ངས་འདི་ལྟར་རེ་བ་ཞིག་བྱེད་ཀྱི་ཡོད། མིག་མ་བཙུམ་གོང་དུ་རང་རིགས་གཞིས་བྱེས་གཉིས་ཀྱི་སྟོབས་ཤུགས་ལ་བརྟེན་ནས་གངས་རིའི་ལྷ་སྐལ་ཕྱི་ལོག་ནས་རང་ཡུལ་དུ་གདན་འདྲེན་བྱེད་ཐུབ་ན་འདོད་ཀྱི་ཡོད་ལ། ཁོང་གི་རེ་བ་ཡང་མིག་མ་བཙུམ་ཡར་སྔོན་དུ་བོད་ལ་ཕེབས་རྒྱུ་དེ་རེད། དེས་ན་ངེད་ཅག་གི་རེ་བ་འདི་སྒྲུབ་ཐུབ་ཀྱི་རེད་དམ། ངེད་ཅག་ལ་འདི་སྒྲུབ་པའི་ནུས་པ་དང་རང་ཉིད་ལ་ཡིད་ཆེས་ཡོད་པ་རེད་དམ། འདི་ལྟར་མིག་མ་བཙུམ་གོང་དུ་དྲི་བ་མང་བོ་མང་བོ་ཞིག་ང་རང་གི་ཀླད་སྟེགས་དུ་ཡང་ཡང་འཁོར་དེ་འོང་དུས་སུ། ངས་རང་ཉིད་བོད་དུ་སྐྱེ་བ་ལ་ཡང་རང་ཉིད་ལ་ངོ་ཚ་ཡི་འདུག ཁ་ནང་དུ་འཁོར་ནས་སྐད་ཆ་བཤད་རྒྱུ་དང་རྩུབ་རེག་དང་ཕྲག་དོག་སོགས་མང་བོ་ཞིག་བྱེད་ཤེས་ཀྱི་ཡོད་པ་ལས། ཁ་ཕྱི་ལ་འཁོར་ནས་གང་ཡང་བྱེད་ཐུབ་ཀྱི་མི་འདུག ཐ་ན་རང་གི་མི་འདོད་པ་ཞིག་ཡིན་ཡང་ང་རང་ལ་དེ་ལ་དགའ་ཟེར་ནས་བཤད་དགོས་པ་དང་ང་རང་ལ་འདོད་པ་ཡོད། ངས་དེ་བྱེད་ཀྱི་ཡིན་ལ་སོགས་རང་དབང་མེད་པར་དེ་ལྟར་ཁས་ལེན་བྱེད་ཀྱི་འདུག་པ་འདི་དག་ནི། ང་རང་བོད་ལ་སྐྱེ་བའི་ནོར་སོང་བ་རེད་དམ། ཡང་ན་ང་རང་གི་བོད་སྐད་བཤད་པའི་ནག་ཉེས་ཡིན་ནམ། ཡང་ན། བོད་ཟེར་བའི་མི་རིགས་ནམ་ཡང་ཁོང་ཚོས་དགྲ་ཁོ་ན་དང་གཏོར་བཤིག་དང་བཤུ་བཞོག་ལ་དགའ་བའི་མི་རིགས་ཤིག་ཡིན་ནམ་ཅི། ངས་འདི་ལྟར་བསམ་བཞིན་བསམ་བཞིན་རྒྱང་རིང་དུ་ལོ་ངོ་ལྔ་བཅུའི་རིང་དུ་མི་རིགས་ཤིག་གི་བདེན་དོན་ཆེད་དུ་ཉིན་མཚན་དབྱེར་མེད་དུ་འགྲིན་ཚབ་དང་ལས་ཀ་བྱེད་བཞིན་པའི་དགུང་ལོ་དོན་ལྔ་སོན་ལ་རན་པའི་སྐྱེ་བོ་དེའི་སེམས་གཏིང་གི་ཚད་མེད་པའི་ཐུགས་བསྐྱེད་ལ་བརྟེན་ནས་འཚོ་བ་ལས་རང་གི་རྐ་ལག་ལ་འགུལ་བསྐྱོད་རྒྱག་འདོད་མེད་པའི་ལས་ངན་གྱི་མི་རིགས་ཤིག་གི་ཁྲོད་དུ་རང་ཉིད་སྐྱེ་ཡོད་པ་དབུགས་རིང་བོ་ཞིག་ཤོར་གྱི་འདུག མིག་མ་བཙུམ་གོང་དུ། མ་མཐའ་ཡང་ངས་ང་རང་གི་གང་བྱེད་འདོད་པ་དང་ང་རང་གི་གང་བཤད་འདོད་པ་དེ་དག་ལ་བཙན་དབང་མེད་པ་ཞིག་བྱུང་ན་འདོད་ལ་དེའི་ཕྱོགས་སུ་ཡང་ལུས་ངག་ཡིད་གསུམ་གྱི་བརྩོན་པ་བྱེད་ཀྱི་ཡིན།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
ཐུགས་རྗེ་ཆེ་ལན་གནང་བ་དེར། ཡིན་ཡང་། ང་རང་གི་ཤེས་ཡོད་ཟེར་ནས་རང་རློམ་བྱེད་འདོད་དེ་འདྲ་མིན་ལ། དེ་དག་ངེད་ཅག་ཚང་མས་ཤེས་པ་ནས་སེམས་དང་། སེམས་ནས་ལག་ལེན་དུ་བསྟར་བར་ཚང་མས་འབད་བརྩོན་བྱེད་པར་སྐུལ་བ་ལས་མཁས་འདོད་དང་གྲགས་འདོད་ཀྱི་སྐད་ཆ་དེ་འདྲ་གང་ཡང་མ་ཡིན་ནོ།
ཁྱེད་ཀྱིས་སྐྱེས་བུ་དེའི་སྡུག་བསྔལ་ཤེས་ཀི་ཡོད་ན་ཡག་པོ་རེད།
ཡིན་ནའང་། ཁོང་གི་དཀའ་ངལ་ཆེ་ཤོས་དེ་ངས་ད་རུང་མི་ཤེས་ཀི