མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

བཀའ་བློན་ཁྲི་བའི་རྗེས་སྐྱོང་བ།

བོད་ཀྱི་དུས་བབ།
༢༠༠༨/༠༩/༡༠
Share on FacebookShare on TwitterShare on EmailShare on Whatsapp

 

འཕོ་འགྱུར་དང་གདམ་ཀ་གལ་ཆེན་ཞིག
སྤྱི་ལོ་ ༢༠༡༡ ལོའི་བཀའ་བློན་ཁྲི་བ་འོས་འདེམས།

 
བཀའ་བློན་ཁྲི་བ་ལས་ཐོག་པ་མཁས་དབང་ཟམ་གདོང་རིན་པོ་ཆེ། བཙན་བྱོལ་བོད་གཞུང་གི་སྲིད་བློན་མཆོག་གི་མཛད་འགན་སྤྱི་ལོ་༢༠༡༡ ལོའི་ཟླ་ ༨ པར་མཇུག་རྫོགས་རྒྱུར་ད་དུང་ལོ་ཤས་ཀྱི་དུས་ཚོད་ཡོད་མོད་ཀྱང༌། དེ་ཡི་རྗེས་སུ་ང་ཚོས་བཀའ་བློན་ཁྲི་བའི་འོས་གཞི་ཞིག་འདེམས་འཚོལ་འགོ་འཛུགས་བྱ་རྒྱུའི་དུས་སྐབས་ཆེས་རྩ་ཆེན་ཞིག་ཡིན། ད་ལྟ་ང་ཚོར་རླབས་ཆེ་བའི་དབུ་ཁྲིད་ཅིག་འཚོལ་རྒྱུའི་དུས་ཡུན་ལོ་གསུམ་ཡོད། བཀའ་བློན་ཁྲི་བའི་འོས་མི་གསར་བ་ཞིག་འཚོལ་རྒྱུར་དུས་ཡུན་འགྱང་པ་ཡིན་ན་ང་ཚོས་འགན་མ་འཁུར་བའི་མཚོན་རྟགས་ཤིག་རེད་ལ། དེ་ལས་དུས་ཡུན་རིང་པོར་འགྱང་ན་ཆག་སྒོ་ཆེན་པོ་ཞིག་ཏུ་ཚུད་ངེས་རེད་སྙམ།

བཀའ་བློན་ཁྲི་བ་རྗེས་མ་དེའི་ལས་ཡུན་ལོ་ལྔར་ཐུགས་གཏན་འཁེལ་ཡོད་པས། དུས་ཡུན་དེ་ནི་ཆེས་གནད་འགག་ཅན་གྱི་དུས་སྐབས་ཤིག་རེད། སྐབས་དེར་ྋསྤྱི་ནོར་ྋགོང་ས་སྐྱབས་མགོན་མཆོག་དགུང་གྲངས་བརྒྱད་ཅུ་གྱ་གཅིག་ཙམ་ལ་ཕེབས་པར་བརྟེན་བཀའ་ཁྲི་རྗེས་མའི་ལས་འགན་ཡོངས་སུ་མཇུག་སྒྲིལ་གྱི་ཡོད། དེར་བརྟེན། སྐབས་རྗེས་མའི་བཀའ་བློན་ཁྲི་བའི་ལས་སྣེ་དེ་ཆེས་གལ་ཆེན་ཞིག་ཏུ་གྱུར་ཡོད། བཀའ་བློན་ཁྲི་བའི་འོས་མི་ཆེས་མཚན་ཉིད་དང་ལྡན་པ་ཞིག་འོས་གཞིའི་ཁྲོད་སླེབས་རྒྱུ་ནི་ཁ་ཚ་དགོས་གཏུག་ཅིག་ཡིན། བཀའ་བློན་ཁྲི་བ་རྗེས་མའི་འོས་མི་དེ་ལ་དབུ་ཁྲིད་ཀྱི་འཇོན་ཐང་དམིགས་བསལ་ཡོད་པ་དང༌། སྲིད་གཞུང་སྣེ་ཁྲིད་ཀྱི་ཐབས་རྩལ་ཁྱད་འཕགས་ལྡན་པ། གཞོན་སྐྱེས་ཚོའི་བློ་ངོར་འབབ་པའི་ལྟ་ཚུལ་གསར་པ་དང༌། མི་མང་གི་སྤྲོ་སྣང་འདྲེན་པའི་སྟོབས་ཤུགས་འདང་ངེས་པའི་ཆ་རྐྱེན་དག་ཚང་ཡོད་པ་ཞིག་ཡིན་དགོས།

