ཀླུ་འབུམ་བཀྲ་ཤིས་ཀྱི་ཟིན་བྲིས་ནས་འདྲེན་འགོད་བྱས།
བལ་ཡུལ་བདེ་སྲུང་ལས་ཁུངས་ནས་ཏ་ཏོ་པ་ནི་དང་གློ་སྨོན་ཐང༌།དཀྱིལ་མ་ཐང་ཀ དེ་བཞིན་ལི་མི་སོགས་གནད་འགག་ཅན་གྱི་ས་མཚམས་དང་ས་ཁུལ་ཁག་ཅིག་ཏུ་ས་སྲུང་དམག་མི་ཆེད་འཛུགས་བྱེད་འཆར་ཡོད་འདུག
བལ་ཡུལ་གྱི་ནག་རིག་དྲེ་ལི་ཞེས་པའི་ཉིན་རེའི་གསར་ཤོག་ཅིག་ནང་གནས་ཚུལ་བཀོད་ཐོན་བྱུང་བར་གཞིགས་ན་རྒྱ་ནག་གཞུང་ནས་བལ་བོད་ས་མཚམས་སུ་བོད་མི་སྐྱབས་བཅོལ་བ་འགྲུལ་བཞུད་བྱེད་རྒྱུ་དང་ཁྲིམས་འགལ་གྱི་བྱ་སྤྱོད་སྤེལ་རྒྱུར་འགོག་ཐབས་སུ་བལ་ཡུལ་གཞུང་ལ་འབོད་སྐུལ་ཞུས་པ་བཞིན་བལ་ཡུལ་བདེ་སྲུང་ལས་ཁུངས་ནས་ཏ་ཏོ་པ་ནི་དང་གློ་སྨོན་ཐང༌།དཀྱིལ་མ་ཐང་ཀ དེ་བཞིན་ལི་མི་སོགས་གནད་འགག་ཅན་གྱི་ས་མཚམས་དང་ས་ཁུལ་ཁག་ཅིག་ཏུ་ས་སྲུང་དམག་མི་ཆེད་འཛུགས་བྱེད་འཆར་ཡོད་འདུག ཡང་གོང་ཞུས་གནས་ཚུལ་ནང་མུ་མཐུད་བཀོད་པར་ལྟར་ན་རྩ་བའི་རྒྱ་གར་དང་བལ་ཡུལ་ས་མཚམས་འགའ་ཤས་སུ་དམིགས་བསལ་ཉེན་རྟོག་དམག་མི་འགྲེམས་འཇོག་བྱས་ཡོད་ཀྱང་ད་བར་བལ་བོད་ས་མཚམས་སུ་ས་སྲུང་དམག་མི་ཆེད་འཛུགས་བྱེད་རྒྱུ་ད་རེབ་ཐོག་མ་དེ་ཡང་ཆགས་ཀྱི་ཡོད་པ་རེད་ལ། ས་སྲུང་དམག་མི་དེ་དག་ཀྱང་གཞུང་ནས་དམིགས་བསལ་ས་མཚམས་སྲུང་སྐྱོབ་ཆེད་གོ་སྒྲིག་བྱས་པ་ཞིག་ཡིན་འདུག སྔ་ལོ་བོད་ནང་དོན་རྐྱེན་བྱུང་བའི་རྗེས་སུ་བལ་ཡུལ་ནང་བོད་མི་ཚོས་ངོ་རྒོལ་གྱི་ལས་འགུལ་བསྟུད་མར་སྤེལ་བར་བརྟེན་རྒྱ་ནག་གཞུང་ནས་བལ་ཡུལ་གཞུང་ལ་བོད་མི་ཚོའི་ཐོག་དམ་དྲག་ཤུགས་ཆེ་རུ་གཏོང་དགོས་པའི་གནོན་ཤུགས་སྤྲོད་བཞིན་ཡོད་པ་རེད།
པེ་ཤ་རེགས་ཚེ། རང་རྒྱལ་གྱི་ལར་ཞེན་མི་དགོས་པ། རྒྱ་དམར་གྱི་མཛུབ་མོ་གར་བསྟན་ཤར་རྒྱུགས་བྱེད་མཁན་དངོས་ནས། ག་དུས་ཡིན་ན་པྰ་འགོའི་མི་ཚང་འདི་རང་རེད།
དྲྭ་ཐོག་རྩེད་རོགས་རྣམ་པ། གལ་ཆེ་ཤོས་རྒྱ་མིས་མནར་གཅོད་མི་བཟོད་པར་༧གོང་ས་མཆོག་དང་། བཙན་བྱོལ་བོད་གཞུང་ལ་རེ་བའི་མིག་འབུར་གཏོད་དེ།
ཧི་མ་ལ་ཡི་རི་རྒྱུད་བརྒལ་ནས་ཕེབས་མི་དག་ལ། ལམ་བར་ཡིད་གཟབ་ནན་ཏན་དགོས་པའི་ལམ་སྟོན་དང་། གོ་བསྐོན་སློབ་གསོ། ས་མཚམས་དེ་དག་གི་མིང་སོགས་ར་འཕྲོད་ཐབས།
འབྲེལ་ཡོད་སྤྱི་སྒེར་སོ་སོས་བརྒྱུད་ལམ་གང་ལྡན་ནས་གཙིགས་ཆེར་འཛིན་དགོས་པར་མཐོང་།