ད་གཉིས་ལས་སད་འདོད་ཡིན་ན་ཡག་པོ་རེད་དེ། ཡང་བསྐྱར་གཉིད་དུ་གཡུར་འདོད་ཡིན་ན་རྒྱ་ནག་གི་འདོད་ཐོག་དང་བོད་ནང་གི་བོད་མི་དེ་དག་གི་ཚེ་སྲོག་ལ་འགན་ལེན་བྱེད་མ་ཐུབ་པའི་ལས་འགུལ་གང་ཞིག་སྤེལ་ཡང་དེ་དག་ལ་རྒྱབ་སྐྱོར་བྱེད་རྒྱུ་དངོས་ནས་ཁག་པོ་རེད། ད་ལོ་བོད་ནང་ལས་བོད་ཕྱི་ལོག་གི་བཙན་བྱོལ་གཞུང་གཙོ་བྱས་དེ་ལས་འགུལ་སྤེལ་དགོས་པ་ལས་བོད་ནང་གི་ངེད་ཅག་ལ་བདེན་པའི་དབང་བོ་སྔར་ལོ་བྱས་ཟིན་པ་མ་ཟད། ཚེ་སྲོག་གི་འགྲོ་གྲོན་ཡང་མང་བོ་ཞིག་བཏང་ཚར་བ་རེད། ད་ལོ་ནི་དམིགས་གསལ་བོད་ནང་དུ་རེ་བ་བྱེད་མཁན་དག་ནི་རང་ཉིད་ལ་འགུལ་བསྐྱོད་བྱེད་འདོད་མེད་པའི་སྐུ་ངོ་དག་གི་བསམ་ཚུལ་དེ་དག་ལ་ད་ནི་འགྱུར་བ་གཏོང་དགོས་པ་ལས། བོད་ནང་གི་ག་རེ་བྱུང་ཡོང་མི་ཤེས་པ་ཟེར་བ་སོགས་བོད་ནང་གི་བོད་མི་དེ་དག་སླར་ཡང་ཡར་བླངས་བྱེད་པར་སྐུལ་བ་ལྟ་བུས་ཚིགས་དེ་འདྲ་མ་གསུང་ན་ཡག་པོ་རེད། ད་ལོ་ན་ཕྱི་བསྡོད་བོད་མི་གནད་ཡོད་མཁས་པ་དང་ཆབ་སྲིད་པ་དག་གི་སྣེ་འཁྲིད་ནས་འཛམ་གླིང་མི་དམངས་ལ་བོད་ཟེར་བ་ནས་གཅིག་ལས་གཉིས་མེད་པ་དེ་ར་སྤྲོད་བྱེད་རྒྱུའི་དུས་ཚོད་གལ་ཆེན་ཞིག་ཆགས་ཡོད་པ་མ་ཟད། ལོ་ངོ་བཅུ་ཕྲག་གཅིག་ལྷག་བྱིན་ཡང་གར་སོང་མི་ཤེས་པའི་ཆུང་སྲིད་རིན་པོ་མཆོག་གི་གཙོ་བའི་བོད་ནང་གི་བོད་མི་ཆབ་སྲིད་བཙོན་པ་ཡོད་ཚད་ཆ་རྐྱེན་གང་ཡང་མེད་པས་སྒོ་ནས་གློ་གྲོལ་གཏོང་དགོས་པར་ལས་འགུལ་སྤེལ་མ་ཐུབ་པ་ཡིན་ན། བོད་ཕྱི་བསྡོད་པ་དག་ནི་ཁ་ལས་ལག་མེད་མཁན་གྱི་བོད་མི་ཞིག་ཆགས་པ་རེད་ཅེས་ཟེར་ན་འདོད། ད་ནི་བོད་ཕྱི་བསྡོད་པ་ཚོས་ཁ་མཁས་པོ་རེ་བཤད་དེ་འདུག་པའི་དུས་ཚོད་ནི་གཡོལ་ཟིན་པ་ཤེས་པར་བྱེད་དགོས་ཀྱི་འདུག