ཤི་གསོན་གཉིས་ཀྱི་བར་རོལ་ནས། བོད་པ་འདི་ཚང་གི་གླུ་བ་དང་གླུ་མ་ཚོའི་སྙིང་སྟོབས་ལ་ཡང་འདར་ཤ་རྒྱག་གི་འཇུག་བཞིན་ཡོད་པ་མ་ཡིན་ནམ། ང་ཚོས་བོད་དུ་ཁ་དཔེ་ཞིག་ཡོད་པ་ལྟར། མགོ་འབུར་འབུར་ཐམས་ཅད་དགྲ་ཡིན་ཟེར་བས་གཏམ་དཔེ་བཞིན་རྒྱ་ནག་སྲིད་གཞུང་ངན་པའི་བྱེད་ཐབས་འདི་འདྲ་ཞིག་བོད་ཀྱི་རིགས་ཞེན་གྱིས་སེམས་པ་རྨས་ཤིང་། རྨས་ཟིན་པའི་སེམས་པ་དེའི་རྨ་ཁ་སྐད་ངག་གི་གདངས་སུ་གྱེར་མཁན་གང་ན་སུ་ཡོད་པ་དེ་དག་གཅིག་གཅིག་གཉིས་གཉིས་བྱས་དེ་བཙོན་དུ་འཇུག་བཞིན་ཡོད་པ་དེའི་ནང་དུ། བོད་པ་ནང་རོལ་བ་ཡོད་པ་ཐག་གིས་ཆོད་པ་ཡིན། དེ་མིན་ན་རྒྱ་ནག་སྲིད་གཞུང་གི་དཔོན་ངན་ཆུང་ཆུང་སྲིད་གཞུང་ངན་པའི་རྒྱུགས་ཁྱི་དེ་དག་གི་རྣ་སྒོར་དེ་འདྲའི་ནང་དོན་གསལ་གསལ་དངས་དངས་ཤིག་ག་ལ་འབྱོར་སྲིད། དངོས་ནས་ཡིད་འཕངས་པ་ནི་རང་རིགས་རང་གི་བཙོང་མཁན་གྱི་བོད་རིགས་སྡར་མ་རེ་ཟུང་ཡོད་པ་དེ་དག་གི་བྱེད་སྟངས་ལ་སེམས་ནས་སྙིང་ན་བ་ཞིག་རེད། ཤུ་རེ་གོ བོད་པ་ཚང་ལ་གཅིག་བྱུང་ན་གཅིག གཉིས་བྱུང་ན་གཉིས། བསྡོད་དུ་མི་འཇུག་པ་འདི་ནི། རྒྱ་ནག་གི་སྲིད་ཇུས་བཟང་བོ་རུ་འབོད་པས་འཛམ་གླིང་གི་སྙན་གྲགས་ཆེ་ཞིང་རླབས་ཆེན་གྱི་དབུ་ཁྲིད་དག་གིས་མ་ཤེས་པ་ཡིན་ནི་མ་རེད། ད་ང་ཚོས་རང་གི་རང་སྐྱོབས་ཐབས་ཀྱི་སྲིད་ཇུས་མ་ནོར་བ་བྱེད་ཐུབ་ན་མ་རེད་དམ།
སོག་ཕྲུག་ལགས། ཤེས་རབ།
རྒྱུས་མེད་ན་ཟུག་གི་འཁུན་སྒྲ་རེ་རེ།
སུ་ཞིག་གི་ལག་དམར་བཞིན།
ཁྱེད་རང་ལ་གཤེད་མ་ལྟ་བའི་མི་ངན་དག་གིས་མནར་གཅོད་གཏོང་སྐབས།
ཉེས་མེད་དུ་རང་གི་ཤ་གསེང་རུས་གསེང་ནས་གཟེར་ནས་འོང་དུས།
ཁྱེད་རང་བོད་དུ་སྐྱེ་བ་ལ་ཡིད་སྐྱོ་བཞིན་འདུག་གམ།
