བཀའ་བློན་ཁྲི་པའི་འོས་དམིགས།

ནམ་མཁའ་བསྟན་འཛིན་ལགས། རིན་པོ་ཆེ་མཆོག་གིས་བཀའ་བློན་མིང་འདོན་བྱས་པ་ཚང་མར་བསྟན་འཛིན་མགོན་པོས་དགག་བྱ་བྱས་ཡོད་པ་ཁྱེད་ཀྱིས་མ་མཁྱེན་པ་ག་ལ་ཡིན། ཁོས་ཚང་མར་དགག་བྱས་པ་ནང་ནས་བློ་བཟང་སྙན་གྲགས་ནི་ཁོང་ཚོ་ནང་ནས་གཞོན་སྐྱེས་ཡིན་པ་གང་ཞིག་ལ་ཤེས་འཇོན་གཉིས་ལྡན་ཡིན་པ་མ་ཟད། སྐབས་སྔོན་མའི་བཀའ་ཤག་སྐབས་ཁོང་ནི་བཀའ་ཁྲི་མཆོག་གི་ཕྱག་གཡས་པ་ལྟ་བུ་ལས་དོན་ཁག་གྲུབ་འབྲས་དམིགས་བསལ་ཐོན་ཡོད་པས་མི་རིགས་ལ་ལྷག་བསམ་དཀར་བའི་འབྲེལ་ཡོད་མི་སྣ་མང་པོས་ཡིད་ཆེས་དང་གདེང་འཇོག་བྱེད་ཀྱི་ཡོད། ཡིན་ནའང་མི་ངན་འགའ་ཤས་ཀྱིས་ཕྱི་དགྲ་མེད་པས་ནང་དགྲ་ལྟ་བུ་ཕ་རོལ་རྒྱ་དམར་གྱི་དཔོན་རིགས་བྱེད་སྟངས་ལ་གང་ཡང་མི་བྱེད་པར། ནང་ཁུལ་ཤེས་འཇོན་དང་དང་ལྷག་བསམ་ལྡན་པའི་མི་སྣ་གང་མང་ལ་ཁ་དགྲ་སྣ་དགྲ་བསག་གང་ཐུབ་བྱེད་ཀྱི་ཡོད་པ་ཀུན་གྱི་ཤེས་གསལ་ཡིན་པས། དེ་ནི་གཡོན་ཐལ་ཅན་གྱི་ལྟ་ལངས་ཕྱོགས་དང་ལྟ་བ་ཞིག་རེད། ཞིབ་ཕྲ་བསྐྱར་བརྗོད་དགོས་དོན་མེད། སྤྱིར་བསམ་ཚུལ་བཤད་རྒྱུ་མཚན་རྒྱབ་ལྗོངས་ཡོད་དགོས་ཤིག ཁྱེད་རང་ལྟ་བུ་རྒྱུ་མཚན་མེད་པའི་སྤྱི་ནང་གི་དཀྲོག་གཏམ་གྱི་སྐད་ཆ་གཞི་བཞག་བྱས་ཏེ་མི་གཞན་ལ་སྐྱོན་བརྗོད་བྱས་པ་རྒྱུག་ཁྱི་མིན་གང་ཡིན། ངས་རྒྱུག་ཁྱི་ཟེར་བཤད་པ་མ་གཏོགས་སོ་བ་ཉུལ་མ་སོགས་གང་ཡང་བཤད་རྒྱུ་མ་བྱུང༌བས། ངའི་སྐད་ཆ་བཟོ་བཅོས་མ་བྱེད་རོགས།

