སྒོ་ཕྱེ་རོགས ང་ཡོང་གི་ཡོད
ཡུན་རིང་འགོར་བའི་དེ་རིང་ ང་ཡོང་གི་ཡོད
བརྩེ་དུང་དེའི་ཆེད་དུ
ལས་དབང་དེའི་དོན་དུ
ཁྱིམ་གཞི་དེའི་ཆེད་དུ
བདེ་སྐྱིད་དེའི་ཆེད་དུ
ཡོད་ཚད་རང་དབང་དེའི་ཆེད་དུ
ང་ཡོང་གི་ཡོད སེམས་ཤུགས་མ་ཆགས་པར་སྒུག་རོགས
སྒོ་ཕྱེ་དང་ ང་ཁྱེད་རང་གི་སྒོ་འགྲམ་དུ
ནམ་རྒྱུན་ལས་ཀྱང་ཧ་ཅང་གྲང་བའི་དོ་ནུབ་ཀྱི་གནམ་གཤིས་ཁྲོད་དུ
བསམ་གཞིགས་མང་བོ་ཞིག་སྔས་སྟེང་ནས་འབུས་པའི་སྐད་ཆ་ཐོར་བུ་འགའ
སེམས་བསམ་པའི་བྲང་ཁར་སྤས་དེ
ངས་ཁྱེད་རང་གི་སྒོ་ཕྱེ་བར་སྒུག་ཡོད
སྒོ་ཕྱེ་དང་ ང་དངོས་ནས་འཁྱག་གི
སྒོ་ཕྱེ་དང་ ང་དངོས་ནས་ཁྱེད་ལ་ཐུག་འདོད་འདུག
སྒོ་ཕྱེ་དང་ ངས་དངོས་ནས་ཁྱེད་རང་འཇལ་འདོད་ཡོད
སྒོ་ཕྱེ་དང་ ང་ངོ་མ་ཁྱེད་རང་གི་ཆེད་དུ་ཡོང་བ་ཡིན
སྙན་ངག་ལེགས་པོ་འདུག་གསར་རྙིང་གསལ་བོ་མི་ཤེས་གཙོ་བོ་ཡག་དགོས་པ་རེད་མོད།གསར་བ་ཞིག་འབྲི་རྒྱུ་ཡང་གལ་ཆེ་བར་སྙམ།
དྲ་གྲོགས་ར་ལོ་ལགས། ཉིད་ཀྱིས་དྲ་གྲོགས་དགེ་མཐོང་དང་འུ་གཉིས་ལ་བསམ་ཚུལ་གཅིག་པ་བྲིས་པ་དེར་ལྟ་སྟངས་ཀྱང་གཅིག་པ་ཡིན་པར་གསུང་གི་ཡོད་པ་འདྲ། ལོ་ངོ་ཉི་ཤུའི་རིང་གི་སྙན་ངག་འདི་འདྲ་ཞིག་རེད། ལོ་ངོ་ཉི་ཤུའི་རྗེས་ཀྱི་སྙན་ངག་ག་འདྲ་ཞིག་ཡོད་པ་ཡིན་ན། འདིར་དམིགས་དཔེ་ཙམ་ཞིག་བཀོད་ན་འགྲིག་གི་རེད་དམ། གཅིག་བྱས་ན་ང་རང་གི་འདི་ལྟར་འབྲི་དགོས་ཀྱི་ཡོད་པ་འདྲ།
དལ་གྱིས་སོང་ རི་རབ་དང་ཁང་ཁྱིམ་མེད་ས་ནས
ཡུན་གྱིས་བཞུར་བའི་གཙང་བོ་དེའི་འགྲམ་དུ
ཤི་འདས་སླར་གསོན་གྱི་མི་རོ་མང་བོ
ཁྲག་དམར་བོ་རྒྱུག་ཆུ་བཞིན་དུ་བཞུར་དུས
ངེད་ཚང་གི་ཁྱིམ་གཞིའི་ནང་དུ་སུ་ཚང་གིས་གནས་བཅའ་བཞིན་འདུག
ངའི་སེམས་ཤིག་ལ། ངས་སྙན་ངག་འདི་ཐེངས་མ་སྟོང་ཕྲག་ཅིག་ལ་བཀླགས་པའམ། ཡང་ན་ལོ་ ༢༠ ལྷག་གི་རིང་བཀླགས་པའི་ཚོར་བ་འདུག ངོ་མ་ཡིན། ད་བར་དུ་བཀླགས་པ་ཚང་མ་གཅིག་པ་འདྲ་ཞིག་རེད།