ཏཱ་ལའི་བླ་མ་མཐོ་རིམ་སློབ་གཉེར་ཁང་།

རྭ་ལོ་ཁྱོད་ཀྱིས་ངས་གབ་ཚིག་ཁ་ཤས་ཤེས་མི་འདུག་གསུངས་པ་དེ་གང་དང་གང་ཞིག་གསུང་གིན་ཡོད་པ་མི་ཤེས་ཀྱང་ངའི་རྣ་བར་ཧ་ཅང་འགྲོ་བྱུང་། ངས་རང་གི་བསམ་ཚུལ་དྲན་ཚུལ་ཙམ་འུར་བརྒྱབ་ནས་ཤོད་སྡོད་ཀྱིན་ཡོད་པ་མ་གཏོགས་གསལ་ཞིབ་དེ་འདྲ་གང་ཡང་ཤེས་ཀྱིན་མེད། ངའི་བསམ་ཚུལ་ལྟར་ན་མཐོ་སློབ་བར་གྱི་སློབ་ཚན་ཆ་ཚང་བོད་ཡིག་ཏུ་སྒྱུར་རྒྱུ་ཕར་ཞོག་ཟམ་གདོང་སྤྲུལ་སྐུས་ཤེས་ཡོན་སྲིད་ཇུས་གསར་པ་གཏན་འབེབས་བྱས་སྐབས་དེའི་སྔོན་འགྲོ་ནས་ལོ་ཤས་རིང་བོད་ཡིག་གཙོ་བོར་བསླབ་རྒྱུ་བྱས་པ་དེར་ཡང་ཟམ་གདོང་གིས་བོད་ཕྲུག་ཚང་མ་ལྐུག་པ་བཟོ་འདོད་རེད་ཅེས་པ་ལྟ་བུའི་སྐྱོན་བརྗོད་བྱེད་མཁན་ག་ཚོད་མང་པོ་འདུག མཐོ་སློབ་དེས་ཁ་ཡོད་ལག་ཡོད་ཀྱི་ཕན་ཐོགས་ཤིག་འབྱུང་རྒྱུ་མ་རེད་ཀྱང་སུས་ཟེར་ཐུབ། བོད་ཀྱི་སློབ་ཕྲུག་ཚོ་བོད་མི་མང་པོ་ཡོད་པའི་ཁོར་ཡུག་ཅིག་ཏུ་མཉམ་འཛོམ་བྱེད་ཐུབ་ན་འདྲ་རྒྱུ་མ་རེད། བོད་ཀྱི་རིག་གཞུང་གི་སློབ་ཁྲིད་འདྲ་བོ་ཡང་གྲ་སྒྲིག་བྱ་རྒྱུ་རེད། བོད་ཀྱི་རིག་གཞུང་གི་ཕྱོགས་ནས་བཤད་ན་ད་ལྟའི་བོད་ཕྲུག་ཁྱིམ་སྡེ་ཡས་མས་ལས་འཕགས་ཐུབ་ཀྱིན་ཨེ་ཡོད་སྙམ། ཡིན་ན་ཡང་བོད་ཕྲུག་ཁྱིམ་སྡེའི་ཕྲུ་གུ་དེ་ཚོ་ཡར་སྐྱེས་ནས་མར་རྒུར་བའི་བར་དུ་ཁ་འབྲལ་མི་དགོས་པ་དེ་ཡང་ཁོ་ཚོའི་བདེ་སྐྱིད་ཅིག་ཡིན་རྒྱུ་རེད།