དེ་འདྲ་ཡིན་མི་སྲིད།
ངེད་ཅག་གི་ཁྱེད་རང་གླེང་བཞིན་ཡོད་ལ།
ངེད་ཅག་གིས་ཁྱེད་རང་གི་སྙིང་སྟོབས་དང་།
ཞུམ་མེད་ཀྱི་སྤོབས་པ་གཟི་བརྗིད་ཀྱི་དྲན་ཐོར་འགོད་བཞིན་ཡོད།
ཨ་མའི་བུ། སོག་ཕྲུག་ཤེས་རབ།
བོད་ཀྱི་བུ། སོག་ཕྲུག་ཤེས་རབ།
བོད་ཀྱི་དབའ་རྒོད་ལགས། སོག་ཕྲུག་ཤེས་རབ།
དམྱལ་བ་ལྟ་བའི་བཙོན་ར་དེ་ནས།
ཁྱེད་རང་ལྟ་བའི་བོད་ཀྱི་ཆབ་སྲིད་བཙོན་པ་ཡོད་ཚད།
མྱུར་དུ་གློ་གྲོལ་ཐོབ་པར་སྨོན།
སོག་ཕྲུག་ལགས། ཤེས་རབ།
ཁྱེད་རང་གི་བླངས་པའི་གླུ་སྐད་དེ།
འཛམ་གླིང་གི་ཡུལ་གྲུ་གང་སར་གནས་པའི་བོད་པ་དག་གི་རྣ་བར་བསྐྱལ་ཡོད།
ཁྱེད་ཀྱིས་བླངས་པའི་གླུ་སྐད་དེ་ནི་དངོས་ནས་ཆུང་ཆུང་ཞིག་གཏན་ནས་མིན།
ཁྱེད་རང་ཐུགས་མ་སྐྱོ།
ང་ཚོ་ཁྱེད་ཀྱི་རྒྱབ་མདུན་གང་རུང་དུ།
ད་དུང་ཤི་མེད་པར་གསོན་པོ་ཡིན།
དྲ་གྲོགས་ལགས། དམིགས་གསལ་གྱི་ད་ལོ་གཅིག་བུ་ང་ཚོ་བོད་པ་ཚང་གི་ལོ་སར་ལ་མྱ་ངན་ཟེར་བ་ལས་ངས་བོད་པ་ཚང་གི་ད་ལྟའི་མི་རབས་འདི་ལ་མྱ་ངན་གྱི་མི་རབས་ཟེར་ན་འདོད། ངེད་ཅག་གི་མྱ་ངན་འདི་མ་སངས་ན། བོད་པ་ཚང་ནི་མྱ་ངན་གྱི་མི་རབས་ཟེར་ནས་འབོད་འདོད་ཡོད། ངས་བོད་པ་ཚང་འདི་མི་ལོ་ལྔ་བཅུ་ཏག་ཏག་ལ་མྱ་ངན་ནང་དུ་བསྡད་པ་དང་། ད་དུང་ཡང་མི་ལོ་ག་ཚོད་ཅིག་ལ་མྱ་ངན་ཁྲོད་དུ་གནས་དགོས་མིན་མི་ཤེས་སྟབས། ངས་ད་ལྟའི་བོད་ཀྱི་གནས་བབ་འདི་ལ་མྱ་ངན་གྱི་མི་རབས་ཟེར་ནས་འབོད་ཀྱི་ཡིན་ལ། དྲ་གྲོགས་ཁྱེད་རང་དང་དྲ་གྲོགས་གཞན་པ་དག་ལ་འདིས་ཐད་དུ་ལྟ་ཚུལ་གང་ཡོད་ང་རང་གི་ཤེས་ན་འདོད། ང་ཚོ་ནི་མྱ་ངན་གྱི་མི་རབས་ཡིན་པ་མ་ཟད། ངེད་ཅག་གི་མྱ་ངན་གྱི་མི་རབས་འདི་སངས་ཆེད་དུ། བོད་པ་གང་དུ་གནས་ཡུལ་གྱི་འཛམ་གླིང་གི་ཡུལ་གྲུ་གང་ས་ནས་རང་ཉིད་ནི་མྱ་ངན་གྱི་མི་རབས་ཤིག་གི་ཁུངས་སུ་སྐྱེས་ཡོད་པ་ཤེས་དགོས་པ་དང་དེ་དང་འབྲེལ་ནས་མྱ་ངན་གྱི་མི་རབས་འདིས་མྱ་ངན་གྱི་བྱུང་རབས་ཀྱང་མི་གཅིག་ནས་བཅུ། བཅུ་ནས་བརྒྱ། བརྒྱ་ནས་སྟོང་། སྟོང་ནས་ཁྲི། ཁྲི་ནས་ས་ཡ་ནས་ས་ཡ་ནས་བརྒྱུད་དེ། འཛམ་གླིང་གི་མི་དམངས་གང་མང་མང་གི་རྣ་ལམ་འདི་མྱ་ངན་གྱི་མི་རབས་ཤིག་ད་ལྟ་ཡང་མྱ་ངན་དང་མནར་གཅོད། རང་དབང་གཏན་བྲལ་གྱི་འཚོ་བ་ཞིག་རྒྱ་ནག་སྲིད་གཞུང་གིས་གནོན་ཤུགས་འོག་རོལ་བཞིན་ཡོད་པ་ནི། འདོད་མོས་ཡོད་ནས་རོལ་བཞིན་མེད་པ་དེ་དག་གི་བསྐོར་དངོས་ཤུགས་བརྒྱུད་གསུམ་གང་ཞིག་ལ་ནུས་པ་འདོན་ཐུབ་པ་དེ་དག་རང་རང་གི་སྐད་ངག་དང་ཡི་གེ རྩོམ་ཡིག་དང་ཆབ་བསྒྲགས། འབོད་སྐུལ་དང་སྙན་ཞུ་སོགས་ཐབས་ལམ་འདྲ་མིན་ནས་ང་ཚོ་ནི་བོད་མི་རིགས་ཀྱི་མྱ་ངན་གྱི་མི་རབས་ཤིག་ཡིན་པ་ཤེས་སུ་མཇུག་རྒྱུའི་ལས་འགན་ནི་ངེད་ཅག་གི་ཕྲག་པར་འབབ་ཡོད་པ་ཤེས་སུ་འཇུག་པའི་འོས་འགན་དང་འབད་བརྩོན་བྱེད་དགོས་པའི་ལས་དེ་ང་ཚོ་བོད་མི་རབས་ཀྱི་གཞོན་སོ་དཀར་ནས་དབུ་དུང་དཀར་བར་དང་། བྱིས་པ་ལོ་དྲུག་ནས་བུད་མེད་རྒན་གཞོན་ཡོད་ཚད་ཀྱི་སེམས་ཁུངས་དུ་བོད། མྱ་ངན་གྱི་མི་རབས་ཡིན་པ་ངེས་ཤེས་ཤིག་རྙེད་དུ་བཅུགས་པ་ཡིན་ན། ད་གཟོད་བོད་པ་ཚང་གི་གཞིས་བྱིས་གཉིས་ལ་རེ་བ་ནས་དམིགས་ཡུལ་གྱི་སྟེང་འགྲོ་ཐུབ་པའི་ལམ་ཕྱོགས་ཤིག་ཡོད་པར་ཡིད་ཆེས་བྱེད་ཆོག་པ་ཡིན། ངས་འདི་ལྟར་གླེང་གཞི་ཞིག་འཛུགས་དོན་ནི། མྱ་ངན་གྱི་ལོ་སར་ཞེས་གླེང་དེ་ལོ་སར་བ་མྱ་ངན་བརྗེད་འགྲོ་བ་ལྟ་བུ་ཞིག་གི་ལས་འགུལ་དེ་ཉིད་ཆུང་དྲགས་པར་གླེང་བཞིན་ཡོད་པ་ལས། མྱ་ངན་གྱི་ལོ་སར་ཟེར་བ་དེ་ནི་ཡག་པོ་མེད་པ་ཞིག་རེད་ཅེས་བཤད་ཀྱི་མེད། ངས་བོད་པ་ཚང་ལ་རང་དབང་མ་ཐོབ་བར་དུ་བོད་འདི། མྱ་ངན་གྱི་མི་རབས་ཤིག་ཡིན་པར་འབོད་ཀྱི་ཡོད་དོ།
