རྙོག་སེལ་ནོར་བུ་དྭངས་ཤོས་ཤིག་རེད།

གསར་འགོད་ཤེས་བྱའི་སྤྱན་ཡངས་བོད་ཀྱི་དུས་བབ་ལས་བྱེད་ལྷན་རྒྱས་ལ།   
བོད་ཀྱི་དུས་བབ་འདོན་སྤེལ་བྱས་ནས་ལོ་བཅུ་འཁོར་བར་སྤྲོ་སེམས་འཁོལ་བའི་ངང་བཀྲ་ཤིས་བདེ་ལེགས་ཞུ།  ད་ལྟའི་དུས་རབས་དང་སྤྱི་ཚོགས་ཀྱི་འཕོ་འགྱུར་འདིའི་ཁྲོད་ཀུན་སློང་དང་བྱེད་ཐབས་བཟང་པོས་ཟིན་པའི་གསར་འགྱུར་བརྒྱུད་ལམ་ཁག་ནི་མེད་དུ་མི་རུང་བའི་སྤྱི་ཚོགས་ཡར་རྒྱས་ཀྱི་ཆ་རྐྱེན་ཞིག་ཡིན་པ་ལྟར།  བོད་ཀྱི་དུས་བབ་གསར་ཤོག་ནས་འདས་པའི་ལོ་བཅུའི་རིང་བཙན་བྱོལ་བོད་མིའི་སྤྱི་ཚོགས་ནང་གནས་འཕྲིན་ཕོ་ཉ་མགྱོགས་ཤོས་ཤིག་དང་ཤེས་བྱའི་མེ་ལོང་གསལ་ཤོས་ཤིག   རྙོག་སེལ་ནོར་བུ་དྭངས་ཤོས་ཤིག  མི་མང་གི་མགྲིན་ཚབ་པ་སྨྲ་མཁས་ཤོས་ཤིག་གི་གོ་བབས་ཟིན་ཡོད་པའི་ངོས་འཛིན་ཞུ་བཞིན་ཡོད།  མཁྱེན་གསལ་ལྟར་ལས་དོན་གང་ཡིན་ཡང་འདས་པ་ལས་མ་འོངས་པ་གལ་ཆེ་བས།  ཁྱེད་རྣམ་གྱིས་འབྱུང་འགྱུར་བོད་ཀྱི་དུས་བབ་ཀྱི་འཕྲིན་ལས་མི་ཉམས་གོང་འཕེལ་འགྲོ་བའི་ཐབས་ལ་མུ་མཐུད་འབད་པ་ལྷོད་མེད་གནང་བའི་གཞེན་སྐུལ་དང༌།  ལྷག་པར་གསར་ཤོག་འདིའི་ནང་བོད་གཞུང་དམངས་གཉིས་ཀྱི་མིག་སྔའི་གནས་ཚུལ་སྔར་ལས་མང་བ་འགོད་ཐུབ་ཚེ། རང་རེ་བོད་ཀྱི་ད་ལྟའི་དུས་བབ་འདིའི་ནང་གི་དུས་ལ་བབ་པའི་བྱ་བ་ཁག་ལ་ཐད་ཀར་ཕན་ཤུགས་དང་གསོན་ཤུགས་ཐེབས་ཏེ་བོད་ཀྱི་དུས་བབ་ཅེས་པའི་མཚན་དོན་ངོ་མ་སྔར་ལས་ལྷག་པའི་མངོན་འགྱུར་ཡོང་བ་མ་ཟད།  བོད་རང་དབང་གི་ཉིན་བྱེད་བསུ་བའི་སྐྱ་རེངས་ཤིག་ཏུའང་འགྱུར་ཐུབ་སྙམ་པའི་འཆར་སྣང་བཅས།  བོད་ཀྱི་དུས་བབ་གསར་ཤོག་གི་ཀློག་པ་པོ་འབྲིང་བ་འཇིགས་མེད་ཀྱིས་༢༠༠༧ ཟླ བརྗེ་ཚོང་ཕས་༡༥ཉིན་ཀིརྟིའི་བྱེད་པ་གྲྭ་ཚང་ནས་ཕུལ།