ཕྱིར་འབུད།

དྲ་གྲོགས་སྟག་སྨྱོན་ཁྱེད་ཀྱིས་ངེད་ཀྱི་བསམ་ཚུལ་ལ་སྡང་ཟུག་ལབ་འདུག ངེད་ཀྱིས་སྡང་ཟུག་བྱས་མེད། འོན་ཀྱང་། ཁྱེད་ཀྱིས་དེ་སྡང་ཟུག་རེད་ལབ་ན། ང་ལ་ཡང་ཅང་བཤད་རྒྱུ་མེད།
ྐླུ་སྨྱོན་གྱི་རྩོམ་ཡིག་ངས་ཀྱང་བྐླགས་མྱོང་། ཚིག་དང་དོན་གཉིས་ཀ་བྐླགས་མྱོང་། ངེད་ཀྱི་བསམ་ཚུལ་དང་མཐུན་མ་མཐུན་གཉིས་ཀ་འདུག འོན་ཀྱང་། ངེད་ལ་ཚིག་རྩུབ་སྤྱད་རྒྱུའི་འདོད་པ་མེད། ཚིག་རྩུབ་སྤྱད་ན་གནས་ལུགས་མི་ཤོད་།
རྒྱུ་མཚན་མི་རྙེད་། མ་རེད་དམ། ཁྱེད་ཀྱིས་ཀྱང་ཡིན་གཅིག་མིན་གཅིག་ཚིག་རྩུབ་ཞིག་འཁྱེར་མ་ཡོང་ན་གནས་ལུགས་མི་ཤོད་ནི་མ་རེད། རྒྱུ་མཚན་མི་རྙེད་ནི་མ་རེད། ཚིག་རྩུབ་འདྲ་བོ་ཞིག་མ་སྤྱད་ན་ྐླུ་སྨྱོན་ལ་ཁ་གཏད་མི་ཆོག་ནི་རེད།
དེ་འདྲ་ཡིན་རྒྱུ་མ་རེད་བསམ། ྐླུ་སྨྱོན་གྱིས་ཀྱང་སོ་སོའི་བསམ་ཚུལ་ཞིག་བཤད་ཀྱི་འདུག་། ཁྱེད་རང་ལ་ཡང་ཁོང་གི་བསམ་ཚུལ་དེ་དང་མི་མཐུན་པའི་ལྟ་ཚུལ་ཡོད་ན་ལབ་ཆོག་གི་རེད། ཐད་ཀར་ལབ་ཆོག་གི་རེད། དྲ་ཐོག་ནས་ལབ་ཆོག་གི་རེད། འཕྲིན་ཐོག་ནས་ལབ་ཆོག་གི་རེད། ཁ་པར་བརྒྱུད་ནས་ལབ་ཆོག་གི་རེད། འོན་ཀྱང་། ཆིག་རྩུབ་སྤྱད་དགོས་དོན་མི་འདུག་སྙམ། མ་རེད་དམ།
སྤྱིར་བཏང་ནས་རྩོམ་འབྲི་བ་ཞིག་ཡིན་གནས་ལུགས་ཤོད་མཁན་ཞིག བསམ་ཚུལ་ལ་ཉན་ཤེས་བྱེད་ཐུབ་མཁན་ཞིག བསམ་བློ་གུ་ཡངས་པོ་ཡོད་མཁན་ཞིག་དགོས་རྒྱུ་གལ་ཆེན་པོ་རེད་སྙམ།
ཁྱེད་ཀྱིས་གྲ་ལོག་ཚོའི་སྐོར་ནས་གཅིག་གསུངས་འདུག ངེད་ཀྱི་བསམ་པར་ྐླུ་སྨྱོན་གྲ་ལོག་མ་རེད་བསམ། གྲ་བའི་སྤྱི་ཚོགས་སུ་བསྡད་ནས་གྲ་བའི་སྤྱི་ཚོགས་བཤད་མཁན་ྐླུ་སྨྱོན་དང་བོན་རྒྱ་བསྟན་འཛིན་རབ་རྒྱས་འདྲ་བོ་ཁ་ཤས་ཤིག་མ་གཏོགས་མི་འདུག་ག
དེ་ཚོའི་བསམ་ཚུལ་དེ་དགོས་རྒྱུ་ཞིག་རེད། བསམ་ཚུལ་འདྲ་མིན་བྱུང་། རྩོད་པ་འདྲ་མིན་བྱུང་། བགྲོ་གླེང་འདྲ་མིན་བྱུང་ན། ག་ལེར་སྤྱི་ཚོགས་གུ་ཡངས་པོ་ཆགས་ཡོང་གི་རེད། བསམ་བློ་གཏོང་སྟངས་གུ་ཡངས་པོ་ཆགས་ཡོང་གི་རེད། མ་རེད་དམ།
ཡང་ཁྱེད་ཀྱིས་ཕྱི་རྒྱལ་བོད་མི་ཨ་གསར་ཅན་དེས་ལབ་འདུག། ཕལ་ཆེར་ང་ལ་ལབ་ཀྱི་ཡོད་པ་འདྲ། ཁྱེད་བདེན་པ་རེད། ང་ཕྱི་རྒྱལ་ན་སློབ་སྦྱོང་བྱེད་མཁན་གྱི་སློབ་ཕྲུག་ཞིག་རེད། ངེད་རང་དེང་རབས་རིག་གནས་ཟེར་བ་དེ་སྦྱངས་བཞིན་དེ་ལ་རྒོལ་མཁན་གྱི་རིགས་ཤིག་ཡིན། འདིའི་ཕྱོགས་ནས་ངེད་ལ་རྨོངས་འཆར་མང་། འོན་ཀྱང་། ཨ་གསར་ཡིན་མིན་ངས་མི་ཤེས། ངེད་ཀྱི་བསམ་ཚུལ་མདོར་ན། བསམ་ཚུལ་བཤད་དུས་ཚིག་རྩུབ་མ་སྤྱད་ན་ཡག་པོ་འདུག་ལབ་ཡ་དེ་ཡིན།
ཁྱེད་ཀྱིས་ཀྱང་ཚིག་རྩུབ་མ་སྤྱད་ན་བསམ་ཚུལ་བཤད་མི་ཤེས་བ་དེ་འདྲ་ནི་རེད་མི་འདུག དཔེར་ན། ཁྱེད་ཀྱིས་བཏབས་པའི་མཆན་བུ་༤༤ དེ་འདྲ་ཡིན་ན་བསམ་ཚུལ་བཤད་སྟངས་ཤིག་རེད་འདུག་ག། ཡག་པོ་འདུག