སྣ་ཚོགས་འཚོ་བའི་གཟུགས་བརྙན་རབ་བེ་རིབ།།
སྣ་ཚོགས་སེམས་ཀྱི་ཡོལ་བ་ལྷབ་སེ་ལྷབ།།
སྣ་ཚོགས་རྩོམ་གྱི་སྒྟ་རྩལ་ཁྱར་མ་ཁྱོར།།
སྣ་ཚོགས་བྱ་བའི་བར་ནས་ཐར་མ་ཐོར།།
དྲ་གྲོགས་ལགས།
མྱ་ངན་གྱི་ལོ་གསར།
དར་དམར་གྱི་ལོ་གསར།
འདི་ནི་སྔར་བྱུང་མ་མྱོང་བའི་བོད་གཞིས་བྱེས་གཉིས་ཀྱི་ལོ་གསར་གྱི་མིང་བརྡ་གསར་པ་ཞིག་རེད་ལ།
རྒྱལ་རབས་ལོ་རྒྱུས་ནང་དུ་འཁོད་ངེས་པའི་ལོ་གསར་དམིགས་བསལ་བ་ཞིག་ཀྱང་རེད།
དྲ་གྲོགས་བསེ་རུ་ལགས། ངས་ཁྱེད་རང་གི་རྩོམ་ཡིག་དེ་སྤེལ་བར་སྒུག་ནས་བསྡད་ཡོད་ལ། དྲ་གྲོགས་གང་མང་ཞིག་གིས་ཀྱང་ང་དང་འདྲ་བར་སྒུག་ནས་བསྡད་ཡོད་ངེས་རེད།
དྲ་གྲོགས་ལགས།
ང་ཚོས་དྲ་ཐོག་ནས་མྱ་ངན་གྱི་ལོ་གསར་ཞེས་རྩོམ་ཡིག་སྣ་ཚོགས་ཤིག་སྤེལ་དང་སྤེལ་མུས་ཡིན།
དེ་རིང་ངའི་མིག་ཡུལ་དུ་གྱུར་པ་ནི་དར་དམར་གྱི་ལོ་གསར་ཞེས་པའི་ཚིག་འདི་མངོན་བྱུང་།
ྡདྲ་གྲོགས་ལགས།
དར་དམར་གྱི་ལོ་གསར་དང་མྱ་ངན་གྱི་ལོ་གསར་གཉིས་ལས་ནི་ཆབ་སྲིད་ཀྱི་དོན་གནད་གལ་ཆེན་ཞིག་དུ་འགྱུར་བཞིན་འདུག
དྲ་གྲོགས་ལགས།
ང་ཚོས་དྲ་ཐོག་ནས་མྱ་ངན་གྱི་ལོ་གསར་ཞེས་རྩོམ་ཡིག་སྣ་ཚོགས་ཤིག་སྤེལ་དང་སྤེལ་མུས་ཡིན།
དེ་རིང་ངའི་མིག་ཡུལ་དུ་གྱུར་པ་ནི་དར་དམར་གྱི་ལོ་གསར་ཞེས་པའི་ཚིག་འདི་མངོན་བྱུང་།
ྡདྲ་གྲོགས་ལགས།
དར་དམར་གྱི་ལོ་གསར་དང་མྱ་ངན་གྱི་ལོ་གསར་གཉིས་ལས་ནི་ཆབ་སྲིད་ཀྱི་དོན་གནད་གལ་ཆེན་ཞིག་དུ་འགྱུར་བཞིན་འདུག