རྒྱབ་ལྗོངས།

སྤྱི་ལོ་ ༢༠༠༠ ལོར་ྋསྤྱི་ནོར་ྋགོང་ས་སྐྱབས་མགོན་མཆོག་གིས། བཀའ་བློན་ཁྲི་བ་དེ་མི་མང་གི་ངོས་ནས་ཐད་ཀར་འོས་འདེམས་བྱ་རྒྱུའི་དགོངས་འཆར་གསལ་བོར་བཏོན་གནང་བ་དང༌། དེ་ནས་བཟུང་སྟེ་བོད་མི་མང་གི་དབུ་ཁྲིད་དེ་ྋསྐྱབས་མགོན་རིན་པོ་ཆེས་བསྐོ་འཇོག་གནང་རྒྱུ་མིན་པ་དང༌། ཡང་ན་སྐྱབས་བཅོལ་བོད་གཞུང་གི་གྲོས་ཚོགས་ཀྱི་འཐུས་མི་ཚོ་ཡང་དམིགས་བསལ་ཐད་བསྐོ་མེད་པར་གྱུར་ཡོད། ལོ་རྒྱུས་སྟེང་གི་གལ་ཆེ་བའི་བརྡ་ཁྱབ་འདི་ནི་ཁ་འཐོར་དུ་གནས་པའི་བོད་རིགས་ཚོར་གོ་སྐབས་གལ་ཆེན་ཞིག་ཀྱང་གནང་པ་རེད།

སྲིད་བློན་ཞིག་འོས་འདེམས་བྱ་རྒྱུའི་ལས་འགན་དང་གཟི་བརྗིད་དང་ལྡན་པའི་ཐོབ་ཐང་དེ་བོད་མི་ཚོའི་ལག་ཏུ་ཡོད་པའི་རྐྱེན་གྱིས་འཛམ་གླིང་གང་སར་གནས་པའི་བོད་རིགས་ཚོས་སྤྲོ་གནང་དང་བཅས་བརྡ་ལན་ཡང་དག་པ་ཞིག་སྤྲོད་རྒྱུ་ནི་ཆེས་གལ་འགངས་ཆེན་པོ་ཞིག་ཡིན། བཀའ་ཁྲིའི་འོས་མི་དག་བཙལ་འཚོལ་དང་འདེམས་སྒྲིག་བྱེད་ཆེད་དུ་ང་ཚོས་དམིགས་ཡུལ་འཛིན་ས་ནི་འོས་མི་དེ་མ་མཐའ་ཡང་ཟམ་གདོང་རིན་པོ་ཆེ་མཆོག་དང་འདྲ་བར་གཏོང་ཕོད་ཆེ་བ་དང་སྲིད་གཞུང་གི་ཆེད་དུ་སྐུ་ངལ་ཚད་མེད་སྐྱོན་མཁན་ཁོང་དང་འདྲ་བ་ཞིག་དགོས། བཀའ་ཁྲི་ཟམ་གདོང་རིན་པོ་ཆེ་མཆོག་གིས་དེང་སྐབས་བཀའ་བློན་སྐབས་གཉིས་པའི་ཕྱག་ལས་གནང་བཞིན་ཡོད་ལ། ཁོང་སྤྱི་ལོ་༢༠༠༡ ལོར་ཐོག་མར་བཀའ་བློན་དུ་བདམས་པ་དང༌། སྤྱི་ལོ་༢༠༠༦ ལོར་སྐབས་གཉིས་པའི་བཀའ་ཁྲིར་བསྐྱར་འདེམས་བྱུང་བ་རེད།

ལས་འཆར་དངོས།

ངའི་བསམ་པར་འདི་ནི་ཆེས་གལ་འགངས་ཆེ་བ་ཞིག་ཡིན་པ་དང༌། ང་ཚོའི་ལས་འཆར་འདིར་བོད་རིགས་ཡིན་ཚད་ཞུགས་ཆོག་པ་དང༌། ཁོང་ལ་དབུ་ཁྲིད་ཀྱི་འཇོན་ནུས་ཡོད་པའི་བདེན་དཔང་ཁག་དང༌། ཁོང་རྣམས་ཀྱི་མཚན་བཅས་ངོ་སྤྲོད་གནང་སྟེ། སྤྱི་ལོ་ ༢༠༡༡ ལོའི་བཀའ་བློན་འོས་འདེམས་ཀྱི་འོས་མིའི་ཁྲོད་འཛུལ་ཞུགས་བྱས་ཆོག་པའི་འཆར་འགོད་ཅིག་བཟོ་དགོས་ཀྱི་འདུག ལོ་འདི་དག་གི་རིང་ལ་ཁ་འཐོར་དུ་གནས་པའི་བོད་མི་ཚོར་ཆབ་སྲིད་ཀྱི་དབུ་ཁྲིད་མང་དག་ཅིག་གིས་ཁྱད་ནུས་ལྡན་པའི་ཞབས་འདེགས་ཞུས་མྱོང་སྟབས་མི་སྣ་དེ་དག་གིས་ང་ཚོར་ཁེ་ཕན་ཆེན་པོ་བྱུང་ཡོད་པ་རེད། ངས་ཁོང་ཚོ་མང་པོ་ཞིག་ང་ཚོའི་ཡོང་རྒྱུའི་བཀའ་བློན་ཁྲི་བའི་འོས་འདེམས་ཁྲོད་ཞུགས་མཁན་དག་ཡིན་པའི་རེ་བ་ཆེན་པོ་བཅིངས་ཡོད།