འདིའི་ཐད་དུ་བསམ་ཚུལ་འདྲ་མིན་གླེང་མཁན་ཡོད་ན་མུ་མཐུད་དུ་ཕེབས་ནས་ངེད་ཅག་གི་གོང་ནས་བཀའ་གཏོང་མཁན་དང་ངེད་ཅག་དང་འདྲ་མཉམ་ཡིན་པའི་མི་དམངས། བཙན་བྱོལ་མི་དམངས་ལ་སྐུལ་འདེད་ཤུགས་ཆེན་བྱེད་དགོས་ཀྱི་འདུག་ལ། ཕྱི་རྒྱལ་ཡུལ་གྲུ་སོ་སོ་ན་ཡོད་པའི་བོད་ཡིན་ཟེར་མཁན་དག་ལ་ཡང་ད་ལོ་ནི་དམིགས་གསལ་གྱི་ནུས་ཤུགས་འདོན་པའི་དུས་གལ་ཞིག་ཡིན་པ་ཤེས་སུ་འཇུག་དགོས་པ་མཐོང་གི་འདུག་པ་འདི་ལ་དྲ་གྲོགས་ཚོས་ག་རེ་དགོངས་ཀྱི་འདུག་ལྷུག་པོར་གསུང་རོགས།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
གྲོགས་པོ་ལགས། བདག་གིས་ད་ལོའི་བོད་ནང་གི་ཞི་རྒོལ་ཆེན་མོ་དེ་གླེན་རྟགས་ཤིག་ལ་རྩ་བ་ནས་ངོས་འཛིན་གྱིན་མེད།
ངས་རྒྱ་དམར་གྱིས་བོད་བསད་པ་ལ་རྗེས་སུ་ཡི་རངས་བྱེད་ཀྱིན་མེད། བོད་ཀྱིས་རང་ཉིད་དངོས་སུ་མཐོང་ནས་ལུས་སྲོག་ལོངས་སྤྱོད་དང་བཅས་པ་བློས་བཏང་བ་ལ་རྗེས་སུ་ཡི་རངས་བྱེད་ཀྱིན་ཡོད། དེ་ལ་ཡི་རངས་བྱས་པ་ལ་ཁྱོད་སྐྲག་དགོས་ནི་མ་རེད། གོང་ས་མཆོག་གིས་ཀྱང་ད་ལོ་ང་ལ་མིག་ཆུ་ཤོར་སོང་། ཡིན་ནའང་། ང་གཉིད་སྐྱིད་པོ་ཁུགས་ཀྱི་འདུག་ཅེས་གསར་ལམ་ཁག་ལ་ཡང་ཡང་གསུངས་པ་དེ་རྗེས་སུ་ཡི་རངས་དང་རྒྱབ་སྐྱོར་བྱས་པ་རེད། ཞིབ་ཆ་ཤེས་དགོས། གཞན་རྩོམ་ལ་བསམ་ཚུལ་སྤེལ་དུས་གོ་བ་ལོན་རྒྱུ་གལ་ཆེ། གོ་བ་མ་ལོན་པར་བཤད་ན་མཚན་ཉིད་རིག་པའི་ནང་གི་ལྟག་ཆོད་ཟེར་བ་དེ་རེད། ལྷག་པར་དུ་ངའི་རྩོམ་ཆད་ཚོ་ལ་ཁྱད་ཆོས་ཤིག་ཡོད་པ་ནི་མགོ་མཇུག་བར་གསུམ་བསྔོག་ནས་རྟགས་གསལ་བཏང་ནའང་སོར་ཐོ་གང་ཤོར་རྒྱུ་མེད་པ་དེ་ཡིན་བསམས་བཞིན་ཡོད།
ཁྱེད་ཀྱིས་ད་ལོ་འཛམ་གླིང་གིས་བོད་མཐོང་བ་ལ་གྲུབ་འབྲས་མ་ཐོན་ཟེར་བ་ནི། ད་ལོ་སྤུན་ཟླ་ཚོས་ཚེ་སྲོག་བློས་བཏང་བ་ལ་གྲུབ་འབྲས་མ་ཐོན་ཟེར་ཀོ་ནི་རེད། གྲུབ་འབྲས་ཐོན་ན་པཎ་ཆེན་རིན་པོ་ཆེ་གློད་གྲོད་བྱེད་དགོས་བར་འདོད་པ་དེ་ཡང་གླེན་རྟགས་ཤིག་རེད།
ཁྱེད་ཀྱིས་པཎ་ཆེན་རིན་པོ་ཆེ་ད་དུང་རྒྱ་ནག་གིས་བཙན་ཉར་བྱེད་ཀྱིན་པའི་རྒྱུ་མཚན་ཨེ་ཤེས། དེ་ནི་པཎ་ཆེན་རིན་པོ་ཆེ་རྒྱ་ཕྲུག་དངོས་མ་ཞིག་བཟོས་ཏེ་ལག་ཆ་བྱས་ནས་བོད་པ་ཚོ་མགོ་སྐོར་གཏོང་དགོས་བསམས་བཞིན་ཡོད་པ་རེད། ཡིན་ནའང་། གཏོང་གི་མེད་པ་དེ་ཁོ་ཚོས་ད་དུང་རྒྱ་ཕྲུག་དངོས་མ་ཞིག་བཟོ་མ་ཐུབ་པར་ལྷག་ཡོད་པའི་རྟགས་མཚན་ཞིག་རེད། ཡང་ན་ད་དུང་དོགས་པ་ཟོས་ནས་ཕྱི་རོལ་ལ་གློད་མ་ཐུབ་པ་གང་རུང་ལས་འདའ་ཡོད་ནི་མ་རེད།
ད་ལོའི་དམར་གསོད་ཆེན་མོ་འདིའི་འབྱུང་རྩ་གཞན་ཞིག་ནི་རྒྱལ་སྤྱི་དབུ་ཁྲིད་ཚོ་ཡིན་ཟེར་མཁན་ཐོག་མ་དེ་ང་ཡིན་རྒྱུ་རེད། ངས་ཁ་བྱང་ཡང་དེ་ལྟར་སྤེལ་ནས་《ཁྲག་གི་རྡོ་རིང་》ནང་ལ་སྤྱི་ཟླ་བརྒྱད་པ་མ་ཟིན་ཙམ་ནས་བསྐུར་ཡོད། རྒྱལ་སྤྱིའི་དབུ་ཁྲིད་ཚོས་ད་ལོ་ཞི་བདེ་དང་། མང་གཙོ། འགྲོ་བ་མིའི་ཐོབ་ཐང་བཅས་ལ་རྩིས་ཐང་མ་སྤྲད་པ་དང་། པཎ་ཆེན་རིན་པོ་ཚེ་གློད་གྲོལ་དགོས་པའི་ཡིག་ཆ་ཁྲི་འབུམ་མང་པོ་རྒྱལ་སྤྱིའི་དབུ་ཁྲིད་ཚོའི་ཡིག་ཚང་ན་རྡུལ་གྱིས་མནན་ཡོད་ནའང་ད་དུང་གློད་གྲོལ་མ་ཐུབ་པ་དེ་བོད་པའི་སྐྱོན་མ་རེད་ལ། ད་ལོའི་ཞི་རྒོལ་ལ་གྲུབ་འབྲས་མ་ཐོན་པ་ཡང་དེ་ཙམ་གྱིས་འགྲུབ་ནི་མ་རེད།
