༢༠༡༡ ལོའི་བཀའ་བློན་ཁྲི་པ།

དངོས་གནས་ད་ཐེངས་ཀྱི་བཀའ་བློན་ཁྲི་བ་འདི་གལ་གནད་ཅན་གྱི་དུས་ཚིགས་ཤིག་ལ་ཁེལ་ཡོད་པས་གལ་ཆེན་དང་གཟབ་གཟབ་བྱས་ཏེ་ང་ཚོས་ངོས་ནས་འདེམས་ཁ་མ་ནོར་བ་བྱེད་དགོས་སྙམ།

འདིར་ཁྱེད་ཚོས་འོས་མིར་འདོད་པ་དེ་ཚོའི་གནས་ཚུལ་ལོ་རྒྱུས་ཉུང་བསྡུས་རེ་འགོད་ཐུབ་ན་བཀའ་བློན་གྱི་འོས་མིར་འོས་པ་ཡིན་མིན་ཤེས་ཐུབ།

དེ་བས་ཨ་རྒྱ་ལགས་ཀྱིས་ཁོང་གི་མཚན་གྱི་སྒྲ་དོན་དང་མཐུན་པར། ཨ༷་རིའི་ཁ་ལི་ཧྥོ་ནི་ཡའི་ཆོས་ཚོགས་སུ་བཞུགས་ནས་དེ་གའི་རྒྱ༷་རིགས་ཚོར་ཆོས་རེ་གསུངས་ཏེ་ཨིན་གྲུ་ཡ་ན་རུ་ཡོད་པའི་བོད་སོག་ཆོས་ཚོགས་དེའི་བུ་ལོན་ལྕི་མོ་དེ་ཇེ་ཉུང་དུ་གཏོང་ཐུབ་པ་ཞིག་གནང་ན་དེ་གས་མ་འཐུས་པ་ཞིག་རྩ་བ་ནས་མེད་པར་འདོད་དོ།།

གྲོགས་པོ་ཚོ།
ངས་ནི་བཀའ་ཁྲི་རྗེས་མ་ནི་བུད་མེད་འཇོན་པོ་ཞིག་ལ་རེ་གི་ཡོད།
འོན་ཏེ།

ཁྱེད་ཅག་གི་ཁུར་ཡོང་བ་ཡོད་ཚལ་ནང་བསྟན་ཆོས་ལུགས་པའི་ཕྱི་བཏུམས་ནང་བཏུམས་རྐྱང་རེད་འདུག འབྱུང་འགྱུར་གྱི་བཀའ་བློན་ལ་སྙིང་སྟོབས་རི་བོ་འདྲ་ཞིག ལྷག་བསམ་རྒྱ་མཚོ་འདྲ་ཞིག རྒྱ་དམར་བོ་ཐུག་ན་ཕྱི་བྱོལ་མི་བྱེད་པ། རང་ཕུ་ནུ་ཕྱོགས་ལ་མ་ལྟར་བརྩེ་བ་ཞིག་དགོས་ཀྱི་འདུག ལྷག་པར་གལ་ཆེ་བ་ནི་རྒྱ་ནག་གི་ཞི་མོལ་ཞེས་པའི་སྐད་ཆ་སྙན་པོ་ལ་མགོ་མུ་སྒུར་བ་ཞིག རང་ཚུགས་བསྟན་པོ་ཡོད་པ་དེ་འདྲ་ཞིག་ང་ཚོ་བོད་པ་ལ་མེད་པ་རེད་དམ།
འོ་ད་དུང་ གྲྭ་ཆེས་གྱོན་ནས་ལག་པ་ཐལ་མོ་སྦྱར་ནས་འགྲོ་མཁན་ཞིག་ཡིན་ན་མིན་་་་་་མིན་་་་་་བརྒྱ་ཡོད་་་་་་་་་

