་་་་་་་་་་་་་་་་་་་ང་ཚོས་བཤད་མ་ཤེས་པ་ཡིན་ནམ། བཤད་ས་མེད་པ་རེད།
སུ་ཚང་གི་སྒོ་འགྲམ་ཞིག་ནས། ངས་རང་ཉིད་ཅེས་པའི་ཐ་སྙད་དེར་བསམ་བློ་བཏང་བ་ནས་བཟུང་། གནམ་འོག་གི་འཇིག་རྟེན་འདི་ན་བདེན་པ་ཞིག་ཡོད་པར་ཡིད་ཆེས་བྱས་པ་ཡིན། ཡིད་ཆེས་དེ་ལ་བཅོལ་བའི་ང་ཡི་སྙིང་སྟོབས་ཀྱང་རིགས་ཀྱི་ནུས་པ་ལས་བྱུང་བ་ཡིན། དེ་ནས་བཟུང་། ངས་གནམ་འོག་ནས་སྐད་ཆ་ཞིག་བཤད་ས་བཙལ་ནས། རང་གིས་སྐད་ཆ་བཤད་རྒྱུར་མུ་མཐུད་དུ་སྤྱངས།
ལོ་ངོ་ནི་ཆུ་རྒྱུན་བཞིན་དུ་བཞུར། ང་རང་ཡང་དེ་དང་འགྲོགས་ནས་གནམ་འོག་འདི་ལ་སྐད་ཆ་བཤད་སའི་ཁོར་ཡུག་ཞིག་འཚོལ་དུ་བྱིན། རི་གཟར་ས་དང་ལམ་དོགས་ས། ཉེན་ཁ་ཆེ་ས་དང་མི་ཁ་རྒོད་ས། མ་སོང་བའི་ས་ཞིག་རང་གི་ཚོད་ཀྱི་མེད་པར་བྱས། ད་དུང་། ངས་གནམ་འོག་འདི་ནས་སྐད་ཆ་ཞིག་བཤད་ས་མ་རྙེད། གཅིག་བྱས་ན་རང་གིས་ཀྱང་བཤད་མ་ཤེས་པ་ཡིན་སྲིད་ལ། གཅིག་བྱས་ན་ཉན་མཁན་དག་གིས་ཀྱང་ཉན་མ་ཤེས་པ་ཡིན་སྲིད། གང་ལྟར། ཕྱོགས་གཅིག་ན་ནོར་འཁྲུལ་ཞིག་ཡོང་གི་ཡོད་པ་ནི་བདེན་པ་རེད་འདུག
ང་རང་ལ་མྱི་ཞིག་གི་སྐྱེ་བ་བླངས་ཡོད་པ་དང་། དེ་ཡི་ནང་ནས་བོད་རིགས་ཀྱི་ཁུངས་སུ་བོད་པ་ཟེར་བའི་མི་ཞིག་གི་སྐྱེ་བ་བླངས་པ་དེ་ནི་ང་རང་གི་སྐྱེ་བ་སྔོན་མའི་གདམ་ག་བྱས་པ་དེ་ལེགས་འགྲུབ་བྱུང་མིན་སོགས་བདག་གིས་མི་ཤེས་ཀྱང་། ལྡོག་དུ་མེད་པ། དངོས་སུ་མིག་གི་མཐོང་བ་དང་། ལག་པའི་རེག་རྒྱུ་ཡོད་པ་སོགས་ཀྱི་ལམ་ཕྲན་འདི་རྒྱུད་དེ་རང་ལ་བལྟས་དུས། ངས་བཤད་ཤེས་པ་བོད་སྐད་དང་། ང་རང་འཚར་ལོངས་བྱུང་ཡུལ། ངའི་སྐྱེ་ཡུལ། ང་ཡོང་སའི་ལྗོངས། གང་ལ་ཡང་བོད་ཟེར་ནས་འབོད་ཀྱི་འདུག དེ་ཡིན་དུས་ང་རང་ཡང་བོད་པ་ཡིན་དགོས་པར་ཐེ་ཚོམ་མི་འདུག་པ་ང་ཡིས་ཐག་བཅད་ཀྱང་འགྲིག