སྤྱིར་ཆབ་སྲིད་ལ་སྟོབས་ཤུགས་གསུམ་དགོས་ནི་རེད། ༼ མི་མང་གི་སྟོབས་ཤུགས། དབུ་ཁྲིད་ཀྱི་སྟོབས་ཤུགས། དམག་གི་སྟོབས་ཤུགས༽ ལྷག་པར་དུ་བོད་པའི་ཆབ་སྲིད་སྟོབས་ཤུགས་དང་པོ་དེ་ལ་བརྟེན་ནས་ཡར་ལངས་བའི་རེ་བ་བྱེད་དགོས་ནི་རེད་ལ། སྟོབས་ཤུགས་དང་པོ་དེ་ཡང་དཀྱིལ་འཁོར་ཆེན་པོ་གསུམ་ནས་་ཡོང་དགོས་ནི་རེད། ༡ བོད་པའི་སྤྱི་ཚོགས་ཀྱི་དཀྱིལ་འཁོར། ༢ རྒྱལ་སྤྱིའི་སྤྱི་ཚོགས་ཀྱི་དཀྱིལ་འཁོར། ༣་རྒྱ་ནག་མི་མང་གི་དཀྱིལ་འཁོར་གསུམ་ནས་ཡོང་དགོས་པ་རེད་ལ། གོང་ས་མཆོག་གི་གལ་ཆེའི་གསུང་འཕྲིན་མང་ཆེ་བ་དཀྱིལ་འཁོར་འདི་གསུམ་ལ་སྒོ་བསྟུན་ནས་ཕེབས་ཡོད་པ་རེད། དཔེར་ན། གསུམ་བཅུ་དུས་དྲན་གསུང་འཕྲིན་དང་པོའི་ནང་དུའང་བོད་རང་བཙན་ཞེས་པའི་ཚིག་གཅིག་བཤད་མེད་པར་འཛམ་གླིང་གི་མིག་དཔེར་འོས་པའི་རང་དབང་ཞིག་ཅེས་གསུངས་ཡོད་པ་རེད། དེ་ཡང་དཀྱིལ་འཁོར་དེ་གསུམ་ལ་བསྟུན་པ་ལས་གཞན་ཅི་ཡང་མ་རེད། དཀྱིལ་འཁོར་དེ་གསུམ་ལ་དཔགས་ན་ད་ལོ་བོད་ནང་གི་ཞི་བའི་གྱེན་ལངས་ལ་རླབས་ཆེ་བའི་ནུས་པ་ཐོན་ཡོད་ནི་རེད། ཤེས་སོང་སམ།
ཡང་གཅིག་བཤད་ན་བོད་ཤོར་དུས་ཚེ་སྲོག་ས་ཡ་གཅིག་གི་ངུ་འབོད་དང་མཉམ་དུ་ཤོར་བ་རེད། དེ་བཞིན་ཕྱིར་ལེན་པ་ལའང་དེའི་འགྲོ་གྲོན་མ་བརྒྱུད་རང་བརྒྱུད་འཁེལ་བའི་དུས་ངན་ཞིག་ཐོན་ངེས་པ་ལྟ་བུ་ཞིག་རེད། ངས་ཁ་ཉེས་བོས་པ་མིན་ཡང་། བོད་པ་ཚོ་འུ་ཐུག་གི་ཉམས་ཆེན་པོ་འདུག་ལ། རྒྱ་དམར་གྱི་འགོ་ཁྲིད་ཚོ་ལའང་མཁྲེགས་རེངས་ཀྱི་ང་རྒྱལ་ང་ཆེན་པོ་འདུག