སྐྱོན་མི་འདུག གོང་དུ་སྤོབས་པ་མཐས་ཡས་ཀྱིས་བཤད་པ་དག་བདེེན་པ་རེད། ཡིན་ཡང་། དོགས་སེལ་ཅིག་ཡོད། བསླབ་གཞིའི་སྒང་ནས་རྒྱ་གར་གཞུང་དང་གཅིག་གྱུར་ཡིན་དགོས་པ་རེད། འོན་ཀྱང་། བསླབ་གཞི་དེར་རྒྱ་གར་གཞུང་གིས་སྐད་ཡིག་གི་ཚད་བཀག་ཡོད་པ་མ་རེད། ཁྲིམས་ཐོག་ནས་ཡོད་པ་མ་རེད། འདི་ཤེས་དགོས་པ་རེད། བོད་པ་རེད་ཅེས་དམིགས་བསལ་གྱི་ཁྲིམས་ཤིག་དེ་བས་ཡོད་པ་མ་རེད། གནས་ཚུལ་མང་པོ་ཞིག་ང་ཚོས་རང་རང་གི་ས་ནས་ལག་བསྟར་བྱེད་དགོས་པ་རེད་མ་གཏོགས། ཁ་ཐུག་ཏུ་ཁྲིམས་ཁང་གི་སྒོ་རྩར་བསྐྱལ་ནས་འུར་བརྒྱབས་ནས་བཤད་དགོས་ཀྱི་ཡོད་པ་མ་རེད། སྤོབས་པ་མཐའ་ཡས་ལགས། ཁྱོས་ཏོག་ཙམ་ཤེས་འདུག་འདུག་ཀྱང་། གབ་ཚིག་འགའ་ཤས་ཁྱོད་ལའང་ལྐོག་གྱུར་རེད། གང་ལྟར་ཁྱོའི་ལྷག་བསམ་གྱི་དབང་གིས་ངས་མང་པོ་མི་བཤད། བཤད་སའང་འགྲོ་གི་མི་འདུག

ཅིག་བྲིས་ན་མང་པོ་མ་བྲིས་ན་བརྗོད་འདོད་ཆ་ཚང་གསལ་སྟོན་མི་ཐུབ་པས་རྩོད་གཞི་ཞིག་ལ་འགྱུར་བའི་ཉེན་ཁ་ཡོད་ཀྱང་། དུས་ཚོད་དབང་གིས་བསམ་ཚུལ་རྡོག་རྡོག་ཅིག་བྲིས་ནས། དེ་ཀློག་མཁན་གྱི་བསམ་བློར་རམ་འདེགས་ཤིག་བྱུང་ན་བསམ། འདིར་བརྗོད་རྒྱུ་ནི་སློབ་གྲའི་སྐོར་ཡིན། གོང་ནས་མདོར་བསྡུས་ནས་བརྗོད་ཡོད་མོད། དེས་མ་ཆོག་པ་ལྟ་བུ་ཞིག་མཐོང་། རྒྱ་གར་གྱི་ཁྲིད་གཞི་ནང་བཞིན་འགྲོ་བ་ཡང་བོད་མིས་དགོས་མཁོའི་དབང་གིས་འདེམས་པ་རེད། དེ་ན་རྩ་བའི་ཆ་ནས་སྟངས་འཛིན་གྱི་དབང་ཆ་བོད་མིར་ཡོད་ན་བྱེ་བྲག་གི་ཁྲིད་གཞི་རྒྱ་གར་ལྟར་འགྲོ་དགོས་ཡང་སྐྱོན་ཆེར་མེད། དེའི་སྤྱིའི་ཁ་ཕྱོགས་བོད་མི་རང་གིས་སྟངས་འཛིན་བྱས་ནས་སྡེ་ཚན་སོགས་ཀྱི་བཀོད་སྒྲིག་དང་། གཞི་རྩའི་སྡེ་ཚན་དྲུག་ཙམ་ལྟ་བུ་། བོད་ཡིག་གི་སྡེ་ཚན་མིན་ན་བོད་ཡིག་དང་བོད་ཀྱི་རིག་གཞུང་སློབ་ཁྲིད་ཀྱི་ཞ་ཞོར་ཡིན་པ་སྨྲོས་མེད་རེད། ཡིན་ནའི་བོད་ཡིག་སྡེ་ཚན་ཡིན་ན་ད་ལྟའི་ས་ར་ལྟ་བུ། ས་ར་ནི་མཐོ་སློབ་འདིའི་བོད་ཡིག་སྡེ་ཚན་ལྟ་བུ་ལས་ཅི་ཡང་མིན། {འདིའི་་ཆ་རྐྱེན་ཀྱང་ཅུང་མི་འདང་མོད}སོགས་ཀྱི་རྒྱལ་སྤྱིའི་ངོས་ལེན་གཅིག་པུ་མིན་པར་དོན་གྱིས་རྒྱལ་སྤྱིའི་ཤེས་ཡོན་གྱི་ཚད་གཞི་ལྡན་པའི་ཕྱོགས་ལ་ཤུགས་རྒྱག་དགོས་བསམ། འདི་ནི་དེང་གི་མཐོ་སློབ་སློབ་གསོའི་ཁ་ཕྱོགས་དང་ནུས་པ། སྤྱི་ཚོགས་ཤེས་ཡོན་དང་རང་བྱུང་ཤེས་རིག་གི་ཚད་མཐོ་བའི་མིའི་རིགས་ཀྱི་ཤེས་ཡོན་དགོས་མཁོ་དང་ཡང་ན་ཡོངས་ཁྱབ་ངེས་ལེན་ཡོད་པའི་སྤྱི་ཚོགས་སྒྲིག་གཞི་ཞིག་གི་རྒྱབ་ལྗོངས་དང་བསྟུན་ནས་བསམ་བློ་བཏང་སྟེ་ཐག་གཅོད་བྱེད་དགོས་བ་ཞིག་རེད་བསམ་སོང་། བོད་མི་ཡིན་བོད་དོན་གང་རུང་ལ་བསམ་ཚུལ་འདོན་པའི་དབང་ཆ་ཡོད་དགོས།