ངེད་ཀྱིས་ནི་འབྱུང་འགྱུར་གྱི་བཀའ་བློན་ཁྲི་བའི་ཕྱོགས་ནས་སྔ་མོ་ནས་རྨོངས་འཆར་ཐུང་ངུ་ཞིག་སྤེལ་ཡོད།
ངེད་ཀྱི་བསམ་པར། འབྱུང་འགྱུར་གྱི་བཀའ་བློན་ཁྲི་བ་འདི། རྒྱལ་སྤྱི་དང་རྒྱལ་ནང་གི་གནས་སྟངས་ལ་རྒྱུས་མངའ་ཡོད་མཁན་། རྒྱ་ནག་གི་ཆབ་སྲིད་ཀྱི་འགྱུར་འགྲོས་ལ་བལྟ་ཐུབ་མཁན་། ཕྱི་ནང་གི་རིག་པའི་གཞུང་ལུགས་ལ་མཁྱེན་རྒྱ་ཡོད་མཁན་། བོད་མིའི་འཐབ་རྩོད་ཀྱི་ནུས་ཤུགས་གཅིག་ཏུ་སྤུངས་ཐུབ་མཁན་། བོད་དོན་རྒྱབ་སྐྱོར་ཚོགས་པ་ཁག་དང་འབྲེལ་བ་དམ་ཟབ་འཛིན་ཐུབ་མཁན་། བཙན་བྱོལ་སྤྱི་ཚོགས་ཡར་རྒྱས་ཀྱི་ཐད་ལ་སྔོན་ཐོན་གྱི་བསམ་བློ་ཡོད་མཁན་། བོད་མི་མང་གི་བསམ་ཚུལ་ལ་ཉན་ཤེས་བྱེད་ཐུབ་མཁན་། བོད་ནང་གི་བོད་མིའི་གནས་སྟངས་ཡར་རྒྱས་ཀྱི་ཐད་ལ་འཆར་གཞི་དང་འཛུགས་བསྐྲུན་གྱི་ཕྱག་ལས་གནང་ཐུབ་མཁན་། དཀྱིལ་ཤར་ཨེ་ཤེ་ཡའི་ཕྱོགས་ནས་བོད་དོན་ལ་རྒྱབ་སྐྱོར་འཚོལ་ཐུབ་མཁན་། བོད་མིའི་ཤེས་རིག་དང་གཞིས་ཆགས་ཁག་སྲ་བརྟན་དུ་གཏོང་ཐུབ་མཁན་ཞིག་དགོས་རྒྱུ་གལ་ཆེན་པོ་རེད་བསམ།
འོན་ཀྱང་། འདི་ལྟའི་ཆ་རྐྱེན་ཚང་མ་འཛོམས་མཁན་གྱི་བཀའ་ཁྲི་ཞིག་བཙན་བྱོལ་དཀྱིལ་འཁོར་ནས་རེག་རྒྱུ་ཁག་པོ་ཡིན་པ་འདྲ།དེར་བརྟེན། ཆ་རྐྱེན་གལ་ཆེ་བ་རེ་གཉིས་ཚང་མཁན་རིགས་ལ་བསམ་བློ་བཏང་ནས་སོ་སོའི་འོས་མི་འཁྱེར་ཡོང་དགོས་རྒྱུ་འདི་ཧ་ཅང་གལ་ཆེན་པོ་རེད།
ངེད་ཀྱི་བཀའ་བློན་ཁྲི་བའི་འོས་མི་ནི། ཁྲིམས་ལུགས་མཁས་དབང་བློ་བཟང་སེང་གེ། བོད་རིགས་བུད་མེད་འབུམ་རམས་པ་བློ་བཟང་རབ་རྒྱས། སྤྱི་འཐུས་ཚོགས་གཙོ་ལས་ཐོག་སྤེན་པ་ཚེ་རིང་གསུམ་ཡིན།