ནམ་མཁའ་བསྟན་འཛིན་ལགས། ཁྱེད་རང་ཐོགས་མར་བསྟན་འཛིན་མགོན་པོའི་རྒྱབ་ཏུ་སུ་མེད་དང་ཁོ་ཚོར་སྔོན་ཚུད་ནས་ཆར་གཞི་ག་འདྲ་ཡོད་མེད་ཤེས་ཀྱི་ཡོད་དམ། སྤྱི་ཚོགས་གྲོས་ཚོགས་དེ་བསྟན་མགོན་གྱི་ལག་ཏུ་མེད་ནའང་ཁོ་དང་མཉམ་དུ་ཁོག་གཅིག་ཡིན་སྤྱི་མཐུས་ཉུང་ཉུང་ཞིག་མིན་ཧ་གོ་དོན་གསལ་རེད། ཁོ་ཚོས་བློ་བཟང་སྙན་གྲགས་བཀའ་བློན་བགག་པ་བྱས་པ་དེ་བློ་བཟང་སྙན་གྲགས་ལ་མི་དགའ་བ་མ་ཡིན་པར། བཀའ་ཀྲི་ཟམ་གདོང་རིན་པོ་ཆེ་ལ་ཆེད་དུ་གནག་གནག་བྱས་པ་ཞིག་ཁྱེད་ཀྱི་མཁྱེན་གྱི་ཡོད་དམ། ཁོས་ཆེད་དུ་ཟམ་གདོང་རིན་པོ་ཆེ་ལ་གཞི་དཀ྄ོག་གཏམ་དང་ངོ་རྒོལ་ལས་འགུལ་ག་ཚོད་སྤེལ་མྱོང༌། ཁོས་དམར་པོ་གཞུང་ལ་ཟས་གཅད་ངོ་རྒོལ་གྱས་ལས་འགུལ་སྤེལ་མྱོང་མེད་ཅིང༌། ཟམ་གདོང་རིན་པོ་ཆེ་ལ་ངོ་རྒོལ་གྱིས་ཟས་གཅད་ངོ་རྒོལ་བྱས་མྱོང་ཡོད། ཁྱོད་ཟུར་བོ་གནས་པའི་མི་ཞིག་ཡིན་ན་དེའི་ལྟ་ཚུལ་ག་རི་ཡོད་དམ།
ཕལ་ཆེར་ཁྱེད་རང་བཙན་བྱོལ་གཞུང་གི་སྲིད་ཇུས་དང༌། ལམ་ལུག་ མཐོ་རིམ་མི་སྣ་བསྐོ་བཞག་བྱེད་སྟངས་སོགས་ལ་རྒྱུས་མངའ་གང་ཡང་མེད་པའི་ཚོ་སྣང་བྱུང༌། ཕྱི་རྒྱལ་གཅོད་བསྐོ་བཞག་ཚང་མ་གོང་ས་མཆོག་དང་བཀའ་འབྲེལ་ཞིན་ཞིང་བཀའ་བློན་ཁྲི་དང་བཀའ་ལྷན་རྒྱས་ནས་ཐག་གཅོད་བྱེད་པའི་ལམ་ལུག་མེད་པ་རེད། ངས་བལྟས་ཁྱེད་རང་དཀྲོག་གཏམ་དང་རྒྱུག་ཁྱི་བྱེད་པའི་ཤེས་ཚད་ལས་གཞན་གང་ཡང་མེད་པ་མངོན།

དྲ་གྲོགས་གནས་ཚང་ལགས། ཁྱེད་ཀྱིས་བལྟས་པ་ཡིན་ན་ནི། གསར་འབྱོར་བ་སུ་ཞིག་བཀའ་ཁྲིར་འོས་པོ་འདུག འཚམ་སྤྱོར་རེ་བྱེད་རྒྱུ་མེད་དམ། ད་གཟོད་ངེད་ཅག་གིས་མི་མང་ལ་གོ་རྟོགས་སྤེལ་བ་ཡིན་ན་ཡག་པོ་རེད། ཕྱོགས་གཅིག་ནས་ང་ཚོས་ད་དུང་གནས་ཚུལ་མང་བོ་ཞིག་ལ་རྒྱུས་ལོན་མེད་པའི་སྐད་ཆ་ཡང་བཤད་ཀྱི་ཡོད་མི་སྲིད་པ་མིན་ན། དེའི་ཐད་དུ་གཟབ་གཟབ་གནང་ན་ཡག་པོ་མེད་འགྲོ

