སྐད་ཅིག་མ་གསུམ།

རླུང་བུ་བསིལ་མོ་རྒྱང་ནས་ཚུར་སླེབས་སོང་།།
འདྲིས་པའི་སེམས་ཀྱི་སྐད་ཆ་འདི་ན་འདུག།
རིགས་མཐུན་སྣང་བ་མང་བོ་འདི་རུ་འཛོམ།།
དྲ་ཚིགས་དར་རྒྱས་གཏོང་བས་ལས་འགུལ་དང་།།
བོད་ཡིག་བོད་སྐད་ཤོད་པའི་སྤུན་ཟླ་དག།
ངེད་ཅག་འདི་ནས་འཛོམ་ཞིང་སྙིང་གཏམ་དག།
སྤ་གསང་མེད་པར་གཅིག་ནས་གཅིག་ལ་བཤད།།
འདི་འདྲའི་དགའ་བ་གཞན་དུ་རྙེད་ནུས་མིན།།
ད་ནི་རང་རང་སྣང་བའི་བསམ་ཚུལ་དང་།།
གྲོས་གཞི་བོད་དོན་ཕྱོགས་ལ་འདེབས་ཞོར་དུ།།
སེམས་ཀྱི་འཕར་རྩ་རྐུ་བའི་མཛའ་མོ་ལ།།
ཉིན་རེའི་དྲན་པའི་སྣང་བ་སྐྱུར་མོ་སོགས།།
གཡོ་ཟོལ་མེད་པར་སེམས་ལ་ཅི་དྲན་རྣམ།།
དྲ་གྲོགས་རྣམ་ལ་ངལ་གསོའི་སྤྲོ་སྣང་རེ།།
ཐོབ་ཕྱིར་གསང་བ་མེད་པར་འདི་ནས་གླེང་།།
ཡུན་རིང་གཤིབ་འདོད་ཆེ་བའི་མཛའ་མོ་ཞིག།
མ་དབང་བར་ཆད་རླུང་གི་འཁུར་ནས་ཐལ།།
ད་ནི་འདོད་པ་མེད་ཀྱང་འཇིག་རྟེན་ལུགས།།
བརྩི་སྲུང་བྱེད་ཆེད་རྒྱུས་མེད་དགའ་རོགས་ཤིག།
རེག་པ་འདི་དང་འགྲོག་ནས་འཚོ་བ་ཞིག།
མི་རོལ་ཟེར་བས་བསམ་བློ་ང་མེད་པར།།
ཉིན་མཚན་འགྲོ་ཐུབ་བྱེད་ལས་ཐབས་མེད་པ།།
རང་གི་འདམ་པ་འདི་ཡང་ནོར་འཁྲུལ་ཡིན།།
ཡིན་ཡང་འཚོ་བ་ངན་ངོན་རོལ་ཆེད་དང་།།
རང་གི་ལུས་པོ་འདི་ཉིད་འཚོ་དགོས་དུས།།
ད་ནི་གང་དུ་སླེབས་ན་དེ་ནས་འདུག།

དྲ་གྲོགས་ཚང་མས་ང་རང་ལ་ཐུགས་འཁུར་དང་བསམ་ཤེས་གནང་བ་དེར་ཐུགས་རྗེ་ཆེ་ཞུ་རྒྱུ་ཡིན། ངེད་ཅག་གི་རང་གི་རྒྱལ་ཁབ་ཆེད་དུ་སྐད་ཆ་གང་ཡང་བཤད་སྲིད་པ་ཡིན་ལ་ཅི་ཡང་རྟོགས་ཡོད་མེད་ཀྱི་བར་མཚམས་དེ་ནས་ཕན་ཚུན་ལ་གྲོས་མོལ་བྱེད་པ་ནི་ང་ཚོས་ལས་འགན་དུ་བསམ་ཐུབ་པ་ཞིག་ངེད་ཅག་ཡིད་དགོས་པར་འདོད་ཀྱི་ཡོད། དྲ་གྲོགས་ཚོས་ག་འདྲ་ཞིག་བསམ་བཞིན་འདུག ང་རང་གི་རྟག་དུ་སེམས་ཁོང་དུ་དེ་འདྲ་བཅིངས་དེ་བསྡད་ཡོད།

ཡིག་ནོར་ལ་ཁོ་དམིགས་བསལ་རེད།

སྐད་ཅིག་གསུམ་གྱི་སྙན་ཚིག་ཚིག་གསུམ་ལ།།
བྱེད་འབྲེལ་འཁྲུག་པའི་སྐྱོན་ཆ་གཉིས་ཙམ་མཆིས།།
དག་ཆ་ནོར་བ་ག་ང་འཁྲུག་པ་བཅས།།
དེ་ནོར་བའི་ཆ་ཡིན་བཅོས་པར་མཛོད།།