་་་་་་ དེ་རིང་ནས་བཟུང་། ང་ཚོ་བསྐྱར་དུ་ལངས་ཤིང་། ལུས་སྟེང་གི་ཐལ་རྡུལ་སྤྲུགས་ཏེ། ཨ་མེ་རི་ཀ་གསར་བཞེངས་ཀྱི་ལས་ཀ་བསྐྱར་དུ་མགོ་འཛུགས། ་་་་་ མི་འཚོགས་ཀྱི་རྒྱ་མཚོའི་ཀློང་ལ་འཁོར་ཏེ། སྲིད་འཛིན་ཨོ་བྷ་མ་མཆོག་གི་ཁོང་གི་དམ་འབུལ་གྱི་ཉིན་འདི་ལྟར་བསྒྲགས།
མི་རིགས་ནག་པོ་ཞིག་ཐོག་དང་པོར་ཨ་རིའི་སྲིད་འཛིན་དུ་གྱུར་བ་ བྷ་རག་ ཨོ་བྷ་མ་མཆོག་གིས་ཕྱི་ཚེས་ ༢༠ ཉིན་ཨ་རིའི་རྒྱལ་ས་ནས་་རིའི་སྲིད་འཛིན་ཨང་ ༤༤ པའི་དམ་འབུལ་དང་བཅས་བསྒྲགས་གཏམ་སྤེལ། ཁོང་གིས་ཨ་རིའི་མི་དམངས་རྣམས་ལ། ང་ཚོས་ཞེད་སྣང་ལས་ཐར་ཆེད་རེ་བ་ཞིག་ད་ལྟའི་དཔལ་འབྱོར་གྱི་ཉམས་རྒུད་འདི་ལས་རྒྱལ་ཐབས་སུ་ཚང་མ་ཁུར་མཉམ་ཁུར་བྱེད་དགོས་པ་དང་། ཕྱི་རྒྱལ་ཡུལ་གྲུ་ཁག་ལ་ཨ་མེ་རི་ཀའི་སྣང་བརྙན་བསྐྱར་དུ་གསོ་དགོས་པར་གསུངས།
ཨ་རིའི་མི་དམངས་ཀྱིས་གཙོས་པའི་འཛམ་གླིང་མི་དམངས་ཀྱིས་སྲིད་འཛིན་འདི་ནས་བཟུང་རེ་བ་གསར་པ་ཞིག་བཟུང་ཡོད་པ་ལྟར། ཨོ་བྷ་མ་མཆོག་གིས་ཀྱང་ཁོང་གི་ཁྲི་སྟོན་ཉིན། ༼ང་ཚོས་ཞེད་སྣང་གི་དབང་གིས་རེ་བ་ཞིག་བདམས་པ་རེད།༽ ཅེས་གསུངས་ཡོད་པ་རེད།
ཨོ་བྷ་མ་མཆོག་གིས་ཨ་རིའི་དཔལ་འབྱོར་ལ་ཚེ་སྲོག་གསར་པ་ཞིག་འཁྱེར་ཡོང་བའི་ཆེད་དུ་གང་མགྱོགས་ལས་དོན་མགོ་འཛུགས་དགོས་པར་བཤད་དང་བསྟུན། འཛམ་གླིང་མི་དམངས་ལ་ཁ་འཁོར་ཏེ། ༼ང་ཚོས་སླར་ཡང་ཐེངས་ཤིག་མགོ་འཁྲིད་པར་གྲ་སྒྲིག་བྱས་ཟིན།༽ ཅེས་བསྒྲགས།
དགུན་ཟླ་གྲང་མོའི་ཉིན་འདིར། མི་གྲངས་ཁྲི་ཕྲག་འགའ་ཝ་ཤིན་ཊོན་གྱི་རྒྱལ་ཡོངས་ཟོང་མཁར་གྱི་ཐང་ཆེན་དུ་འཛོམས་ཏེ། ༼ཨོ་བྷ་མ། ཨོ་བྷ་མ།༽ ཅེས་དགའ་སྤྲོའི་འབོད་སྒྲ་བསྒྲགས།
སྲིད་འཛིན་ཨོ་བྷ་མ་མཆོག་གིས་ཨ་རིའི་གོ་ལ་རང་བཞིན་གྱི་ལངས་ཕྱོགས་དེ་བསྐྱར་གསོ་བྱེད་དགོས་པ་དང་། འགན་ཁུར་ཡོད་པའི་ཐོག་ནས་ཨི་རག་གི་དམག་འཁྲུག་འདི་མཇུག་སྒྲིལ་དགོས་སྐོར་གསུངས།
dd