འབྲོང་ཆུང་དངོས་གྲུབ་ཟེར་བ་ཁོ་བདེ་སྲུང་གི་འཛིན་སྐྱོང་དྲུང་ཆེ་བྱས་ནས་ཁོ་ལ་ཁ་ལས་དགེ་བ་མ་རེད་དམ། དེ་འཛིན་སྐྱོང་དོ་དམ་ལ་མཁས་བ་ཞིག་ཡིན་རྒྱུ་རེད།
གྲོགས་པོ་ཚོ། ངས་བསམ་ཚུལ་ཞིག་འདོན། རྔ་བ་ཚེ་རྒྱམ་ཁོང་ག་འདྲ་འདུག
རྒྱ་བོད་དབྱིན་གསུམ་ཤེས་གི ལྷག་པར་དུ་རྒྱ་ཡིག་དང་བོད་ཡིག་ལ་བཙན་བྱོལ་ནང་གི་རྒན་རབས་པའི་གྲས་རེད། སྔོན་ཆད་ཨ་ཏི་ཤས་ཐེ་ཝན་ནས་རྫོབ་ལུང་བ་གང་བསྐྱལ་བའི་རྗེས་ལ་ཁོ་བརྫངས་བ་རེད། འོན་ཀྱང་ན་ནིང་ཐེ་ཝན་གཞུང་གིས་ཕྱི་རྒྱལ་གྱི་གཞུང་ཚབ་པ་དག་གི་ནང་ནས་ཐེ་ཝན་དང་སོ་སོའི་རྒྱལ་ཁབ་བར་གྱི་ཕྱི་འབྲེལ་ལ་བྱས་རྗེས་ཆེ་བའི་རྟགས་མ་དེ་འཇར་པན་གཞུང་ཚབ་པ་དང་བོད་པའི་དོན་གཅོད་ཚེ་རྒྱམ་ལགས་སུ་ཕུལ་བ་རེད། ད་ལྟའི་བར་གཞུང་ཞབས་ལས་བྱེད་ཅིག་གིས་ཕྱི་རྒྱལ་ནས་རང་གཞུང་ལ་ཞབས་ཞུ་སྒྲུབ་ནས་རྟགས་མ་བླངས་བ་ཐེངས་དང་པོ་རེད་ཟེར། བརྙན་འཕྲིན་ལས་ཚན་ཁག་ནས་བཅར་འདྲི་བྱས་པར་ལྟོས་ན་བཙན་བྱོལ་ནས་འཚར་ལོངས་བྱུང་བ་ཞིག་གིས་འདི་འདྲའི་གནད་ལ་ཁེལ་བ་ཞིག་ད་ལྟ་བར་མཐོང་རྒྱུ་མི་འདུག འདིས་ཅི་ཞིག་མཚོན་གྱི་འདུག་ཅེས་ན་བོད་ནང་གི་གནས་སྟངས་དངོས་དང་ཕྱིའི་འབྲེལ་ལམ་གཉིས་ཀར་འཇོན་པོ་འདུག

བུ། ཁྱེད་རང་ལྟ་བུ་ཡིན་ན་ངོ་མ་ངའི་ཁ་གཏད་པ་རེད། ངེད་གཉིས་ནི་ད་ལྟའི་ཆར་ངེད་གཉིས་མ་གཏོགས་འོས་མི་འཁྱེར་ཡོང་མཁན་མི་འདུག ད་ནི་ངེད་གཉིས་ཀྱིས་རང་རང་གི་ས་ནས་ལས་འགུལ་སྤེལ། ང་སྤྱིར་བཏང་ཨ་ཀྱཱ་ཚང་ལ་དགའ་ནས་དད་ནས་མིན། ཡིན་ཡང་། མི་རིགས་འདི་སུ་ཞིག་གི་ལག་ལ་འཇོག་དགོས་ཟེར་ན་ཁོང་མ་གཏོགས་རྩིས་སྤྲོད་ས་ཞིག་རྙེད་མ་སོང་། ངས་བལྟས་ན་འབྲོང་ཆུང་ངོ་མ་ང་རང་དགའ་སའི་མི་ཞིག་ཡིན། འོན་ཀྱང་། ཁོང་ཉིད་ལས་བྱེད་ཅིག་མ་གཏོགས་མི་དབང་སྡུད་ཅན་དང་། འཛིན་སྐྱོང་གི་མི་ཞིག་མིན། འདི་ཚང་མས་ཤེས་དགོས།

ངས་གོང་དུ་སེར་མོ་བའི་བཀའ་ཁྲི་ཞིག་ཕེབས་ན་སྡོམ་པ་ལྷ་ལ་ཕུལ་ཏེ་སྐྱ་ཆས་གོན་དགོས་ཀྱི་འདུག་ཟེར་བ་སེར་མོ་བར་དམའ་འབེབས་བྱས་བ་མ་ཡིན་པར། སྡེ་འདི་ལ་མཐོང་ཆེན་བྱེད་གི་ཡོད། རྒྱལ་ཁབ་སུ་ཡིན་ཡང་སྲིད་འཛིན་གྱིས་དམག་བཙུགས་དུས་ཆེན་གྱི་མཛད་སྒོ་ལྟ་བུ་དང་དམག་སྒར་ཁུལ་དུ་དམིགས་བསལ་འཚམས་འདྲིར་བསྐྱོད་ན་དམག་ཆས་གྱོན་སྲོལ་ཡོད་མོད། ༢༠༠༢ཡས་མས་ལ་བཀའ་ཁྲི་མཆོག་བོད་མིའི་དམག་སྒར་དུ་བསྐྱོད་སྐབས་སྟོན་པའི་ན་བཟའ་གྱོན་མཁན་ཞིག་གིས་དམག་སྒར་ནས་གསུང་བཤད་གནང་ན་ཧ་ཅང་ལན་པོ་མེད་པ་ཞིག་ཏུ་མཐོང་བས་འདི་ཡང་གལ་ཆེན་རང་བཞིན་ཞིག་ཏུ་རྩིས་ནས་གསལ་འདེབས་ཞུས་བ་ཡིན།

