གྲོས་ཆོད་དོན་ཚན་བཅུ་དྲུག་བཀླགས་རྗེས།

གཞན་གྱི་ས་ཐོག་ནས་གཞན་གྱི་ཆུ་འཐུང་བཞིན་འཚོ་མཁན་གྱི་འཁྱམ་པོ་ཞིག་པས་བོད་མི་རིགས་ལ་ཤེས་ཡོན་དང་དཔལ་འབྱོར། དབང་ཤུགས་སོགས་ཀྱི་ཐོག་ནས་ཞབས་འདེགས་སྒྲུབ་རྒྱུ་ཁག་པོ་རེད། ང་ལ་རྩ་ཆེ་བའི་དངོས་པོ་གཅིག་ཡོད། དེ་ནི་ངའི་སྲོག་ཡིན། འདི་ཕུལ་མ་ཐུབ་ན་དེ་ནས་ཕན་ཐོག་རྒྱུ་ཁག་པོ་རེད།

དྲ་གྲོགས་སྟག་སྨྱོན་ལགས། ང་རང་གི་བསམ་ཚུལ་ཡིན་ན། བཟོད་བསྒོམ་བྱེད་མ་ཐུབ་པ་ཡིན་ན་གོ་སྐབས་མི་རེག་ལ། གོ་སྐབས་མ་བྱུང་ན་བོད་དོན་སྒྲུབ་མི་ཐུབ། བོད་དོན་མ་འགྲུབ་ན་ཤི་གསོན་པ་ལས་ཤི་ན་དགའ་ཟེར་བ་ལས་བོད་དོན་འགྲུབ་ཆེད་དུ་ཤི་བ་ལས་གསོན་དགོས་བསམ་ནས་བཟོད་བསྲན་ལ་གོམ་འདྲིས་བྱེད་པ་དང་ཆབས་ཅིག ཐབས་ཤེས་ལ་བརྟེན་ནས་འགུལ་བསྐྱོད་བྱེད་པ་ལས་རྒྱོབ་རྒྱོབ་གསོད་གསོད་གསུང་ནས་བོད་དོན་ཞིག་ཕར་ཞོག་ཐ་ན་མི་སྒེར་བ་ཞིག་གིས་ལྟོ་དོན་ཡང་མི་འགྲུབ་ཁོ་ཐག་ཡིན། དེ་ནི་བསམ་བློ་དྲུག་གསུམ་བཅོ་བརྒྱད་གཏོང་དགོས་པ་ཞིག་མ་ཡིན་པར། མི་སུ་ཡང་རུང་བ་ཞིག་གིས་ཀྱང་བསམ་བློ་བཏང་ན་ཤེས་ངེས་པ་ཞིག་རེད། ད་ནི་གསོད་རེས་གཏུབ་རེས་བྱས་དེ་རྒྱལ་ཁ་ལེན་དགོས་ཟེར་ན་གླེན་རྟགས་ནང་གི་ལྐུག་རྟགས་དང་། ལྐུག་རྟགས་ནང་གི་རྨོངས་རྟགས་རེད། ང་ཚོ་བོད་པ་ཚང་ད་ནི་རྨོངས་གཉིད་ལས་སད་རིན་ཡིན་པ་ལས། རྒྱ་ནག་སྲིད་གཞུང་གི་རེ་འདོད་ལྟར་ང་ཚོས་དམར་གསོད་བྱེད་པའི་ལས་སུ་ཞུགས་པ་ཡིན་ཚེ། ཁོང་ཚོས་འདོད་ཐོག་དུ་སོང་སྟབས། གསོད་ཆོག་ཆོག་གི་མེ་མདའ་གྲངས་ལས་འདས་པ་ཞིག་རྒྱུ་འབྲས་དང་ཡ་རབས་སྤྱོད་བཟང་ལ་རྣ་བ་ཙམ་ཡང་ཕྱོགས་མ་མྱོང་བས་དམར་དམག་དེ་དག་གི་མེ་མདའི་རྡེའུ་དེ་དག་ཆར་དྲགས་བཞིན་སྐར་ཆ་ཁ་ཤས་ཀྱི་རིང་ལ་བོད་མི་དམངས་ཀྱི་ཐོག་དུ་ཕབ་རྒྱུར་ཁོང་ཚོ་ལ་འཚེར་སྣང་གཏན་ནས་མེད། དེ་དུས་གྱོང་རེག་མཁན་དེ་བོད་པ་ཚང་ལས་རྒྱ་ནག་སྲིད་གཞུང་མིན་པ་ཤེས་པར་གྱིས། ང་ཚོ་ད་དུང་ཅིས་ཀྱང་གསོན་དགོས། གསོན་བསྡད་ན་ང་ཚོ་ལ་བོད་དོན་སྒྲུབ་པའི་གོ་སྐབས་མང་པོ་ཡོད། གནས་ལུགས་དང་རྒྱུ་མཚན་མང་བོ་ཞིག་གིས་ང་རང་ཚོ་བོད་དོན་དུ་གསོན་དགོས་པ་ལས། ད་ལྟ་རང་ཤི་དགོས་པར་ནམ་ཡང་བཤད་ཀྱི་མི་འདུག གསོད་གཏུབ་ཀྱི་སྐད་ཆ་ཡང་མི་འདུག་པ་དྲ་གྲོགས་སྟག་སྨྱོན་ལགས་སེམས་སུ་ཨེ་ཤར་ལ་ཚོད་ལྟ་ཞིག་གནང་རོགས་ཞུ།

དྲ་གྲོགས་སྟག་སྨྱོན་ལགས། སྨོན་ལམ་ལ་འཐུ་དང་ནུས་པ་ཞིག་ཡོད་ན། ངས་བོད་ལ་བདེ་སྐྱིད་ལྡན་པ་དང་རང་དབང་ཐོབ་པར་ཤོག་ལོས་ཟེར། ད་དུང་མུ་གེ་དང་ལྟོགས་སྐོམ་གྱི་མནར་བའི་ཨ་སྤུ་རི་ཀ་བ་གཙོ་བའི་མིའི་རིགས་ལ་མུ་གེ་དང་ནད་ཡམ་མེད་པར་ཤོག་ཟེར་ན་འདོད། གང་ལྟར། ཁྱེད་རང་བོད་དུ་སོང་ནས་ལས་དོན་རླབས་ཆེན་རེ་བྱེད་ཐུབ་པར་ང་རང་གི་རེ་བ་རྒྱག་ཆོག ཡིན་ཡང་ཁྱེད་རང་སོང་ནས་ཉེས་མེད་ཀྱི་རྒྱ་ནག་མི་དམངས་དཀྱིས་མ་རེ་གསོད་ཀྱི་ཟེར་ན་ང་རང་གཏན་ནས་ཐད་པ་མི་འདུག གང་ཡིན་ཟེར་ན། དེ་དག་ནི་ང་ཚོ་དང་གཅིག་པ་རེད། ད་དུས་དེ་ལས་ཀྱང་ཁྱེད་ཀྱིས་རྒྱ་ནག་སྲིད་གཞུང་གི་མི་སྣ་གང་རུང་རེ་གསོད་ཐུབ་མིན་རེ་ཨེ་ཐུབ་ལྟ་རྒྱུ་ཟེར་ན་ང་རང་དེ་ལ་ཡང་ཐད་པ་མེད། ཁྱེད་རང་མི་གཅིག་གིས་མི་མང་བོ་ཞིག་གསོད་མི་ཐུབ་ལ། གལ་སྲིད་བརྒྱ་ཚོ་གཅིག་གསོད་ཐུབ་ཀྱང་དེས་བོད་ལ་ཆག་འཇིགས་ཇེ་མང་དུ་བཏང་བ་ལས། བོད་ལ་བདེ་སྐྱིད་དང་ངལ་གསོ་གང་ཡང་སྤྲོད་མི་ཐུབ་ཁོ་ཐག་ཡིན། དེ་ལས་ཁྱེད་རང་བོད་དུ་འགྲོ་རྒྱུ་ཡིན་ཟེར་ན་ང་རང་ལ་ཐད་པ་ཡོད་ལ། བོད་དུ་སོང་བ་ཙམ་གྱིས་ངས་ཁྱེད་ཀྱི་བོད་དོན་བྱེད་ཐུབ་ངེས་རེད་ཅེས་ཡིད་ཆེས་བྱེད་རྒྱུ་ཡིན། དེ་ག་རེ་ཡིན་མིན་ཁྱེད་རང་ལ་དུས་ཚོད་བྱུང་ན་ངེད་གཉིས་ག་རེ་གླེང་མོལ་བྱེད་ཆོག ཁྱེད་ཀྱིས་ང་རང་ཤི་རྒྱུར་སྐྲག་མཁན་གྱི་སྡར་མ་ཞིག་རེད་མ་འདོད། མི་གཅིག་གཉིས་ཤིག་གི་རང་སྲོག་གཏོང་བ་དེས་གང་ཡང་མི་ཕན། ཡིན་ཡང་་་་

དྲ་གྲོགས་སྟག་སྨྱོན་ལགས། དེ་ལྟར་རེད། ངས་ཀྱང་ཁྱེད་དང་ང་ལྟ་བུ་གྲངས་ལས་འདས་པ་ཞིག་བོད་དོན་ཆེད་དུ་ཤི་གསོན་ཐག་གཅོད་བྱེད་མཁན་ཞིག་དུ་འགྱུར་བར་རེ་བ་བྱེད་ཀྱི་ཡོད་ལ། ཉལ་ས་གང་རང་ཞིག་དང་ས་མཐའ་གང་རང་ཞིག་ནས་ཤི་མི་འགྲོ་བར་རེ་བ་རྒྱབ་པ་གཅིག་བུ་མ་ཡིན་པར་དེ་ལྟར་ཡོང་བར་ཤོག་ཟེར་གྱི་ཡིན། དོན་དངོས་ཐོག་དེ་ལྟར་ཡོང་བ་ཞིག་ང་ཚོས་ཀྱང་རང་རང་གི་ས་ནས་གང་ཐུབ་ཐུབ་ཞིག་གྲ་སྒྲིག་བྱེད་དགོས་རེད་ལ། ཁྱེད་ཀྱིས་ཀྱང་གང་ཐུབ་ཐུབ་རེ་གྲ་སྒྲིག་བྱེད་ཀྱི་ཡོད་པར་བདག་ལ་ཡིད་ཆེས་ཡོད། རིག་བཟང་གི་བུ། ཕ་བཟང་གི བོད་ཀྱི་བུ། ང་ཚོ་ཉན་དགོས་པ་ཡིན། ཤི་ན་ས་མཐའ་དང་ཉལ་ས་ནང་ནས་མི་ཤི འདི་ང་ཚོས་བོད་མི་རིགས་ལ་འཇོག་དགོས་པའི་དམ་བཅའ་ཞིག་རེད་ཟེར་ནས་བཤད་ན་འགྲིག་ལ། དེ་ལྟར་དུ་སེམས་ནང་དུ་ཡང་འཛིན་དགོས་པ་ཡིན། དེ་ལྟར་བྱེད་་་

དྲ་གྲོགས་སྟག་སྨྱོན་ལགས། ཁྱེད་རང་ཐུགས་རྗེ་ཆེ། ལམ་སྟོན་གནང་བ་དེ། ཡིན་ཡང་སྔོན་ཆད་ཁྱེད་རང་གི་ས་ཐོག་ནས་ཡིན་པ་ཡོད། ངས་གསལ་བོ་ཞིག་མི་དྲན་མོད། མི་ཞིག་གིས་ཁྱེད་རང་ལ་སྨྱུག་མིང་སྤྱོད་པ་ལས་དངོས་མིང་བྲིས་ན་ཡག་རབས་གླེང་དུས་སུ་ངས་དེ་ནས་ལན་ཞིག་བཏབ་ཡོད་པ་ཁྱེད་ཀྱིས་དྲན་གསོས་ཀྱི་ཨེ་འདུག