ཛར་ཁ་རི་ཡ། ངས་ཁྱེད་ལ་འབྱུང་སྲིད་པའི་གྲོས་མོལ་གཞན་ཞིག་དྲིས་ན་འགྲིག་གི་ཡོད་དམ། ཏཱ་ལའི་བླ་མས་ད་ནི་རྒྱ་ནག་གིས་བོད་ནང་དབང་སྒྱུར་བྱེད་པར་ངོས་ལེན་བྱེད་འདོད་ཡོད་པ་འདྲ། ཁོང་གིས་བོད་ནང་སྤྱི་ཚོགས་རིང་ལུགས་ཀྱི་ཆབ་སྲིད་ལམ་ལུགས་ལག་བསྟར་བྱེད་པར་ངོས་ལེན་བྱེད་གི་ཡོད་པ་དང་བོད་ལ་ཕྱིར་རིག་གཞུང་གི་རང་སྐྱོང་ཞིག་དང་ཆབ་སྲིད་ཀྱི་རང་སྐྱོང་ཚད་ངེས་ཅན་ཞིག་གི་དགོས་འདུན་འདོན་གྱི་ཡོད་པ་རེད། རྒྱ་ནག་གཞུང་དང་བོད་མིའི་བར་གྱི་གྲོས་མོལ་དེ་རིམ་པ་དམའ་མོ་ཞིག་ལ་བསྡད་ཡོད་པ་རེད། ཁྱེད་དང་སྲིད་འཛིན་ཧུའུ་ཅིན་ཐའོ་གཉིས་ཀྱི་སུ་རུང་ནས་ཏཱ་ལའི་བླ་མ་མཉམ་དུ་ཐད་ཀའི་བཀའ་མོལ་གནང་སྟེ་གནད་དོན་འདི་སེལ་བ་ཡིན་ན་རྒྱ་ནག་མི་དམངས་སྤྱི་དང་རྒྱ་ནག་འོག་གི་བོད་མི་རིགས་ཀྱི་ཁེ་ཕན་ཡིན་སྟབས། ག་རེ་བྱས་ནས་ཁྱེད་ཀྱིས་གནད་དོན་དེ་དང་དུ་བླངས་ཏེ་རང་ཉིད་ཀྱི་དབང་ཤུགས་དང་གྲོས་མོལ་གྱི་བྱང་ཆ་དེ་བེད་སྤྱོད་མི་གཏོང་བ་ཡིན།
ཝན་ཅ་པའོ། སྤྱིར་བཏང་གི་གོ་བའི་ཐོག་ནས་ཞུས་ན་ཏཱ་ལའེ་བླ་མ་དང་ང་ཚོའི་བར་གྱི་གནད་དོན་ནི་མི་རིགས་དང་ཆོས་ལུགས། རིག་གཞུང་བཅས་ཀྱི་གནད་དོན་མིན། དེ་ནི་རྒྱལ་ཁབ་གཅིག་གྱུར་གྱི་སྲུང་སྐྱོབ་ལ་འབྲེལ་བ་དང་། ཡང་ན། རྒྱལ་ཁབ་ཅིག་ཁ་བྲལ་དུ་གཏོང་ཐབས་བྱེད་དུ་འཇུག་པའི་གཞི་རྩའི་གནད་དོན་ཆེན་པོ་ཞིག་ཡིན། ང་ཚོས་ངེས་པར་དུ་ཏཱ་ལའེ་མཉམ་དུ་རྩེ་གཉིས་ཅན་གྱི་འབྲེལ་བ་ཞིག་འཛིན་དགོས་པ་རེད། ཕྱོགས་གཅིག་ནས། ཏཱ་ལའེ་ནི་ཆོས་ལུགས་ཀྱི་དབུ་ཁྲིད་ཅིག་ཡིན་པ་ནི་བདེན་པ་རེད། ཁོས་བོད་མངའ་ཁུལ་དུ་ཤུགས་རྐྱེན་ངེས་ཅན་ཞིག་བཟུང་ཡོད་ལ། ལྷག་པར་དུ་ནང་ཆོས་ལ་དད་པ་ཡོད་མཁན་གྱི་མངའ་ཁུལ་དག་གི་ནང་རེད། དེ་བཞིན་གཞན་ཞིག་ནས། ང་ཚོས་ཁོ་ཆོས་ལུགས་ཀྱི་མི་སྣ་རང་ག་བ་ཞིག་མིན་པ་ངེས་པར་དུ་ཤེས་དགོས་པ་རེད། ཏཱ་ལའེ་བླ་མས་བཙུགས་པའི་བཙན་བྱོལ་གཞུང་ཟེར་བ་དེས་ཆོས་ལུགས་མི་སྣའི་དབང་སྒྱུར་གྱི་ལམ་ལུགས་ཤིག་ལག་བསྟར་བྱེད་ཀྱི་ཡོད་པ་རེད། བཙན་བྱོལ་གཞུང་ཟེར་བ་དེ་ཚོའི་དམིགས་ཡུལ་ནི་བོད་འདི་རྒྱ་ནག་ནས་ཁ་བྲལ་ཏུ་གཏོང་ཐབས་དེ་རེད།
