སེམས་འདི་ནི་དར་ཐག་ཞིག་ཡིན་པའི་དབང་དུ་བཏང་བ་ཡིན་ན། དར་ཐག་འདི་འཐག་མཁན་གྱི་འགྲོ་བ་མིའི་རིགས་ཀྱི་རང་གི་ཆེད་དུ་དར་སྐུད་འདི་འཐག་བཞིན་ཡོད་པ་ཡིན་དུས། དར་སྐུད་འདི་ཉིད་གང་དུ་འཐེན་ཡོད་མེད་ཀྱི་ཐད་དུ་བསམ་གཞིགས་ནན་མོ་གཏོང་དགོས་མཁན་དེ་ཡང་འགྲོ་བ་མི་ཞིག་ཆགས་དགོས་པ་ཡིན་དུས། དོན་དངོས་སུ་འགྲོ་བ་མིའི་སེམས་པ་འདི་དར་སྐུད་ཅིག་གི་སྣེ་རུ་འདར་བཞིན་པའི་མཛེས་སྡུག་གིས་བཟོས་པའི་དར་སྐུད་བཟོས་པའི་དངོས་པོ་ཞིག་ལས་གང་ཡང་མེད་པར་བརྩི་དགོས་པ་ཡིན་ནམ་ཅི་ལགས།
ངེད་ཀྱི་རང་གི་ནོར་འཁྲུལ་གྱི་སེམས་པ་འདི་དར་ཐག་ལྟ་བུ་འདི་ལ་རྒྱུན་དུ་ཞིབ་དུ་བརྟག་དུས་སུ། དར་སྐུད་འདི་ཉིད་ཐོག་མར་བཟོ་མཁན་གྱི་ཁོར་ཡུག་དེ་ནི་ཆེས་ཐོག་མའི་དར་སྐུད་འདི་འཐག་མཁན་གྱི་འགྲོ་བ་མིའི་རིགས་ཀྱི་མེས་པོ་དག་རེད་ལ། མེས་པོ་དེ་དག་གིས་དར་སྐུད་འདི་དག་མི་ཡུལ་ནས་འཐག་སྟངས་ཀྱང་མི་འདྲ་བའི་རྣམ་གྲངས་ཀྱང་མཐའ་ཡས་པ་ཞིག་བཟོས་འདུག་པ་འདི་ནི། འགྲོ་བ་མིའི་རིགས་ཀྱི་སེམས་པ་འདི་དར་ཐག་ཞིག་ལས་བརྒྱུས་དེ། དར་ཐག་འདིའི་སྣེ་མོ་གང་སར་འཛིང་ནས་འོང་དེ་བཅུག་ཡོད།
སྣེ་མོ་རེ་རེ་ན། རིགས་ཞེན་དང་ཕྱོགས་ཁག ང་རྒྱལ་དང་ཧམ་སེམས། རང་གཅེས་དང་གཞན་ཕམ། རིགས་རུས་དང་མཐོ་དམན། ཤ་མདོག་དང་སྐད་རིགས་སོགས་ནི་མེས་པོ་དེ་དག་གི་འཐག་ཚར་བའི་དར་ཐག་དེ་ཡི་སྣེ་མོ་རེ་རེ་ཡིན། སྣེ་མོ་དེ་དག་གི་ཕྱོགས་སྣེ་རེ་ན། ཆོས་ལུགས་དང་ཚན་རིག ལྟ་གྲུབ་དང་གཞུང་ལུགས། གོམས་གཤིས་དང་སྲོལ་རྒྱུན། མི་རེ་རེ་སེམས་ཁོང་དུ་དམར་པོ་མེ་བཞིན་བླུགས་པའི་ཚ་དྲོད་དེ་ནི་ནམ་ཡང་ཡལ་དུ་མེད་པར་གནས་ཡོད་པ་ཡིན།