ཡིན་ན་ཡང༌། གོང་གི་དབུ་ཁྲིད་ཁག་མིན་པའི་གཞན་བོད་མི་སུ་ཞིག་ལ་བསམ་ཚུལ་མི་དང་ཐབས་ཤེས་མི་འདྲ་བ་ཡོད་མཁན་མང་པོ་ཞིག་ལ་རྒྱབ་སྐྱོར་བྱེད་མཁན་ཡང་མང་པོ་ཡོད་པ་མ་ཟད། དམིགས་བསལ་གྱི་དབུ་ཁྲིད་བྱེད་པར་གྲ་སྒྲིག་ཆ་ཚང་ལྡན་པའི་གཞོན་སྐྱེས་ཚོ་ལ་ཡང་གོ་སྐབས་ཡོད་པ་རེད། དེར་བརྟེན་གཞོན་སྐྱེས་ཚོ་འོས་འདེམས་ཁྲོད་འཛུལ་ཞུགས་བྱ་ཆོག་རྒྱུ་དེ་གལ་ཆེན་ཏུ་གྱུར་ཡོད་པས་འབྱུང་འགྱུར་གྱི་འོས་འདེམས་དེ་གོ་སྐབས་གལ་གནད་ཅན་ཞིག་ཀྱང་ཡིན། དེང་སྐབས་ཀྱི་བཙན་བྱོལ་བོད་མིའི་མི་འབོར་བརྒྱ་ཆ་བདུན་ཅུ་དོན་ལྔ་ལོ་ཚོད་ཞེ་ལྔའི་མན་ཡིན། དེ་ལྟའི་ལོ་ཚོད་ཅན་གྱིས་བཀའ་ཁྲིའི་འོས་མིའི་ཆ་ཤས་བླང་བ་ཡིན་ན་ང་ཚོའི་ཆབ་སྲིད་ཀྱི་འགྲོ་སྟངས་ལ་གསོན་ཤུགས་གསར་བ་ཞིག་རྒྱས་ངེས་ཡིན་པར་སེམས།

འོས་མི་འདྲ་མིན་སྣ་ཚོགས་འཛོམས་ཐུབ་པའི་ཁོར་ཡུག་བཟང་པོ་བསྐྲུན་པ་དེས་འབྱུང་འགྱུར་གྱི་བཀའ་བློན་ཁྲི་བ་དེ་དོན་དང་ལྡན་པའི་འདེམས་སྒྲུག་གི་གོ་སྐབས་བླ་མེད་ཅིག་ཐོབ་ངེས་རེད། ང་ཚོའི་བཅའ་ཁྲིམས་རིན་པོ་ཆེའི་ནང་འོས་མི་ཚོར་ཐབས་ཤེས་འདྲ་མིན་སྣ་ཚོགས་ཡོད་པ་ཞིག་དགོས་ཞེས་འཁོད་ཡོད་རེད། དེ་ལ་བརྟེན་ནས་ང་ཚོ་ལ་དབུ་ཁྲིད་འཇོན་ཐང་དང་ཉམས་མྱོང་ཚད་ལྡན་ཡོད་པ་ཞིག་དགོས་པ་དེ་ཡང་བསྟན་ཡོད་པ་རེད། འོས་མི་དེ་ནི་མི་མང་གི་ཆེད་དུ་སྐད་ཆ་བཤད་ཐུབ་མཁན་ཞིག་དང་མི་མང་གི་བློ་འགེལ་ཆོག་པ་ཞིག་ཡིན་དགོས། 

ལས་རིམ་དངོས།

·    ངས་བཀའ་བློན་ཁྲི་བ་ཟེར་བའི་དྲ་རྒྱ་ཞིག་བཟོ་སྐྲུན་བྱ་རྒྱུ་དང༌། དྲ་གནས་དེར་ཁ་འཐོར་དུ་གནས་བའི་བོད་རིགས་ཚང་མ་མགྲོན་དུ་བོས་ནས་ཁོང་ཚོ་རང་ཉིད་ཡིད་ཆེས་ཡོད་སའི་བཀའ་བློན་ཁྲི་བ་རྗེས་མའི་འོས་མི་ཡག་ཤོས་དེ་དག་གི་མཚན་ཐོ་འདོན་དུ་འཇུག་རྒྱུ།

