བོད་ཀྱི་དུས་བབ་ལྷན་རྒྱས་ལ།
ཕྲན་གྱི་དེབ་བཀོད་འགྲིགས་པར་བཀྲིན་ཆེ། ཁྱེད་རྣམས་ཀྱི་གསར་ཤོག་དང་པོ་གསར་འཛུགས་སྐབས་ཕྲན་རང་བལ་ཡུལ་ནས་བཞུགས་སྒར་ལ་ལས་དོན་ཞིག་གི་ཐོག་ཡོང་བ་ཡིན། དེ་དུས་གངས་སྐྱིད་སྤྱི་ཐབ་ནང་གྲོགས་པོ་ཞིག་གིས་གསར་ཤོག་གསར་པ་ཞིག་ཡོད་སྐོར་དང་གསར་འཛུགས་རྐྱེན་གྱིས་དཔལ་འབྱོར་དགོས་གལ་ཆེ་ལུགས་བཤད་བྱུང། ཉིན་རྒྱབ་གསར་ཁང་ལ་ཆེད་བཅར་གྱིས་དངུལ་འབབ་ཕྲན་བུ་ཞིག་རྒྱབ་སྐྱོར་སླད་ཞལ་འདེབས་ཕུལ་བ་ཡིན།དེ་སྐབས་གསར་ཁང་གི་ལས་ཁུངས་ནང་བུད་མེད་ཅིག་བཞུགས་འདུག ཞལ་འདེབས་ཕུལ་ཟིན་རྗེས་ཁྱེད་རྣམས་དམངས་གཙོ་གསར་ཤོག་ནང་བཞིན་མེད་པ་མ་གནང་རོགས་ཞུས་ཏེ་ཕྱིར་སོང་བ་ཡིན། གསར་ཤོག་འདི་ནས་བོད་དང་བོད་ཀྱི་གནས་ཚུལ་ཙམ་མ་ཡིན་པར་བོད་སྐད་དང་བོད་ཡིག་ཡར་རྒྱས་ཡོང་རྒྱུར་ཕན་ཐོགས་ཆེན་པོ་འདུག བལ་ཡུལ་དུ་བསྡོད་སྐབས་ཧུར་ཐག་བྱས་ཏེ་གསར་ཤོག་ཉོ་གི་ཡོད། འདི་ཁུལ་སླེབས་རྗེས་གསར་ཤོག་ཀླག་རྒྱུ་བྱུང་མ་སོང་། ཉེ་ཆར་དྲ་རྒྱའི་ནང་འཛུལ་བ་ཡིན། སྔར་གྱི་བསམ་བློ་ཡོད་པ་བཞིན་བོད་ཡིག་ལ་དོ་སྣང་ཆེ་རུ་ཕྱིན་སོང། ཡིན་ནའང་དྲ་རྒྱའི་ནང་བསམ་ཚུལ་བརྗོད་སའི་གོ་སྐབས་འདུག་ནའང་བསམ་ཚུལ་མང་པོ་ཞིག་ཧ་ལས་པའི་སྡུག་པོ་དེ་འདྲ་འདུག་ན་བོད་ཀྱི་དུས་བབ་ཀྱི་ཆེ་མཐོང་ལ་གནོད་སྐྱོན་ཆེན་པོ་འགྲོ་རྒྱུ་ཙམ་མ་ཟད་སྤྱི་ཚོགས་ནང་དགོས་མེད་གླེང་སྙོགས་མང་པོ་བཟོ་ས་ཞིག་འདུག་སྙམ་ཏེ་བློ་ཕམ་ཡང་བྱུང་། གཞན་གྱི་བྱེད་ཐབས་གང་ཡང་མེད་ནའང་སོ་སོའི་བསམ་ཚུལ་དེ་ཞུས་ན་གཅིག་བྱས་ན་ཕན་ཐོགས་འདྲ་ཡོང་སྲིད་སྙམ་ནས་དེ་རིང་སྤོབས་པ་ཕྲན་བུ་བྱུང་བ་ལྟར་འདི་ནང་བཀོད་པ་ཡིན། ཕན་ཐོགས་ཕྲན་བུ་འདུག་ན་དགོངས་བཞེས་གནང་རོགས། མེད་ན་བསམ་ཚུལ་གང་ཡང་མེད། ཐུགས་རྗེ་ཆེ། མཐར་བདེ་པོ་བྱོས།
ཕྲེང་ཟུར་དོན་གྲུབ་ཆོས་འཕེལ་ནས་མཛའ་བརྩེ་དང་བཅས།།