འཛམ་གླིང་གི་ས་ཆ་གང་སར། ཏཱ་ལའེ་བླ་མས་བོད་ཆེན་པོའི་མངའ་ཁུལ་ལ་རང་སྐྱོང་ཞིག་འཛུགས་རྒྱུའི་བསམ་ཚུལ་དེ་ཁྱབ་སྤེལ་བྱེད་གི་ཡོད་པ་རེད། དོན་ངོ་མས། ཁོས་རང་སྐྱོང་ཞིག་འཚོལ་བཞིན་པ་དེའི་དམིགས་ཡུལ་ནི་ཆབ་སྲིད་ཀྱི་ནང་དུ་ཆོས་ལུགས་ཀྱི་ཇུས་གཏོགས་འཁྱེར་ཡོང་རྒྱུ་དེ་རེད། ཁོ་ཚོས་བོད་ཆེན་པོ་ཟེར་བའི་མངའ་ཁུལ་དེ་མེས་རྒྱལ་ནས་ཁ་བྲལ་ལ་གཏོང་དགོས་ཀྱི་ཡོད་པ་རེད། ཨ་རིའི་ནང་གི་མི་མང་པོ་ཞིག་གིས་བོད་ཆེན་པོ་ཞེས་པ་དེའི་ཆེ་ལོས་གང་འདྲ་ཞིག་ཡིན་མིན་ཤེས་གི་ཡོད་པ་མ་རེད། ཏཱ་ལའེ་བླ་མས་བཤད་ཀྱིན་པའི་བོད་ཆེན་པོ་ཞེས་པ་དེའི་ནང་དུ་དོན་ངོ་མར་བོད་དང་སི་ཁྲོན། ཡུན་ནན། མཚོ་སྔོན། ཀན་སུའུ་བཅས་ཞིང་ཆེན་ལྔ་ཚུད་ཀྱི་ཡོད་པ་རེད། བོད་ཆེན་པོ་ཞེས་པའི་ས་ཆ་འདི་དག་གིས་རྒྱ་ནག་གི་ས་ཁྱོན་སྤྱིའི་བཞི་ཆ་གཅིག་ཟིན་གི་ཡོད་པ་རེད།
ལོ་རབས་འདི་དག་གི་རིང་། ང་ཚོས་ཏཱ་ལའེ་བླ་མར་བཟུང་བའི་སྲིད་བྱུས་ལ་འགྱུར་བ་མེད་པར་བསྡད་ཡོད། དེ་ནི་ཏཱ་ལའེ་བླ་མས་བོད་ནི་རྒྱ་ནག་གི་ས་ཁྱོན་གྱི་ཁ་བྲལ་ཐབས་མེད་པའི་ཆ་ཤས་ཤིག་ཡིན་པར་ངོས་འཛིན་བྱེད་འདོད་ཡོད་པ་དང་། ཏཱ་ལའེ་བླ་མས་ཁ་བྲལ་གྱི་ལས་འགུལ་མཐའ་དག་མཚམས་འཇོག་བྱས་པ་ཡིན་ན། ང་ཚོས་ཁོང་དང་ཡང་ན། ཁོང་གི་སྐུ་ཚབ་ཚོའི་མཉམ་དུ་འབྲེལ་བ་འཛིན་རྒྱུའི་འདོད་པ་ཡོད།
ད་ནི་ང་ཚོའི་གྲོས་མོལ་ལ་གྲུབ་འབྲས་ཐོན་མིན་གྱི་གནད་འགག་དེ་ཁ་ཞེ་གཉིས་མེད་ཡིན་མིན་ལ་ཐུག་ཡོད། སྔོན་མ་ ༡༩༥༠ ང་གྲངས་ཀྱི་བོད་ཀྱི་དོན་རྐྱེན་དེའི་རྗེས་ནས། དབུས་གཞུང་གི་མགོ་ཁྲིད་མཐོ་ཤོས་སྐུ་ཞབས་ཏིན་ཞོ་ཕིན་ཡང་ཏཱ་ལའེ་བླ་མའི་སྐུ་ཚབ་ལ་ཐུག་པ་རེད།
དེར་བརྟེན་ང་ཏཱ་ལའེ་བླ་མར་ཐུག་ཐུབ་མིན་ཐད་ངས་ནི་དཀའ་ངལ་ཞིག་ཡོད་པ་རེད་འདོད་གི་མེད། གནད་དོན་ངོ་མ་ནི་འདི་ལྟའི་འབྲེལ་བ་དང་གྲོས་མོལ་གྱི་ནུས་པ་ལ་ཐུག་ཡོད་པ་རེད།