གསལ་བཤད། གོང་གི་དེ་བོད་ཡིག་སློབ་དེབ་རེད།

I think it’s better to have Yi particle in Tibetan name of that College. Good Luck,.

གོང་གི་སྤོབས་པ་མཐའ་ཡས་ཟེར་བའི་མི་འདི་ལ་སྐད་ཆ་ཅིག་འདྲི་ཡི་ཡོད། དངོས་ནས་མ་ཤེས་བར་འདྲི་ཡི་ཡོད། སློབ་གྲ་དེ་བོད་དབྱིན་གྱི་གསར་འགྱུར་ལ་བལྟསན་ན་བོད་མིས་རྒྱབ་པ་ཞིག་རེད་བསམ་བྱུང་། དེ་འདྲ་མ་རེད་དམ། གལ་ཏེ་བོད་མིའི་མིང་ཐོག་ནས་རྒྱ་གར་གྱིས་རྒྱབ་དེའི་འགྲོ་སོང་རྒྱ་གར་གྱིས་བཏང་བ་ཡིན་ན་དོན་དག་ལོག་ག་རེད། དེ་མིན་རྒྱ་གར་གཞུང་གིས་ག་རེ་བྱས་ནས་ཇུས་གཏོགས་བྱེད་དགོས་རེད། འདི་མགོ་ཚོས་ཀྱི་མི་འདུག འདིའི་སྐོར་གསར་འགྱུར་ལས་ཁ་གསལ་བོ་ཞིག་ལབ་ཡ་ཡོད་ན་གསུང་དང་།

བོད་ཀྱི་མབོ་སློབ་དང་པོ་ཞེས་ལབ་པར་འཐད། འདིའི་སློབ་གྲའི་འགན་འཁྲི་དང་དམིགས་ཡུལ་གསར་བ་ཞིག་ཡིན་པ་མཚོན་གྱི་ཡོད། ས་ར་དང་ཝ་ར་ན་སི་སོགས་ནི་བོད་ཀྱི་སྲོལ་རྒྱུན་ནང་ཆོས་གཙོ་བའི་རིག་གནས་འཛིན་སྤེལ་གྱི་ཆེད་ཙམ་རེད།