སྔོན་མར་ཆབ་བྲག་ལྷ་མོ་སྐྱབས་བོད་མི་དམངས་སྤྱི་འཐུས་སུ་བསླེབས་དུས་སུ་ཡང་བོད་མི་འགའ་རེས་ཁོ་རང་བོད་པ་གཙང་མ་ཞིག་ཡིན་མིན་གྱི་བགྲོ་གླེང་བྱས་པ་དང་། སོག་པོ་མདའ་ཚན་པ་ཚོ་བོད་པ་ཕྱེད་ཀ་ཞིག་ཆགས་ཡོད་པས་དམིགས་བསལ་དགོས་ཟེར་མཁན་བྱུང་སོང་བས། ཨ་ལགས་ཨ་ཀྱ་ལགས་ཀྱང་དེ་ལྟར་བྱེད་རྩིས་ཡོད་དམ། བོད་མི་དམངས་སྤྱི་འཐུས་དང་བཀའ་བློན་ཁྲི་བའི་མི་གཞིར་བོད་པ་གཙང་མ་ཞིག་དགོས་མིན་གྱི་རྩ་ཁྲིམས་ཁ་གསལ་ཅན་ཞིག་ཡོད་དམ་མེད།

མི་འགའ་ཞིག་གིས་འཇམ་དབྱངས་བཞད་པ་ལོ་རྒྱུས་སྟེང་གི་ཉེས་ཅན་པར། །
བགྲངས་པ་དེ་ཡང་མཁས་པ་དེ་ཡིས་སྡེ་སྲིད་བགྲོངས་པའི་ལག་དམར་ཏེ། །
སོག་རྒན་ལྷ་བཟང་བོད་ཀྱི་རྒྱལ་པོ་བྱེད་རྒྱུར་མཐའ་གཅིག་རྒྱབ་སྐྱོར་བྱས། །
དེ་མིན་ཆོས་ལུགས་ཕྱོགས་ནས་བཤད་ན་ཙོང་ཁ་པ་ཡི་འགྲན་ཟླ་རེད། །

ང་ལ་དགོས་པའི་བཀའ་བློན་ཁྲི་བ་ནི་ཆོལ་ཁའི་ཕྱོགས་ཞེན་མེད་པ་དང་བོད་ཀྱི་ཆེད་དུ་རང་གི་གཟའ་མི་ཉེ་འབྲེལ་ལ་ཡང་སྟག་སྒོ་འགྲོ་ས་མེད་པ། ཁ་ཞེ་དོན་ལ་ཡོད་པ་ཞིག་དགོས་ཀྱི་ཡོད། དེ་ནི་སྐྱ་སེར་ཕོ་མོ་རྒན་གཞོན་གང་ཡིན་ཡང་འགྲིག གཙོ་བོ་བོད་མིའི་བདེ་སྡུག་ལས་བསམ་རྒྱུ་མེད་པ་ནས་བྱེད་རྒྱུ་ཡང་དེ་ལས་མེད་མཁན་ཞིག་དགོས་ཀྱི་ཡོད་དོ།

བླ་རྒན་དགོང་ལོ་ལྔ་བཅུ་བསམ།།
ཁ་ན་དུང་སོ་མེད་པ་བསམ།།
མགོ་ན་སྒྲ་ལོ་མེད་པ་བསམ།།
ཡོད་ཚད་བསམ་པའི་ནོར་འཁྲུལ་འདི།།
དེ་རང་རྫུན་ཐག་ཆོད་ནས་ཐད།།