དྲ་གྲོགས་ཕྲེང་ཟུར་ལགས། ངོ་མ་ཉིད་ཀྱི་བསམ་ཚུལ་དེ་བཀླགས་རྫེས་དགའ་བ་ཚད་མེད་སྐྱེས། དམིགས་བསལ་ཉིད་ཀྱིས་བོད་ཀྱི་དུས་བབས་ཁང་གི་བདེ་སྡུག་ཁོ་ན་བསམ་ནས་ཞལ་འདེབས་ཕུལ་པ་སོགས་མཐོང་འོང་དུས་སེམས་བསམ་པའི་སྟངས་ནས་ཡིག་འཕྲེང་འདི་ཨུ་ཚུགས་ཀྱིས་རྒྱག་དགོས་བྱུང་། སྤྱིར་བདག་ལ་མཚོན་ན་བསམ་བློ་དང་བོད་ཡིག་གི་ཚད་གཞི་ཧ་ཅང་སྐྱོ་ལ། ཡང་དགོས་སུ་མི་ལ་སྟོད་པ་དང་དམོད་མོ་བྱེད་རྒྱུ་ནི་ཧ་ཅང་སྐབས་སུ་མ་བབས་པར་སྣང་། འོན་ཀྱང་དེ་རིང་བདག་གི་ཁྱེད་ཀྱི་བསམ་ཚུལ་དེ་མཐོང་རྗེས་ངོ་མ་ཡག་པོ་འདུག་དང་བཀའ་དྲིན་ཆེ་ཞུ། ང་ལ་མཚོན་ན་བོད་ཀྱི་དུས་བབས་ཀློག་རྒྱུ་དགའ་ལ་ཉིད་ཀྱི་བསམ་ཚུལ་སྣང་བཞིན་སྔ་ས་ནས་སླེབས་མྱོང་མོད། ཤེས་མེད་འཇོན་མེད་ངང་དེ་རིང་བར་དུ་ལུས་སོང་ལ་བསམ་ཚུལ་དེའི་རིགས་མུ་འཐུད་དུ་སྤེལ་རོགས་ཞུ་རྒྱུ་ཡིན།
དྲ་གྲོགས་བདེ་ཆེན་སྒྲོལ་མ་ལགས་དང་ཟུར་མཐོང་ལགས་གཉིས་ནས་ཕྲན་གྱི་བསམ་ཚུལ་ལ་རྒྱབ་སྐྱོར་གྱིས་བསམ་འཆར་འདོན་གནང་མཛད་པར་བཅོས་མིན་བཀྲིན་ཆེ་ཞུ་བ་ཡིན། ༼མདོ་དབུས་ཁམས་གསུམ་སྐྱིད་སྡུག་མཉམ་མྱོང་༽གི་ནུས་པ་ཞིག་བསྐྲུན་ཐུབ་ན་འཕགས་པ་སྤྱན་རས་གཟིགས་ཀྱི་ཞབས་འོག་དུ་འཚུད་པའི་ངེད་གངས་ཅན་པ་རྣམས་ལ་བདེ་སྐྱིད་ཀྱི་ཉི་མ་ངེས་པར་ཡོང་། བཀྲ་ཤིས་བདེ་ལེགས།།
ཕྲེང་ཟུར་ལགས་ཀྱིས་དགོངས་ཚུལ་གནང་བར་ཐུགས་རྗེ་ཆེ། ཁྱེད་ཀྱིས་གསུངས་པ་ལྟར་མི་ཁ་ཤས་ཀྱིས་འཕྲལ་ཕུགས་གང་ལའང་མི་ཕན་པའི་འཕུང་དཀྲུགས་བཟོ་བཞིན་འདུག འོན་ཀྱང་ཁོ་ཚོར་བསམ་བློ་གཏོང་མི་དགོས་པར་ལན་ཞིག་ཡོད་པ་ནི་མང་གཙོ་རེད། ཅི་བཤད་ང་ཡི་འདོད་པ་རེད་ཅེས་པ་འདི་རེད། བདེན་པ་རེད། འོན་ཀྱང་ཆོལ་ཁ་དང་ཆོས་ལུགས་ཀྱི་བར་ལ་འགལ་བ་བཟོ་ཅི་ཐུབ་བྱེད་པ་འདི་ཚོའི་བྱེད་སྟངས་ལ་རྩོམ་སྒྲིག་པའི་ངོས་ནས་བསམ་བློ་གཏོང་དགོས་པ་འདུག
ཕྲེང་ཟུར་དོན་གྲུབ་ཆོས་འཕེལ་ལགས་ཀྱིས་ཆར་བ་དུས་ཐོག་གི་ཚུལ་དུ་བསམ་འཆར་གནང་བར་རྒྱབ་སྐྱོར་དང་ཐུགས་རྗེ་ཆེ་ཞུ།
རྩོམ་སྒྲིག་ཁང་གིས་ཀྱང་ཅུང་ཙམ་ལག་ལེན་ལ་ཡོད་པ་བྱེད་རྒྱུ་གལ་ཆེ་གི།