དཔེར་ན། ད་ལོ་གྱེན་ལངས་སྐབས་གདན་ས་ནས་བླ་སྤྲུལ་ཚོགས་པས་ལས་འགུལ་སྤེལ་བ་རེད། གདན་སའི་ཆེས་མཐོའི་དགེ་བཤེས་འཛིན་གྲྭ་ལྷ་རམས་དང་བཀའ་རམས་པ་ཚོ་རང་ངོས་ནས་ཐང་ལ་བུད་ནས་ལས་འགུལ་སྤེལ་བ་རེད། ད་དུང་དགེ་ལུགད་རྒྱུགས་སྤྲོད་ཀྱང་པྱིར་འཐེན་དགོས་པའི་སྙན་ཞུ་བཏང་བ་རེད། འདི་དག་ན་འདུག་གི་མ་བབཅུགས་ན་སུ་ལའང་སྲོག་མི་དགོས་ཤིང་འགྲོ་རྐྱང་ཡིན་པའི་རྟགས་མཚན་ཞིག་མ་རེད་དམ།
ཨ་་་་་་་ཤ་ཁྲག་རུས་གསུམ་་་་་་་་་་་་་་་་
ཁྱེད་རང་གི་བསམ་ན་བོད་འཛམ་གླིང་མཐོང་བ་དེ་ལ་གྲུབ་འབྲས་སོང་འདུག་སྙམ་གྱི་ཡོད་པ་འདྲ། དེས་ན་ཆུང་སྲིད་རིན་པོ་ཆེ་བོར་ནས་ལོ་ངོ་བཅུ་གསུམ་ཙམ་ཞིག་མགོར་ན་ཡང་འཛམ་གླིང་གི་མ་མཐོང་བ་རེད་དམ། ང་ཚོས་ཐ་ན་ཤི་གསོན་ཡང་མི་ཤེས་པ་དེ་ཙམ་གྱི་གནས་ཚུལ་ཡང་མཁོ་སྤྲོད་བྱེད་མི་ཐུབ་པའི་འཛམ་གླིང་གི་ང་ཚོ་ལ་ག་རེ་རོགས་རམ་བྱེད་ཐུབ། སྟོང་བསམ་མ་བྱེད་རོགས། དེ་ལས་བོད་མི་རང་གི་རང་སྐྱོབས་པ་ལ་བོད་མི་གཅིག་གི་ཚེ་སྲོག་ཡང་གལ་ཆེན་ཡིན་པ་ཤེས་པར་གྱིས་ན་ཡག་པོ་རེད་སྙམ་བཞིན་ཡོད། དེའི་ཐད་སྐུ་ཉིད་དང་བསམ་ཚུལ་མི་མཐུན་པ་འདུག་པ་དང་། ལྷག་པར་དུ་ནང་བའི་དགེ་འདུན་པ་ཞིག་གི་གསོད་གཏུབ་ལ་རྗེས་སུ་ཡི་རུང་བྱེད་ཀྱི་ཡོད་པའི་བསམ་ཚུལ་ཞིག་བཤད་ཡོང་དུས་སུ་ང་རང་དངོས་ནས་ཧ་ལས་པ་ཧང་སངས་ཀྱི་འདུག གང་ཡིན་ཟེར་ན། ལུས་ལ་སྟོན་པའི་ན་བཟའ་གྱོན་མཁན་དང་བསམ་བློ་གང་ཙམ་ཡར་ཐོན་གྱི་འཁྲིས་སུ་ཡོད་པའི་དགེ་འདུན་པ་ཁྱེད་ཀྱིས་དེ་འདྲ་གསུང་དེ་ཡོང་ན། དངོས་ནས་སྐྲག་ནི་ཞིག་རེད། ངེད་ཚང་གི་དོན་དག་ཚང་མ་འདི་ལྟར་ཚར་རྒྱུ་ཡིན་པ་འདྲ། ཨ་ཤུ་རེ་གོ བོད་པ་འདི་ཚང་གི་རང་ཉིད་སྲུང་སྐྱོབས་བྱེད་རྒྱུ་ལས་གཞན་ཞིག་གི་གང་ཡང་བྱེད་མི་ཐུབ་པ་ད་ལོ་དམར་གསོད་ཆེན་མོའི་སྐབས་སུ་ངེད་ཅག་ལ་མིག་མཐོང་ལག་ཟིན་བྱུང་ཡོད་ན་ཡང་། ད་དུང་གླེན་རྟགས་སྟོན་རྒྱུ་ཟེར་ན་ང་རང་རྩ་ནས་མི་འཐད་དོ།