བཀའ་བློན་ཁྲི་བའི་ཆ་རྐྱེན། དང་པོ་བོད་པ་གཙང་མ་ཡིན་དགོས། གཉིས་པ་གཞོན་སྐྱེས་སྙིང་སྟོབས་ཅན་ཞིག་ཡིན་ན་བཟང་། བླ་རྒན་ཚོ་ཆོས་ལུགས་ཀྱི་ཕྱོགས་ཞེན་ཆེ་དྲག་འདུག བོད་ཀྱི་གཞོན་སྐྱེས་ནང་ན་དེང་སྐབས་ཀྱི་བཀའ་བློན་ལས་ལྷག་མང་པོ་ཡོད་་་་་་་་
བླ་རྒན་དགོས་ན་ཨ་ཁུ་ཁ་བ་དཀར་པོ་ཡིན་ན་ཡང་ཆོག་གི་་་་་་

ཁ་བ་དཀར་པོ་ལགས། ཁྱོས་ཀྱིས་ཨ་ཀྱཱ་རིན་པོ་ཆེ་ཚང་སོག་པོ་རེད་ཟེར་ནས་ངོས་ལེན་བྱེད་གིན་མེད་པ་རེད། གནས་ལུགས་ཆུང་དྲག་འདུག

ད་ལྟའི་བཙན་བྱོལ་བོད་གཞུང་གི་སྲིད་བྱུས་འཛིན་སྟངས་ལྟར་ན། བོད་ཀྱི་མི་རིགས་དང་བོད་ཀྱི་མི་སེར་གཉིས་ལས་མི་སེར་ལ་འགན་དཀྲི་གི་འདུག འདི་ལ་གནས་ལུགས་འདུག པེ་ཅིན་དང་ངྷ་ས་གཉིས་ཀྱིས་ཀྱང་འདི་རྩོད་གིན་འདུག ཉེ་སྔོན་སྐུ་ཚབ་ཚོས་ཀྲུང་དབྱང་ལ་ཕུལ་བའི་ཡིག་ཆའི་ནང་དུའང་གནད་དོན་འདི་ཚུད་ཡོད་པ་རེད། མདོར་ན། བོད་ས་ཁུལ་གྱི་མི་སེར་རྣམས་ནི་མི་རིགས་འདྲ་མིན་གྱིས་གྲུབ་ཆོག་པར་བཤད་པ་རེད། གལ་སྲིད་ཨ་ཀྱཱ་ཚང་སོག་པོ་ཡིན་པའི་དབང་དུ་བཏང་ནའང་ཁོང་ཕྱི་སོག་དང་ནང་སོག་གང་གི་མི་སེར་མིན་པར། བོད་ཀྱི་མི་སེར་ཡིན་ན་ཁོང་བོད་མིའི་དབུ་ཁྲིད་ལ་ཡོང་མི་ཆོག་པ་ཅི་ཡོད། མ་གཞི་ནས་ཁྱོད་ལ་གནས་ཚུལ་གསར་པ་ཞིག་བཤད་ན། ཟམ་གདོང་རིན་པོ་ཆེ་མཆོག་གིས་ཁོང་གི་རྗེས་འཇུག་ལ་ཨ་ཀྱཱ་ཚང་བདམས་ཚར་འདུག ཁ་སང་བོད་རྒྱ་ཞི་མོལ་ལས་དོན་ཚོགས་ཆུང་གི་ཐོག་ལའང་ཁོང་གདན་འདྲེན་ཞུས་སོང་། ཁོང་ལས་ལྷག་པ་ཞིག་རྙེད་མདོག་ཁ་པོ་མ་རེད།

གཤམ་དུ་ཨ་ཀྱཱ་ཚང་གི་འོས་ཆོས་གཙོ་བོ་འགའ་བགྲང་ན།
༡། བོད་ཀྱི་མི་སེར་ཡིན་པ།
༢། རང་ལོ་ ༣༥ ཡན་ཡིན་པ།
༣། ཁྲིམས་ཁང་གང་རུང་ནས་ནག་ཅན་ཡིན་པའི་ཉེས་མིང་རག་མེད་པ་སོགས་གཞི་རྩའི་ཆ་རྐྱེན་ཁག་ཚང་ཞིང་།

༤། བོད་ཀྱི་ཤེས་རིག་ལ་ཐུགས་རྒྱུས་ཟབ་པ།
༥། རྒྱ་ནག་གཞུང་གི་སྲིད་བྱུས་ལ་ཐུགས་རྒྱུས་ཆེ་བ།
༦། རྒྱལ་སྤྱིའི་ཚད་ལྡན་གྱི་སྐད་ཡིག་ ༤ ལ་བྱང་ཆ་ཆེ་བ།
༧། སྐྱབས་མགོན་རིན་པོ་ཆེ་དང་དགའ་ལྡན་ཕོ་བྲང་ལ་དད་པ་དམ་ཚིག་གཙང་བ།
༨། བོད་མི་རིགས་སྤྱི་དང་། ལྷག་པར་དུ་བོད་ཀྱི་ཆོས་བརྒྱུད་ཁག་གི་མ་གདན་ལྟ་བུའི་རི་བོ་དགེ་ལུགས་པ་ཚང་གི་བླ་ཆེན་ཞིག་ཡིན་པ།
༩། རྒྱལ་སྤྱིའི་ཆབ་སྲིད་ཀྱི་འགྱུར་འགྲོས་ཀྱི་རྗེས་ཟིན་པ།
༡༠། དབུས་སྐད་གཙང་མ་སྐྱོན་ཐུབ་པ།
༡༡། བོད་ཀྱི་གནད་དོན་ལ་ཁ་གསང་པོའི་སྒོ་ནས་གསལ་བཤད་དང་ལམ་སྟོན་གནང་བཞིན་པ།
༡༢། སྐུ་ནའི་བབ་ཀྱང་བཙན་བྱོལ་བོད་གཞུང་གི་དབུ་ཁྲིད་ཅིག་ལ་འཚམ་པ།
༡༣། སྐུ་ཕྲེང་བཅུ་བཞི་པ་ཚང་ཡུལ་མདོ་སྨད་དུ་འཁྲུངས་པ་དེས་རྒྱ་ནག་ལ་བོད་ཀྱི་ཆབ་སྲིད་ཀྱི་རྩོད་ཁོངས་གསལ་བོ་ཞིག་ཕྱེ་བ་ལྟར། ཨ་ཀྱཱ་ཚང་ཡང་རྒྱལ་བ་རིན་པོ་ཆེ་ཚང་གི་ཕྱག་ཡུལ་དང་ཁད་ཉེ་བའི་བོད་ཀྱི་དགོན་ཆེན་སྟེ། རི་བོ་དགེ་ལུགས་པ་ཚང་གི་སྲོལ་འབྱེད་མཁན་རྗེ་ཙོང་ཁ་བ་ཚང་གི་འཁྲུངས་ཡུལ་དགོན་པ་དེའུ་དགོན་བདག་བླ་མ་ཡིན་སྟབས། ཕྱི་ནང་གི་ཆབ་སྲིད་གང་གི་ཐད་ནས་ཀྱང་ཤུགས་བཙན་པ་བཅས་ད་དུང་མུ་མཐུད་དུ་བགྲང་ན་མང་མོད་གནས་སྐབས་འདི་ཙམ་གྱིས་སྐུ་ཉིད་ལ་ཐུགས་ཕན་གསོས་པར་འདོད་དོ།

ང་ལ་རྒྱབ་གཉེར་གནང་མཁན་ཡོད་ན། ངེས་པར་དུ་ཁ་གསང་བོའི་སྒོ་ནས་འབུད་རོགས། ང་ཚོས་བོད་ཀྱི་མ་འོངས་པའི་ཆབ་སྲིད་ཀྱི་དབུ་ཁྲིད་དེ་སྤྱི་ཚོགས་སྟེང་མངོན་གསལ་གྱིས་སྒྲོག་གོ

རྒྱ་གར་མི་རིགས་འདི་ཚོར་མ་སྡིགས་མཁས་གྲུབ་དུ་མའི་བུ་རྒྱུད་རེད། །
འདི་ཚོས་བཤད་པའི་བདེན་པ་དེ་ལ་སོ་ནི་གན་དེས་བརྩི་འཇོག་གིས། །
རྒྱལ་ཁའི་འབྲས་བུ་གཞན་ལ་སྤྲད་དེ་རང་ཉིད་ཚེ་སྲོག་རང་གིས་བསྐྱབས། །
འདི་ཡིས་རྒྱ་གར་འབངས་མི་དུང་ཕྱུར་ད་དུང་མ་ཤིའི་གཏན་ཚིགས་སྟོན། །