བཙན་བྱོལ་བོད་གཞུང་གི་ལོ་རྒྱུས་རྒྱལ་རབས་ཁྲིད་སྟངས་དང་སུམ་རྟགས་སྙན་ངག་ཁྲིད་ཐབས་དེ་བློར་འབབ་པ་ཞིག་ཁྱོན་ནས་མ་རེད། དཔེར་ན་྄ཝར་ཎ་ལྟ་བུ་ཞིག་ལ་མཚོན་ན་སྙན་ངག་དེ་ཡང་སྔོན་མའི་རྒྱ་གཞུང་ཚུར་བསྒྱུར་བ་དེ་འདྲ་ཁོ་ན་ཁྲིད་དེ་དེང་རབས་ཀྱི་སློབ་མ་རྣམས་ལོ་སུམ་བརྒྱའི་གོང་དུ་ཕྱིར་འཁྲིད་ཀྱིན་འདུག སློབ་ཁྲིད་ཀྱི་ཕྱོགས་ནས་ཀྱང་དེང་རབས་དང་མཐུན་པ་ཞིག་བཟོ་དགོས་པ་མ་ཟད། དེ་ལས་འཚར་ལོངས་བྱུང་བའི་སློབ་མ་དེ་ཡང་ར་མ་ལུག་ལྟ་བུ་ཞིག་མི་ཆགས་པར་འབད་པ་བྱེད་དགོས་པར་མཐོང༌། ད་རེབ་ཀྱི་མཐོ་སློབ་འདིའི་སློབ་མའི་ཡོང་ཁུངས་བོད་ཁྱིམ་སློབ་གྲྭ་ཁག་གཙོ་བྱས་ནས་རྒྱ་གར་ནང་ལོགས་ཀྱི་བྱིས་པ་དག་ཡིན་པར་ཆ་བཞག་ན་འོག་བོད་ཁྱིམ་ནས་བསྒྱུར་ཞིག་གཏོང་དགོས་པར་མཐོང༌། དེ་མིན་འཛིན་གྲྭ་གསུམ་པ་བཞི་བའི་སློབ་དེབ་སོགས་ཀྱི་སྟེང་རྒྱ་གར་གྱི་རྒྱན་དྲུག་མཆོག་གཉིས་ལྟ་བུའི་ལོ་རྒྱུས་འཇོག་པ་དང༌། ལས་འབྲས་ཀྱི་རྣམ་བཞག་དང་འཇོག་པ་འདི་དངོས་གནས་དགོད་བྲོ་བ་ཞིག་རེད། གལ་སྲིད་དེ་འདྲའི་མི་སྣ་ཆེ་གེ་མོའི་ལོ་རྒྱུས་འགོད་དགོས་ན་བོད་རང་གི་མི་སྣ་དང་ལྷག་པར་དུ་རང་གི་ཕྱོགས་ལ་ཉེ་བ་ཞིག་བཞག་ཏན་ཏན་ཕན་པར་མཐོང༌། དེ་མིན་རང་རེའི་སློབ་དེབ་དག་གི་ཁྲོད་རྒྱལ་གཅེས་ཀྱི་བསམ་བློ་མཚོན་པའི་སློབ་ཚན་ཉུང་སེར་འདུག་པ་འདིས་ང་ཚོའི་མི་རབས་རྗེས་མ་དག་ར་མ་ལུག་ཏུ་བསྒྱུར་གྱིན་ཡོད།

ཡར་མར་མང་བོ་ཞིག་གང་བཤད་ཀྱང་སློབ་གྲ་དེ་རུ་ཞུགས་མཁན་གྱི་སློབ་མ་དེ་དག་གིས་རང་ཉིད་ནི་ཏ་ལའི་བླ་མ་བོད་ཀྱི་སློབ་གཉེར་ཁང་དུ་སློབ་སྤྱོང་བྱེད་ཀྱི་ཡོད་པ་དེ་ནི་གཞན་དང་མི་འདྲ་བ་ཞིག་ཡིན་པ་ཤེས་པ་དང་དུ་བླངས་དེ་སློབ་སྤྱོང་བྱེད་རྒྱུ་དེ་ནི་གལ་ཆེན་རེད།

ཟླ་ཤས་གོང་དུ་ཨ་རི་ནས་ཕེབས་པའི་གློག་ཀླད་དང་དྲ་རྒྱའི་སྐོར་གྱི་ཆེད་མཁས་པ་ཞིག་གིས་གངས་སྐྱིད་ནས་བཤད་དོན། བྷེང་ལོར་ནི་རྒྱ་གར་གྱི་བརྡ་འཕྲིན་ཆེད་ལས་པའི་ཕ་ཡུལ་རེད། ད་སྐབས་བོད་ཁྱིམ་སློབ་གྲྭས་བྷེང་ལོར་ནས་མཐོ་སློབ་ཅིག་འཛུགས་གིན་ཡོད་སྟབས། བོད་པ་ཚོས་མཐོ་སློབ་འདི་བོད་ཀྱི་བརྡ་འཕྲིན་རིག་པའི་ཚད་མཐོ་བའི་སློབ་གཉེར་ཁང་ཞིག་ལ་བསྒྱུར་ཐུབ་ན་སྐལ་བ་ཡག་པོ་རེད་ཅེས་བཤད་བྱུང་། དུས་རབས་ཉེར་གཅིག་པའི་ནང་གི་མཐོ་སློབ་ཅིག་ལ་མཚོན་ན་དངོས་གནས་བརྡ་འཕྲིན་ཚན་རིག་གི་ཕྱོགས་ཏེ། IT གྱི་ཆེད་ལས་སློབ་གཉེར་བ་གང་མང་མང་ཞིག་དགོས་པ་དངོས་ཡོད་ཆགས་འདུག ཐོས་ཚད་ལ་བོད་ཁྱིམ་གྱིས་ཀྱང་མཐོ་སློབ་འདིར་གློག་ཀླད་ཀྱི་སྡེ་ཚན་ཞིག་འཛུགས་གིན་ཡོད་ཟེར། འདི་གང་འདྲ་འདུག