བོད་ནང་གི་བོད་མི་ཚོ་གསོད་རྒྱུ་ཙམ་རྒྱ་ནག་གི་འདོད་པ་ཡིན་ནི་མ་རེད།
བོད་ནང་གི་བོད་མི་ཚོས་ང་ཚོ་ལས་ཀྱང་སྒུལ་ཤུགས་ཆེན་པོ་ཞིག་བཏང་ན་ནུས་པ་ཆེ་ནི་རེད། དཔེར་ན་ད་ལོ་ལྟ་བུ་རེད།
ད་ལོ་བོད་ནང་ནས་མི་ཤི་རྟ་འགྱེལ་གྱི་གོད་ཆག་དེ་བྱུང་མེད་ན་ད་ལོ་བོད་འཛམ་གླིང་གི་མཐོང་ཡོད་ནི་མ་རེད། ད་རུང་བོད་གཉིད་ནས་ཡོད་ནི་རེད།
ད་ལོ་བོད་ཡར་ལངས་ཚར་བ་རེད། ད་གཉིད་ཀྱི་མ་རེད་བསམ་ནས་ང་དགའ་བསྡད་ཡོད། ཁྱེད་ཀྱིས་བསམ་པར་ད་དུང་ཅུང་གཉིད་དགོས་པ་ཡིན་ནམ།
ཧཧཧཧཧ་ ཨ་ལ་ཀུ་རེ་ཡིན།
ཉེན་ཁ་བརྒྱུད་དེ་ཆབ་སྲིད་ཀྱི་ལས་ཀ་མ་བྱས་ན་ཆབ་སྲིད་ཐད་ནས་གཉིད་ལས་བསྡད་པ་རེད། རྐང་ལག་བཀུམས་ནས་གཉིད་ལས་བསྡད་པ་རེད། མ་རེད་དམ།
དྲ་གྲོགས་ལགས། བོན་རྒྱ་བསྟན་འཛིན་རབ་རྒྱས། ངས་བཤད་པ་ནི་བོད་ནང་གི་མི་དག་གི་རྐ་ལག་བཀུམ་ནས་གཉིད་ལ་བསྡོད་ཟེར་བཞིན་མེད། ཁྱེད་ཀྱིས་བོད་ནང་གི་མི་དག་གི་སྐྱིད་སྡུག་དངོས་དེ་བསམ་བློ་གཏོང་མ་ཤེས་པ་ཡིན་ནམ། ཡང་ན་ཤེས་ནས་རྐང་བཙུགས་དེ་བོད་ནང་གི་བོད་མི་དེ་དག་རྒྱ་ནག་སྲིད་གཞུང་གི་འདོད་ངན་འགྲུབ་ཆེད་དུ་ཚེ་སྲོག་མང་བོ་ཞིག་མེ་མདའི་ཁ་ལ་འཇོག་རན་ལ་སླེབས་འདུག་སྙམ་གྱི་ཡོད་དམ། དེ་འདྲ་གསུང་གི་ཡོད་དམ། དེ་ཡིན་ན་དངོས་ནས་ཁྱེད་རང་གི་ད་དུང་བསམ་བློ་ཞིབ་མི་མ་མཐོང་བ་ཞིག་དུ་མཐོང་དུ་འདུག་ལགས།
ངས་བལྟས་ན་བོད་ཕྱི་ནང་གཉིས་ཡིན་དགོས།
བོད་ཤོར་དུས་བོད་མི་ས་ཡ་གཅིག་གི་ཟུངས་ཁྲག་དང་ལྷན་ཤོར་སོང་ང་།
ཕྱིར་ལེན་དུས་ཀྱང་འགྲོ་སོང་དེ་ཡོད་ཀྱི་རེད་པཱ།