ང་ཚོའི་རེ་བ་ལ་ཁོས་ལས་ཀ་ངོ་མ་བརྩམ་སྟེ་ལྷག་བསམ་རྣམ་དག་ཡིན་པ་སྟོན་དགོས་ལ། འགག་འདི་གཏོར་དགོས་པ་རེད།
ཛར་ཀ་རི་ཡ། ཏཱ་ལའེ་བླ་མས་རང་ཉིད་ལྷག་བསམ་རྣམ་དག་ཡིན་པ་སྟོན་པ་ལ་ཁོང་གི་ལས་ཀ་གང་འདྲ་ཞིག་ཁྱེད་ཀྱིས་མཐོང་འདོད་ཡོད་དམ།
ཝན་ཅ་པའོ། དོན་ངོ་མས་བཤད་ན། ངས་འདི་གསལ་བོ་བཟོས་ཚར་ཡོད། ང་ཚོས་ཏཱ་ལའེ་བླ་མ་ཚུད་པའི་མི་སྒེར་བ་སུ་འདྲ་ཞིག་ལ་བརྟག་སྐབས། ང་ཚོས་ག་རེ་ཡིན་མིན་ཁོ་ན་དང་ག་རེ་བཤད་གི་ཡོད་མེད་ཙམ་ལ་བལྟ་རྒྱུ་ཡོད་པ་མ་རེད། ཁོས་ག་རེ་སྒྲུབ་གི་འདུག་དེ་ལའང་ལྟ་དགོས་པ་རེད།
ཁོའི་ལྷག་བསམ་རྣམ་དག་ཡིན་མིན་ནི་ཁོས་ཁ་བྲལ་གྱི་ལས་འགུལ་མཚམས་འཇོག་བྱས་ཡོད་མེད་ལས་ཤེས་དགོས་པ་རེད།
ཛར་ཁ་རི་ཡ། དེ་ནས་ཁྱོད་ཁོང་ལ་ཐུག་གི་ཡིན་ནམ།
ཝན་ཅ་པའོ། སྐབས་དེ་དུས། བྱ་བ་ཚང་མ་གནས་ཚུལ་གྱི་འཕེལ་རིམ་ལ་རག་ལས་གི་རེད། གྲོས་མོལ་མུ་མཐུད་དུ་འགྲོ་བ་ནི་ཨ་ཅང་ཅང་། གྲོས་མོལ་རིམ་གྱིས་སོང་བ་དང་བསྟུན། ང་ཚོས་གྲོས་མོལ་གྱི་རིམ་པ་ཡང་མཐོར་འདེགས་བྱེད་པར་བསམ་བློ་གཏོང་ཆོག་གི་རེད།
གོང་གསལ་དྲི་བ་དྲིས་ལན་འདི་དག་ནི་ཕྱི་ཚེས་ ༢༣ ཉིན་ CNN གྱི་གསར་འགོད་པ་ཛར་ཁ་རི་ཡས་རྒྱ་ནག་གི་སྲིད་བློན་ཝན་ཅ་པའོ་ལ་བཅར་འདྲི་བྱས་པ་ལས་བོད་དོན་སྐོར་གྱི་དྲི་བ་དྲིས་ལན་ཟུར་འདོན་གྱིས་བཀོད་པ་ཡིན། དྲི་བ་དྲིས་ལན་འདི་ཕྱི་ཚེས་ ༢༨ ཉིན་ཡོངས་ཁྱབ་ཀྱིས་འགྲེམ་སྟོན་བྱས་ཡོད་པ་རེད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དྲ་ངོགས་ཀྱི་གྲོགས་པོ་རྣམ་པར་ཞུ་རྒྱུ། ཝན་ཅ་པོས་བེད་སྤྱོད་བྱེད་བཞིན་པའི་བོད་དང་བོད་ཆེན་པོ་ཞེས་པ་འདི་རྒྱ་ནག་གི་ཆབ་སྲིད་འོག་བྱུང་བའི་ཐ་སྙད་ཅིག་ཡིན་ནམ། ཡང་ན། རང་རེའི་བོད་ཀྱི་ལོ་རྒྱུས་ལས་བྱུང་བ་ཞིག་ཡིན། གཞན་ཡང་དགེ་ཆོས་གསུང་འབུམ་ལས་བོད་དང་བོད་ཆེན་པོ་ཞེས་པ་དང་། ཝན་གྱིས་བཤད་པའི་བོད་དང་བོད་ཆེན་པོ་གཉིས་ལ་ཁྱད་པར་འདྲ་ཡོད་དམ། འུ་ཚོས་ཐ་སྙད་འདི་བེད་སྤྱོད་བྱས་ན་སྐྱོན་འདྲ་ཡོད་དམ། ཁོ་བོས་ཤེས་ལྡན་པ་ཞིག་གི་ལན་ལ་སྒུག་ངེས།