བོད་དོན་འདི་ནི་སྲིད་དོན་ལོས་ཡིན་མི་རིགས་ཤིག་གི་ཤི་གསོན་མཚམས། །
བོད་དོན་འདི་ནི་ཆོས་དོན་རེད་ཡ་འགྲོ་བ་དུ་མའི་བདེ་སྡུག་རྩོད། །
བོད་དང་རྒྱ་མི་གཉིས་ཀས་ཁས་ལེན་ཀརྨ་པ་འདིའི་འཕྲིན་ལས་ཀྱིས། །
བོད་རྒྱ་གཉིས་ཀའི་རྩོད་རྙོག་འདི་ནི་ཇ་ཞིག་འཐུང་བའི་ཡུན་ལ་སེལ། །

རེད་ཡ། ཞང་ཀང་ལ་ལྟེ་ཁྲག་འཕོས་པའི་རྐྱེན་གྱིས་རྒྱ་རྒན་དེས་ཐེ་ཝན་ཚང་ལོག་ལོག་བྱས་ནས་རྒྱ་ནག་གི་ལག་ཏུ་རྩིས་སྤྲོད་བཞིན་པ་མ་ཡིན་ནམ། འབྲས་ནི་ཕྱི་ལོགས་ནས་སྐྱེས་པའི་འབྲུ་རིགས་དང་། ཁྲག་ནི་ནང་ལོགས་ནས་འཛགས་པའི་ལུས་ཟུངས་རེད་ཡ། གྲོགས་པོ།

དྲིན་ཆེན་ཚོ། ཨ་རིའི་སྲིད་འཛིན་ལ་ས་སྐྱེས་རྡོ་སྐྱེས་ཀྱི་ཨ་རིའི་མི་སེར་ཞིག་དགོས་པ་བཞིན། བོད་པའི་བཀའ་ཁྲི་དེ་ཡང་ཕ་མ་གཉིས་ཀ་བོད་པ་མིན་ཡང་ཕ་མ་གང་རུང་བོད་པ་ཡིན་པ་ཞིག་དགོས་ཀ དེ་མི་དགོས་ན།
བོད་དོན་དོན་གཉེར་རྒྱ་མི་སྐྲག་ས་ཆབ་སྲིད་བཙོན་པ་ཝེ་ཅིང་ཧྲིན། །
རྒྱ་བོད་ཆབ་སྲིད་མཁས་པའི་ཡང་རྩེ་བོད་ཀྱི་མག་པ་ཝང་ལིས་ཞོན། །
འདི་གཉིས་གཅིག་གིས་བོད་པ་ཚང་གི་བཀའ་བློན་ཁྲི་བ་བྱས་གྱུར་ན། །
རྒྱ་མིས་ཡིད་ཆེས་བོད་པས་ཁས་ལེན་བོད་རྒྱའི་དཀའ་རྙོག་ཅིས་མི་སེལ། །

སྤྱིར་མིའི་རིགས་རུས་འཆོ་འབྲིང་འདེད་པ་འདི་ཡག་རྟགས་ཅི་ཡང་མ་རེད། མི་སུ་ཞིག་ལ་སྤྱི་ཚོགས་དེའི་ནང་ཡོན་ཏན་དང་འཇོན་ཐང་ཡོད་ན་འགྲིག་པ་རེད། རྭ་ལོའི་བསམ་ཚུལ་དེ་ཡག་པོ་འདུག འོན་ཀྱང་རིན་པོ་ཆེ་ཁོང་བཙན་བྱོལ་སྤྱི་ཚོགས་དང་འབྲེལ་འདྲིས་རྒྱུན་རིང་བྱུང་མེད་སྟབས་ཕྱག་ལས་གནང་ཕྱོགས་ལ་དཀའ་ངལ་ཕྲད་མི་སྲིད་པ་མ་རེད། ང་ཚོའི་སྤྱི་ཚོགས་འདིའི་སྦུགས་ན་ད་དུང་ས་འོག་དར་འཐག་གི་རྒྱུན་འགེེགས་མེད་ལ་རྒྱལ་བོ་ཕུག་འདུག་བྱེད་མཁན་མང་། འབྱུང་རྒྱུར་བོད་རྒྱ་ཞི་མོད་ཞེས་བ་ཞིག་ཡང་བསྐྱར་བྱུང་ན་རིན་པོ་ཆེ་ཁོང་སློབ་སྟོན་པའི་ནང་ངེས་བར་དུ་བཞུགས་ན་དགོས་ཕན་འདུག

