གསོ་
གསེར་ཐམ། Golden Seal
རྒྱུན་སྤྱོད་མིང༌། མདོག་སེར་རྩ་བ། ཡུང་རྩ།
ལ་ཊིན་མིང༌། Hydrastis canadensis
བེད་སྤྱོད། རྩ་བ།
སྐྱེ་དབྱིབས། འདི་ནི་ཨ་རིའི་ཡུལ་དུ་ལོ་མང་སྐྱེ་བའི་རྩ་ལྡུམ་ཞིག་ཡིན། ཤིང་ནགས་མཐུག་པོའི་གསེབ་དང་སྤང་རླན་ཁུལ་དུ་སྐྱེ། རྩ་བ་མཐུག་ལ་སེར་པོ་མདུད་རིལ་ཅན་ཁ་སྤུ་ཕྲ་ཞིབ་སྐེ་བར་མཐོ་ཚད་ཁྲུ་གང་ཙམ་ཡོད། ལོ་མ་ལག་དབྱིབས་འདབ་ཉག་ལྔ་རེ་འདོགས་པ། སྡོང་རྐང་གི་རྩེ་མོར་མེ་ཏོག་གི་གང་བུ་ཁེར་འདོགས་ལ་ལོ་འདབ་ལྗང་དཀར་ཅན་མེ་ཏོག་བཀད་རྗེས་ལྷུང་འགྲོ་བ། འབྲས་བུ་སེའུ་ཆུང་མདོག་དམར་འབྲུ་གུ་གཉིས་འདོགས་པ་ཞིག་ཡིན།
རོང་དང་ངོ་བོ། རོ་ཁ་ལ་བསྐ བ༌། ངོ་བོ་བསིལ།
ཕན་ནུས། དེ་སྔ་ཨིན་ཌི་ཨན་མི་ཡིས་པགས་ནད་དང་རྨ་རུལ། གྲང་གཞིའི་ནད་ལ་བེད་སྤྱོད་བྱེད། དེང་དུས་ཆམ་པ་དང་གློ་བའི་ནད། མིག་ནད། བུད་མེད་ཀྱི་མཚན་མའི་གཉན་ཚད། སྐབས་རེར་འབྲས་ནད་ཀན་སར་ལ་ཡང་བེད་སྤྱོད་བྱེད། གཞན་ཡང་མཁྲིས་པ་དང་མཆིན་ནད་དུགས་ཐབས། པགས་ནད་ཟ་རྐོང༌། ཟླ་མཚན་ནད། རྣག་སྐྲངས། ཟ་ཁུ་གཅིན་སྙི། མིག་གི་སྐྱ་འགྲིབ་བཅས་ལ་ཕན།
སྤྱོད་སྟངས། རྩ་བ་བསྐམས་ཏེ་ཇ་དང་ཁཎ་ཊ་བཟོ་བ། ལྡེ་གུ་བཟོས་ཏེ་རིལ་ལེབ་དང་ཁེབས་ཟོ་བཟོ་བར་སྤྱོད། རྩ་བ་ཞིབ་བརྡུངས་ཀྱི་ཕྱེ་མ་ཆུ་སྐོལ་དུ་བཏབ་སྟེ་བསྒྲུང་ཐང་བཟོས་ཏེ་ཉིན་རེར་ཇ་ཁེམ་གཅིག་ནས་གཉིས་རེ་འཐུང་བའམ་བུད་མེད་ཀྱི་མཚན་མ་གཙང་བཀྲུ་བྱེད་པ། རྩ་བ་རྡོག་པོའི་བསྒྲུང་ཇ་ཡིས་པགས་ནད་རྨ་སྐྲངས་རིགས་བཀྲུ་བར་བྱེད།
དོ་སྣང༌། རྗེན་པ་ཟོས་པས་རྨ་དང་པགས་སྐྱིའི་གཉན་ཚད་སློང༌། ཞེ་མེར་ལང་བ་དང་སྐྱུགས་པར་བྱེད། སྦྲུམ་མ་དང་ཕྲུ་གུར་འོ་མ་སྟེར་མཁན་ཨ་མ། ཕྲུ་གུ་དམར་འབྱར་དང་བྱིས་པས་བསྟེན་མི་རུང༌།
David Frawley & Vasant Lad “The Yoga of Herbs” དང་ NCCAM “Herbs at Glance” དང་ John Lust”The Herb Bood” བཅས་ལ་དཔྱད་གཞི་བྱས།
