རྒྱ་ནག་དབྱིངས་འཕར་བསྡད་འདུག

རྒྱ་ནག་དབྱིངས་འཕར་བསྡད་འདུག
ཕྱི་ཚེས་ ༥ ཉིན་གྱི་ཞོགས་པའི་ཆུ་ཚོད་ ༩།༣༠ སྟེང་གངས་སྐྱིད་སྤྱི་ཐབས་ཚོགས་ཁང་དུ་བཙན་བྱོལ་བོད་གཞུང་ཕྱི་དྲིལ་ལས་ཁུངས་ཀྱི་ཁོར་ཡུག་དང་འཛུགས་སྐྲུན་སྡེ་ཚན་གྱི་གོ་སྒྲིག་འོག་ངྷ་སྟེང་བོད་ཁྱིམ་དང་ངྷ་ཤོད། གྷོ་པལ་པུར། སུ་ཇཱ། ཅོན་ཊཱ་ར་བཅས་ཀྱི་སློབ་ཕྲུག་ ༣༠ ཙམ་ལ་ཁོར་ཡུག་སྲུང་སྐྱོབ་སྐོར་ལ་ཟབ་སྦྱོང་ཞིག་སྤྲད་ཡོད། ཉིན་དེར་བོད་ཀྱི་གཙང་བོའི་ཉམས་ཞིབ་པ་བཀྲ་ཤིས་ཚེ་རིང་ལགས་ཀྱིས་བོད་ཀྱི་ཆུ་བོ་ཆེན་པོ་རྨ་ཆུ་དང་འབྲུ་ཆུ་སོགས་ནི་བོད་དང་རྒྱ་ནག ཨེ་ཤ་ཡའི་ཁྱིམ་ཚེས་རྒྱལ་ཁབ་ཁག་ལ་གལ་ཆེན་དུ་གྱུར་ཡོད་པ་དང་། རྒྱ་ནག་གི་འདས་པའི་ལོ་ ༡༥ ཙམ་རིང་ཆུ་མཛོད་རྒྱག་པ་དང་ཆུ་གློག་འཐེན་པ་གྲངས་ཉིས་ཁྲི་ཟིན་ཏེ། འཛམ་གླིང་ནང་ཨང་དང་པོར་ཆགས་ཡོད་པ་རེད་ལ། དེ་དག་ལ་བརྟེན་ནས་བོད་ཀྱི་ཞིང་འབྲོག་མང་ཚོེགས་ཚོ་ས་གཞན་ལ་གནས་སྤོར་དུ་འཇུག་བཞིན་ཡོད་སྟབས་བོད་མི་ཚོར་དཀའ་ངལ་ཆེན་པོ་སྤྲོད་བཞིན་ཡོད་པ་མ་ཟད། རང་བྱུང་ཁོར་ཡུག་ལའང་གནོད་རྐྱོན་གཏོང་གི་ཡོད་པ་རེད། བྱང་ཨ་རི་དང་ཨེ་ཤ་ཡའི་རྒྱལ་ཁབ་མང་བོས་སྔོན་མ་ཆུ་མཛོད་མང་བོ་བརྒྱབས་ཡོད་ནའང་ད་ལྟ་དེས་ནི་རང་བྱུང་ཁོར་ཡུག་དང་། འཚོ་གནས་བྱེད་མཁན་གྱི་དབུགས་ཐོག་ཚང་མར་དཀའ་ངལ་སྤྲོད་ཀྱིན་ཡོད་པ་ཤེས་རྟོགས་བྱུང་སྟེ། མར་བཤིག་གིན་ཡོད་ནའང་། རྒྱ་ནག་དབྱིངས་འཕར་བསྡད་པའི་སྒང་རེད་ཅེས་བརྗོད་བྱུང་།