ཨ་མདོ་རྒྱ་ཁོངས་ཡིན་ནམ། ཁ་བ་དཀར་པོ་ལགས།

ཁ་བ་དཀར་པོ་ལགས། ཨ་མདོ་དེ་དུས་ཀྱི་གནས་སྐབས་རང་བཙན་གྱི་ངོ་བོར་གནས་པའི་བོད་ཀྱི་སྲིད་གཞུང་དེའི་མངའ་འོག་ཏུ་མེད་པར་རྒྱ་གོ་མིན་ཏང་གི་ནུབ་བྱང་གི་དམག་སྤྱི་ཆེན་མོ་མ་པུའུ་ཧྥང་དང་མ་ཆི་གཉིས་ཀྱི་མངའ་འོག་དང་། དེ་བཞིན་རྒྱལ་རོང་འབའ་ཐང་སོགས་ཀྱང་གོ་མིན་ཏང་གིས་བསྐོ་འཇོག་བྱས་པའི་རྒྱ་དཔོན་ཚོའི་མངའ་འོག་ཏུ་ཡོད་པ་རེད། ཟེར་ནས་བཤད་འདུག སྐབས་དེར་ཨ་མདོ་ཡོངས་སུ་རྫོགས་པ་རྒྱ་ནག་གི་མངའ་ཁོངས་དུ་ཤོར་ཡོད་པ་རེད་དམ། ཡང་ན། མ་ཤོར་སྔོན་གྱི་ཨ་མདོ་བ་མངའ་ཁོངས་གང་ལ་གཏོགས་ཡོད་པ་རེད། དེ་མིན་ཉིན་མ་དེ་ནས་བཟུང་ཨ་མདོ་རྒྱ་ཁོངས་ཡིན་པར་ཁས་ལེན་བྱེད་ཀྱི་ཡོད་དམ། ཡང་ན་ཨ་མདོ་བོད་ཁོངས་ཡིན་པར་ངོས་འཛིན་བྱེད་ཀྱི་ཡོད་པ་རེད། དེའི་ལན་གསལ་བོ་ཞིག་ཡོད་པ་གནོང་རོགས་ཞུ།

ཁ་བ་དཀར་པོ་ལགས་འདི་ནི་གོང་གི་འདི་ལ་བཏབ་པས་བསམ་ཚུལ་མ་ཡིན་པར། ཁྱེད་རང་གི་གྲ་སྨྱོན་བསྟན་རྒྱམ་གྱི་ཟིན་བྲིས་ནང་དུ་བཀོད་པ་དེ་ལ་བསམ་ཚུལ་བྲིས་པ་ཞིག་ཡིན། ཁྱེད་རང་ལ་ཁོམ་པ་ཡོད་ན་ལན་གསལ་བོ་ཞིག་ཡོད་པ་གནོང་རོགས། དེ་མིན་སྐད་ཆ་འདི་འདྲ་བཤད་པ་ནི་དངོས་ནས་སྙན་མི་སྙན་གཙོ་བོ་མ་རེད་དེ། རྒྱ་ནག་སྲིད་གཞུང་གི་ལག་ཆར་མི་འགྱུར་བས་དངོས་པ་གཏན་ནས་མེད་ལ། རྒྱ་ནག་སྲིད་གཞུང་གི་རེ་སྒུག་བྱེད་ས་ཡང་སྐད་ཆ་འདི་འདྲའི་རིགས་རེད།

སྐད་ཆ་གང་ཞིག་བཤད་ཀྱང་དེ་ལ་ཚད་འཛིན་བྱེད་འདོད་ཡོད་པ་གཏན་ནས་མིན་མོད། ང་ལྟ་བུ་ཞིག་གིས་མི་གཞན་གྱི་སྐད་ཆའི་རང་དབང་ལ་ཚོད་འཛིན་དུས་ནམ་ཡང་བྱེད་མི་སྲིད་པ་ཡིན། འོན་ཀྱང་། སྐད་ཆ་བཤད་ཕྱོགས་ཁ་ཤས་ནི་དངོས་ནས་ངེད་ཅག་བོད་པ་ཚང་ལ་དགོས་པ་ལས་མི་དགོས་པ་དང་། ཕན་པ་ལས་གནོད་དུ་འགྱུར་བཞིན་འདུག་ན། སྐད་ཆ་བཤད་ཤེས་པ་དང་བསམ་ཚུལ་གླེང་ཤེས་པ་གནང་ན་དངོས་ནས་ཡག་པོ་འདུག དེ་མིན་ཨ་མདོ་རྒྱ་ཁོངས་ཡིན་མིན་བཤད་བཞིན་པས་ཀླུ་སྨྱོན་དང་ཁྱེད་ཚོ་ལྟ་བུ་ཡིན་ན་དངོས་ནས་ག་རེ་བྱུང་བ་ཡིན་ནམ་སྙམ་པས་ཚོར་བ་སྟེར་གྱི་འདུག  ཁ་བརྡ་ཚང་གི་ནང་དུ་ཡང་ཀླུ་སྨྱོན་ལ་བོད་། ལྷ་ཀླུ་གཉན་གསུམ་གྱིས་སྐད་ཆ་ཚ་བོ་ཁ་ཤས་ཤིག་བཤད་འདུག་པ་དེ་ལ་ཡང་དངོས་ནས་རྒྱུ་མཚན་གཏན་ནས་མེད་པ་ཞིག་རེད་མི་འདུག

ཁ་བ་དཀར་པོ་ལགས། ཨ་མདོ་རྒྱ་ཁོངས་སུ་ག་དུས་ནས་གྱུར་མིན་དང་། མ་གྱུར་སྔོན་གྱི་ཨ་མདོ་ཚང་གི་ལོ་རྒྱུས་གསལ་བོ་ཞིག་ཁྱེད་རང་ལ་བཤད་རྒྱུ་ཨེ་ཡོད། དེ་ལྟར་མེད་ན་ཁ་བཙུམ་མི་ཐུབ་ཀྱང་། རང་ཤ་བཅད་དེ་མྱི་ཁ་མ་གཡུགས་རོགས། བོད་མདོ་དབུས་ཁམས་གསུམ་གང་ཞིག་ཡིན་ཡང་། རྒྱ་ཁོངས་ཡིན་པས་སྐད་ཆ་ཞིག་སྔ་མ་དག་གི་རང་དུ་བྱུང་མྱོང་མེད་མོད། ལྟས་ངན་འུ་ཅག་གི་རིང་དུ་བྱུང་ན་དངོས་ནས་ཞབས་འདྲེན་རེད། རྒྱ་ནག་སྲིད་གཞུང་གིས་ཀྱང་བོད་ནི་རྒྱ་ནག་གི་མངའ་ཁོངས་ཡིན་པར་ཁས་ལེན་དགོས་ཞེས་ཨུ་ཚུགས་རྒྱག་བཞིན་ཡོད་པ་གོ་མྱོང་ཡོད་པ་ལས། བོད་པ་རང་གིས་ཨ་མདོ་རྒྱ་ཁོངས་རེད་ཅེས་རྒྱ་ནག་ལ་སྤྲོད་བཞིན་པ་ཁྱེད་ཅག་བསམ་བློ་འམ་ཆབ་སྲིད་ཀྱི་རྨོངས་འཐོམ་ཁ་ཤས་མ་གཏོགས་མཐོང་མྱོང་མེད། རེད། ཨ་མདོ་རྒྱ་ཁོངས་ཡིན་ན། བོད་གཞུང་གི་རྒྱ་ཁོངས་ལ་བདག་པོ་རྒྱག་དགོས་དོན་གང་ཡིན་ནམ།