དེ་ནས་བཟུང་། དར་སྐུད་དེ་ཡི་སྣེ་མོ་རེ་རེ་ན། ས་མཚམས་ཡོད་ལ། རྒྱལ་མཚམས་ཡོད་ལ། ཁྲིམས་ལུགས་ཡོད། དབྱེ་བ་ཡོད། མཐོ་དམན་ཡོད། ནམ་ཡང་གཏོར་ལོག་བྱེད་ཐབས་མེད་པའི་མི་སེམས་གྲངས་མེད་ཀྱི་དར་སྐུད་ཅིག་ཡོད། དར་སྐུད་དེ་དག་གི་སྣེ་མོ་ཡང་། སྔར་ལས་སྟོབས་ཤུགས་ཆེ་རུ་ཕྱིན་ནས། འཐབ་འཛིང་དང་དམག་འཁྲུག་ལས་བུད་དེ། སྟོབས་ཤུགས་དང་དཔལ་འབྱོར། ཁེ་ཕན་གྱི་གཡུལ་སར་གྱུར་ནས། དུས་ད་ལྟའང་དར་སྐུད་དེ་ཡི་སྣེ་ན། འགྲོ་བ་མི་དག་གིས་ཁྱོད་ཤི་ང་གསོན་གྱི་འཐབ་མོ་ཆེས་མང་བོ་ཞིག་སྐྱེད་སྲུང་བྱས་དེ་འཚར་ལོངས་བྱུང་བ་ནི། དུས་རབས་སྔ་མ་དག་ལས་མགྱོགས་ཚད་བརྒྱ་ཕྲག་གིས་མྱུར་དུ་ཕྱིན་ཡོད་པ་རེད།
དར་སྐུད་འདིའི་སྣེ་མོ་བཟོ་མཁན་དེ་དག་ཀྱང་གནའ་རབས་ཀྱི་འགྲོ་བ་མི་ཡིན་ལ། དར་སྐུད་འདི་དག་ལ་ཡི་རང་དང་རྗེས་འཛིན་བྱེད་མཁན་ནི། དུས་རབས་ཉེར་གཅིག་པའི་ནང་གི་འགྲོ་བ་མི་ཆགས་ཡོད་པ་དང་། དུས་རབས་ཉེར་གཅིག་ནང་གི་མ་འོངས་དུས་རབས་སུམ་ཅུ་བཞི་བཅུའི་ནང་གི་མེས་པོ་འདི་དག་གིས་ཀྱང་དར་སྐུད་འདིའི་ཕྱོགས་སྣེ་རེ་རེ་ལ་ཡར་རྒྱས་གཏོང་བཞིན་ཡོད་པ་རེད་ལ། དེ་ཉིད་ཡར་རྒྱས་གཏོང་མཁན་དག་ལ་དུས་རབས་འདིས་འགྲོ་བ་མིའི་བསྟོད་བསྔགས་དང་ཡི་རུང་། གུས་བརྩི་དང་དགའ་ཞེན་ཆེན་པོ་བྱེད་ཀྱི་ཡོད་པ་རེད།
བསེ་རུ་ལགས། ཐུགས་སྣང་ཆེན་པོའི་སྒོ་ནས་ཡང་ཡང་འདི་ལྟར་ཕེབས་ནས་ལམ་སྟོན་གནང་བ་དེར་དགའ་གུས་ཚད་མེད་ཡོད་ལགས།
རྒྱུན་དུ་ཐུགས་སྣང་དགོས་པའི་དག་ཆ།
པར་ཁང་པར་སྐྲུན་པར་འདེབས་པར་གཞི་དང་།།
འདྲ་པར་པར་ཁང་པར་སློག་ལ་སོགས་པར།།
མིང་གཞི་པ་ལ་རྗེས་འཇུག་ར་འདི་མཆོག།
དཔར་ནི་བྱ་ཚིག་དབང་དུ་བྱས་ན་ཆོག།
དཔེ་དེབ་དཔར་དང་དཔེ་ཆ་པུ་ཏི་དཔར།།
གསུང་འབུམ་དཔར་དང་པར་ཁང་འདི་ནས་དཔར།།
ནང་ནས་དཔར་དང་ཕྱི་ནས་རིན་མེད་དཔར།།
མདོར་ན་པར་དང་དཔར་ལ་ཁྱད་ཆེ་སྙམ།།
ཀློག་ཞོར་དུ་ཡིག་ནོར་ཁག་ཅིག་མཐོང་བྱུང་།
སུམ་བཅུ། སུམ་ཅུ།
ཤ་འདོག ཤ་མདོག
མྱུར་དུ་བྱིན། མྱུར་དུ་ཕྱིན།
ཆེ་རུ་བྱིན་ནས། ཆེ་རུ་ཕྱིན་ནས།
མཛེས་སྡུག་གི་བཟོས་པའི། མཛེས་སྡུག་གིས་བཟོས་པའི།
བཅུགས་ཡོད། བཅུག་ཡོད།
བསྐྱེད་སྲུང་། སྐྱེད་སྲིང་།