·    བཀའ་བློན་ཁྲི་བའི་དྲ་རྒྱ་དེ་སྤྱི་ལོ་༢༠༠༨ ལོའི་ཟླ་བཅུ་པར་སྒོ་འབྱེད་རྒྱུ་དང༌། མི་སྣའི་མཚན་ཐོ་ངོ་སྤྲོད་བྱ་རྒྱུ་ནི་འོས་འདེམས་ཀྱི་བརྒྱུད་རིམ་ཁྲོད་དགོས་ངེས་ཤིག་ཡིན། འོས་མི་གསར་བ་ཚོར་སྟེགས་བུ་དེར་དངོས་སུ་སླེབས་ཐུབ་པ་དང༌། རང་གི་ཉམས་མྱོང་ནུས་ཤུགས་ཕྱིར་སྟོན་བྱེད་པར་བགྲོ་གླེང་བྱ་རྒྱུའི་དུས་ཚོད་འདང་ངེས་དགོས་པ་རེད། ང་ཚོའི་བཅའ་ཁྲིམས་རིན་པོ་ཆེར་ཡང་འོས་མི་ཚོའི་ནུས་ཤུགས་དང་འཇོན་ཐང་ཤེས་ཐུབ་པའི་དུས་ཡུན་ཞིག་དགོས་པ་གསལ་ཡོད་པ་རེད། དེར་བརྟེན་ལོ་གསུམ་གྱི་གོང་ནས་འགོ་བཙུགས་པ་དེ་སྔ་དྲགས་པ་ཞིག་གཏན་ནས་མིན།

·    གལ་སྲིད་དྲ་རྒྱའི་ནང་དུ་མིང་ཐོ་འགོད་མཁན་ཞིག་ཡིན་ན། འོས་མི་དེ་ལ་ངེས་པར་དུ་རང་བཙན་ལག་དེབ་ཡོད་པའི་བོད་མི་ལྔ་བཅུའི་རྒྱབ་སྐྱོར་ཡོད་དགོས། རང་བཙན་ལག་དེབ་དེ་ཡང་ས་གནས་བོད་མིའི་བདེ་དོན་ལས་ཐོག་གིས་དག་མཆན་ཡོད་དགོས།

·    དྲ་རྒྱའི་སྟེང་འོས་མི་རྣམ་པའི་འདྲ་པར་རེ་དང་ལོ་རྒྱུས་མདོར་བསྡུས་ཞིག་དགོས་ངེས་ཐོག འོས་མི་ཚོར་ཡང་སོ་སོའི་ཁྱད་ནུས་འདོན་སའི་ས་མིག་ཤིག་དྲ་རྒྱའི་སྟེང་འགོད་རྒྱུ་ཡིན།

·    དྲ་རྒྱའི་སྟེང་དུ་འདེམས་ཐོན་འོས་མི་ཁ་ཤས་སླེབས་པའི་མཚམས་སུ། བོད་ཀྱི་བརྙན་འཕྲིན་དང༌། རླུང་འཕྲིན། ཚགས་པར་དང་དུས་དེབ་སོགས་གསར་འགྱུར་རྒྱུད་ལམ་ཁག་བཅས་སུ་འོས་མི་ཚོ་ངོ་སྤྲོད་བྱ་རྒྱུ་དང་བཅར་འདྲི་བྱེད་རྒྱུའི་འབོད་སྐུལ་ཞུ་རྒྱུ་སོགས་དང༌། དངོས་གཞིའི་འོས་བསྡུ་དང་ཉེ་བའི་སྐབས་སུ་བཞུགས་སྒར་རྡ་རམ་ས་ལར་གཟུགས་མཐོང་བརྙན་འཕྲིན་བརྒྱུད་ཐད་གཏོང་བགྲོ་གླེང་ཞིག་བསྐོང་ཚོགས་བྱ་རྒྱུའི་འཆར་གཞི་བཀོད་ཡོད།

·    དྲ་རྒྱ་དེ་བོད་གཞུང་དབུས་འོས་བསྡུ་ལྷན་ཁང་གིས་བཀའ་བློན་ཁྲི་བ་རྗེས་མའི་འོས་མི་གསལ་བསྒྲགས་མ་བྱས་གོང་གི་ཟླ་ཤས་གོང་ནས་སྒོ་བརྒྱག་རྒྱུ་ཡིན།

དགོས་པ་དང་དམིགས་ཡུལ། 

ཐོག་མར་ངས་དམིགས་བསལ་གསལ་བཤད་བྱེད་དགོས་པ་ཞིག་ལ་ངའི་ལས་འཆར་འདི་ང་རང་སྒེར་ངོས་ནས་བརྩམས་པ་ཞིག་ལས་ཚོགས་སྡེ་གང་རུང་གི་སྟངས་འཛིན་འོག་མེད། ཡིན་ན་ཡང་བཞུགས་སྒར་རྡ་རམ་ས་ལར་ཡོད་པའི་གཞུང་ཞབས་མི་སྣ་དང༌། གཞུང་འབྲེལ་མིན་པའི་ཚོགས་པ་དང་དེ་བཞིན་དུ་ས་གནས་ཀྱི་ཚོགས་པའི་འགོ་ཁྲིད་ཚོ་དང་ལྷན་དུ་གྲོས་མོལ་གཏིང་ཟབ་བྱས་འབྲས་ལ་བརྟེན་ནས་བསམ་འཆར་འདི་བཏོན་པ་ཞིག་ཡིན།