དྲ་གྲོགས་ལགས་གོང་དཀར་ངག་རྣམས་ནས་བློ་བཟང་སྙན་གྲགས་ལགས་བོད་ཀྱི་སྐད་ཡིག་ཐོག་རང་རྐྱ་འཕེལ་ངེས་ཡོད་པ་མ་ཟད། བོད་ཀྱི་སྲོལ་རྒྱུན་རིག་གཞུང་ལ་རྒྱུས་མངའ་ཆེན་པོ་ཡོད། གང་ཡིན་ཟེར་ན་ཁོང་གིས་འདས་པའི་མི་ལོ་ཉི་ཤུ་ལྷག་རིང་བཙན་བྱོལ་སྤྱི་ཚོགས་ནང་ལས་དོན་རྒྱ་ཆེན་པོ་བྱས་ཡོད་ཅིང༌། གྲུབ་འབྲས་ཡང་ངེས་ཅན་ཐོན་ཡོད་པ་དངོས་ཡོད་གནས་ཚུལ་རེད། དེ་བཞིན་ནམ་མཁའ་བསྟན་འཛིན་ལགས་ནས་བློ་བཟང་སྙན་གྲགས་བཀའ་བློན་སྐབས་གཉིས་པའི་དུས་ལ་ཡང་བསྐྱར་མ་སླེབས་པའི་འཇོན་གི་མེད་ཚུལ་གསུང་པ་བདེན་པ་མ་རེད། ཁོང་ཤེས་འཇོན་གཉིས་ལྡན་གྱི་འདྲེན་ཟླ་བྲལ་ཞིང་བྱས་རྗེས་ཡོད་པའི་མི་རབས་གསར་པ་ཞིག་ཡིན་ཞིང༌། བསྟན་འཛིན་མགོན་པོ་ལྟ་བུ་ཕྱོགས་རེས་ཅན་རེ་གཟུང་གིས་ངེས་སྐུལ་དང་འོག་ནས་ཁོང་ལ་སྐབས་གཉིས་པའི་བཀའ་བློན་འོས་བསྡུའི་རྒྱལ་ཁ་ཐོབ་མེད་ཅིང༌། ཡིན་ནའང་ཁོང་གི་ཤེས་འཇོན་དང་མཛད་རྗེས་སོགས་ལ་བརྟེན་༸གོང་ས་མཆོག་གིས་ཨ་རིའི་སྐུ་ཚབ་དོན་གཅོད་ལ་བསྐོ་བཞག་བྱས་ཡོད། ད་ལྟ་མུ་མཐུད་ཕྱག་ལས་གནང་བཞིན་པ་རེད།

བཀུར་འོས་མདོ་སྔགས་བསྟན་འཛིན་ལགས།
ཁྱོད་ཀྱིས་འདི་ལྟ་བུའི་ལས་འགུལ་ཞིག་སྤེལ་པ་སེམས་གཏིང་ནས་ཐུགས་རྗེ་ཞུ།
གོང་དུ་མང་བོ་ཞིག་གིས་འདིའི་ནང་ན་བཀའ་ཁྲིའི་རྐུབ་སྟེགས་ལ་འོས་མཁན་ཞིག་མི་འདུག་ཟེར། ངས་བལྟས་ན་འདིའི་ནང་ན་མེད་ན་ཕལ་ཆེར་མེད་པ་འདྲ་ཞེས་བཤད་ཆོག མི་སུ་འདེབས་རྒྱུ་ཡིན་མིན་རང་རང་གི་ཁེ་དབང་རེད།
ང་ཚོས་མ་ནོར་བ་ཞིག་བྱེད་རྒྱུ་གལ་ཆེ། དཔེར་ན། སྔོན་མ་སྐུ་ངོ་རྒྱལ་ལོ་དོན་གྲུབ་མ་བླུགས་པས་ཅུང་གུད་རྗེས་མ་ཞིག་ལ་ཧ་གོ་ནི་རེད། དེ་དུས་ཚར་རེད། ནོར་བུ་རང་ལ་ཡོད་དུས་ནོར་བུའི་ནོར་ངོ་མ་ཟིན་ཞེས་པའི་དཔེ་ལས་མ་འདས་སོ།
ད་ཐེངས་དེ་འདྲ་མི་ཡོང་བར་ངས་འབོད་སྐུལ་ཞུ།

དྲ་གྲོགས་རྣམས་ཀྱིས་ངེས་པར་དུ་འདི་ལྟབུའི་གནད་འགག་དེ་འདྲའི་ཐོག་ལ་བགྲོ་གླེང་ཟབ་བརླིངས་བྱེད་དགོས་པ་དུས་ལ་བབ་པའི་ལས་འགན་ཡིན། རྣམ་པ་ཚོས་གཡས་ཀྱོག་གཡོན་ཀྱོག་མེད་པར་མདུན་སྐྱོད་བྱེད་དགོས་པའང་དེ་བས་གནད་འགག་ཡིན།

