རྒྱལ་སྤྱི།

ཧི་མ་ཅལ་ཀང་ར་རྫོང་ཁོངས་སུ་བསྟུན་མར་ཆར་བ་ཤུགས་ཆེན་བབས་པའི་རྐྱེན་གྱིས་རི་ཉུལ་བ་དང་རྦབ་རྡོ་རིལ་བ་སོགས་ཀྱིས་སེམས་ཅན་ ༤༠ ལྷག་བསད་ཡོད་འདུག་་་

ཨིན་རྡུ་ནེ་ཞི་ཡའི་ལོམ་བྷོ་གླིང་ཕྲན་ནང་བསྐྱར་དུ་ས་ཡོམ་ཚད་རིམ་ ༧ ཅན་ཞིག་བྱུང་སྟེ་ཉུང་མཐར་མི་གྲངས་༩༡ རྐྱེན་འདས་དང་མི་༡༠༠ ལྷག་ལ་རྨས་སྐྱོན་བྱུང་ཡོད་འདུག་་་

ཌན་མག་རྒྱལ་ཁབ་ནང་ཁ་ཆེ་བུད་མེད་ཀྱིས་གདོང་རས་གྱོན་མི་ཆོག་པའི་སྒྲིག་ཁྲིམས་གཏན་འབེབ་བྱས་པར་ངོ་རྒོལ་བྱུང་བ་མ་ཟད་གདོང་རས་གྱོན་པའི་ཉེས་ཆད་ཐེངས་དང་པོ་གཅོད་དགོས་བྱུང་།་་་

གྷོ་གྷུལ་ཚོང་གཉེར་ཁང་གིས་རྒྱ་ནག་གཞུང་གི་དགོས་མཁོ་ལྟར་འཚོལ་བཤེར་མ་ལག་བཟོས་པ་ནི་འགྲོ་བ་མིའི་གཞི་རྩའི་ཐོབ་ཐང་ལས་དཔལ་འབྱོར་ཁེ་བཟང་གཙོ་བོར་བཟུང་བ་རེད་ཅེས་སྐྱོན་བརྗོད་བྱས་འདུག་་་

ལོ་རེར་རྒྱ་གར་རྒྱལ་ཡོངས་ནང་སྐྱེས་པ་ ༡༠ ནས་ ༡༥ བར་གྱི་ཕོ་མཚན་བཟའ་ཚང་རྩོད་རྙོག་དང་བཙན་གཡེམ་སོགས་ཀྱི་གནད་དོན་ཁྲོད་གཅོད་ཀྱི་ཡོད་འདུག་་་

འདི་ལོར་རྒྱ་གར་ནང་སློབ་ཆེན་རྫུན་མ་ ༢༧༧ དང་རྒྱ་ནག་ནང་སློབ་ཆེན་རྫུན་མ་ ༣༨༡ ཡོད་པའི་ཐོ་གཞུང་ཕྱིར་བསྒྲགས་བྱས་ཏེ་འཕྲལ་དུ་ཁྲིམས་གཞི་ལག་བསྟར་དགོས་པའི་འབོད་སྐུལ་བྱས་འདུག་་་

པ་ཀི་སི་ཐན་རྒྱལ་ཡོངས་འོས་བསྡུའི་ཁྲོད་རྒྱལ་ཁ་ཐོབ་པའི་ཨེམ་རན་ཁཱན་གྱིས་རྒྱ་གར་ཕྱོགས་ནས་ཕན་ཚུན་མཐུན་ལམ་ཡོང་བར་གོམས་སྟབས་གཅིག་སྤོས་པ་ཡིན་ན་པ་ཀི་སི་ཐན་གྱིས་གོམས་སྟབས་གཉིས་སྤོ་རྒྱུ་ཡིན་སྐོར་བརྗོད་འདུག་་་

དེ་རིང་ལྷོ་ཨ་ཧྥི་རུ་ཁའི་རྒྱལ་ཁབ་ཛིམ་བྷ་བེ་མི་མང་གིས་ལོ་ངོ་བཞི་བཅུའི་རྗེས་ཀྱི་སྲིད་འཛིན་འོས་བསྡུ་ཐེངས་དང་པོ་བྱས་ཡོད་ཀྱང་སྲིད་འཛིན་ཟུར་པ་མུ་གྷ་བྷི་ཡིས་འོས་བསྡུའི་གྲུབ་འབྲས་ལ་ངོས་ལེན་བྱེད་ཀྱི་མེད་འདུག་་་