དྲིན་ཆེན་པོ། ཨ་ཀྱ་རིན་པོ་ཆེ་ལགས་སོག་པོ་རེད་ཡ། བོད་པ་འབུམ་གཅིག་གི་ནང་ནས་བཀའ་ཁྲི་ཐེབ་ཆག་ཅིག་མ་རེག་པའི་དཀའ་ངལ་འདུག་གི་ཟེར་ན་ངའི་རྣ་བར་མི་འགྲོ།
སོག་པོས་བོད་ཀྱི་སྲིད་དབང་བཟུང་ཉིན་སྡེ་སྲིད་སངས་རྒྱམ་གང་དུ་སོང་། །

བཀའ་བློན་ཁྲི་བ་འདི་གྲ་བ་ཞིག་ཡོང་རྒྱུ་ཡིན་ན་ཁོས་སྡོམ་པ་ལྷ་ལ་ཕུལ་ཏེ་བཀའ་ཁྲིའི་ལས་འཁུར་འདི་འགོ་བཙུགས་པའི་ཉིན་ནས་སྐྱ་ཆས་གྱོན་དགོས། ཆོས་དོན་ལས་ཁུངས་གཅིག་བུ་མ་གཏོགས་གྲ་བའི་བཀའ་བློན་ཞིག་དགོས་བ་མི་འདུག
མི་སྐྱ་ཞིག་ཡིན་ན་རྒྱལ་སྤྱིའི་གནས་བབ་མཁྱེན་པའི་ཐོགས་རྒྱ་ཡིག་བོད་ཡིག་གཉིས་ཀ་ཤེས་མཁན་ཞིག་ཡིན་ན་རབ་རེད། ན་ནིང་བོད་ནང་ནང་དུ་གནས་ཚུལ་ཛ་དྲག་ཡིན་དུས་ལྡི་ལི་གསར་བ་དང་ཕ་རིས་སི་སོགས་ནས་ཐད་གཏོང་བརྙན་འཕྲིན་བརྒྱུད་དེ་རྒྱའི་མགྲིན་ཚབ་པ་དང་བོད་ཀྱི་མགྲིན་ཚབ་པ་རེ་སྐད་བཏང་ནས་བཅར་འདྲི་བྱེད་སྐབས་རྒྱའི་མགྲིན་ཚབ་པས་ཟླ་ཐོ་ཚེས་གྲངས་དང་ས་མིང་ཆུ་མིང་སོགས་གཅིག་གཅིག་གཉིས་གཉིས་ཀྱིས་རྫུན་བཤད་རྒྱུ་འདུག འོན་ཀྱང་ང་ཚོའི་མགྲིན་ཚབ་པ་ཚོས་ད་དུང་ཡང་༥༩ལོ་བར་གྱི་བྱུང་རབ་གོ་ཐོས་རྣ་ཐོས་ཙམ་ལས་དེང་སང་བོད་ནང་གི་གནས་ཚུལ་རེ་རེ་ཕར་ཤོག ཐ་ན་རྫོང་ཁག་གང་ཞིག་ཏུ་མི་ཅི་ཙམ་འཛིན་བཟུང་དང་བསད་དམས་བྱུང་ཡོད་མེད་ཀྱང་བཤད་རྒྱུ་མི་འདུག་སྟབས། ད་ང་ཚོས་ང་ཚོ་ལ་བདེན་པ་ཡོད་ཅེས་རང་ཉིད་ལ་བདེན་ཁ་སྤྲད་ནས་འདུག་ཐབས་ཁོ་ན་མི་བྱེད་པར་བོད་ནང་གི་གནས་ཚུལ་ལ་མཁྱེན་རྟོགས་ཡོད་མཁན་ཞིག་ངེས་བར་དུ་དགོས་ཀྱི་འདུག

བཀའ་བློན་ཁྲི་བ་རྗེས་མ་དེ་ཁ་ལས་ལག་པ་འགུལ་ཤེས་མཁན་ཞིག་ཡིན་ན་ཅི་མ་རུང༌། ང་ཚོའི་མི་རེ་ངོ་རེས་དེ་ལ་བསམ་བློ་གཏོང་དགོས་པ་ཞིག་ཏན་ཏན་ཡིན།