ལས་འཆར་འདི་ལེགས་འགྲུབ་ཡོང་ཆེད་དང༌། སྤྱི་ཚོགས་ཁྲོད་ནས་ཀྱང་ལས་འགན་འདི་ལེགས་འགྲུབ་ཡོང་ཆེད་དུ་གཤམ་གསལ་གྱི་དོན་ཚན་འདི་གཉིས་བཏོན་པ་ཡིན། 

༡༽ མི་སྣ་འདེམས་སྒྲུག་དེ་རྒྱ་ཁྱབ་རང་བཞིན་ཞིག་ཡོང་ཆེད་བཀའ་བློན་ཁྲི་བའི་འོས་མིར་འཛུལ་ཞུགས་བྱ་མཁན་གྱི་ཁྱབ་ཁུངས་རྒྱ་ཆེ་རུ་གཏོང་དགོས་ཀྱི་འདུག

༢༽ འོས་མི་འདེམས་སྒྲུག་བྱེད་པར་དུས་ཚོད་འཕྱི་དྲགས་པ་དང་ཡང་ན་གཤམ་གསལ་གྱི་གནད་དོན་གཉིས་ལ་བརྟེན་ནས་ལས་ཀ་བྱེད་པའི་སྐབས་སུ་དུས་ཚོད་མང་པོ་ཞིག་གཏོང་དགོས། དཔེར་ན།

དང་པོ། གལ་ཏེ་ང་ཚོ་རང་ངོས་ནས་བཀའ་བློན་ཁྲི་བ་རྗེས་མའི་འོས་མི་མ་རྙེད་པའི་རྐྱེན་གྱིས། མཐའ་མར་བཙན་བྱོལ་སྤྱི་འཐུས་གྲོས་ཚོགས་བརྒྱུད་ནས་ྋགོང་ས་མཆོག་གིས་བཀའ་བློན་ཁྲི་བ་རྗེས་མ་ཐད་བསྐོ་བྱེད་པར་སྐྱབས་འཇུག་ཞུ་དགོས་འབྱུང་ངེས་པ་དང༌།

གཉིས་པ་འོས་མི་ཆེས་ཉུང་ཤོས་ཞིག་ལས་མེད་སྟབས་གསར་འདེམས་བྱུང་བའི་འོས་མི་ཚོ་འོས་བསྡུའི་འགྲན་རྩོད་ཁྲོད་འཐབ་རྩོད་མེད་པར་རང་བཞིན་གྱིས་ཐོབ་འགྲོ་བ་ཞིག་དང༌། དེ་ལ་བརྟེན་ནས། འོས་མི་ཚོས་དོན་དངོས་ཀྱི་འཐབ་རྩོད་འདི་དང་ཁ་བྲལ་ཏེ་བཀའ་བློན་ཁྲི་བར་འགྱུར་འགྲོ་པ་རེད།

དེ་གཉིས་ལ་བརྟེན་ནས་ང་ཚོས་གང་ཡོང་གི་ཐབས་ཤེས་གནང་སྟེ་གོང་གསལ་གྱི་དོན་རྐྱེན་འདི་གཉིས་ལྟ་བུ་འབྱུང་དུ་འཇུག་མི་རུང༌།

མཇུག་གི་གཏམ།

གོང་གི་ལས་འཆར་འདིའི་འགོ་བརྗོད་ནང་བཤད་པ་གཞིར་བཟུང་ད་ལྟ་ང་ཚོའི་འདེམས་བསྐོའི་ལས་དོན་ལ་འགྱུར་བ་གཏོང་དགོས་པའི་དུས་སྐབས་གལ་ཆེན་ཞིག་ཏུ་སླེབས་ཡོད། མ་ཟད་དེང་དུས་ཀྱི་དྲ་རྒྱའི་འཕྲུལ་རྩལ་ལ་བརྟེན་ནས་ང་ཚོའི་སྤྱི་ཚོགས་ཀྱི་འགན་འཁུར་བ་རྣམ་པར་སོ་སོའི་བསམ་ཚུལ་བཤད་སའི་སྡིངས་ཆ་ཞིག་བསྐྲུན་པ་མ་ཟད། བོད་མི་དཀྱུས་མ་ཡོངས་ལའང་ཆེས་རྩ་ཆེ་བའི་དོན་ཆེན་ཐད་ལ་བགྲོ་གླེང་བྱས་ནས་སོ་སོས་བློ་གཏད་བཅོལ་སའི་འགོ་ཁྲིད་ཅིག་འདེམས་བསྐོ་བྱ་རྒྱུའི་གོ་སྐབས་ཡོད་པ་རེད། ངས་འབོད་སྐུལ་ཞུས་པ་འདི་གསར་བ་ཞིག་ཡིན་ཡང་ྋགོང་ས་མཆོག་གིས་སྐུ་ངལ་འཛེམ་མེད་ཀྱིས་བོད་མི་ཚོར་ཚད་ལྡན་གྱི་དམངས་གཙོའི་ལམ་ལུགས་ཞིག་གནང་བ་དེ་ལ་གུས་འདུད་རྒྱབ་སྐྱོར་ཤུགས་ཆེན་བྱས་པ་ཞིག་ཡིན།

