ངས་བོད་སྐད་བཤད་ན་འདོད། ངས་བོད་ཡིག་འབྲི་ན་འདོད།

བོད་ཀྱི་སེམས་སུ་བོད་ཡོད་ལ་བོད་ཀྱི་མིག་ནང་དུ་བོད་ཡོད་དགོས། ངས་འདི་ལྟར་བཤད་ན་འདོད། ང་བོད་པ་ཡིན་ལ་དྲ་ཚིགས་འདི་ཡང་བོད་ཀྱི་སྐད་ཡིག་གི་དྲ་ཚིགས་ཤིག་རེད། ངས་བོད་ཡིག་འབྲི་བཞིན་ཡོད། ང་བོད་པ་ཡིན། ངས་བོད་སྐད་བཤད་ཤེས་ཀྱི་ཡོད། ང་རང་བོད་ལ་ངོ་གནོང་མི་དགོས། ཡིན་ཡང་། ང་རང་གི་ཤེས་པ་དེ་ཡང་ཚད་མཐོན་པོ་ཞིག་གཏན་ནས་མིན། འོན་ཀྱང་། ངས་བོད་ལ་བཅིངས་པའི་སེམས་པ་གཙང་མ་ཡིན། ངས་བོད་དོན་དུ་བཤད་པའི་སྐད་ཆ་ཚང་མ་སྙིང་གཏམ་ཡིན། བོད་ལ་བཅིངས་པའི་སྙིང་གཏན་དྲོན་མོ། ང་སྙིང་གཏམ་བཤད་རྒྱུར་དགའ། བོད་པ་ཚང་ལ་སྙིང་གཏམ་བཤད་རྒྱུར་དགའ། ང་བོད་ལ་དགའ། ང་བོད་ལ་དགའ་བའི་ཚད་གཞི་ལ་རིན་ཐང་མེད། རིན་ཐང་མེད་པ་དེའི་ཆེད་དུ་ང་གསོན་པོར་ལུས་ཡོད། ངས་བོད་ཀྱི་དར་རྒུད་ཁྲོད་དུ་རང་གིས་ཐུབ་ཚོད་ཀྱི་བོད་སྐད་བཤད་ནས་བོད་ཡིག་འབྲི་བ་དང་བོད་དོན་གླེང་གི་ཡོད། འདི་ལྟར་ང་བོད་པ་དངོས་ནས་ཤིག་གི་སེམས་ཡོད་མཁན་ནས་བོད་ལ་ཤ་ཚ་བའི་བོད་ངོ་མ་ཞིག་གྱུར་འདུག ངས་རང་གི་མེས་པོ་དག་གི་བོད་སྐད་བཤད་ནས་བོད་ཡིག་བྲིས་དེ་བོད་ཀྱི་རིག་གཞུང་སྐྱོང་བ་ཤེས་ཀྱི་ཡོད། ང་རང་ཡང་དེ་ལྟར་བྱེད་པར་དགའ། ང་རང་གི་སེམས་ནང་གི་བོད་འདི་ལ་བོད་པ་ག་ཚོད་ཀྱི་བོད་པའི་ལུས་དང་བོད་པའི་སེམས། བོད་པའི་མིག བོད་པའི་སྐད་དང་། བོད་པའི་སྲོག་ལ་གཅེས་པར་ཡོད་དམ། ངས་འདི་ལྟར་བསམ་བློ་གཏོང་གི་ཡོད། ངས་འདི་ལྟར་བསམ་བློ་མུ་མཐུད་དུ་གཏོང་ན་འདོད། ངས་འདི་ལྟར་བོད་སྐད་བཤད་པ་ནས་བོད་ཡིག་འབྲི་ན་འདོད། ངས་རང་ཉིད་ལ་བོད་པ་ཟེར་བའི་ལུས་ངག་ཡིད་གསུམ་འཛོམ་མཁན་གྱི་བོད་པ་དངོས་ནས་ཤིག་ཉན་དུ་འཇུག་པར་རྩོམ་བཞིན་ཡོད། ང་མ་ཤི་ན་ངའི་སེམས་མི་ཤི ངའི་སེམས་མ་ཤི་ན། ང་བོད་ལ་དགའ་བའི་སེམས་པ་འགྱུར་མི་སྲིད། ང་བོད་ལ་དགའ་བའི་སེམས་པ་མ་འགྱུར་ན་ངས་བོད་དོན་སྒྲུབ་ཐུབ། ས་གང་དུ་སོང་ཡང་། ས་གང་ནས་བསྡད་ཀྱང་ང་བོད་པ་ཡིན། ངས་བོད་སྐད་བཤད་བཞིན་ཡོད། ངས་བོད་ཡིག་འབྲི་བཞིན་ཡོད། ང་བོད་པ་དངོས་ནས་ཤིག ལུས་ངག་ཡིད་གསུམ་འཛོམ་པའི་བོད་པ་ཞིག་ཆགས་པར་བརྩོན་བཞིན་ཡོད། མུ་མཐུད་དུ་་་་་་