམས་དཔོན་ཟེར་ན་དྲང་བདེན་ལ་དགའ་བ་ཙམ་མ་ཟད། དྲང་བདེན་སྐྱོང་མཁན་ཞིག་ཡིན་དགོས་པ་རེད། གཅན་བཟོད་རྒྱམ་ངས་ཁ་སྔོན་ཁྲིམས་ལ་སྦྱར་ཟིན་པ་རེད། དེ་དྲན་པར་བྱོས། ཧ་ཧ་ཧ།

ལགས་སོ་ཁྲིམས་དཔོན་བཙན་པོ་ཁྱོད། ད་ནི་ངས་རང་གི་སྤུན་ཟླ་དག་ལ་ལན་ཡང་སྤྲོད་རྒྱུ་དེ་ལ་ཡང་ཁྲིམས་ཐག་གཅོད་རྩིས་རེད། ཁྲིམས་དཔོན་ཁྱེད་ཀྱིས་རྒྱའི་ཁྲིམས་ཤིག་ལས་སྤྱང་མེད་ནི་མིན་ན། ཧཧཧཧཧཧ

བསྟན་འཛིན་མིང་འཛིན་པའི་སྤུན་ཟླ་ལགས། ངེད་ཅག་གི་་དྲ་ཚིགས་འདི་ལ་བོད་ཡིག་མ་གཏོགས་དགའ་བསུ་ཞུ་བཞིན་ཡོད་པ་མ་རེད་ལགས། སྐུ་ཉིད་བོད་ཡིག་སྤྱོད་ས་མེད་པའི་ཁུལ་ཞིག་ན་ཡོད་སྲིད་ཀྱང་། རང་གི་གློག་ཀླད་ནང་དུ་འདི་རུ་ཡིག་གཟུགས་ཕབ་ལེན་བྱེད་ས་ཡོད་ངེས་རེད་ལགས། རྗེས་ཕྱོགས་དབྱིན་ཡིག་འདི་རུ་མ་འབྲི་ལགས། དངོས་ནས་དགའ་བསུ་ཞུ་ཐུབ་ཀྱི་མི་འདུག་ལགས།

གཅན་བཟོད་རྒྱམ་ལགས། སྐུ་ཉིད་དངོས་ནས་དུས་བབ་ཚང་གི་ཁྲིམས་དཔོན་ལ་བཞག་ནས་དངོས་ནས་འཚམ་པོ་འདུག དྲང་བདེན་སྐྱོང་རྒྱུར་རང་གི་སྲོག་ལ་ཡང་མི་འཛེམ་པ་ཞིག་ཡིན་ཁོ་ཐག་རེད། བོད་གཞུང་ལ་ཁྲིམས་ཁང་ལྷན་ཚོགས་ཤིག་ཡོད་པ་དེ་རུ་དངོས་ནས་སྐུ་ཉིད་དངོས་ནས་འགྲིག་གི་ཡ་་ཧ་ཧ་ཧ་ཧ་ ཨ་ལ་ཀུ་རེ་མིན་ན་ཁྱོས་སྐེ། དངོས་ནས་སྐུ་ཉིད་ཀྱིས་ཐེར་འདོན་དུས་ཐོག་ནས་གནངས་པ་དེར་དགའ་བསུ་ཞུ་ལགས། ང་རང་གི་གཙོ་བའི་སྤུན་ཟླ་སུ་ཞིག་གིས་ནོར་འཁྲུལ་གང་བྱས་པ་དེ་དག་ལ་འཛུབ་མོ་འདི་ལྟར་ཐད་ཀར་འཛུགས་རྒྱུར་སེམས་གཏིང་ནས་དགའ་བསུ་ཡོད་ལགས།