འོས་མི་ཤེས་འཇོན་ལྡན་ཞིང་བསམ་ཚུལ་འདྲ་མིན་སྣ་ཚོགས་ཡོད་པའི་ཚོགས་པ་ཞིག་བསྡུ་རུབ་བྱས་ཏེ། མཁོ་ངེས་པའི་ལྟ་ཚུལ་གསར་བ་གང་མང་བརྗེ་རེས་བྱེད་ཐུབ་པ་ཡིན་ན། ཚད་དང་ལྡན་པའི་ཆབ་སྲིད་ཀྱི་ཚོགས་པ་ཞིག་མཐའ་མར་འབྱུང་ངེས་རེད། དེ་ལ་བརྟེན་ནས་ང་ཚོའི་ཆབ་སྲིད་ཀྱི་འགྲོ་ལུགས་གྲུང་ཤ་དོད་པ་ཞིག་ལ་རེ་བའང་བརྒྱབ་ཆོག་གི་རེད། དེ་ལྟའི་གསར་བ་ཡིན་ལ་ཤེས་འཇོན་སྣ་ཚོགས་ཡོད་པའི་འོས་མི་ཚོ་ལ་བརྟེན་ནས་ང་ཚོས་དུས་རྒྱུན་སེམས་འཁུར་བྱེད་པའི་གནད་དོན་དག་གླེང་སློང་ཤུགས་ཆེར་བྱེད་ཐུབ་པའི་ཁོར་ཡུག་ཡག་པོ་ཞིག་བསྐྲུན་ཐུབ་ངེས་རེད།

མཐའ་མ་དེར་ངའི་ལས་གཞི་འདིར་རྒྱབ་སྐྱོར་དང་དེ་བཞིན་དྲ་རྒྱ་འདི་ཡར་རྒྱས་གཏོང་རྒྱུ་དང་ཡིག་བསྒྱུར་གྱི་འགྲོ་སོང་སོགས་ལ་ཞལ་འདེབས་གནང་རྒྱུར་སྙིང་ཐག་པ་ནས་དགའ་བསུ་ཞུ་རྒྱུ་ཡིན།

ཐུགས་རྗེ་ཆེ།
ཁ་ན་ཌའི་གྲོང་ཁྱེར་མོན་ཁྲིར་རི་ཡ་རུ་གནས་སྡོད་ཐུབ་བསྟན་བསམ་འགྲུབ་ཀྱིས།  ཡིག་བསྒྱུར་པ། གནམ་ལྷ་ཚེ་རིང་།

འབྲེལ་ཡོད་གསར་འགྱུར།

ས་རཱ་བོད་རིག་པའི་བགྲོ་གླེང་ཐེངས་བཅོ་བརྒྱད་པ་དབུ་འཛུགས་གནང་བཞིན་པ། བོད་ཀྱི་དུས་བབ་གསར་ཁང་གི་པར། ༢༠༢༥།༡༠།༦
Mobile App

ས་རཱ་མཐོ་སློབ་ཏུ་བོད་རིག་པའི་བགྲོ་གླེང་ཐེངས་བཅོ་བརྒྱད་པ་དབུ་འཛུགས་གནང་སོང་།

ཆུ་ཚོད་ ༡༦ སྔོན་ལ།
Mobile App

དབུས་བོད་ཀྱི་གཞོན་ནུ་ལྷན་ཚོགས་ཀྱི་རྒྱུན་ལས་གསར་པ་བདམས།

ཆུ་ཚོད་ ༡༦ སྔོན་ལ།
[1/4] A screen capture from video shows trekkers leaving their campsite, as unusually heavy snow and rainfall pummeled the Himalayas, in the Tibet Region, China, October 5, 2025. Geshuang Chen/Handout via REUTERS Purchase Licensing Rights
Mobile App

ཇོ་མོ་གླང་མའི་གནམ་གཤིས་ལ་འགྱུར་ལྡོག་ཆེ་རྐྱེན་མི་མང་པོ་ཉེན་ཁའི་གནས་སུ་གྱར་ཡོད་འདུག  