གྲོགས་པོ་ཚོ། གང་ལྟར་གྱང་དེ་ལ་ང་ཚོས་ཞིབ་འཇུག་བྱེད་ཀྱིན་ཡོད་རེད། དེས་ན་ང་ཚོ་ནམ་ཡང་ཝན་ཅ་པོ་ཡི་གཡོ་འོག་ལ་མི་འགྲོ་བ་བྱེད་དགོས་པ་དེ་ཁྱོད་དང་ང་ཚོ་ཚང་མ་ལ་འགན་ཡོད་འདུག ཡིན་ན་ཡང་ང་རང་ལོ་ན་མཐོ་བའི་ད་མང་པོ་འགོར་ས་མ་རེ། དེས་ན་ཁྱེད་ཚོ་གཞོན་སྐྱེས་ཚོས་ངའི་ཚབ་ཏུ་བོད་མི་རིགས་ལ་སོ་བ་བྱེད་དགོས།
འདི་ཚང་མ་སྐྱག་རྫུན་རེད་ཟེར་བ་བདེན་པ་འུ་ཡིན་ན།
འདི་ཚང་མ་སྐྱག་རྫུན་རེད། རྒྱ་ནག་གི་སྐྱག་རྫུན་ལ་སུ་ཞིག་གིས་བདེན་ཁ་འཛིན་ཐུབ།
རྒྱ་རྒན་འདིས་ཏཱ་ལའེ་བླ་མར་འབྲེལ་བ་རྩེ་གཉིས་མ་ཞིག་བཟུང་ཡོད་ལབ་པ་ནང་བཞིན། ཁོ་རང་གི་སྐད་ཆ་འདི་ཡང་གོ་བ་རྩེ་གཉིས་མ་ཞིག་རེད་འདུག་ལ། གོ་བ་དང་པོ་ནི་ང་ཏཱ་ལའེ་བླ་མར་ཐུག་ཆོག་གི་རེད་འདྲ་བོ་བརྗོད་ནས་ང་ཚོར་བསླུ་བྲིད་རང་བཞིན་གྱི་རེ་བ་ཞིག་བཟོ་ཁུལ་བྱེད་པ་དང་། དོན་དངོས་ཐོག་བཙན་བྱོལ་བོད་གཞུང་སྒོ་རྒྱག་དགོས་པ་རེད། དེ་ཁ་བྲལ་གྱི་ལས་འགུལ་སྤེལ་མཁན་གཙོ་བོ་རེད་ཟེར་བའི་ངམ་གནག་གི་ཆ་འདི་གཉིས་ཚང་ཡོད་པ་རེད། དེའི་སྟབས་ཀྱིས་ས་འདི་ན་འུ་ཚོར་རེ་བ་རྒྱག་ས་ཞིག་ཡོད་ནི་མ་རེད།
དགོངས་དག་ ༼ གསུངས་པ་བཞིན་གཡོ་འཕྲུལ་ལ་མགོ་མ་འཁོར་ན་རེད་ ༽་ ཅེས་ནོར་བཅོས་ཡོང་བར་ཞུ།
ཝན་ཅ་པོ་ཡི་དྲིས་ལན་འདི་འདྲ་ཞིག་མི་འདེབས་རང་འདེབས་རེད་བསམ། ཁོས་གཏམ་ལན་འདིས་ཅི་ཞིག་གསལ་བོ་བཟོས་འདུག་མིན་གསལ་ཐག་ཆོད་རེད། ར྄ྒྱ་ནག་གཞུང་གིས་བཙན་བྱོལ་གཞུང་དང་༸གོང་ས་མཆོག་ལ་ཁག་ས྄ྤྲི་ཇི་འདྲ་ཞིག་བྱེད་ཀྱི་འདུག་འདི་ལ་བལ྄ྟས་ན་ཡང་མི་ཤེས་ར྄ྒྱུ་ཆེར་མི་འདུག་ ད་ང་ཚོས་ར྄ྒྱ་ལོས་གསུངས་པ་གཡོ་འཕྲུལ་ལ་མགོ་འཁོར་ན་རེད། དེ་ལས་ཐབས་ལམ་གཞན་ཞིག་དང་སྲིད་ཇུས་གཞན་ཞིག་གི་མགོ་ར྄ྩོམ་རན་མི་འདུག་གམ།?