ཐག་གཅོད་དེ་ཡི་སྔ་གཞུག་ལ་ངས་རང་ཉིད་ཀྱི་གནམ་འོག་འདིའི་བོད་མི་དག་ལ་བཤད་འགོ་བཙུགས། བོད་མི་དག་གིས་ཀྱང་ང་རང་ལ་ཁོང་ཚོས་སྐད་ཆ་བཤད། ངས་ཀྱང་རང་གིས་བཤད་འདོད་པ་དག་བཤད། གང་ལྟར། ང་ཚོ་ཚང་མས་བཤད་ཀྱང་། གནམ་འོག་འདི་ན་དོན་དམ་པའི་སྐད་ཆ་ཞིག་བཤད་ས་མེད་པ་ཡིན་ནམ་ཅི། ང་ཚོ་ཡ་ལན་མེད་པའི་ལོ་ཟླ་ཞིག་གི་ཁྲོད་དུ་ལུས་འདུག ཨོ་རེད། གནམ་འོག་གི་མི་མང་ཤོས་དེར་ཁག་ཅི་ཡོད། ཁོང་ཚོས་བོད་སྐད་དང་བོད་ཡིག་མི་ཤེས། འོ་ན། ཤེས་མཁན་གྱི་རིགས་རུས་གཅིག་པ་དེ་དག་ལ་ཅི་ལན་ཡོད་དམ་སྙམ་ཞོར། ངས་གནམ་འོག་འདི་ནས་སྐད་ཆ་བཤད་ས་མ་རེག
འཇམ་མགོན་ལགས།
སེམས་ཀྱི་སྨོན་འདུན་ཞུས་པ་དགའ་ནས་ཡོད།།
གཏམ་གྱི་ཀུ་རེ་ཡང་ཡང་འདིར་བྲིས་པ།།
ཉེ་རྒྱང་རིང་གི་ཆོད་ཀྱང་རིགས་མཐུན་སྣང་།།
ནམ་ཡང་མ་བྲལ་ལྷན་འདུས་བྱུང་བ་སྨད།།
གྲོགས་ཐ་ཧྭར་སྐལ་བཟང་ལགས།
ཁྱོད་ངོ་མ་ཁུ་བྱུག་འདྲ་ཞིག་རེད།།
ཟླ་བཞི་བ་ཚེས་དུས་ཐོན་དང་གི།
གསུངས་སྙན་མོ་མཚམས་རེ་སྒྲོགས་དང་གི།
སས་དལ་དུས་གལ་ལེར་བུད་འགྲོ་གི།
སེམས་སྐྱོ་བའི་གཞི་མ་དེ་དུས་རེད།།
དུས་དེང་སང་གང་གི་ཕྱོགས་ན་ཡོད།།
སྐུ་སྐྱིད་པོ་བདེ་མོ་ཨེ་ཡིན་ལགས།།
ལག་ལས་ཀ་བྲེལ་བ་ཨེ་ཆེ་གི།
བོད་ཤ་ཁྲག་ཨ་མའི་བུ་ཡིན།།
བུ་ཁྱོད་ཀྱི་བརྩེ་བ་ལྷ།།
ལྷ་བླ་མ་སྐྱབས་འཇུག་ངས་ཞུ།།
ཐུགས་བརྩེ་བའི་ཟིན་བྲིས་འབྲི་རོགས།།
ད་ལྟ་ནང་ན་ཡོད། སང་ཉིན་ཡང་ཁོམ་བསྡད་ཡོད། ཁྱེད་རང་གི་འདོད་པ་ལྟར་བྱོས།
ཧེ་འཇམ་མགོན་བདེ་མོ་ཡིན་ནམ།
འཇམ་མགོན་ལགས།
སེམས་བསམ་པ་ཨ་ཐང་ཆད་མེད་ཀྱང་།།
ལུས་དར་མའི་སྒང་ལ་མ་འཇོན་དུས།།
དུས་མི་རྟག་རྒས་གཉེར་སླེབས་དུས་སུ།།
ཅིག་བྱེད་འདོད་ཡོད་ཀྱང་ཚར་བ་རེད།།
དེ་བསམ་ནས་སེམས་པ་ན་བ་ཡིན།།
རེད་ལགས། ཉིད་ནས་གསུངས་པ་དེར་དགའ་ཡོད། བདེན་པ་རེད། ཉིད་ནས་སྒུག་ཡོད་བཞག་རེད། མི་ཡུལ་ནས་དུས་ཚོད་ཁ་ཤས་ཤིག་ལ་རང་དབང་དུ་མི་ཡོང་་བའི་ཡོད་པ་ཁྱེད་རང་གི་ཤེས་གསལ་རེད། གང་ལྟར། དོ་ནུབ་ངས་ཁྱེད་ལ་ཁ་པར་གཏོང་གི་ཡིན།
བོད་ཤ་ཁྲག་ཨ་ཐང་ཆད་གོ་གི།
སེམས་བསམ་པའི་སྙིང་གཏམ་བརྗོད་གོ་གི།
བོད་སྐད་ཡིག་ལས་དབང་གླེང་གོ་གི།
བློ་ཞིབ་དུ་དཔྱད་ན་བདེན་གོ་གི།
སྐད་ཆ་བཤད་ས་བཀའ་འགྱུར་མེད་གི་ན། གདུན་ཕྲག་སྔོན་མའི་གཟའ་པ་སངས་ཉིན་གྱི་ཆུ་ཚོད་ཁ་ཤས་ཀྱི་རིང་ལ་ངས་ཁྱོད་ཀྱི་ཁ་པར་ལ་སྒུག་པ་ཡིན། དེ་མིན་ཅང་མེད་གི