བཀའ་ཁྲི་དེ་ཆོས་སྲིད་གཉིས་ཀར་མཁྱེན་རྩལ་རྒྱས་པ་ཞིག་དགོས་སྟབས་ད་བར་མགོ་སྤུ་འབྱི་འབྱི་བསམ་བློ་བཏང་ཡང་མི་འགྲོ་འདི་འདུག་ཟེར་བ་ཞིག་དྲན་མ་སོང་། གོང་དུ་ཁྱུང་ཚང་གིས་བསམ་ཚུལ་བཀོད་པ་བཞིན་འདི་ཐོག་ཆེད་དམིཊ་བགྲོ་གླེང་གི་དོ་རྭ་ཞིག་བསྐྲུན་ཐུབ་ན་ད་གཟོད་བསམ་བློ་གཏོང་ས་ཡོད་པ་ཞིག་ཡོང་རེ་འདུག་པས་དུས་བབ་འགན་ཡོད་རྣམས་ཀྱི་ཐུགས་ལ་ཅི་ནས་ཀྱང་འདོགས་པར་ཞུ།།

བཀའ་བློན་ཁྲི་བའི་འོས་གཞིའི་ཐད་མང་མང་གིས་གོ་བསྡུར་བྱས་པ་ལས་འབྲས་བུ་ཞིག་མི་རིང་བར་འཆར་དགོས་ངེས་རེད། དེ་བས་འོས་གཞིར་རུང་མི་རུང་ཇི་ལྟར་ཡང་མི་མང་གིས་དམིགས་སྒོར་མཐོང་བའི་འོས་མི་འདི་དག་རེ་རེར་མ་འོངས་བཀའ་བློན་ཁྲི་བའི་འོས་འགན་ནམ་བྱེད་འཆར་སྐོར་ལ་སྲིད་མཐའ་ཅན་གྱི་བཅར་འདྲི་ལྷུག་པོར་བྱས་ཏེ། ཆེད་དམིགས་གླེང་སྟེག་ཅིག་འདི་གའི་དྲ་ཐོག་ཏུ་བཀོད་སྒྲིག་ཞུ་ཐུབ་ན་ད་ལྟ་སྔ་དྲག་མི་འདུག་པ་མིན་ནམ།

སྐུ་ངོ་མདོ་སྔགས་བསྟན་འཛིན་ལགས་ལ་ཐུགས་རྗེ་ཆེ་ཞུ་རྒྱུ། ཁྱེད་ཀྱི་འཁྱེར་ཡོང་པའི་བཀའ་བློན་ཁྲི་པའི་འོས་དམིགས་དེ་དག་ལས་བཕལ་ཆེ་བར་འོས་ཆོས་ཡོད་པར་མཐོང་མ་སོང་། ལྷན་ཁང་སོ་སོའི་བཀའ་བློན་གྱི་འོས་དམིགས་དེ་བཀའ་བློན་ཁྲི་པའི་ལས་འགན་ཡིན་པས་འོས་མི་ཇི་འདྲ་ཞིག་འཁྱེར་ཡོང་མིན་དེ་ཁོ་རང་གི་དབང་ཚད་རེད། ད་ལྟ་ང་ཚོའི་སེམས་ཁྲལ་བྱེད་ས་དེ་བཀའ་བློན་ཁྲི་པ་རེད། ངའི་བསམ་པར་བཀའ་བློན་ཁྲི་པའི་འོས་གཞི་དེ་མི་འདི་དག་ལ་ངེས་ན་དྲ་གྲོགས་ལྷན་རྒྱས་ལ་དགོངས་ཚུལ་གང་ཡོད་གསུངས་རོགས་གནང་།
༡། ཚོགས་གཙོ་སྤེན་པ་ཚེ་རིང་།
༢། ཨ་རིའི་དོན་གཅོད་བློ་བཟང་སྙན་གྲགས།
༣། བཀའ་བློན་ཐུབ་བསྟན་ལུང་རིགས།
༤། བུད་མེད་ཚོགས་གཙོ་ཟུར་པ་བུ་མོ་ཚེ་རིང་།
༥། སྐུ་སྒེར་དྲུང་ཆེ་རྔ་བ་ཚེ་རྒྱམ།
༦། གཞོན་ནུའི་ཚོགས་གཙོ་ཟུར་པ་ཚེ་བརྟན་ནོར་བུ།