བཀའ་བློན་ཁྲི་ཟུར་སྐུའི་གཅེན་པོ་རྒྱལ་ལོ་དོན་གྲུབ་མཆོག་ལ་བཅར་འདྲི་ཞུས།

#9 བསེ་རུ་ཟང་ཐལ། ་ལགས་ཀྱིས་སྤེལ་དོན།:
October 8th, 2016 at 12:26 pm
༧སྐུ་ངོ་གསང་བ་ཆེན་མོས་བར་སྐབས་ཤིག་ནས་ཀ་ལོན་སྦུག་གི་ཐུག་པ་བཟོ་མཁན་ཟེར་བའི་ཕྱག་དེབ་དེའི་ནང་དོན་དང་། གཞན་ཡང་སྔ་ཕྱིའི་བཅར་འདྲིའི་བཀའ་ལན་གནང་བ་དེ་དག་ལ་ཉན་ཞིབ་གཟབ་ནན་གྱིས་དང་། ཁོང་གིས་དྲང་ངེས་དགོངས་ཚུལ་དག་ལ་འདང་ཞིག་བརྒྱབ་ཐུབ་པ་ཡོད། དེ་ནི། ༡༩༧༩ ལོར་ཏིང་ཞའོ་ཕེང་གིས། རང་བཙན་མ་གཏོགས་གཞན་གང་བཤད་ནའང་ཆོག་ཅེས་གསུངས་ཡོད་པ་དེ། ད་བར་ཚང་མར་ཐོས་བསྒྲགས་ཀྱི་ཡུལ་ཙམ་ལས། གཞུང་འབྲེལ་ཡིག་ཆ་གཅིག་རིག་རྒྱུ་མཐོང་རྒྱུ་མེད་པའི་སྤམ་སྤོམ་དེར་ཐུགས་འགྱོད་མེད་དམ་སྙམ་པ་ཡོང་གི་འདུག་ལགས། ལར་ནས། བཙན་བྱོལ་གཞུང་གི་ཆབ་སྲིད་པས་ལྟ་གྲུབ་ལངས་ཕྱོགས་ཀྱི་ལོ་རྒྱུས་ནང་ཏིང་ཞེའི་ཕེང་གི་བཀའ་མོལ་དེ་ལམ་དབུ་མ་ཡི་གཞུང་ཚིག་རྐང་གཅིག་མའི་མན་ངག་རྒྱུན་འཁྱེར་མ་ཞིག་ཏུ་ཆགས་ནས་ཡོད། ད་ཆ་མཁྱེན་ལྡན་མི་མངས་རྣམས་ངག་བསྡམས་པའི་བསྙུང་གནས་ལས་གྲོལ་རན་པའི་སེམས་ཚོར་ཞིག་ནི། ཏིང་ཞེའོ་ཕེང་གི་གསུང་དེ། དུས་ཡུན་ནམ་ཞིག་གི་བར་བོད་མི་ཚོས་ཆབ་སྲིད་ལ་བརྟེན་པའི་དག་སྣང་གི་མཆོད་རྫས་ཤིག་ཏུ་འཁུར་དགོས་རྒྱུ་ཡིན་ནམ་སྙམ་པ་དང་། ཡང་། ཏེང་གི་གསུང་དེ་ཡིག་ཐོག་ལ་ཅིའི་ཕྱིར་བླངས་མ་ཐུབ་པའམ། དེ་བླང་བར་བྱ་བ་མ་ཡིན་པའམ། བླངས་མ་མཁྱེན་པའམ། བླང་རྒྱུ་བསྙེལ་བའམ། ཡང་ན། བླངས་ཀྱང་ད་དུང་སྦས་སྐུངས་གནང་ཡོད་པ་གང་ཡིན་ནམ་སྙམ་པའི་དྭོགས་འདྲི་བྱེད་ཀྱིན་ཡོད། གང་ལྟར་ད་ཆ་སྐུ་ངོ་གསང་བ་ཆེན་མོ་ཞལ་བཞུགས་སྐབས་སུ། དེང་རབས་བོད་ཀྱི་རྒྱལ་རབས་ལོ་རྒྱུས་ཐོག་གསལ་བཤད་ཅིག་གནང་རྒྱུའི་འགན་དབང་འཁུར་དགོས་པའི་དུས་ལ་བབ་ཡོད། ཡང་། བཅར་འདྲི་གཏོང་མི་ཨ་མདོ་བ་ཕོ་གསར་ཁྱེད་ནས་དེ་སྐོར་སྐུ་ངོར་དྲི་བ་མ་ཕུལ་བར་སྤོམ་འཇོག་བྱེད་དགོས་པའི་རྒྱུ་མཚན་དང་། འགན་འཁུར་གྱིས་གསལ་བཤད་བྱེད་དགོས། མི་མངས་ལ་གསལ་བཤད་ཅིག་ངེས་པར་གནང་རན་འདུག་སྙམ། །།