ཆུ་ཚོད་ ༡༨ སྔོན་ལ།
༧གོང་ས་རྒྱལ་བ་རིན་པོ་ཆེ་མཆོག་ནས་ཁན་ཊིར་བྷ་རིའི་བུད་མེད་དབུ་བླ་ཐོག་མར་འཚམས་འདྲི་མཛད། པར་དུས་བབ་ཀྱིས་བསྒྲིགས།
༧གོང་ས་མཆོག གསུང་འཕྲིན།

༧གོང་ས་མཆོག་ནས་ཁན་ཊིར་བྷ་རའི་བུད་མེད་ཆོས་དཔོན་ཐོག་མ་དེར་འཚམས་འདྲི་མཛད།

ཆུ་ཚོད་ ༢༡ སྔོན་ལ།
A view inside the Main Tibetan Temple during His Holiness the Dalai Lama’s teaching in Dharamsala, HP, India on October 4, 2025. Photo by Ven Zamling Norbu
༧གོང་ས་མཆོག གསུང་འཕྲིན།

༸གོང་ས་རྒྱལ་བ་རིན་པོ་ཆེ་མཆོག་ནས་ཐའེ་ཝན་གྱི་དད་ལྡན་མང་ཚོགས་ལ་ཆོས་འབྲེལ་མཛད།

༢༠༢༥/༡༠/༠༤
ཕྱི་ལོ་ ༢༠༢༥ ཟླ་ ༩ ཚེས་ ༡༩ ཉིན་གྱི་ཕྱི་དྲོར་བོད་རྒྱལ་རྩེ་རྫོང་ར་ལུང་གྲོང་སྡེའི་རི་ངོས་ཤིག་ཏུ་ཤོག་སྦག་ཕོན་ཆེན་སྦར་ཏེ་ཁོར་ཡུག་ལ་གནོད་སྐྱོན་བཟོས། དྲ་ལམ་གྱི་པར།
Mobile App

བོད་ནང་ཤོག་སྦག་སྤར་བ་ལས་འཕྲོས་པའི་གཏམ་གླེང།

༢༠༢༥/༡༠/༠༤

མཆན། 5

  1. ཀླུ་མཁར་བྱམས། says:
    ལོ་ 17 སྔོན།

    སྤྱི་ཚོགས་སྟེང་ནས་ལས་གཞི་འདི་མགོ་འཛུགས་དགོས་པར་གོང་ནས་དཀའ་ངལ་གཉིས་ལུང་འདྲེན་བྱས་འདུག་པ་དེ་དངོས་ཡོད་གནས་ཚུལ་རེད་ལ། དེ་བས་ལས་གཞི་འདི་མགོ་བཙུགས་པ་འཕྱི་མེད་ན་སྔ་མེད་པ་དངོས་ཡོད་རེད། ཡང་། ང་ཚོས་བཀའ་ཁྲི་འདེམ་སྐབས་དོ་སྣང་བྱེད་སའི་དོན་ཚན་གཞན་ཞིག་ཡོད་པ་ནི་ད་ལྟ་ང་ཚོར་ཡོད་བསྡད་པའི་འོས་བསྡུའི་འགྲོ་ལུགས་འགྲོ་སྟངས་འདི་རེད། དེ་ནི་ང་ལ་རྒྱུས་མངའ་ཡོད་པའི་ཆ་ནས་བཤད་པ་ཡིན་ལ། དཔེར་ན། སྔོན་བཀའ་ཁྲི་ཐད་ཀར་བདམས་སྐབས་ང་ཚོར་འོས་ཤོག་ཚད་ལྡན་ཡིན་མིན་གྱི་རྩོད་གཞི་བྱུང་བ་རྒྱུས་ཡོད་ཚང་མས་མཁྱེན་ཡོད་ཤག་ཡིན། དེ་བས་ད་ཐེངས་ང་ཚོས་བཀའ་ཁྲི་ཚད་ལྡན་ཞིག་རྙེད་ཐུབ་མིན་དང་མི་དེར་ལྟ་བ་བརྟན་པོ་ཞིག་ཡོད་མེད་གནད་དོན་ཡིན་པའི་ཁར། གཞི་རིམ་འོས་བསྡུའི་སྒྲིག་གཞིའི་སྟངས་འཛིན་འོག་མི་མ་འདྲ་བ་ཞིག་ཐར་ས་ཡོད་མེད་ཀྱང་གནད་དོན་གལ་ཆེན་ཞིག་ཡིན་སྟབས། འདིར་ད་ལྟ་ནས་ང་ཚོས་དོ་སྣང་བྱེད་དགོས་ལ། རྗེས་ཕྱོགས་འདིའི་ཐད་འཐུས་མ་ཤོར་བ་ཞིག་ཅིས་ཀྱང་བྱེད་དགོས་ཤིང་། མ་འོངས་པའི་བཀའ་ཁྲི་འདེམ་སྐབས་ད་ལྟའི་གཞུང་འཛིན་པ་ཚོའི་བརྒྱུད་སྐུལ་གྱི་སྟངས་འཛིན་འོས་འཕེན་ནང་མ་སླེབས་པ་ཞིག་ཅིས་ཀྱང་བྱེད་དགོས། འདི་ངའི་ཉམ་མྱོང་ཡིན།

