སེམས་ཀྱི་སྐད་ཆ་བཤད་སའི།།
སྙིང་གི་དགའ་བོ་ཞིག་ལ།།
ཡུན་རིང་འགྲོག་འདྲིས་བྱེད་ལ།།
འདོད་པ་ཆེན་པོ་ཡོད་ཀྱང་།
ཉིན་མ་དེར་ཁོ་མོ་ང་རང་དང་ཁ་གྱེས་སོང་། བདེ་མོ་ཟེར་དབང་ཙམ་ཡང་མ་བྱུང་བར། ཁོ་མོ་སོང་ཤུལ་གྱི་ང་རང་ནི་སེམས་པ་ལ་རང་དབང་མེད་པའི་མི་ཞིག་དུ་གྱུར་སོང་། སྐབས་དེར་ངས་བྱེད་མི་འདོད་པ་མང་བོ་ཞིག་ཡོད་ལ། བྱེད་འདོད་པ་ཡང་མི་ཉུང་བ་ཞིག་འདུག དེ་དག་གི་བར་མཚམས་ན་ལུས་པའི་ང་རང་ནི། མི་སུ་གང་གིས་ཀྱང་ཤེས་ཐུབ་མེད་པ་ཞིག་རེད། བྱེད་འདོད་པ་ནི་ཨ་རག་འཐུང་འདོད་འདུག་ལ། བྱེད་འདོད་པ་ནི་ཐ་མག་ཀྱང་མང་བོ་འཐེན་འདོད་འདུག ཡིན་ཡང་། ཁོ་མོས་ང་རང་ལ་ཁྱེད་ཀྱིས་ཆང་མ་འཐུང་ཐ་མག་མ་འཐེན། ཁྱེད་རང་གི་འཕྲོད་བརྟེན་ལ་གནོད་ཡང་ཟེར་བས་སྙིང་གཏམ་དེ་དག་རེད།
ང་རང་གི་བྱེད་མི་འདོད་པ་དག་ནི། མི་དེ་དག་གི་སྔུན་ནས་མ་ཡིན་ཡིན་ཁུལ་བྱས་དེ་ལས་ཀ་འདྲ་བྱེད་རྒྱུ་དེ་དག་རེད། ཡིན་ཡང་། ང་རང་གསོན་པར་འཚོ་དགོས་དུས། བྱེད་མི་འདོད་པ་དེ་དག་ལ་དང་ལེན་མི་བྱེད་ཐབས་མེད་དུ་གྱུར་ནས། ངས་དེ་དག་ལ་དང་ལེན་བྱས་པ་ཡིན། དང་ལེན་བྱས་དེ་ཉིན་མ་རེ་རེ་བཞིན། རང་གི་ནུས་ཚོད་ཀྱི་མི་འོག་ནས་ལས་ཀ་བྱེད་ཞོར་དུ་རང་གི་སེམས་པ་རང་གིས་གསོ་སྐྱོང་བྱས་པ་ཡིན།
གང་ལྟར་བྱེད་འདོད་དང་མི་འདོད་ཀྱི་བར་མཚམས་དེ་ནས་ངས་རང་གི་བྱེད་འདོད་པ་དེ་དག་ལ་རྒོལ་ལན་སྤྲད་དེ་རྒྱང་རིང་དུ་དོར་བ་ཡིན། དེ་ནི་ཁོ་མོས་ང་རང་ལ་སེམས་འཁུར་ཆེ་ཤོས་སུ་གྱུར་ཡོད་སྟབས་ཡིན་ཤས་ཆེ། བྱེད་མི་འདོད་པ་དེ་དག་ལ་ཉིན་རེ་བཞིན་ཧུར་བརྩོན་གྱིས་བྱས་དུས། ཉིན་ཞིག་ང་རང་བུད་མེད་གཞན་ཞིག་གི་སྒོ་དྲུང་དུ་སླེབས་འདུག དེ་ནི་ལོ་ངོ་ག་ཚོད་འདས་རྗེས་ཀྱི་ཉིན་མོ་གཞན་ཞིག་རེད་འདུག་ལ། ངས་ཁོ་མོ་མ་མཐོང་བར་མི་ལོ་མང་བོ་སོང་རྗེས་ཀྱི་ཉིན་མ་ཞིག་རེད།