ནམ་མཁའི་ནོར་བུ་དང་མཁར་རྨེའུ་བསམ་གཏན་གཉིས་ཀྱི་བརྩམས་གཞུང་ལ་བལྟས་ན་བོན་པོ་མ་གཏོགས་ཅི་ཡང་ཤེས་ཀྱིན་མེད་པའི་ཚོར་སྣང་ཞིག་བྱུང་སོང་།

སློབ་གྲྭ་འདིའི་མིང་ལ་ཏཱ་ལའི་བླ་མ་བོད་ཀྱི་མཐོ་རིམ་སློབ་གཉེར་ཁང་ཞེས་བཏགས་འདུག འདིའི་ནང་གི་སློབ་ཕྲུག་ཚོའི་མིང་གི་ཐོག་མར་བསྟན་འཛིན་ཞེས་བཏགས་ཡོད་པ་རེད། བསྟན་འཛིན་ཞེས་པ་འདི་ཡང་རྒྱལ་བ་རིན་པོ་ཆེ་མཆོག་གི་མཚན་ནས་དྲངས་ཏེ་བཙན་བྱོལ་ནང་སྐྱེས་པའི་བྱིས་པ་ཚོར་མིང་བཏགས་པ་རེད། མིང་གི་མགོར་བསྟན་འཛིན་ཞེས་བཏགས་པའི་མི་རབས་དམིགས་བསལ་བ་འདི་དག་སྐྱེས་ནས་མི་ལོ་ ༣༠ ཕྱིན་ཡོད་ངེས། འདིའི་རིང་ལ་བཙན་བྱོལ་བོད་མིའི་ཤེས་ཡོན་གྱི་གཞི་རྐང་ལ་ཡར་རྒྱས་ཆེན་པོ་མ་ཕྱིན་སྟབས། རང་རང་གི་ཤེས་ཡོན་སློབ་སྦྱོང་གི་སྐལ་བ་དེ་འཐུས་ཤོར་ལ་ཕྱིན་པ་རེད། ཤེས་ཡོན་འཐུས་ཤོར་ལ་ཕྱིན་ཡོད་པ་མ་རེད། ཡིན་ཡང་། ད་རེབ་མཐོ་རིམ་སློབ་གྲྭ་འདི་དངོས་སུ་དབུ་འབྱེད་དང་རྒྱལ་བ་རིན་པོ་ཆེ་མཆོག་གིས་དངོས་སུ་མཚན་གསོལ་ཡོད་སྟབས། ང་ཚོས་བསྟན་འཛིན་མིང་ཅན་གྱི་མི་རབས་འདི་དག་གི་ཤེས་ཡོན་གོང་ནས་གོང་དུ་འཕེལ་བའི་སྨོན་འདུན་ཞུ་འོས་པར་འདུག

ད་ནི་མཐོ་རིམ་སློབ་གཉེར་ཁང་འདིའི་ནང་གི་ཁྲིད་གཞིའི་སློབ་ཚན་གྱི་རིགས་ལ་བགྲོ་གླེང་བྱེད་རན་རེད། སློབ་མ་འདི་དག་གི་དམིགས་ཚད་ལ་ལྟ་དགོས་ཀྱི་འདུག འདིའི་ཐད་ནས་ལོ་སྔོན་མར་བོད་ཁྱིམ་གྱི་འབྲེལ་ཡོད་མི་སྣར་བཀའ་འདྲི་ཞུས་སྐབས། བོད་ཡིག་གི་སློབ་ཚན་རྣམས་ནི་ཝར་ཎ་བོད་ཀྱི་གཙུག་ལག་སློབ་གཉེར་ཁང་གི་སློབ་དེབ་དང་འདྲ་མཚུངས་ཡིན་ལུགས་བཤད་བྱུང་། ཡིན་ཡང་དེང་རབས་ཀྱི་སློབ་ཚན་ཕྱོགས་ནས་ཅུང་དམིགས་བསལ་བ་ཞིག་ཡིན་སྐད་འདུག མི་འགྱངས་པར་ང་ཚོས་བསྐྱར་དུ་བཀའ་འདྲི་གསལ་བོ་ཞིག་ཞུ་ཆོག