    Reply
  2. མི་ནག་ཚང་ལུང་རིགས་རྒྱལ། says:
    ལོ་ 17 སྔོན།

    ང་ཚོས་བཀའ་ཁྲི་འཚོལ་སྐབས་ངེས་པར་དུ་བོད་ཀྱི་ཆབ་སྲིད་ཀྱི་ཁ་ཕྱོགས་ཤིག་འཚོལ་དགོས་པ་རེད། སྲིད་བྱུས་འཛིན་ཕྱོགས་ཀྱི་ཐོག་ནས་བཀའ་ཁྲི་འཚོལ་དགོས་པ་མ་གཏོགས། གང་ཟག་གི་ངོ་གདོང་ལ་བལྟས་ནས་བཀའ་ཁྲི་རྙེད་གི་མ་རེད་ལ། དེ་འདྲའི་འཚོལ་སྟངས་ཀྱང་ཡོད་པ་མ་རེད། དེར་བརྟེན་བཀའ་ཁྲི་རྗེས་མར་ལངས་མཁན་ཚོའི་ངོས་ནས་ཀྱང་བོད་དོན་དང་བཙན་བྱོལ་བོད་གཞུང་གི་སྲིད་བྱུས་འཛིན་ཕྱོགས་བཅས་ད་ལྟ་ནས་གཏན་འབེབས་དང་བཅས་སྤྱི་ཚོགས་ཁྲོད་ལས་འགུལ་གྱི་མགོ་འཛུགས་རན་ཡོད་པ་རེད། ང་ཚོས་བཀའ་ཁྲི་འཚོལ་གྱིན་པའི་སྐབས་འདིར་བཀའ་ཁྲིར་ལངས་འདོད་ཡོད་མཁན་ཚོས་ཀྱང་དགའ་ལྡན་ཕོ་བྲང་གི་གསེར་ཁྲི་དེ་འཚོལ་དགོས་པ་རེད་སྙམ།

    Reply
  3. འདྲེ་རིག་ལྡན། says:
    ལོ་ 17 སྔོན།

    འདི་ལས་གཞི་ཡག་པོ་ཞིག་རེད་འདུག འོན་ཀྱང་བཀའ་ཁྲིའི་རྗེས་སྐྱོང་བ་ཟེར་ན་ངོ་མ་མི་འགྲིག་གི བཀའ་ཁྲི་གསར་པར་ད་ལྟའི་བཀའ་ཁྲིའི་ལངས་ཕྱོགས་གཅིག་མཚུངས་སུ་དགོས་པའི་ངེས་པ་མེད།

    Reply
  4. སྐར་མ། says:
    ལོ་ 17 སྔོན།

    བོད་གཞུང་གི་བཀའ་ཁྲི་རྗེས་མ་དེ་ལངས་སྐབས། ཨོ་བྷ་མ་ནང་བཞིན་ལས་འགུལ་གྱི་འབོད་ཚིག་ལ། འགྱུར་བ་སྟེ། Change ཞེས་པ་འཁྱེར་ཡོང་དགོས་པ་རེད། འབོད་ཚིག་འདི་ད་ལྟའི་ང་ཚོའི་གནས་སྟངས་ལ་ཤིན་ཏུ་འཚམ་པོ་འདུག

    Reply
  5. མི་ནག་ཚང་ལུང་རིགས་རྒྱལ། says:
    ལོ་ 17 སྔོན།

    བཀུར་འོས་ཐུབ་བསྟན་བསམ་འགྲུབ་ལགས། ཉིད་ཀྱི་བཀའ་བློན་ཁྲི་པའི་རྗེས་སྐྱོང་བ་ཞེས་པ་འདིའི་དོན་ཅི་རེད། ཚིག་འདི་ལ་ཆབ་སྲིད་ཀྱི་གོ་དོན་ཞིག་འདུག བཀའ་ཁྲི་རྗེས་མ་དང་བཀའ་ཁྲིའི་རྗེས་སྐྱོང་བ་གཉིས་ལ་གོ་དོན་མི་འདྲ་བ་འདུག རྗེས་སྐྱོང་བ་དེས་ད་ལྟའི་བཀའ་ཁྲིའི་ཕྱག་ལས་དང་སྲིད་བྱུས་མཐའ་དག་མཇུག་སྐྱོང་དགོས་པ་འདྲ། འདི་ཁྱོད་ཀྱི་ལས་འགུལ་འདིའི་སྲིད་བྱུས་དང་དམིགས་ཡུལ་ཡིན་ནམ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese