ལྷ་ཆབ་སྦྱིན་པ།
སྤྱི་བོ་གནམ་བསྟན་རྣམས་ལ་གསལ་བ་ལྟར། སྔ་ལོར་རང་རེའི་ཤ་གསེར་ན་རྕས་པ་ཅན་གྱི་རྒྱལ་གཅེས་དཔའ་བོ་དཔའ་མོ་མང་བོ་ཞིག་བོད་ཡུལ་སྟོད་སྨད་བར་གསུམ་ནས་རྒྱ་ནག་གིས་དམར་གསོད་བཏང་སྟེ་ད་དུང་ཟུངས་ཁྲག་དྲོན་མོའི་དྲོད་མ་ཡལ་བར་ལུས་ཡོད། གཅེས་ཕྲུག་དག་གི་ཕ་མ་སྤུན་མཆེད་དང་ཤ་རིང་ཉེ་འབྲེལ་གྱི་མིག་ཆུའི་རྒྱུན་མ་ཆད་པར་ལུས་ཡོད། དེ་བས་ན། བོད་ཡུལ་སྟོད་སྨད་བར་གསུམ་ན་ཉིས་སྟོང་དགུའིམི་ལོ་གསར་བའི་ལས་འགུལ་ཞིག་སྤེལ་འཆར་ལ། ང་ཚོའི་བཙན་བྱོལ་བོད་གཞུང་གཙོས་ས་སྟེང་གི་བོད་རིགས་རྣམས་ཀྱིས་གཞིས་ལུས་སྤུན་ཟླ་དག་ལ་མྱ་ངན་ཞུ་ཆེད་སྟོང་ལོ་དགུ་བའི་ལོ་གསར་མི་གཏོང་རྒྱུ་དང༌། རབ་ཡིན་ན་གཞུང་འབྲེལ་དང་ཚོགས་པ་སོ་སོས་ལོ་གསར་གུང་གསེང་མི་བྱེད་པར་མྱ་ངན་མཚོན་པའི་ལས་འགུལ་ཞིག་སྤེལ་རྒྱུ་ནི་ཁ་ཚ་དགོས་གཏུགས་ཀྱི་གནད་དོན་ཡིན་པར་མཐོང༌། རྒྱ་ནག་གཞུང་གིས་ཀྱང་ས་ཁུལ་ཁ་ཤས་ནང་ད་ལོའི་ལོ་གསར་ལ་ཕག་ཤ་གཅིག་དང་རྒྱ་སྒོར་ལྔ་བརྒྱ་རེ་ཁྱིམ་ཚང་རེ་ལ་བརྔན་པར་སྟེར་གྱིན་ཡོད་པར་ཐོས་ལ། དེ་ནི་ལོ་གསར་མྀ་གཏོང་བའི་ལས་འགུལ་གྱིས་བོད་ལ་ཟིན་ཐོ་གསར་བ་ཞིག་བསྐྲུན་རྒྱུ་ཡིན་པར་འཇིགས་པ་མ་ཡིན་ནམ། གལ་སྲིད་ང་ཚོའི་བོད་ཀྱི་ཁ་དཔེར་རོ་ཐོག་ལ་རྟ་རྒྱུག་ཅེས་པ་དང་ཕ་བསད་པའི་སྒང་ལ་རྒྱ་རྔ་བརྡུངས་ཞེས་པར་མི་འགྱུར་རམ། ཉེ་ལམ་ང་ཚོའི་ནང་ཁུལ་ནས་སྐྱིད་སྡུག་གི་མིང་འཁུར་ཏེ་སྤྲོ་སྐྱིད་གཏོང་གི་ཡོད་པ་དང༌། གཞས་དང་ཞབས་བྲོ་འཁྲབ་ཀྱི་ཡོད་པ་མ་ཟད། གཞས་ཚིག་གི་དོན་ལ་་ ང་ཚོ་སྐྱིད་སོང་དང་ང་ཚོ་་དགའ་སོང་ ལྟ་བུའི་མཐོང་ན་སྐྱུག་མེར་ལངས་འོང་བ་བརྙན་འཕྲིན་བརྒྱུད་དེ་བསྟན་གྱིན་པ་ཚང་མས་མཐོང་གསལ་ཡིན། དེ་ལྟ་བུའི་གནས་ཚུལ་མུ་མཐུད་དུ་བྱུང་བ་ཡིན་ན་དུར་ཁུངས་ན་ཕྱིར་མིག་བལྟ་མཁན་གྱི་རྣམ་ཤེས་ཀྱི་ཚོགས་དང་གཞིས་ལུས་སྤུན་ཟླ་རྣམས་ལ་འགྲེལ་བཤད་ཇི་ལྟར་རྒྱག
ལོ་གསར་མི་གཏོང་བ་ནི་རང་རེའི་བོད་ལ་མཚོན་ན་ཆེས་མྱ་ངན་གྱི་རྣམ་གྲངས་གལ་ཆེན་ཞིག་ཡིན་ལ། ད་ལོའི་མྱ་ངན་འདི་ལས་ལྷག་པའི་ང་ཚོར་མྱ་ངན་གྱིས་གདུང་བའི་ནམ་ཟླ་ཞིག་ཐོན་རྒྱུ་ག་ལ་ཡོད། རྒྱུ་མཚན་དེའི་དབང་གིས་བོད་ནང་ཁུལ་དུ་མྱ་ངན་གྱི་ལས་འགུལ་སྤེལ་གྱིན་ཡོད་ལ། ལྷག་པར་དུ་ཁོང་ཚོས་མིག་ཟུང་ཧྲིག་གེར་བཙན་བྱོལ་གཞུང་ལ་བལྟས་ཅིང་རྣ་བ་ལྷག་གེར་བཙན་བྱོལ་གཞུང་ལ་ཉན་ཡོད། ང་ཚོའི་ངོས་ནས་ཀྱང་ལྟས་ལྟས་རིག་རིག་ལ་ཁོང་ཚོའི་སེམས་ཤུགས་གཅོག་ག་ལ་ཉན། འདི་ལྟར་བོད་ཕྱི་ནང་གཉིས་སུ་ལོ་གསར་གྱི་སྤྲོ་སྐྱིད་མ་བཏང་བ་ཡིན་ན། རང་བཞིན་གྱིས་ལས་འགུལ་རླབས་ཆེན་ཞིག་ཆགས་པ་ནི་སྨྲ་མ་དགོས་པ་དང༌། དེའི་ཁར་འདི་ནི་འཚེ་བ་མེད་པའི་ལས་འགུལ་ཞིག་ཀྱང་ཆགས་ཀྱི་ཡོད། ང་དང་ང་ལྟ་བུའི་མུ་ཏོ་བ་ཁ་ཤས་ཀྱིས་བསམ་ཚུལ་འདི་ནམ་རྒྱུན་ནས་བཤད་ཀྱི་ཡོད་ཀྱང༌། སྐུ་དྲག་གི་སྲས་དང་སྲས་མོ་ཚོར་ཅུང་མ་བདེ་བའི་སྣང་ཚུལ་འདྲ་འབྱུང་སྲིད་པ་ཡིན། འོན་ཀྱང་ལྷག་བསམ་དཀར་བོ་དང་སེམས་ཤུགས་འཕར་མ་ཞིག་གིས་ནན་གྱིས་སྐུལ་ཏེ་ཁ་བཙིམ་ནས་སྡོད་པའི་ངང་ཚུལ་དེ་དོར་བ་ཡིན་ནོ།།
ཁྱེད་རང་གི་བསམ་འཆར་དཔེ་མི་སྲིད་པའི་ཡག་པོ་འདུག་ཀྱང་། (སྐུ་དྲག་གི་སྲས་དང་སྲས་མོ་ཚོར་ཅུང་མ་བདེ་བའི་སྣང་ཚུལ་འདྲ་འབྱུང་སྲིད་པ་ཡིན།) ང་ཚོ་བོད་པ་ནང་ཁུལ་ལ་ད་ནས་བཟུང་དེ་འདྲ་རྩ་བ་ནས་མ་གསུངས་རོགས་གནང༌། ཚོགས་པ་དང་མི་སྒེར་སུས་འགྲིག་གི་མི་འདུག་ན་དེ་ལ་ཐད་ཀར་སྐྱོན་བརྗོད་བྱེད་དགོས་པ་ལས་ཆོལ་ཁ་ཆོས་ལུགས་དང་སྐུ་དྲག་མི་དྲག་དེ་འདྲ་མ་གསུང་རོགས་གནང་། དེ་ནི་ང་ཚོའི་མི་རིགས་ལ་ཕན་ལས་གནོད་ཆེ་གི་རེད། ཐུགས་རྗེ་ཆེ།
སྐད་ཆ་འདི་ལ་གནས་ལུགས་འདུག རབ་ཡིན་ན་གཞུང་འབྲེལ་གྱི་གསལ་སྦྲགས་ཞིག་སྤེལ་ན་ཡག་པོ་རེད། གནས་ཚུལ་འདི་ལ་རྒྱུས་ལོན་བྱེད་ཆེར་མདང་དགོང་བོད་ལ་ཁ་པར་བཏང་བ་ཡིན། གོ་ཐོས་སུ་ཨ་མདོ་བླ་བྲང་ཕྱོགས་ན་ལོ་གསར་མི་གཏོང་ཟེར་མཁར་མང་པོ་འདུག དེར་བརྟེན་འདི་བོད་ཀྱི་ས་ཁུལ་མང་པོར་གཅིག་མཚུངས་ཡིན་རྒྱུ་རེད། ཡིན་ནའང་བློ་ཕམ་པ་ཞིག་ལ་ཉེ་ཆར་ཨ་རིའི་ནུས་ཡོག་ཁུལ་དུ་ས་གནས་བུ་མེད་ཚོགས་པས་ལོ་གསར་དགོང་ཚོགས་དང་སྟབས་བསྟུན་ཏེ་མཚན་མོའི་སྤྲོ་ཚོགས་བསྡུ་རྒྱུའི་གསལ་བསྒྲགས་ཕ་ཡུལ་དྲ་རྒྱའི་ནང་དུ་བཏང་འདུག་པས། འདི་ཧྥུ་ཅིན་ཐོ་ཡི་བཀོད་སྒྲིག་མིན་ནའང་ཀྲང་ཆིན་ལིན་གྱི་འདོད་ཐོག་ལ་རྟ་རྒྱུགས་པ་མ་ཡིན་ནམ། དེ་བས་གཞིས་ལུས་ཕུ་ནུ་མིང་སྲིང་དག་གི་གསོན་པོའི་མིག་ཆུ་མ་ཧྲད་གོང་དང་ཤི་བོའི་དུར་ས་མ་འཁྱགས་གོང་ཁྱོད་ཚོ་སྤྲོ་སྐྱིད་ལ་རོལ་རྒྱུ་མ་བྲེལ་ཞེས་བྱེས་སུ་གྱེར་བའི་བོད་མིང་འཛིན་པའི་ཚོགས་པ་སྐྱིད་སྡ྄ུག་ཁག་ལ་ཨ་ཕོ་ཧོར་གྱིས་འབོད་སྐུལ་ཞུ།
འོ་དེ་ལྟར་ཡིན་ན་ རྒྱ་གཞུང་གིས་རོང་ཕྱོགས་ལ་ཕག་ཤ་༡དང་རྒྱ་སྒོར་༥༠༠རེ་སྟེར་གྱིན་ཡོད་ན་འབྲོག་ཕྱོགས་ལ་ གཡག་ཤ་རེ་དང་རྒྱ་སྒོར་༥༠༠རེ་སྟེར་གྱིན་ཡོད་དམ་འབྲོག་པ་ཚོ་ཕག་ཤ་ཟ་མཁན་མང་པོ་མེད་པས།
ཀུ་རེ་ཡིན་ རྒྱ་གཞུང་ང་ཚོས་ལས་འགུལ་ལ་སྐྲག་པ་ག་ལ་ཡིན། ང་ཚོས་ཕྱོགས་ནས་ལས་འགུལ་གྱི་གྲ་སྒྲིག་ག་ཚོད་ཡོད་ན་ རྒྱ་ཕྱོགས་ནས་དྲག་གནོན་གྱི་གྲ་སྒྲིག་དེ་ཙམ་ཡོད་པ་རེད། ད་དུང་རྒྱ་ཕྱོགས་ནས་ཕྱི་ཕྱོགས་ལ་སྐྱག་རྫུན་ཡང་དེ་ལས་མང་པ་ཞིག་གི་གྲ་སྒྲིག་ཏག་ཏག་ཡོད་པ་རེད།
དེ་རང་རེད།
ང་ཚོས་འདི་ལྟར་བསམ་ཤེས་མཁན་ཚོས་བཤད་ནས་བསམ་ཤེས་མཁན་ཚོས་ཉན་བཞིན་ཡོད།
འོན་ཀྱང་།
ང་ཚོའི་ཁོར་ཡུག་འདིར་ཚོར་བས་དབེན་པའི་བོད་མི་ཚོར་ང་ཚོས་ཇི་ལྟར་བྱས་ཏེ་གོ་བརྡ་འཕྲོད་མིན་ལ་བསམ་ཤེས་ཀྱིས་བོད་ཤ་ཁྲག་རུས་གསུམ་གྱིས་གསུངས་པ་ལྟར་རྣ་ལམ་དང་མིག་ལམ་དུ་བསྐྱལ་ནས་ནང་སེམས་ཀྱི་ཚོར་བར་བསྒུལ་བསྐྱོད་གཏོང་ཐུབ་པ་ཞིག་བཟོ་དགོས་པ་རེད།
བསམ་ཚུལ་འདི་ལ་རྒྱབ་སྐྱོར་ཡོད། ཡིན་ཡང་། བསམ་ཚུལ་འདི་གོ་མ་མྱོང་བ་དང་བསམ་ཚུལ་འདི་འདྲ་ཡིད་དུ་ཤར་གྱི་མེད་མཁན་གྱི་བོད་ཞེན་མེད་མཁན་གྱི་སྐབས་འཚོལ་རིང་ལུགས་པ་དེ་དག་གི་རྣ་ལམ་དང་མིག་ས་དག་ལ་བསྐྱེལ་ཐུབ་པ་ཡིན་ན་ཡག་པོ་ཡོད་ས་རེད་འདུག