༧གོང་ས་མཆོག་གིས་ལྷོ་ཕྱོགས་སུ་བཙུགས་པའི་བོད་ཕྲུག་ཁྱིམ་སྡེའི་མཐོ་སློབ་དེར་ཏཱ་ལའི་བླ་མ་མཐོ་རིམ་སློབ་གཉེར་ཁང་ཞེས་མཚན་གསོལ་ཡོད་འདུག ཞེས་བཀོད་ཡོད་པ་གསལ་བོར་མཐོང་གི་མི་འདུག་གམ དེ་ལ་བཟོ་བཅོས་ག་རེ་རྒྱག་རྒྱུ་ཡོད་རེད། གོང་ས་མཆོག་གིས་མཚན་གསོལ་རེད། དེ་ལྟར་གསོལ་བར་རྒྱུ་མཚན་ཡང་འདུག་བསམ།

འདི་ཀློག་བདེ་མི་བདེ་དང་རྣ་བར་སྙན་མི་སྙན་གྱི་གནད་དོན་མ་རེད། སློབ་གྲྭ་ཞིག་གི་མཚན་འདོགས་དུས་མི་སྒེར་བ་ཞིག་ལ་བདག་པའམ་འབྲེལ་བ་རྒྱུ་མཚན་དུ་བྱས་ནས་མཚན་འདོགས་ལུགས་དེ་བོད་པ་ཚང་ལའང་ད་སྔ་བར་དུ་མེད་པར་འདོད། འདིའི་མཚན་ལ། ཏཱ་ལའི་བླ་མ་ཡི་བོད་ཀྱི་མཐོ་རིམ་སློབ་གྲྭ་ཞེས་བཏགས་པ་མ་རེད། སློབ་གྲྭ་ཁོ་རང་གི་མཚན་ན། ཏཱ་ལའི་བླ་མ་མཐོ་སློབ་ལྟ་བུར་བཏགས་པ་རེད། དེ་བས་འབྲེལ་སྒྲ་དེ་ཐོག་མ་ནས་སྦྱར་མེད་པ་ནི་དོན་ལ་གནས་འདུག་པས། འདི་ལྟར་ངེས་ཤེས་མགྱོགས་པོར་འདྲོངས་མཁན་རྣམས་ལ་རྗེས་སུ་ཡི་རང་ངོ། མངོན་པར་བསྟོད་དོ། དེ་ལྟར་རྒྱལ་གྱུར་ཅིག་གོ།

དྲ་གྲོགས་ལགས། འདི་རྩོམ་སྒྲིག་པས་བདེན་ཁ་སྟེར་མི་སྟེར་གྱི་རྒྱུ་མཚན་ཞིག་ཡང་མ་རེད། དབྱིན་ཡིག་ནང་འབྲེལ་སྒྲ་མེད་པར་འབྲི་དོན་ནི་སྐྱེས་བུ་དམ་པ་དེའི་མཚན་ཅི་སྲིད་བར་དུ་གནས་ཕྱིར་བཀའ་དྲིན་རྗེས་དྲན་མཚོན་བྱེད་ཞིག་ཡིན་སྟབས། zakihussen collgeལྟ་བུ་དངrajivigandhi institute མང་པོ་ཡོད་ལ། ང་ཚོའི་བོད་དུ་ཡང་དགོན་པ་ཁ་ཤས་ལ་རྩ་བའི་བླ་མའམ་དགོན་བདག་ཁོང་གི་མཚན་སོར་བཞག་ལ་ར་སྒྲེང་དགོན་པ་ལྟ་བུ་མང་པོ་མི་འདུག་གམ།

དངོས་གནས་རེད། རྣམ་པ་ཚོ། མིང་བྱང་འདི་དབྱིན་སྐད་ཐོག་མ་གཏོགས་རང་རེའི་སྐད་ཡིག་ནང་བརྗོད་བདེ་པོ་ཁྱོན་ནས་མི་འདུག

