རྒྱལ་སྤྱིའི་བོད་དོན་ལས་འགུལ་ཁང་གིས་རྒྱལ་སྤྱིའི་ཉེས་ཡངས་ཚོགས་པ་དང་འཇར་མན་གྱི་ཞི་བདེའི་ལུས་རྩལ་ཅེས་པ་དང་མཉམ་འབྲེལ་གྱིས་འཛམ་གླིང་གི་ལུས་རྩལ་བ་དག་གིས་མཚན་རྟགས་བཀོད་པའི་ཞུ་ཡིག་ཅིག་བསྡུ་རུབ་གནང་གི་ཡོད་ལ། ཞུ་ཡིག་དེ་ཨོ་ལིམ་ོཔིག་མ་ཚུགས་སྔོན་གྱི་ཉིན་ཤས་ནས་ཧུའོ་ཅིན་ཐའོ་ལ་འབུལ་རྒྱུ་ཡིན་ཚུལ་འདུག་ལ། ད་ལྟའི་ཆར་ལུས་རྩབ་བ་བརྒྱ་ལྷག་གིས་ཞུ་ཡིག་དེར་མཚན་རྟགས་བཀོད་ཡོད་འདུག
ཞི་བདེའི་ལུས་རྩལ་ཞེས་པའི་ཞུ་ཡིག་དེའི་ནང་ཧུའོ་ཅིན་ཐའོ་ལ་ཞུས་དོན། བརྩེ་བའི་སྲིད་འཛིན་སྐུ་ཞབས་ཧུའོ་ལགས། ང་ཚོ་ཚང་མས་རྒྱ་ནག་གི་དབྱར་ཀའི་ཨོ་ལིམ་པིག་རྩེད་འགྲན་དེ་ལམ་ལྷོང་ཡོང་བ་དང་ཨོ་ལིམ་པིག་རྩེད་འགྲན་གྱི་ཕུགས་བསམ་མངོན་འགྱུར་ཡོང་བའི་རེ་བ་བྱེད་ཀྱིན་ཡོད། དེའི་རྐྱེན་གྱིས་ང་ཚོས་ཁྱེད་ལ་ཞུ་ཡིག་འབུལ་དོན་ནི། བོད་ཀྱི་གནད་དོན་འདིར་ཞི་བའི་ཐག་གཅོད་ཅིག་ཡོང་བ་དང་། ཁྱེད་ཀྱི་རྒྱལ་ཁབ་ནང་ཡོད་པའི་རྩོད་རྙོག་གཞན་པ་དག་ལའང་འགྲོ་བ་མིའི་ཐོབ་ཐང་གི་གཞི་རྩའི་རྩ་དོན་ལ་བརྩི་བཀུར་གྱི་སྒོ་ནས་ཐག་གཅོད་ཡོང་རྒྱུ་དང་། བོད་ཚུད་པའི་ཁྱེད་ཀྱི་རྒྱལ་ཁབ་ནང་གི་སྨྲ་བརྗོད་རང་དབང་དང་ཆོས་དད་རང་དབང་། བསམ་ཚུལ་རང་དབང་ལ་སྲུང་སྐྱོབ་བྱེད་རྒྱུ། འགྲོ་བ་མིའི་ཐོབ་ཐང་རྩོད་ལེན་བྱེད་མཁན་རིགས་ལ་ད་ནས་བཟུང་བཙོན་འཇུག་དང་འཇིགས་སྐུལ་མི་བྱེད་པའི་ཁག་ཐེག་བྱེད་རྒྱུ། དེ་བཞིན་སྲོག་ཁྲིམས་གཅོད་པ་ཡོངས་སུ་མཚམས་འཇོག་བྱེད་རྒྱུ་བཅས་ཡིན།
རྒྱ་ནག་ནི་འཛམ་གླིང་ཡོངས་ཀྱི་དོ་སྣང་བྱ་ཡུལ་དུ་གྱུར་ཡོད་པ་རེད། ཁྱེད་ཀྱིས་གནད་དོན་འདི་དག་ལ་ཐག་གཅོད་བྱེད་ཕྱོགས་དེས་ཨོ་ལིམ་པིག་རྩེད་འགྲན་དེ་ལམ་ལྷོང་ཡོང་མིན་དང་མ་འོངས་པར་འཛམ་གླིང་གི་མིག་ལམ་དུ་རྒྱ་ནག་གི་སྣང་བརྙན་དེ་ཅི་འདྲ་ཞིག་ཏུ་འགྱུར་རྒྱུ་ཐག་གཅོད་ཀྱི་ཡོད་པ་རེད།
ང་ཚོས་ཁྱེད་ཀྱིས་རྒྱ་ནག་ནང་གི་འགྲོ་བ་མིའི་ཐོབ་ཐང་ལ་བརྩི་བཀུར་བྱས་པ་བརྒྱུད་རྟག་བརྟན་གྱི་ཞི་བདེ་དང་འདུམ་འགྲིག་ཡོང་བར་ཞུ་སྐུལ་བྱེད་ཀྱི་ཡོད། ཅེས་བཀོད་ཡོད་པ་རེད།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
zm-Vïm-¼Ûm-qô-Vï-G®ôÅ-zôh-¤Û-ÇeôP-yG-¤P-qô-h¤¼-GÅôh-GbôP-¤Dm-hI-zô-¾G-h¤¼-ŸÛG-¾-hï-ºi-
སྤྱང་རྒན་ལ་ཤ་ཡི་ཉེས་དམིགས་གསུངས་ཀྱང་དམར་ཟས་སྤངས་ཐུབ་རྒྱུ་མ་རེད།
ཡོད་པ་རེད།