ངས་ཀྱང་ཁྱེད་ལ་རེ་བ་ཞིག་ཞུ་ན་འདོད་ཀི དབུ་ཅན་ལ་ཡིག་ནོར་གཅིག་གཉིས་རེ་ཤོར་འགྲོ་ནའང་དམིགས་བསལ་ཡོད། ཡིན་ནའང་། དབུ་ཅན་ལ་སྐུང་ཡིག་འབྲི་མི་ཉན། འདིས་འཇིགས་སུ་རུང་བའི་ཉེན་ཁ་སྣ་ནག་མ་རེ་སྣ་འདྲེན་བྱེད་པ་ཡིན།
དཔེར་ན། དགེ་རྒན། དགེན།
བཀྲ་ཤིས། བཀྲིས།
ཕར་ཕྱིན་བྲིས་རྒྱུགས་དང་པོ། ཕང་བྲིས།

དྲ་ཟིན་འདིའི་ཆ་ཤས་ལེན་རྒྱུར་ཆ་རྐྱེན་གལ་ཆེན་གཉིས་མཐོང་གི་འདུག བོད་ཡིག་འབྲི་རྒྱུར་དགའ་བ་དང་བོད་ཡིག་ཀློག་རྒྱུ་དགའ་བོ་ཡོད་ན་དེས་འགྲིག། འདི་ནི་མཁས་པ་འགྲན་སྡུར་དང་ཡང་ན་བླུན་པོ་འགྲན་སྡུར་བྱེད་ས་མ་རེད། དེ་འདྲ་རེད་ཟེར་མཁན་ཡོང་གི་མ་རེད། ཁྱེད་རང་གི་ཟིན་བྲིས་མགོ་ནས་མཇུག་བར་དུ་ཀློག་པ་ཡིན། ཚང་མའི་ནང་བོད་ཞེན་དང་སེམས་ཁུར་དང་དྲང་པོའི་རྣམ་པ་འབུར་དུ་ཐོན་འདུག་པས་ཆེས་དགོས་མཁོ་ཅན་གྱི་མི་གཤིས་ཤིག་ཏུ་བརྩི་ཆོག་གི་འདུག དེ་ཕྱིར་རང་གཤིས་བཟང་པོ་དེ་ཁྱེར་ནས་ཕེབས་ཤོག