སྐུ་ཉིད་དྲ་ཚིགས་འདིས་འགན་འཁུར་བ་ཡིན་སྟབས། དངོས་ནས་སྐད་ཆ་གང་ཞིག་བཤད་ཀྱང་ནུས་པ་གཏན་ནས་མེད་པ་ཞིག་གཏན་ནས་མིན། ཡིན་ཡང་སྐད་ཆ་གང་ཞིག་དྲ་ཐོག་གི་སྤུན་ཟླ་དག་ལ་བཤད་དགོས་མིན་དེ་ཡང་སྐུ་ཉིད་ཀྱིས་གང་གཟབ་གཟབ་བྱོས་དེ་གསུང་རྒྱུ་དེ་ནི་སྐུ་ཉིད་ཀྱིས་དྲ་ཚིགས་འདི་ལས་ཀྱང་གལ་ཆེན་ཆགས་ཡོད། གང་ཡིན་ཟེར་ན་དྲ་ཚིགས་འདི་ཀློག་མཁན་འཛམ་གླིང་གི་ཁུགས་སོ་གང་སར་བསྡོད་པའི་བོད་མི་བོད་ཞེན་དང་བོད་ཡིག་གི་ཚེ་སྲོག་ལ་འགན་འཁུར་འདོད་ཡོད་མཁན་གང་མང་ཞིག་གི་མིག་གི་སྤྱོད་ཡུལ་དུ་འགྱུར་བཞིན་ཡོད་པ་རེད། འདི་ནི་དྲ་ཚིགས་འདིའི་འབྱུང་འགྱུར་དང་དྲ་ཐོག་དུ་མི་མང་ཞུགས་ཐུབ་མིན་གྱི་གནད་དོན་ཞིག་ལ་ཡང་ཐུག་ཡོད་པ་སྐུ་ཉིད་ཀྱིས་ཀྱང་མཁྱེན་གསལ་རེད། ངས་གླེང་བཞིན་པ་ནི་སྐུ་ཉིད་ཀྱིས་གོང་བཀོད་རྩོམ་ཡིག་འདི་ལ་རིན་ཐང་མི་འདུག་ཟེར་ནས་བཤད་བཞིན་མེད་པར་རྩོམ་ཡིག་འདི་འདྲ་མ་སྤེལ་གོང་དུ་རྩོམ་ཡིག་སྤེལ་རྗེས་ཀྱི་མཇུག་འབྲས་ལ་བསམ་བློ་གཏོང་ཐུབ་དགོས་ཀྱི་ཡོད་པ་དེ་ཙམ་གླེང་བ་ཡིན། འོན་ཀྱང་། ང་རང་གི་ལྟ་ཚུལ་འདི་ཉིད་མཐའ་གཅིག་དུ་སྐུ་ཉིད་ཀྱིས་ངོས་ལེན་བྱེད་དགོས་པའི་དོན་དག་མ་ཡིན་པར་སྐུ་ཉིད་ལ་དྲན་སྐུལ་ཙམ་རེ་ཉན་ན་བསམ་ནས་བསམ་ཚུལ་ཐུང་ངུ་ཞིག་འདི་རུ་བྲིས་པ་ཡིན། དཔེར་ན། དྲ་ཚིགས་འདི་ནས་དྲ་གྲོགས་ཤིག་གིས་རང་གི་ལྟ་ཚུལ་མུ་མཐུད་དུ་བོད་མི་དྲ་ཐོག་པ་ཡོངས་ལ་གླེང་མ་ཐུབ་པར་ཁ་གྱེས་པ་དེ་ཡང་གནད་དོན་གཞན་ཞིག་ནས་སྐུ་ཉིད་ཀྱི་བཀའ་སྲུང་དང་ལེན་བྱས་དེ་འགྲོ་བཞིན་ཡོད་པ་གསུང་བ་ལྟ་བུ་རེད།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།