བརྒྱ་བཤད་སྟོང་བཤད་གཅིག་ཏུ་བསྡུས་ན། བོད་དོན་ཐག་གཅོད་བྱེད་འདུན་མེད་པ་གསལ་བོ་རེད། མ་གཞི་བྱུང་རབས་སམ་ཆིག་སྒྲིལ་སོགས་ཁ་གཡར་ས་ཙམ་ལས་དོན་ངོ་མར་བོད་འདི་དམར་ཤོག་སྲིད་དབང་རྒྱུན་མཐུད་ཀྱི་ལག་ཆར་གྱུར་ཡོད་ལ། ནུབ་ཕྱོགས་པས་ཀྱང་དོན་དག་དེ་ཧ་གོ་ནས་དངུལ་དངོས་བསྡུ་བྱེད་ཀྱི་གཡང་མདར་མཐོང་ཡོད། དེ་བས། བོད་མི་ཚོས་དོན་དག་འདི་དག་ཕྱི་ལ་འགྲེལ་བའམ་ཐད་ཀར་ཁོ་ཚོའི་སར་ནས་ཁེ་བཟང་འདི་དང་གན་དགོས་ཀྱི་ཡོད་ཅེས་ལབ་ཐུབ་པ་ཡིན་ན། བོད་དོན་སེལ་བར་ཕན་ཐོགས་ལས་གནོད་པ་མེད། ཡིན་ནའང་། ཆོག་མེད་རིང་ལུགས་པ་ཚོས་སོ་སོ་ལས་བོད་ལ་བསམ་བློ་གཏོང་གི་མ་རེད། འདི་ནང་གཏམ་ཡིན། བོད་མི་ཚོས་ཤེས་དགོས་པའང་འདི་ཡིན།
༼ལོ་རབས་འདི་དག་གི་རིང་། ང་ཚོས་ཏཱ་ལའི་བླ་མར་བཟུང་བའི་སྲིད་བྱུས་ལ་འགྱུར་བ་མེད་པར་བསྡད་ཡོད། ༽ ཞེས་པ་འདིས་སྐུ་ཚབ་ཀྱི་གྲོས་མོལ་བྱུང་མེད་པའི་རྣམ་པ་སྟོན་གྱི་འདུག ༸གོང་ས་མཆོག་གིས་དབུ་མའི་ལམ་ནས་བོད་ཀྱི་གནད་དོན་སེལ་ཆེད་རང་སྐྱོང་བདམས་པ་ཡིན་ཡང་རྒྱ་ནག་ལ་འགྱུར་བ་མེད་པར་ཁ་བྲལ་བརྗོད་ཀྱི་ཡོད་པ་རེད། ཁོ་ཚོས་བོད་རང་སྐྱོང་ཁ་བྲལ་ལ་ངོས་འཛིན་བྱེད་ཀྱི་ཡོད་ན་ཞི་མོལ་མེད་པ་གསལ་བོ་རེད། ཡང་ཁོས། ༼ཁོས་ག་རེ་སྒྲུབ་གི་འདུག་དེ་ལའང་ལྟ་དགོས་པ་རེད།༽ ཞེས་པས་དགོས་མེད་སྐྱོན་བརྗོད་དང་འཛམ་གླིང་མི་དམངས་གིས་ཁོང་ཤེས་ཀྱི་མི་འདུག་ཞེས་པའི་མཚན་སྨད་བཏང་པ་རེད། ཝིན་གྱི་སྐད་ཆ་འདི་དག་ལས་ནམ་ཡང་ཞི་མོལ་ཡོང་ཐབས་མེད་པ་གསལ་བོ་རེད།
ངས་བཤད་ཀྱིན་པའང་དེ་རེད། ཝན་གྱི་སྐད་ཆར་བལྟས་ན་ད་སྐབས་རྒྱ་ནག་གཞུང་གིས་ཀྱང་ལོ་རྒྱུས་ཀྱི་ལྟ་ཕྱོགས་ཞེས་པ་ནི་སྒུལ་དུ་མེད་པ་ཞིག་ཡིན་པ་ཤེས་ཏེ་ས་ཁོངས་ཞེས་པ་འདི་སྤྱོད་མགོ་བརྩམས་པ་མིན་འགྲོ། ཝན་གྱིས་ཐེངས་འདིར་ནན་ཏན་གྱིས་སྡིག་གིན་པ་ནི་ཆོལ་གསུལ་ཆིག་སྒྲིལ་ཞེས་པ་དེ་རེད། ཁོས་ཏཱ་ལའེ་བླ་མ་ལྷག་བསམ་རྣམ་དག་ཡིན་མིན་ལ་ལྟ་སའང་འདི་ཡིན་པར་སྟོན་གི་ཡོད་པ་རེད་སྙམ།