གངས་རི་སྐྱབས་ལགས། ད་ནི་དེ་འདྲ་ཡིན་ས་རེད། འདང་མི་རྒྱག་ཟེར་ན་ང་རང་གི་སེམས་འདི་འདུག་ཐུབ་ནི་མ་རེད། འདུག་མི་ཐུབ་ནོ་ཚོད་ཀྱིས་གང་ཡང་འཇོན་ནི་མ་རེད་དེ། བོད་པ་ཡིན་ཟེར་ནས་བོད་ཡིག་དག་ལ་མ་དག་ལ་རེ་བྲིས་དེ་དྲ་ངོས་འདི་ནས་ཉིན་མ་འཕུད་རྒྱུ་དངོས་ནས་དགའ་བོ་ཞིག་ཆགས་འདུག་པ་འདི་ཡང་ང་རང་ལ་བྱུང་བའི་ནད་ཚ་ཞིག་ཡིན་པ་འདྲ། མཚམས་རེར་ཕན་གང་ཡང་ཐོག་གི་མེད་པ་ལྟ་བུ་ཞིག་དུ་སེམས་ལ་སྣང་དུས། དྲ་ངོས་འདི་དག་ཁ་གྱེས་དེ་བསྡོད་དགོས་མིན་ནམ་སྙམ་པའི་ཚོར་བ་རབ་རིབ་རེ་ཡང་དྲན་གྱི་འདུག་ལགས། གང་ལྟར། རང་ཉིད་བོད་ཡིན་པ་འདི་ཤི་རེག་བར་དུ་བཅོས་ཐབས་མེད་པ་ཞིག་ཡིན།

དྲ་གྲོགས་བཟང་པོ་ཤ་ཁྲག་རུས་གསུམ་ལགས། ནམ་རྒྱུན་རྨ་ལམ་རྐྱང་རྐྱང་རྨིས་ཚུལ་ལ་བལྟས་ན་ཁྱོད་རང་གི་ཉལ་ས་དེ་ཅིག་འགྲིགས་མེད་པ་འདྲ། སང་ཉིན་ཉལ་ས་བརྗེ་བོ་བརྒྱབ་ནས་་ཇི་འདྲ་ཞིག་་ཡིན་མིན་ལ་གཟིགས་རོགས།་་ཧ་ཧ་ཧ་ཧ་ཧ་ཧ་ཨ་ལ་ཀུ་རེ་ཡིན། ངོ་མའི་སྙན་མོ་ཞིག་དང་བསམ་རྒྱུ་ཡོད་པ་ཞིག་རེད་འདུག

སྐར་མ་རབ་རིབ་མར་མེ་དང།།
རྒྱུ་མ་ཟིལ་བ་ཆུ་བུར་དང།།
རྨི་ལམ་གློག་དང་སྤྲིན་ལྟ་བུ།།
འདུས་བྱས་ཆོས་རྣམས་དེ་ལྟར་ལྟ།།།

ཤ་ཁྲག་ལགས། ངའི་ཞི་ལི་སྐྲག་དང་ང་། རྨི་ལམ་འདི་ང་ཚོའི་ཆག་འཇིག་གི་ཟུར་ངོས་ཤིག་གི་སྣང་བ་ཕྱིར་མངོན་བྱས་པ་ཞིག་རེད་ཟེར་ཆོག རྩ་ཁམས་དངས་པའི་བཙན་བྱོལ་བ་ཞིག་ཡིན་ན་ཧ་ལམ་འདི་འདྲའི་སྣང་བ་དང་རྨི་ཏན་ཏན་ཡོད་ཆོག་པ་རེད། མི་ལོ་ལྔ་བཅུར་མི་ཡུལ་འགྲིམ་པའི་དཀའ་ཚེགས་ཁྲོད་ནས་ཕ་ཡུལ་གཉེན་མིར་ངོ་མ་འཕྲད་པར་རི་བོ་ཧི་མ་ལ་ཡའི་རྒྱབ་མདུན་ནས་མང་བོ་མང་བོ་ཞིག་ཕྱིར་མི་འོང་བའི་གནས་སུ་བཞུད་སོང་བ་དང་། སྐོར་ཞིག་དེ་མུར་རྒས་བཞིན་པའི་སྣང་ཚུལ་ཡ་ང་ཞིང་ཡིད་སྐྱོ་བའི་བཤུལ་ལམ་རིང་མོ་འདིར། འདང་རྒྱག་ཆེ་བའི་མིའི་འབྱུང་ཁམས་འཁྲུགས་ཏེ་དགོང་མོའི་གཉིད་ཡུལ་མི་བདེ་བ་ཆོས་ཉིད་ལྟ་བུར་སོང་འདུག་ན། རང་གི་འཕྲོད་བསྟེན་ལ་གཟབ་གཟབ་གནང་གལ་ཆེ་བ་དང་། ཞོར་དུ་རྩོམ་ཡིག་རེ་ཀློག་པ་པོའི་གཟིགས་མོར་འགྲེམས་པའང་བརྩོན་པ་མུ་བཞིན་སྐྱོངས་དགོས།