ཉིན་དེར་ངས་རང་ཉིད་ལ་མི་ཚེ་འདིའི་ནང་དུ་གདམ་ཀ་ཟེར་བ་ཞིག་མེད་པ་རྟོགས་སོང་། རྒྱུ་མཚན་ནི་རང་གི་འདོད་ཕྱོགས་དེར་རྒྱལ་ཁ་ལས་ཕམ་ཁ་མང་བ་དང་། ཕམ་ཁའི་ཁྲོད་ནས་རང་གཞན་རོགས་གསུམ་གང་མང་མང་ཞིག་ལ་སྡུག་བསྔལ་བཟོ་བ་ལས་གང་ཡང་མེད་པ་དེ་ཡང་ཤེས་སོང་། ཤེས་པ་དེ་དག་གི་ང་རང་ལ་གང་ཡང་ཕན་ནུས་ཐོན་བཞིན་མེད་ཀྱང་། ཁོ་མོས་ཐོས་ན་སེམས་པ་ལྷོད་དུ་འབབ་ངེས་རེད་སྙམ་བཞིན་རང་ཉིད་ཀྱི་མི་འདོད་པས་གནས་ཚང་ཞིག་གི་སྐུ་མགྲོན་ཆགས། ཡིན་ཡང་། སྐུ་མགྲོན་ནས་ཁྱིམ་བདག་ཉན་མི་ཉན་དེ་ནི་ང་རང་གི་བསམ་བློ་གཏོང་འཕོད་ཀྱི་མི་འདུག
འདི་ལྟར། རྒྱང་རིང་ཡུལ་དུ་སོང་བས།། སེམས་སོང་སྙིང་གི་རོགས་ལ།། བྲིས་པའི་སེམས་ཀྱི་བརྩེ་དུང་།། སུ་ལ་སྟོན་འདོད་མི་འདུག། གང་ལྟར་མི་ཚེ་ཟེར་བ་ནི་ཐག་གཅོད་གང་ཡང་མེད་པས་བྱ་བ་ཞིག་རེད།
དྲ་གྲོགས་འཇིགས་བྲལ་ལགས། ངས་ཤེས་མིན་དང་ཁྱེད་ཀྱི་ཤེས་མིན་ཟེར་ནས་བསྡོད་འདོད་ནི་ང་རང་ལ་མེད། ཡིན་ཡང་ང་རང་གི་གང་ཐུབ་ཐུབ་ཀྱི་ཡིག་སྐད་དུ་འབོད་པའམ་སྤྱི་སྐད་འདྲི་གང་ཐུབ་རེ་བྱེད་ཀྱི་ཡོད་ཀྱང་། ཁྱེད་རང་གི་འདོད་པ་མ་འཁང་ས་རེད་ཡོད་ན་གསུང་རོགས་གནོང་། འཛེམ་སྣང་བྱེད་མི་དགོས་སོ། སྐྱོན་ཆ་ག་རེ་ཡོད་ན་བཤད་རྐྱང་བྱོས་དང་ང་རང་གི་ནོར་འཁྲུལ་ཡིན་ན་ངས་རང་ནོར་རང་གི་བཅོས་ཆོག ཨོ་རེད་ངས་མིང་དུ། བོད། ཤ་ཁྲག་རུས་གསུམ་ཟེར་བ་ལས་ས་ཁྲག་རུས་གསུམ་མིན་ལགས། སྤྱིར་ན་ཐལ་སོང་བས་སྐད་ཆ་གང་ཡང་ཡོད་པ་མ་རེད། ཁྱེད་རང་གི་གང་གསུང་འདོད་ཡོད་ན་གསུང་ཤོག་དང་དགའ་བསུ་ཞུ་དགོས་སར་དང་ལེན་བྱེད་ངེས་ཡིན། དེ་མིན་
དྲ་གྲོགས་ས་ཁྲག་རུས་གསུམ་ལགས། ངའི་རེ་བ་ཡིན་ན་སྤྱི་སྐད་གཙང་མ་ཞིག་བཀོལ་རོགས། དེ་ནི་ངས་ཤེས་ཟེར་གྱི་མེད། ཡིན་ནའང་། ངེས་ཤེས་གང་ཞིག་གིས་སྐུལ་ནས་དེ་ལྟར་འབྲི་བར་ཐལ་སོང་།
མི་ཚེའི་སྐྱོ་གདུང་གི་གཏམ་བརྒྱུད་ཤ་ཁྲག་རུས་གསུམ་གྱིས་བཤད།
སྐྱེ་བོ་གང་མང་ཞིག་གི་ཡིད་སེམས་ལ་འདས་དོན་གྱི་སྣང་བ་འཆར།
འདི་ནི་གཏམ་བརྒྱུད་དེ་འདྲ་བ་དག་གི་དྲན་གདུང་རེད།
ཡིན་ནའང་གཏམ་བརྒྱུད་དེ་ཚོ་ང་དང་འབྲེལ་བ་མེད་པ་ཤེས་དུས།
ངས་ཁྱོད་རང་ལ་སེམས་ཐག་ཉེ་བའི་སྣང་བ་ཤར།
ཡང་གཅིག་བསམ་དུས་ང་དང་ཁྱོད་ད་དུང་་་་་་་་་་་་་།