མེད་ན་མི་སྐྱོན། ཡིན་ཡང་ངའི་བསམ་ན་ང་ཚོས་ཕན་ཚུན་གྱི་མིང་དངོས་མ་དེ་ཤེས་མིན་གལ་ཆེན་པོ་མིན་པར་འདོད། གལ་ཆེ་བ་ནི་ཕན་ཚུན་གྱི་བསམ་ཚུལ་དྲ་ཐོག་འདིར་སྤེལ་ནས་མི་དམངས་ལ་བསམ་ཚུལ་རེ་ཟུང་གིས་ཞབས་ཞུ་རེ་བྱེད་ཐུབ་མིན་དེ་རེད། བསམ་ཚུལ་གང་ཞིག་གིས་མི་དམངས་ལ་ཕན་ཐོག་སོང་ན། གཟོད་ནས་ང་ཚོས་དྲ་ཐོག་འདི་ནས་དུས་ཚོད་དང་བསམ་ཚུལ་མང་པོ་བྲིས་པ་ལ་གྲུབ་འབྲས་བྱུང་བ་རེད་ཟེར་ན་འགྲིག ང་རང་གིས་དུས་རྟག་དུ་མིང་དང་མི་གཟུགས་དེ་མི་དམངས་ལ་སྟོན་རྒྱུ་དེ་ནི་གལ་ཆེན་དུ་མཐོང་གི་མི་འདུག ཐོག་མར་མི་དམངས་ཀྱི་མཐོང་དགོས་པ་དེ་ནི་ང་ཚོས་མི་དམངས་བསམ་ཚུལ་ཡང་དག་པ་ཞིག་མཐོང་དུ་བཅུགས་ནས། མི་དམངས་ལ་ང་ཚོ་དགོས་འཁོ་ཡོད་མེད་དང་ང་ཚོ་ལ་ཡང་མི་དམངས་དགོས་ཀྱི་ཡོད་མེད་དེས་ས་མཚམས་ཤེས་ཐབས་ལ་བརྩོན་འགྲུས་བྱེད་རྒྱུ་དེ་རེད་སྙམ་གྱི་ཡོད་ན། དྲ་གྲོགས་སྟག་སྨྱོན་ལགས། ཁྱེད་རང་ཡང་ང་དང་འདྲ་བར་མིང་དངོས་མི་སྟོན་པ་དང་མི་གཟུགས་མི་སྟོན་པའི་རྒྱུ་མཚན་འདི་འདྲ་ཐུང་ཐུང་རེ་བཤད་རྒྱུ་ཡོད་དམ། ངས་འདང་རྒྱབ་ན་ཡོད་རྒྱུ་རེད་འདོད། དེ་འདྲ་ཞིག་ཨེ་རེད།

ཤ་ཁྲག་ཁྱོད་བསོད་བདེ་ཅན་ཞིག་ཡིན་འདུག་པས་འབད་བརྩོན་བྱོས། དུས་ཚོད་དང་བོད་ཡིག་གི་གནས་ཚད་ཡག་པོ་ཡོད་ཐོག། འབྲི་འདོད་ཀྱི་བརྩོན་སེམས་འདང་ངེས་དང་གློག་ཀླད་སོགས་ཀྱི་ཆ་རྐྱེན་ཡང་ཡོད་འདྲ་བས་དགའ་བོ་བྱུང་། ཁྱེད་ལ་ཐེངས་གཅིག་ནང་གཏམ་ཞིག་བཤད་པ་ཡང་དང་དུ་ལངས་ནས་ཆགས་སྲིད་སྐོར་གྱི་ཟིན་བྲིས་གསུབ་པར་མི་རང་གཤིས་སླད་མེད་ཅིག་པའི་ཡིན་པའི་བག་ཆགས་སླེབས་སོང་བས་རྗེས་སུ་ཡི་རང་ཡོད། མ་ཟད་དམིགས་བསལ་ཆབ་སྲིད་ཀྱི་དགོས་པ་མེད་ན་རང་གི་མིང་ངོ་མ་སྤྱོད་ཐུབ་ན་སྤྱི་ཚོགས་ནང་གྲུབ་འབྲས་དང་གདེངས་འཇོགས་དག་དག་ཅིག་ཐོབ་གི་རེད། སྤྱི་ཚོགས་ཁྲོད་རང་ཉིད་ངོ་སྤྲོད་ཡང་དག་ཅིག་ཡོང་གི་རེད།