འཐག་བཞིན་པའི་སེམས་ལུགས། གསུམ་པ།

ཤ་ཁྲག་རུས་གསུམ་དྲ་ཐོག་ཏུ་ཕེབས་པ་ནས་ད་བར་སྐུ་ཉིད་ལ་གོ་སྐབས་གང་མང་ཞིག་བྱུང་སོང་། སྐུ་ཉིད་རྩོམ་གྱི་སྒྱུ་རྩལ་དང་ཡི་གེའི་དག་སྡེབ་སོགས་ལ་ཡར་རྒྱས་ཤུགས་ཆེན་ཕྱིན་པའི་ཚོར་སྣང་དང་མྱོང་སྣང་གཉིས་བྱུང་བས་ད་དུང་སྐུ་ཉིད་ཀྱིས་འབད་བརྩོན་གནང་རོགས་ལ། ཕྲན་སོགས་དྲ་གྲོགས་ཚོར་ཡང་ཁྱེད་ཀྱི་ཡི་ཐང་མ་ཆད་པའི་སེམས་ཀྱི་ཕོ་ཉ་དེའི་བགྲོད་ཚུལ་དང་བགྲོད་སྟངས་ཤིག་ང་ཚོར་གསུངས་དང་།

བཅོས། འགྲུབ་པའི་ནུས་པ་ང་ཚོས་མི་ཤེས་ཀྱང་།།

བདེན་དོན་ཀ་བ་སྲོང་པོས།།
ལུགས་མཐུན་ལྕམ་དྲལ་འདེགས་སྐབས།།
ཞི་བདེའི་ཁང་ཁྱིམ་ནང་ནས།།
རིགས་མཐུན་དྲ་གྲོགས་མཇལ་བྱུང་།།

དྲ་གྲོགས་བོད། ཤ་ཁྲག་རུས་གསུམ་ལ།

རྒྱ་རིང་ས་མཐའི་དྲ་གྲོགས་ལྷག་བསམ་ཅན། །
ཤ་ཁྲག་རུས་གསུམ་མིང་ཅན་འདི་རུ་ཉོན། །
ཁྱེད་ཀྱི་ལྷག་བསམ་དྭངས་མའི་བསམ་ཚུལ་དེ། །
ང་ཡི་ཡ་ཆུང་སེམས་ལ་ཆུ་ལྟར་བཞུར། །

ང་ནི་བདེན་དོན་སྐྱོང་བའི་བུ་ལ་དགའ། །
ང་ནི་དྲང་གཏམ་སྨྲ་བའི་གྲོགས་ལ་དགའ། །
ང་ནི་སེམས་རྒྱུད་བཟང་བའི་རིགས་ལ་དགའ། །
ང་ནི་ཁྱོད་ལྟའི་དྲ་གྲོགས་རྣམས་ལ་དགའ། །

རང་གི་བྱས་ཉེས་རང་གིས་ངོས་ཟིན་པས། །
ཁྱེད་ཀྱིས་གསུངས་པ་ང་ཡིས་ལེགས་སོ་ཞུ། །
དྲང་བདེན་སྐྱོང་བའི་ཁྱོད་ལྟའི་དྲ་གྲོགས་ཤིག །
དེ་རིང་འདི་རུ་ཕེབས་པར་སྐལ་བ་བཟང་། །

རེ་འགས་ཁྱོད་ལ་ཚོགས་གཏམ་བཏང་བ་མཐོང་། །
རེ་འགས་ཁྱོད་ལ་བསྟོད་བསྔགས་བྱེད་པ་ཐོས །
འགའ་ཞིག་བར་མར་གནས་པ་འགྲོ་ལུགས་ཙམ། །
ང་ནི་ཁྱོད་ཀྱི་གཤིས་ལ་ཤིན་ཏུ་དགའ། །

ཁྱོད་ལྟའི་དྲ་གྲོགས་སེམས་རྒྱ་ཡངས་པ་ཞིག །
དྲ་ཐོག་འདི་ན་མེད་ཅེས་བརྗོད་སྤོབས་ཀྱང་། །
གཡམ་ལ་རྒྱུག་མཁན་རེ་འགས་འུ་གཉིས་ལ། །
དོན་མེད་ཚིག་གིས་མདའ་གཞུ་བསྣུན་ལ་སྐྲག །

དེ་ལྟ་ལགས་པས་མང་དུ་འཆད་མི་འགྱུར། །
དོན་མེད་ཚིག་གིས་སྤྲོས་པ་ཙམ་ཞིག་ལས། །
ང་ཡི་གཏམ་ལ་ཆ་འཇོག་ཆེན་པོ་མེད། །
གཞན་གྱིས་མཐོང་ན་གད་མོ་འཆོར་བའི་རྒྱུ། །

གོང་གི་མཆན་དེ་ཕྲན་གྱི་ཟིན་བྲིས་སུ་བཞག་ནས་དེ་རིང་དང་ཉིན་ ༡༡ ཕྱིན་སོང་། དེ་ནི་ཁྱེད་ཀྱིས་བདག་ལ་བཞག་པའི་མཆན་ཞིག་གི་ལན་དུ་ཕུལ་བ་ཡིན་པས་གཟིགས་པར་འཚལ།