ཁོ་ཚོས་བོད་ནི་རྒྱ་ནག་གི་མངའ་ཁོངས་ལས་ཁ་བྲལ་དུ་མི་རུང་བ་ཞིག་ཡིན་པ་ཁས་མི་ལེན་པར་བོད་ཆེན་པོ་རང་སྐྱོང་གི་རེ་བ་འདོན་གྱི་འདུག་ཅེས་བཤད་སྟངས་དེའི་ཐོག་ནས་གོང་གི་ལུང་རིགས་རྒྱལ་གྱི་སྐད་ཆ་དེ་གསལ་བོ་ཆགས་ཐུབ་ལ། འདི་ལྟར་བལྟས་ཡོང་དུས་བོད་རྒྱ་གཉིས་ཀྱི་བར་ན། གཙོ་བོ་ལོ་རྒྱུས་དང་ས་ཁོངས་ཀྱི་བཅད་མཚམས་ཀྱི་ཐོག་ན་དཀའ་ངལ་འཕྲད་བསྡད་ཡོད་པ་གསལ་བོ་རེད།
ད་ལམ་བཀའ་ཤག་གི་གསུང་འཕྲིན་ནང༌། བོད་རྒྱའི་དབར་འགལ་ཟླ་གཙོ་ཆེ་བ། ༡༽བྱུང་རབས་ལ་ལྟ་ཕྱོགས་དང༌། ༢༽བོད་རིགས་ཆིག་སྒྲིལ་སྐོར་ཡིན་ཞེས་འཁོད་པ་ལྟར།
བྱུང་རབས་ཀྱི་ལྟ་ཕྱོགས་ཟེར་བ་དེ་ནི་ལོ་རྒྱུས་ཐོག་བོད་རང་བཙན་ཡིན་མིན་གྱི་སྐད་ཆ་དེ་རེད། དེ་ལ་རྒྱལ་བ་ཚང་གིས་ངས་ལོ་རྒྱུས་ལ་འགྱུར་བ་གཏོང་ཐུབ་ཀྱི་མ་རེད་ཅེས་བཤད་ཡོད།
གཉིས་པ་ནི་བོད་རིགས་ཆིག་སྒྲིལ་གྱི་སྐོར་ལ། རྒྱ་ནག་རྒྱལ་སྲིད་སྤྱི་ཁྱབ་ཁང་གི་གསར་འགྱུར་སྡེ་ཚན་གྱི་འགན་འཛིན་ཏུང་ཡུན་ཧུའུ་ཡིས་ད་ལོའི་སྤྱི་ཟླ་༧ ཚེས་༡༦ ཉིན་འདི་ལྟར་བཤད་ཡོད།
ཏཱ་ལའི་བླ་མའི་སྐུ་ཚབ་ཀྱི་ཆབ་སྲིད་ལངས་ཕྱོགས་དེ་གྲོས་མོལ་སྐབས་གསལ་བོ་བྱུང་སོང༌། དེ་ནི་ཀྲུང་གོ་སྲིད་གཞུང་གི་ལངས་ཕྱོགས་དང་རྦད་དེ་རྒྱབ་འགལ་རེད། ཁོ་ཚོས་བོད་ནི་རྒྱ་ནག་གི་མངའ་ཁོངས་ལས་ཁ་བྲལ་དུ་མི་རུང་བ་ཞིག་ཡིན་པ་ཁས་མི་ལེན་པར་བོད་ཆེན་པོ་རང་སྐྱོང་གི་རེ་བ་འདོན་གྱི་འདུག
འདིའི་གོ་དོན་ནི་ཏཱ་ལའི་བླ་མས་བོད་རིགས་གནས་སྡོད་ཀྱི་ས་ཁུལ་ཡོངས་སུ་རྫོགས་པ་དབང་སྒྱུར་དགོས་པ་དང༌། དེ་ཀྲུང་གོའི་༼ས་ཁོངས་༽བཞི་ཆ་གཅིག་ཡིན་པ་དང༌། རྒྱ་རིགས་རྣམས་ས་ཆ་དེ་ནས་ཕྱི་སྤོ་བྱེད་དགོས་ཀྱི་ཡོད། འདི་ནི་རྒྱ་ནག་གིས་ཁས་ལེན་ཐབས་མེད་པའི་ལངས་ཕྱོགས་ཡིན་ཞེས་གསལ་འདུག
