ཨོ་ལིམ་པིག་གྲོལ་མ་ཐག་རྒྱ་ནག་གཞུང་གིས་རྒྱ་མི་ས་ཡ་གཅིག་བོད་ནང་གནས་སྤོར་བྱེད་རྒྱུའི་ཉེན་ཁ་འདུག་ཅེས་༧གོང་ས་མཆོག་གིས་གསུངས་ཡོད་པ་རེད།
ཕྱི་ཚེས་ ༡༣ ཉིན་༧གོང་ས་མཆོག་གིས་ཧྥ་རན་སིའི་གྲོས་ཚོགས་འཐུས་མི་རྣམས་ལ་མཇལ་འཕྲད་གནང་བ་ལྟར། གྲོས་ཚོགས་འཐུས་མི་ཚོས་བཤད་དོན། ༧གོང་ས་ཏཱ་ལའི་བླ་མ་མཆོག་གིས་ཨོ་ལིམ་པིག་གྲོལ་མ་ཐག་རྒྱ་ནག་གཞུང་གིས་རྒྱ་མི་ས་ཡ་གཅིག་ལྷག་གང་མྱུར་སྒོས་བོད་ནང་གཞིས་སྤོར་བྱེད་དུ་འཇུག་རྒྱུའི་ཉེན་ཁ་འདུག་ལ། འདིས་བོད་མིའི་མི་འབོར་དེ་སྔར་ལས་ཤུགས་ཆུང་དུ་གཏོང་གི་རེད་ཅེས་གསུངས་སོང་ཟེར་ལ། ཏཱ་ལའི་བླ་མ་མཆོག་གིས་ང་ཚོར་བོད་ནང་གི་འཛིན་བཟུང་དང་མནར་གཅོད། ཁྲིམས་གཅོད། དམག་སྒར་གསར་པ་ཁག་ཏུ་དམག་མི་འཕར་སྣོན་བྱེད་པ་སོགས་ཐུགས་འཚབ་ཆེ་བའི་གནས་ཚུལ་སྐོར་གསུངས་བྱུང་ཟེར།
རྒྱ་ནག་ལ་སྐྱོན་བརྗོད་བྱེད་མཁན་དག་གིས། ༢༠༠༦ ལོར་བོད་ནང་མེ་འཁོར་སླེབས་པ་ནས་བཟུང་རྒྱ་མི་འབོར་ཆེན་བོད་ནང་སླེབས་ཏེ་བོད་ཀྱི་ཐུན་མོང་མ་ཡིན་པའི་རིག་གཞུང་གི་ངོ་བོ་དེ་དམིགས་བསལ་གྱིས་རླག་གི་འདུག་ཟེར་ལ། རྒྱ་ནག་གིས་འདི་ལ་ངོས་ལེན་མི་བྱེད་པར། དཔལ་འབྱོར་འཛུགས་སྐྲུན་སྔར་ལས་གོང་འཕེལ་ཆེ་ཞིང་བོད་ཀྱི་རིག་གཞུང་གཅེས་ཉར་བྱེད་ཀྱི་ཡོད་ཚུལ་དང་། རྒྱ་རིགས་མི་འབོད་ཉུང་ཉུང་ཞིག་མ་གཏོགས་བོད་ནང་གཏན་སྡོད་བྱེད་ཀྱི་མེད་ཚུལ་བརྗོད་ཀྱི་ཡོད་པ་རེད།
Tashi Delek to all brothers and Sisters
དམངས་གཙོ་ཀུན་ཀྱི་འདོད་ཡིན།
འདོད་དེར་དམར་ཤོག་ཞེད་འགྲོ
བློ་མཐུན་ཆགས་རྩིས་ཡོད་ན།
ཞེད་སློང་འགོང་བོ་རང་ཡིན།
ད་ང་རང་མགོ་འཐོམས་སོང་། ཏྰ་ལའི་བླ་མས་ཁ་གཅིག་ལས་ཚིག་གཉིས་གསུང་དོན་ཅི། ༡ དམར་ཤོག་ལམ་ལུགས་ངོས་ལེན་བྱེད་འཆར། ༢ རྒྱ་ནག་དམངས་གཙོར་བསྒྱུར་འོས་ཚུལ།
ཡང་སྙིང་ཁོང་མི་སུ་ཞིག་གི་གཡོ་འོག་ཏུ་ཚུད་ཀྱིན་ཡོད་དམ།
ང་ཚོས་བདེན་པ་བརྗོད་ནས་བདག་དབང་རྩོད་ཀྱིན་ཡོད་ཀྱང་། དེ་ལས་ཀྱང་འཇིགས་སྣང་ཆེ་བའི་ཉེན་ཁ་ཞིག་ནི་བོད་མི་རིགས་ཀྱིས་རང་གི་ངོ་གདོང་ངོ་མ་དེ་འབོར་བཞིན་པ་དེ་རེད།
གནས་ལུགས་འདི་ཤེས་ནས་ལོ་མང་པོ་འགོར་སོང་།
རྒྱ་ནག་གིས་བོད་ཀྱི་རིག་གཞུང་གཅེས་ཉར་བྱེད་རྒྱུ་ཡིན་ཟེར་བ་བདེན་པ་རེད། བོད་ཀྱི་དཔེ་རྙིང་དང་སྐུ་རྙིང་སོགས་དགོན་རྙིང་ཁག་གི་སྦུགས་སུ་ནས་གཅེས་ཉར་དང་འགྲེམས་སྟོན་ཁང་བཟོ་གི་ཡིན་པ་རེད། འོན་ཀྱང་བོད་ཀྱི་རིག་གཞུང་བེད་སྤྱོད་གཏོང་གི་ཡིན་ལབ་མེད། མདོ་དོན་བོད་ཀྱི་རིག་གཞུང་སྦུགས་ལ་བཅུག་ནས་གཅེས་ཉར་བྱེད་རྒྱུ་དང་། རྒྱ་མིའི་སྐད་དང་རིག་གཞུང་བེད་སྤྱོད་བཏང་ནས་གཅེས་བྱེད་འཆར་ཡོད་པ་རེད།
ཚེས་ ༡༣ ཉིན་༧གོང་ས་མཆོག་གིས་རྒྱལ་ས་ཕེ་རེ་སི་ནས། རྒྱལ་སྤྱིའི་གསར་ལམ་ཁག་ཏུ། ད་ལྟའི་བོད་མི་ཚོའི་ཞི་བའི་ངོ་རྒོལ་སོགས་ཀྱི་ཐད་ལ་གསུངས་དོན། ཁོང་ཉིད་ནི་བོད་རྒྱ་ཆེའི་མི་མང་གི་རང་དབང་མགྲིན་ཚབ་པ་ཅིག་ཡིན་པ་དང༌། བཙན་འོག་ཏུ་ཡོད་པའི་བོད་རྒྱ་ཆེའི་མི་མང་གི་མགྲིན་ཚབ་བྱེད་རྒྱུ་ནི་ང་ཏཱ་ལའི་བླ་མའི་རྩ་བའི་འོས་འགན་ཡིན་པ། ཐེངས་འདིའི་ཞི་བའི་ངོ་རྒོལ་གྱིས་བོད་མི་རིགས་ཀྱི་སེམས་གཏིང་གི་འཁོན་འཛིན་གསལ་བོ་བསྟན་ཡོད་པ་རེད། ཅེས་གསུངས་ཡོདཔ་རེད། ༡༩༥༩ ལོ་ནས་བཙན་བྱོལ་དུ་གྱར་བའི་ལོ་ཟླའི་ནང༌། རང་ཉིད་ཉམས་མྱོང་མང་པོ་ཐོབ་པ་དང༌། རང་དབང་གི་ལས་འགུལ་ཁྲོད་ནས་རང་དབང་གི་འཚོ་བ་སོགས་ལོངས་སྤྱོད་བྱས་ཡོད་ཀྱང༌། དུས་རབས་ཕྱེད་ཀ་ཙམ་ལ་བཙན་འོག་ཏུ་དཀའ་ངལ་མྱོང་བཞིན་པའི་བོད་རྒྱ་ཆེའི་མི་མང་གི་དོན་དུ་ཐུགས་སེམས་སྐྱོ་བོ་ཡོད་པ་ཡང་གསུངས་འདུག
རྒྱ་ནག་དང་འབྲེལ་མོལ་གྱི་གནས་སྟངས་ཐད་གསར་འགོད་པ་ཚོས་དོགས་འདྲི་བྱས་པར། ཁོང་གིས། སྐུ་ཚབ་ཚོ་བློ་ཕམ་བྱུང་ཡོད་ཀྱང༌། དེ་ནི་དེ་སྔོན་གྱི་གྲུབ་འབྲས་སོགས་དང་བསྡུར་ན་ཡར་རྒྱས་ཀྱི་རྣམ་པ་ཡོད་པ་དང༌། བཙན་བྱོལ་ཕྱོགས་ནས་མུ་མཐུད་དུ་འབྲེལ་མོལ་བྱ་རྒྱུའི་འཆར་གཞི་ཡོད་ལ། ནང་དོན་སོགས་ཟླ་ ༩ བའི་ནང་བཙན་བྱོལ་བོད་གཞུང་གི་བོད་མི་མང་སྤྱི་འཐུས་ལྷན་ཚོགས་ཀྱིས་བགྲོད་གླེང་བྱེད་རྒྱུ་ཡིན་པ་སོགས་ཀྱི་སྐོར་ཡང་གསུངས་ཡོད་འདུག
༧གོང་ས་མཆོག་གིས་གསར་འགོད་པ་ཚོར་བོད་དོན་ལ་སྤྲོ་བ་ཡོད་པར་བཀའ་དྲིན་ཞུས་ཤིང༌། ད་དུང་བོད་ཀྱི་གནད་དོན་ནི། བོད་ཀྱི་འཐབ་རྩོད་མིན་པར་བདེན་པའི་འཐབ་རྩོད་ཅིག་ཡིན་པ་དང༌། གསར་འགོད་པ་ཚོ་ཡིན་ཡང༌། ད་ལྟའི་བོད་ཀྱི་གནས་བབས་ལ་ཕྱོགས་ལྷུང་བྲལ་བའི་རི་མོ་ཞིག་རང་གི་མི་མང་ལ་ངོ་སྤྲོད་ཞུ་རྒྱུའི་ལས་འགན་ཡོད་པར་གསུངས་ཡོད། ཡང་གསར་འགོད་པ་ཚོས། ཧྥ་རན་སིའི་སྲིད་འཛིན་སར་ཁའོ་སི་༧གོང་ས་མཆོག་དང་མཇལ་འཕྲད་མ་གནང་བའི་སྐོར་བཀའ་འདྲི་ཞུས་སྐབས། ཁོང་གིས། ནུབ་ཕྱོག་རྒྱལ་ཁབ་ཚོས་རྒྱ་ནག་དང་མཛའ་མཐུན་འཆམ་གནས་བྱེད་དགོས་པ་ཧ་ཅང་གལ་ཆེན་པོ་ཅིག་ཡིན་པ་དང༌། འཛམ་གླིང་དམངས་གཙོ་ཡིན་པའི་སྐབས་འདིར་རྒྱ་ནག་གཅིག་པུ་ཁེར་རྐྱང་དུ་འཇོག་མི་རུང་བའི་འགན་དེ་འཛམ་གླིང་མི་མང་ཚང་མར་ཡོད་པ་དང། ཁྲིམས་ལུགས་དང་ཆོས་ལུགས་རང་དབང༌། འགྲོ་བ་མིའི་ཐོབ་ཐང་སོགས་ཀྱི་རིན་ཐང་གླེང་སྐབས། འཛམ་གླིང་མི་མང་ལ་བློ་རྩ་བརྟན་པོ་དགོས་ཞེས་བཀའ་སློབ་གནང་ཡོད་པ་རེད།
༧གོང་ས་མཆོག་གིས་ཧྥ་རན་སིར་ཡོད་པའི་བོད་མི་ཚོར་ཧྥ་རན་སིར་ཡོད་པའི་རྒྱ་མི་རིགས་དང་བོད་མི་རིགས་བར་མཛའ་མཐུན་འཆམ་གནས་དགོས་པའི་འབོད་སྐུར་བཏང་ཡོད་པ་རེད།
ཚེས་ ༡༣ ཉིན་འཛིན་བཟུང་བྱས་པའི་བོད་རང་དབང་སློབ་ཕྲུག་ཚོགས་པའི་ལས་འགུལ་སྤེལ་མཁན་མི་སྣ་བརྒྱད་པོ་དེ་རིང་ཚེས་༡༤ ཉིན་རྒྱ་ནག་ནས་ཕྱིར་ཕུད་བཏང་འདུག
荡邦︽ 吧八 册稗︽伴刀稗︽搬等爸︽锤邦︽斑敌︽捶拜︽半爸︽拜搬爸︽蝶搬︽幢罢︽档罢邦︽斑敌︽办邦︽伴贬办︽厨办︽扳霸稗︽脆︽池︽搬兵拜︽冲︽炒︽地爸︽荡邦︽吧疤 册稗︽兵︽稗罢︽稗邦︽传半︽揣拜︽搬佰爸︽伴吵罢