བཙུགས་པ་ཡག་པོ་རེད། ཡིན་ཡང་དྲི་བ་ཞིག་རང་བཞིན་གྱིས་ཡོང་བསྟད་ཀྱི་འདུག་་་་་་

ནོར་བཅོས། ཏཱ་ལའི་བླ་མ་མཐོ་རིམ་སློབ་གཉེར་ཁང་།

སློབ་ཆེན་འདི་ཐོག་མར་འཛུགས་མཁན་གཙོ་བོ་སུ་ཡིན་དང་། འཛིན་རིམ་ཇི་ལྟར་ཕྱེས་ཡོད་རྒྱུས་ཡོད་ཅིག་ཡོད་ན་གསུངས་རོགས།

ངས་ཡང་བསྐྱར་བོད་ཀྱི་བང་ཆེན་གྱི་དྲ་རྒྱར་བལྟས་པ་ཡིན། གསར་འགྱུར་གྱི་འགོ་བརྗོད་དུ་ཏཱ་ལའི་བླ་མ་མཐོ་རིམ་སློབ་གཉེར་ཁང་ཞེས་འབྲེལ་སྒྲ་བྲིས་མི་འདུག གསར་འགྱུར་དངོས་གཞིའི་ནང་ཏཱ་ལའི་བླ་མའི་མཐོ་རིམ་སློབ་གཉེར་ཁང་ཞེས་འབྲེལ་སྒྲ་བྲིས་འདུག བང་ཆེན་གྱི་གསར་འགྱུར་དེ་ཡང་ས་གནས་གསར་འགོད་པས་བཏང་བ་འདྲ། ད་ང་ཚོའི་གསར་ལམ་ཚོས་གསར་འགྱུར་སྤེལ་སྐབས་དོ་དོ་ཏན་ཏན་གནང་སྟངས་དེ་འདྲ་རེད་དམ། དུས་བབ་ཀྱིས་མཐོ་སློབ་གསར་པ་འདིའི་སྒོ་བྱང་གི་པར་ཞིག་དྲ་ཐོག་ཏུ་མཁོ་སྤྲོད་གནང་ཐུབ་ན་ལེགས།

ཕ་ཡུལ་དྲ་རྒྱའི་ནང་མཐོ་སློབ་འདི་ལ་ First Tibetan college་ ཞེས་རྒྱ་གར་ནང་གི་བོད་མིའི་མཐོ་སློབ་དང་པོ་ཡིན་པར་བཤད་འདུག དེ་ནི་ནོར་བ་རེད། རྒྱ་གར་ནང་གི་བཙན་བྱོལ་བོད་མིའི་སྤྱི་ཚོགས་ཁྲོད་ཝཱ་ཎ་མཐོ་སློབ་ལྟ་བུ་རྒྱ་གར་གཞུང་དང་བོད་གཞུང་གཉིས་ཀས་ངོས་ལེན་ཡོད་པའི་མཐོ་སློབ་དང༌། ས་རཱ་མཐོ་སློབ་ལྟ་བུ་བོད་གཞུང་གིས་ངོས་འཛིན་ཡོད་པའི་མཐོ་སློབ། དེ་མིན་རང་ངོས་ནས་མཐོ་སློབ་ཀྱི་མིང་བྱང་བྲིས་པ་མང་པོ་ཡོད།

ཨེ་མ་ཧོ་བསྐལ་པ་བཟང་།
འདི་ནི་ཏཱ་ལའི་བླ་མ་མཐོ་རིམ་སློབ་གཉེར་ཁང་ཞེས་པ་བརྗོད་མི་བདེ་ལ་དོན་ཡང་ལོག་པར་སོང་འདུག་པས་དེ་ཚིག་དོན་གཉིས་ཀར་སྐྱོན་མེད་པ་ཞིག་བྲིས་ན་འདི་ལྟར་མ་ཡིན་ནམ།

ཏཱ་ལའི་བླ་མའི་མཐོ་རིམ་སློབ་གཉེར་ཁང་།

མཐོ་སློབ་འདིར་༸གོང་ས་མཆོག་གིས་ཐུགས་རེ་ག་ཚོད་གནང་གིན་ཡོད་མེད་དེ་མིང་འདོགས་སྟངས་འདིས་ཀྱང་ཟུར་བལྟས་ལེབ་མཐོང་གི་དཔེར་སོང་འདུག་སྙམ།

Thet wrote T.C.V. Colleges name on English is, Dalai Lama Institute Higher Education, they not wrote Dalai Lama’s Institute Higher Education, they also write on Tibetan, Dalai Lama tho rim lob nyer khang. plz Do the corretion it. I have been thier and i seen it ya