ངས་ཝན་གྱི་སྐད་ཆའི་ནང་ནས་ཚིག་གསར་པ་ཞིག་ཚོར་བ་ནི། བོད་ནི་རྒྱ་ནག་གི་ས་ཁོངས་ཀྱི་ཁ་བྲལ་ཐབས་མེད་པའི་ཆ་ཤས་ཤིག་ཡིན་ཅེས་པ་འདི་རེད། ས་ཁོངས་ཞེས་པ་འདི་སྔོན་མ་རྒྱ་ནག་གི་དཔོན་པོ་ཚོས་བཤད་ཀྱི་མེད་པ་འདྲ། འདིས་བོད་ནི་ལོ་རྒྱུས་ཐོག་རྒྱ་ནག་གི་ཁ་བྲལ་ཐབས་མེད་པའི་ཆ་ཤས་ཤིག་ཡིན་ཅེས་པའི་ལོ་རྒྱུས་ཀྱི་རྩོད་རྙོག་དེ་བཞག་སྟེ། ད་སྐབས་བོད་ནི་རྒྱ་ནག་གི་ས་ཁོངས་ནས་ཁ་བྲལ་མི་ཆོག་ལ། མ་འོངས་པར་ཡང་བོད་འདི་རྒྱ་ནག་གི་ས་ཁོངས་ནས་ཁ་བྲལ་ཐབས་མེད་པའི་སྐོར་བཤད་པ་འདྲ་ཞིག་ཏུ་གོ་སོང་། ས་ཁོངས་ཞེས་པ་འདི་སྔོན་མ་རྒྱ་གར་གྱི་སྲིད་བློན་ཝའེ་ཇི་བྷ་ཡེ་ལགས་པེ་ཅིན་དུ་ཕྱིན་ནས་རྒྱ་དཀར་ནག་གཉིས་ཀྱི་མཉམ་འབྲེལ་བསྒྲགས་གཏམ་སྤེལ་སྐབས་ཀྱང་འདི་འདྲ་ཞིག་བཤད་ཡོད་པ་འདྲ། བོད་མི་རྣམས་དང་རྒྱ་གར་གྱི་སྲིད་དོན་པ་ཚོས་ཝའེ་ཇི་བྷ་ཡེས་བོད་རྒྱ་ནག་ལ་བཙོང་སོང་ཞེས་སྐད་བརྒྱབས་པ་དང་། རྗེས་སོར་ཟམ་གདོང་རིན་པོ་ཆེས་སྐབས་དེའི་བསྒྲགས་གཏམ་ནང་དུ་ས་ཁོངས་ཞེས་པ་འདི་སྤྱད་ཡོད་སྟབས། བོད་ནི་ལོ་རྒྱུས་ཐོག་རྒྱ་ནག་གི་ཆ་ཤས་ཤིག་ཡིན་ཚུལ་བཤད་མེད་སྟབས། ཁོང་གིས་བོད་བཙོང་ཡོད་པ་མ་རེད་ཅེས་གསལ་བཤད་བྱས་ཡོད་ཚོད་ཡིན། འདི་ངས་གནས་ཚུལ་ཡག་པོ་ཞིག་རེད་ལབ་གི་མེད། འོན་ཀྱང་སྐད་ཆ་གསར་པ་ཞིག་ཡིན་པར་འདོད་པས་དཔྱད་གཞི་ལ་བཞག་ན་འགྲིག་པར་འདོད་ཡོད།
གསར་འགོད་པའི་དྲི་བ་ལས་ཝིན་གྱི་དྲིས་ལན་ལ་དབྱེ་ཞིབ་བྱས་ན་མི་བཟང་ངམ། ཝིན་གྱིས་ ཏཱ་ལའེ་བླ་མས་ཁ་བྲལ་གྱི་ལས་འགུལ་མཐའ་དག་མཚམས་འཇོག་བྱས་པ་ཡིན་ན། ང་ཚོས་ཁོང་དང་མཉམ་དུ་འབྲེལ་བ་འཛིན་རྒྱུའི་འདོད་པ་ཡོད་ཅེས་བཤད་པ་འདིའི་ནང་གི་ཁ་བྲལ་གྱི་ལས་འགུལ་ཟེར་བ་འདི་ཅི་འདྲ་ཞིག་ལ་ངོས་འཛིན་དགོས་སམ། ཝིན་གྱིས་ཏཱ་ལའི་བླ་མ་ལྷག་བསམ་རྣམ་དག་ཡིན་མིན་ནི་ཁོས་ཁ་བྲལ་གྱི་ལས་འགུལ་མཚམས་འཇོག་བྱས་ཡོད་མེད་ལས་ཤེས་དགོས་པ་རེད་ཅེས་བཤད་ཡོད།
ཝིན་གྱིས་ཁ་བྲལ་ཞེས་པ་འདི་ལ་རྒྱ་སྐད་ཀྱི་ཚིག་ཅི་ཞིག་བེད་སྤྱད་བྱས་ཡོད་དམ། དེ་ནས་དེ་དབྱིན་ཡིག་ཏུ་ཚིག་ཅི་ཞིག་གི་ཐོག་ལ་ཕབ་ཡོད་དམ། ཝིན་གྱིས་ཁོ་ཚོས་བོད་ཆེན་པོ་ཟེར་བའི་མངའ་ཁུལ་དེ་མེས་རྒྱལ་ནས་ཁ་བྲལ་ལ་གཏོང་དགོས་ཀྱི་ཡོད་པ་རེད། བོད་ཆེན་པོ་ཞེས་པའི་ས་ཆ་འདི་དག་གིས་རྒྱ་ནག་གི་ས་ཁྱོན་སྤྱིའི་བཞི་ཆ་གཅིག་ཟིན་གི་ཡོད་པ་རེད། ཅེས་བོད་ཆོལ་ཁ་གསུམ་གཅིག་སྒྲིལ་ཟེར་བའི་སྐད་ཆ་འདི་མེས་རྒྱལ་ཁ་བྲལ་དུ་བརྩི་གི་ཡོད། ཁྱོད་ཚོས་རྒྱ་རི་ཡི་སྐད་ཆར་ཉོན་དང་ཁོས་བོད་ཆོལ་ཁ་གསུམ་ཟེར་བའི་ཚིག་འདི་བེད་སྤྱོད་མི་གཏོང་བར་བོད་རིགས་ཡོངས་རྫོགས་ཞེས་བཤད། འདིས་ཅི་ཞིག་མཚོན་གྱི་ཡོད་དམ།
༼ཏཱ་ལའི་བླ་མས་ད་ནི་རྒྱ་ནག་གིས་བོད་ནང་དབང་སྒྱུར་བྱེད་པར་ངོས་ལེན་བྱེད་འདོད་ཡོད་པ་འདྲ།༽ དྲི་བ་ཚང་མ་རྨང་གཞི་འདི་ལས་འཕྲོས་ཏེ་བཀོད་པ་ནོར་འདུག བདེན་དོན་དང་འགལ་བར་བརྗོད་འདོད་བྱུང་།
ཡིག་འབྲུ་གཅིག་གིས་བསྟན་པའི་གནདད་དོན་ཆ་ཚང་དེར་ཁྱོད་རང་ཉིད་ཀྱིས་བསམ་གཞིག་ཟབ་མོ་གཏོང་རོག
རྒྱ་རྒན་འདིས་སྐད་ཆ་བཤད་ཚུལ་ལ་དོ་སྣང་གནང་དང་། ཁོས་བཤད་རྒྱུར༼ཏཱ་ལའེ་ནི་ཆོས་ལུགས་ཀྱི་དབུ་ཁྲིད་ཅིག་ཡིན་པ་ནི་བདེན་པ་རེད། ཁོས་བོད་མངའ་ཁུལ་དུ་ཤུགས་རྐྱེན་ངེས་ཅན་ཞིག་བཟུང་ཡོད་ལ། ༽ཟེར་བའི་ཚིག་དུམ་འདི་རྒྱ་རྒན་འདིའི་ཁ་ནས་རང་དབང་མེད་པར་ཤོར་སོང་བ་ཡིན་ནམ།
དངོས་གནས་བཤད་ན། སྲིད་དོན་ཞེས་པ་འདི་ལས་མགོ་ཉོག་ཅིག་ཡོད་པ་མ་རེད། ཚིག་ཟུར་རེ་ནས་འདི་ཚོ་གཡོལ་གི་རེད། ཡིག་འབྲུ་གཅིག་གིས་ཀྱང་གནད་དོན་ཆ་ཚང་བསྟན་ཡོང་གི་རེད། དེ་རིང་གི་ཝན་ཅ་པའོ་ཡི་སྐད་ཆའི་ནང་ན་དོན་དག་གསར་པ་འདྲ་འདུག་གམ། ཡང་མིན་ན། ཁྱོས་ནམ་ཡང་ཐོས་མ་མྱོང་བའི་སྐད་ཆ་འདྲ་འདུག་གམ། གལ་སྲིད་ཡོད་ན་འདི་ཚོ་གསར་འགྱུར་རེད། གསར་འགྱུར་ལབ་ན་ཅི་ཞིག་རེད། གསར་དུ་བྱུང་བའི་འགྱུར་བ་ཞིག་ལ་ཟེར་གི་ཡོད་པ་རེད། ཆབ་སྲིད་པ་ཚོའི་སྐད་ཆ་རེ་རེ་ནི་གསར་འགྱུར་ཡིན་དོན་ལ་ཡང་གནས་ལུགས་ཡག་པོ་རེ་ཡོད་ནི་རེད།
གལ་སྲིད་ཁྱེད་ཡིན་ན་དྲི་བ་གང་དག་ཇི་ལྟར་འདྲི་གི་ཡིན། འོད་དཀར་ལགས།
ཛར་ཁ་རི་ཡ། མཆོག་གིས་དྲི་བ་བཀོད་པ་ནོར་འདུག
མགོ་བདེ་ལྕེ་གཉིས་ཀྱི་སྐད་ཆ་རེད་རྒྱུ་མཚན་མཐོང་མ་སོང་། ཏཱ་ལའེ་བླ་མས་རྒྱ་ནག་གཅིག་གྱུར་ལ་ལྷག་བསམ་སྟོན་དགོས་དོན་མེད། རྒྱ་རོ།